Tag: Driving license

ریاض: سعودی ٹریفک اتھارٹی کا کہنا ہے کہ ڈرائیونگ پرمٹ کو لائسنس میں بغیر ڈرائیونگ ٹیسٹ کے تبدیل کردیا جائے گا، پرمٹ ہولڈر کی عمر 18 سال ہو۔

سعودی ویب سائٹ کے مطابق سعودی ٹریفک اتھارٹی نے ڈرائیونگ پرمٹ کو لائسنس میں تبدیل کرنے کے طریقہ کار کی وضاحت کرتے ہوئے کہا ہے کہ ڈرائیونگ پرمٹ کو لائسنس میں بغیر ڈرائیونگ ٹیسٹ کے تبدیل کردیا جائے گا۔

تاہم اس کے لیے شرط یہ ہے کہ پرمٹ کی مدت ختم ہوگئی ہو اور پرمٹ ہولڈر کی عمر 18 سال ہو۔

ٹریفک اتھارٹی نے ٹویٹر پر ایک شہری کی جانب سے پرمٹ کو لائسنس میں تبدیل کرنے کی شرائط ہوچھنے پر یہ وضاحت دی تھی۔

اتھارٹی کے مطابق ٹریفک قوانین کے آرٹیکل 39 کے پیراگراف 4 کے مطابق اگر کسی شہری کے ڈرائیونگ پرمٹ کی میعاد ختم ہوجائے اور اس کی عمر 18 سال ہو تو وہ ایک سال کے اندر بغیر ٹیسٹ کے ڈرائیونگ لائسنس لے سکتا ہے۔

اتھارٹی کے مطابق اس کا سابقہ ڈرائیونگ ٹیسٹ اس لائسنس کے لیے کافی ہوگا۔

ریاض: سعودی محکمہ ٹریفک نے اعلان کیا ہے کہ ڈرائیونگ لائسنس میں طبی معائنے کے بغیر آن لائن توسیع بھی کروائی جا سکتی ہے، یہ اقدام کرونا وائرس کے خدشات کو مدنظر رکھتے ہوئے اٹھایا گیا ہے۔

سعودی ویب سائٹ کے مطابق سعودی محکمہ ٹریفک نے ڈرائیونگ لائسنس میں توسیع کے حوالے سے ضروری وضاحتیں جاری کی ہیں، محکمہ ٹریفک نے سرکاری ٹویٹر اکاؤنٹ پر بتایا ہے کہ ایک سال کے ڈرائیونگ لائسنس فیس 40 ریال ہے۔

محکمہ ٹریفک کا کہنا ہے کہ طبی معائنے کے بغیر ابشر کے ذریعے آن لائن ڈرائیونگ لائسنس میں توسیع کروائی جاسکتی ہے، یہ سہولت کرونا وائرس کے خطرات کو مد نظر رکھ کر دی گئی ہے۔

ڈرائیونگ لائسنس کی تجدید کے لیے ضروری ہے کہ تمام ٹریفک خلاف ورزیوں کے جرمانے ادا کر دیے گئے ہوں۔

محکمہ ٹریفک کا کہنا ہے کہ ٹریفک جرمانوں پر اعتراض ریکارڈ کروایا جاسکتا ہے، اور یہ کام اسمارٹ موبائل پر ابشر ویب کے ذریعے کیا جا سکتا ہے۔

محکمہ ٹریفک کا مزید کہنا ہے کہ ٹریفک جرمانوں پر اعتراض جرمانے ادا کرنے سے قبل کیا جا سکتا ہے بعد میں نہیں، اعتراض کے لیے یہ بھی ضروری ہے کہ ٹریفک خلاف ورزی کے اندراج سے 30 روز کے اندر اعتراض ریکارڈ کروا دیا جائے۔