Tag: drivers

  • سعودی محکمہ ٹریفک کی گاڑی کے مالکان کو خصوصی ہدایات

    سعودی محکمہ ٹریفک کی گاڑی کے مالکان کو خصوصی ہدایات

    سعودی محکمہ ٹریفک نے گاڑی کے ملکیتی کارڈ یعنی استمارے کی تجدید، اور گاڑی چوری کے بعد کیے جانے والے اقدامات کے حوالے سے وضاحتیں پیش کی ہیں۔

    ایک شخص نے دریافت کیا کہ مملکت میں گاڑی چوری ہو جائے تو کیا کریں؟ حکام کی جانب سے جواب دیا گیا کہ جرائم کے حوالے سے کسی بھی واقعے کی رپورٹ کروانے کے لیے علاقے کے تھانے جانا ہوتا ہے۔

    گاڑی چوری ہو جائے تو اس کے لیے ضروری ہے کہ جس علاقے سے گاڑی چوری ہوئی ہو وہاں کے تھانے میں جا کر چوری کی رپورٹ درج کروائی جائے۔

    گاڑی چوری ہونے کی صورت میں رپورٹ کرنے میں تاخیر قطعی طور پر نہ کی جائے، بلکہ فوری طور پر قریبی ترین تھانے میں دستاویزی ثبوت جمع کروائے جائیں۔

    گاڑی کی چوری کی رپورٹ درج کروانے کے لیے گاڑی کے ملکیتی کارڈ کی کاپی بھی جمع کروائی جائے، اس بات کا بھی خیال رکھیں کہ جس علاقے میں گاڑی چوری ہوئی ہو اسی علاقے کے تھانے میں رپورٹ کروائیں۔

    رپورٹ درج کروانے میں تاخیر نہ کی جائے، اگر ممکن ہو یعنی جیسے ہی گاڑی کی چوری کا علم ہو فوری طور پر ہنگامی نمبر 999 پر ابتدائی اطلاع بھی فراہم کردیں تاکہ ریکارڈ پر آجائے۔

    تھانے میں رپورٹ کروانے کے لیے وہی شخص جائے جس کے نام گاڑی ہو۔ اگر کوئی اور شخص گاڑی کی چوری کی رپورٹ کروائے تو اس کے پاس اتھارٹی لیٹر ہونا ضروری ہے جو گاڑی کے مالک کی جانب سے ڈیجیٹل طریقے سے ابشر کے ذریعے جاری کیا گیا ہو۔

    گاڑی فروخت کرنے کے لیے استمارہ تجدید کروانا ضروری ہے، جب تک استمارہ یعنی گاڑی کے ملکیتی کارڈ کی تجدید نہیں کروائی جاتی گاڑی کی فروخت ممکن نہیں ہوتی۔

    یہ بھی ضروری ہے کہ گاڑی کے استمارے کی تجدید کے لیے گاڑی کا فحص یعنی سالانہ فنی انسپکشن رپورٹ بھی حاصل کی جائے۔ فحص کے بغیر گاڑی کے استمارے کی تجدید نہیں کروائی جا سکتی۔

    خیال رہے کہ فحص سالانہ بنیاد پر کیا جاتا ہے جس میں گاڑی کا انجن اور اس کی مجموعی حالت دیکھ کر اسے پاس یا مسترد کیا جاتا ہے۔

    خراب گاڑی کا فحص اس وقت تک نہیں ہوسکتا جب تک تمام فنی خرابیاں دور نہ کی جائیں، فحص کروانے کے بعد گاڑی کا استمارہ تجدید کیا جاتا ہے جس کے بعد گاڑی فروخت کی جا سکتی ہے۔

    سالانہ بنیادوں پر گاڑی کا فحص نہ کروانا بھی ٹریفک قانون کی خلاف ورزی شمار کی جاتی ہے جس پر ٹریفک پولیس اہلکار گاڑی کے مالک کا چالان بھی کرسکتا ہے۔

  • امارات میں محفوظ ڈرائیونگ کرنے والوں کے لیے انعام

    امارات میں محفوظ ڈرائیونگ کرنے والوں کے لیے انعام

    ابو ظہبی: متحدہ عرب امارات کے شہر دبئی میں محفوظ ڈرائیونگ کے فروغ کے لیے ٹرائی اسٹار گولڈ اسٹار مقابلے میں حصہ لینے والے ڈرائیورز کو اس وقت خوشگوار حیرت کا سامنا ہوا جب انہیں 1 ہزار درہم کا انعام دیا گیا۔

    محفوظ ڈرائیونگ سے متعلق اس مہم میں پیر سے جمعرات کے درمیان 30 ڈرائیوروں کو انعام سے نوازا جائے گا۔ اس مقابلے کو دبئی روڈ اینڈ ٹرانسپورٹ اتھارٹی (آر ٹی اے) اور دبئی پولیس کی اعانت حاصل ہے۔

    انعام پانے والے فلپائنی باشندے ڈینس ماریکینا کا کہنا ہے کہ انہیں آر ٹی اے نے سڑک پر روکا، ابتدا میں انہیں لگا کہ شاید انہوں نے ٹریفک کی خلاف ورزی کی ہے لیکن انہیں یہ جان کر خوشگوار حیرت ہوئی کہ ان کی ڈرائیونگ کی وجہ سے انہیں انعام سے نوازا جا رہا ہے۔

    ایک پاکستانی محمد طفیل کو بھی انعام سے نوازا گیا جو کریم بائیک چلاتا ہے۔

    دبئی روڈ اینڈ ٹرانسپورٹ اتھارٹی کا کہنا ہے کہ اس مقابلے اور انعام کا مقصد امارات میں محفوظ ڈرائیونگ، قوانین کی پاسداری اور شہریوں کی جان و املاک کی حفاظت کو یقینی بنانا ہے۔

  • 18 سال سے کم عمر ڈرائیورز کے خلاف مہم کا آغاز

    18 سال سے کم عمر ڈرائیورز کے خلاف مہم کا آغاز

    کراچی: صوبہ سندھ کے دارالحکومت کراچی میں 18 سال سے کم عمر ڈرائیورز کے خلاف مہم کا آغاز کردیا گیا، کم عمر ڈرائیورز اور ان کے والدین کے خلاف بھی کارروائی کی ہدایت کردی گئی۔

    تفصیلات کے مطابق کراچی میں 18 سال سے کم عمر ڈرائیورز کے خلاف باقاعدہ مہم کا آغاز کردیا گیا، ڈی آئی جی ٹریفک اقبال دارا نے متعلقہ افسران کو حکم نامہ جاری کر دیا۔

    اقبال دارا کا کہنا تھا کہ کم عمر ڈرائیورز اور ان کے والدین کے خلاف مہم چلائی جائے، عدلیہ کی جانب سے کم عمر ڈرائیورز کے خلاف نوٹس لیا گیا تھا۔

    ایسے ڈرائیورز کے خلاف کارروائی کے احکامات بھی جاری کیے گئے، کم عمر ڈرائیورز بلکہ والدین کے خلاف بھی کارروائی کی ہدایت کی گئی ہے۔

  • کیا خواتین واقعی بری ڈرائیونگ کرتی ہیں؟ نئی رپورٹ میں دلچسپ انکشاف

    کیا خواتین واقعی بری ڈرائیونگ کرتی ہیں؟ نئی رپورٹ میں دلچسپ انکشاف

    اب تک سمجھا جاتا رہا ہے کہ خواتین مردوں کے مقابلے میں بری ڈرائیورز ہیں تاہم ایک نئی رپورٹ نے اس کی نفی کردی۔

    حال ہی میں برطانوی جریدے کی جانب سے جاری کی گئی ایک رپورٹ میں کہا گیا کہ خواتین، مردوں کے مقابلے میں اچھی اور کامیاب ڈرائیور ہیں۔

    رپورٹ میں کہا گیا کہ خواتین ڈرائیورز کے ساتھ سفر مردوں کے مقابلے میں زیادہ محفوظ رہتا ہے خصوصاً شاہراہوں پر خواتین زیادہ اچھی ڈرائیور ثابت ہوئی ہیں۔

    رپورٹ کے مطابق مردوں کا یہ گمان سراسر غلط ہے کہ وہ خواتین کے مقابلے میں بہتر ڈرائیور ہوتے ہیں، دراصل خواتین اور مردوں کے درمیان زندگی کے مختلف شعبوں میں مسابقت کی کوئی حد نہیں ہے۔ ڈرائیونگ کا شعبہ بھی ان میں سے ایک ہے۔

    مذکورہ رپورٹ میں بتایا گیا کہ اگر گاڑی خاتون چلا رہی ہیں اور آپ اس کے ساتھ سفر کر رہے ہیں تو آپ گاڑی میں سکون سے سو سکتے ہیں۔ مسافر ٹریفک حادثات کے خطرات ذہن سے کھرچ کر پھینک سکتا ہے۔

    تجزیاتی رپورٹ میں یہ بھی بتایا گیا ہے کہ سنہ 2018 کے دوران 79 مرد ڈرائیورز نے ہر قسم کی ٹریفک خلاف ورزیاں بڑی تعداد میں کیں جبکہ اس حوالے سے خواتین کا تناسب 21 فیصد تک محدود رہا۔

    یہ بھی کہا گیا کہ مرد ڈرائیورز نے خواتین کے مقابلے میں مقررہ رفتار سے 3 گنا زیادہ رفتار سے گاڑیاں چلائی ہیں۔

    رپورٹ میں یہ بھی کہا گیا کہ دراصل خواتین کو ڈرائیونگ کے دوران راستوں کی اونچ نیچ کو جاننے، سمجھنے اور گاڑی کے الیکٹرانک آلات استعمال کرنے میں مردوں کے مقابلے میں دشواری پیش آتی ہے لہٰذا اسی تناظر میں وہ محتاط یا محفوظ ڈرائیونگ کرتی ہیں۔

  • کویت میں گھریلو ملازمین کے لیے ایک اور سہولت

    کویت میں گھریلو ملازمین کے لیے ایک اور سہولت

    کویت سٹی: کویتی حکام نے کویت میں کام کرنے والے گھریلو ملازمین کے لیے نئی سہولت کا آغاز کردیا۔

    مقامی میڈیا رپورٹ کے مطابق وزارت داخلہ نے گھریلو ملازمین کو ڈرائیور کے اقامے کی منتقلی کی اجازت دے دی ہے۔

    سیکیورٹی ذرائع کا کہنا ہے کہ وزارت داخلہ نے گھریلو ملازمین یا اس پیشے سے ملتی جلتی حیثیت رکھنے والے افراد کے اقاموں کو ڈرائیور کے اقامے پر منتقلی کی اجازت دے دی ہے اس سے قطع نظر کہ اس کے آبائی ملک میں ڈرائیونگ کا لائسنس جاری ہوا ہے یا نہیں۔

    ذرائع کے مطابق ڈائریکٹر جنرل ریذیڈنسی امور بریگیڈیئر جنرل حماد التوالہ نے ایک سرکلر جاری کیا جس میں کہا گیا کہ انہیں ڈرائیور کے پیشے میں گھریلو ملازمین کی منتقلی کی منظوری اور دستخط کرنے کا اختیار دیا گیا ہے۔

  • دبئی: ڈرائیور کی غفلت، گاڑی بینک میں‌ جا گھسی

    دبئی: ڈرائیور کی غفلت، گاڑی بینک میں‌ جا گھسی

    دبئی : متحدہ عرب امارات میں تیز رفتار گاڑی بے قابو ہوکر بینک کی عمارت میں جاگھسی جس کی زد میں آکر ایک شخص شدید زخمی ہوگیا۔

    تفصیلات کے مطابق متحدہ عرب امارات کی ریاست دبئی میں ایک روز قبل شارع خالد بن الولید پر تیز رفتار کار سوار سڑک کے کنارے نصب لوہے کے جنگلے کو توڑتی ہوئی بینک کی عمارت میں جا گھسی جس کے نتیجے میں ایک کسٹمر زخمی ہوگیا۔

    غیر ملکی خبر رساں ادارے کا کہنا تھا کہ 51 سالہ کار ڈوائیور شاہراہ پر ٹریفک قوانین کے مطابق گاڑی چلا رہا تھا کہ اچانک کار  بے قابو ہوگئی اور فٹ ہاتھ پر چڑھ کر بینک کی عمارت میں داخل ہوگئی۔

    دبئی پولیس کا کہنا ہے کہ کار حادثے کے نتیجے میں بینک میں لگی ہوئی اے ٹی ایم مشین بھی کو نقصان پہنچا جبکہ اے ٹی ایم مشین سے پیسے لینے والا شخص گاڑی کی زد میں آکر شدید زخمی ہوا تھا جبکہ گاڑی کا ڈرائیور بھی زخمی ہوا تھا، دونوں زخمیوں کو فوری طور پر اسپتال منتقل کر دیا گیا تھا۔

    اماراتی میڈیا کی جانب سے دعویٰ کیا گیا تھا کہ گاڑی کا ڈرائیور نشے کی حالت میں کار چلا رہا تھا کہ جس کے باعث حادثہ پیش آیا، جبکہ دبئی پولیس نے بتایا کہ حادثہ ڈرائیور کی غفلت کی وجہ سے پیش رونما ہوا تھا جو ڈرائیونگ کے دوران موبائل فون کا استعمال کررہا تھا۔

    غیر ملکی خبر رساں ادارے کا کہنا تھا کہ دبئی پولیس نے ڈرائیونگ کے دوران غلفت برتنے والے ڈرائیور کو ٹریفک پروسٹیکیوشن کے حوالے کردیا۔

  • سعودی عرب: ٹریفک ڈپارٹمنٹ کا خواتین ڈرائیور کے لیے اہم فیصلہ

    سعودی عرب: ٹریفک ڈپارٹمنٹ کا خواتین ڈرائیور کے لیے اہم فیصلہ

    ریاض: سعودی عرب میں ٹریفک ڈپارٹمنٹ نے خواتین ڈرائیور سے متعلق اہم فیصلہ لیتے ہوئے کہا ہے کہ ڈرائیونگ کرنے کی خواہش مند خواتین کے پاس اگر سعودی عرب کا ڈرائیونگ لائسنس نہیں تو اس کا حل نکال لیا گیا ہے۔

    تفصیلات کے مطابق سعودی عرب میں ڈرائیونگ کرنے کی وہ خوہش مند خواتین جن کے پاس دوسرے ملک کا ڈرائیونگ لائسنس موجود ہے تو وہ اپنا لائسنس سعودی عرب کے لائسنس سے باآسانی تبدیل کراسکتی ہیں۔

    عرب میڈیا کے مطابق سعودی عرب کی ٹریفک اتھارٹی کی طرف سے جاری کردہ بیان میں کہا گیا ہے کہ ملک میں ڈرائیونگ کی خواہاں مقامی اور مقیم خواتین کو ٹریفک سے متعلق قواعد وضوابط کی پابندی کرنا ہوگی، خلاف ورزی کی صورت میں سخت چالان بھی ہوسکتا ہے۔


    سعودی عرب: خواتین کی رہنمائی کے لیے ٹریفک سائن بورڈز تیار


    جاری کردہ بیان میں مزید کہا گیا تھا کہ لائسنس کی تبدیلی کے لیے باقاعدہ حکمت علمی تیار کی ہے جس کے تحت ٹریفک ڈپارٹمنٹ کی ویب سائٹ پر فارم پُر کرنا ہوگا تاکہ اس عمل کو جلد سے جلد مکمل کیا جائے اور تمام خواتین ڈرائیور کو سعودی عرب کا ڈرائیونگ لائسنس دیا جائے۔

    خیال رہے کہ سعودی ولی عہد محمد بن سلمان کی جانب سے متعارف کرائی گئیں اصلاحات کے اثرات مملکت میں تیزی سے پھیلتے جارہے ہیں، گزشتہ دنوں خواتین کو ڈرائیونگ کی اجازت ملنے کے بعد پانچ شہروں میں خواتین کے لیے ڈرائیونگ اسکول بھی قائم کردیے گئے ہیں۔


    سعودی عرب کے پانچ شہروں میں خواتین کے لیے ڈرائیونگ اسکولز قائم


    علاوہ ازیں سعودی عرب میں خواتین ڈرائیور کے لیے سڑکوں پر خصوصی سائن بورڈز بھی نصب کیے گئے ہیں تاکہ خواتین کو ڈرائیونگ کے دوران کسی قسم کی پریشانی کا سامنا نہ کرنا پڑے۔


    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • بلکسر انٹر چینج پر بھی گو نواز گو کے نعرے لگ گئے

    بلکسر انٹر چینج پر بھی گو نواز گو کے نعرے لگ گئے

    چکوال: تیس نومبر کو شہر اقتدار میں داخل ہونے والے پی ٹی آئی کے کارکنوں کو روکنے کے لئے موٹر وے پر بلکسر انٹر چینج کے مقام پر مقامی انتظامیہ نے چالیس کنٹینر قبضہ میں لے کر انٹر چینج کو بند کرنے کے انتظامات مکمل کر لئے ہیں۔

    اس موقعہ پر حالات کے مارے کنٹینر ڈرائیور اور دیگر عملہ سراپا احتجاج بن گیا۔ بے چارے ڈرائیور انتظامیہ کا تو کچھ نہ بگاڑ سکے لیکن گو نواز گو کا نعرہ لگا کر دل کا بوجھ ہلکا کر لیا۔

    کنتینر قبضہ میں لئے جانے پراحتجاج کرنے والے ڈرائیوروں کا کہنا تھا کہ انتظامیہ نے ان کے کنٹینر قبضہ میں لے کر ان کو فاقہ کشی پر مجبور کر دیا ہے۔