لندن : ملکہ برطانیہ کے 97 سالہ شوہر شہزادہ فلپ نے رضاکارانہ طور پر اپنا ڈرائیونگ لائسنس ٹریفک حکام کے حوالے کردیا۔
تفصیلات کے مطابق ملکہ برطانیہ کے شوہر شہزادہ فلپ کچھ روز قبل سورج کی تیز کرنیں آنکھوں پر پڑنے کے باعث حادثے کا شکار ہوگئے تھے، حادثے کے دوران شہزادہ فلپ خوش قسمتی سے محفوظ رہے لیکن دو خواتین اس حادثے میں معمولی زخمی ہوگئی تھیں۔
دو روز قبل پولیس کی جانب سے جاری کردہ بیان میں کہا گیا ہے کہ ’فلپ نے گاڑی چلاتے وقت سیٹ بیلٹ نہیں باندھی، اُن کی تصویر محکمہ ٹریفک کو موصول ہوئی جس کے بعد انہیں آسان الفاظ میں سمجھانے کی کوشش کی گئی کہ دورانِ ڈرائیونگ سیٹ بیلٹ باندھنا بہت ضروری ہے۔
بکنگھم پیلیس کیا جانب جاری بیان میں بتایا گیا ہے کہ شہزادہ فلپ نے اپنا لائسنس سرینڈر (پولیس کے حوالے) کردیا ہے۔
بکنگھم پیلس کی جانب سے جاری بیان میں کہا گیا ہے کہ ’کافی غور کرنے کے بعد ڈیوک آف ایڈن برگ نے یہ فیصلہ کیا ہے کہ وہ رضاکارانہ طور پر اپنا ڈرائیونگ لائسنس ٹریفک حکام کے حوالے کردیں گے‘۔
نورفولک پولیس نے سہزادہ پولیس کی جانب سے افسران کو لائسنس سرینڈر کرنے کی تصدیق کرتے ہوئے بتایا کہ شہزادہ فلپ کا لائسنس ڈی وی ایل اے کو واپس کردیا گیا ہے۔
حادثے کے کچھ روز بعد شہزادہ فلپ نے خاتون کو خط لکھا تھا کہ اچھا لگا آپ کو زیادہ چوٹ نہیں آئی، خاتون شہزادے کی جانب سے خط ملنے پر حیران ہوگئیں کہ شہزادہ فلپ نے ان کی خیریت دریافت کی ہے۔
انہوں نے خط میں لکھا تھا کہ حادثے کے بعد مجمع اکٹھا ہوتا دیکھ کر پولیس نے جانے کا مشورہ دیا جس کے باعث وہ ان کی خیریت معلوم نہیں کرسکے تھے۔
واضح رہے کہ حادثے میں بال بال محفوظ رہنے والی خاتون ایما نے شہزادے کے فوری معذرت نہ کرنے پر ان پر کڑی تنقید کی تھی۔
مزید پڑھیں: شہزادہ فلپ ٹریفک حادثے میں بال بال بچ گئے
یاد رہے کہ 18 جنوری کے دن ملکہ برطانیہ کے شوہر 97 سالہ ششہزاد ہفلپ کی کار کو حادثہ پیش آیا تھا تاہم وہ اس حادثے میں محفوظ رہے تھے لیکن خاتون زخمی ہوگئی تھیں۔
برطانوی ملکہ الزبتھ کے شوہر اور شاہی خاندان کے سربراہ پرنس فلپ کو ٹریفک پولیس نے سیٹ بیلٹ نہ باندھنے پر وارننگ دی تھی، محکمہ پولیس نے خبردار کیا کہ اگر آئندہ قانون کی خلاف ورزی کی گئی تو چالان کیا جائے گا۔
