خیبرایجنسی: افغان سرحدی علاقے ڈرون حملے کے نتیجے میں پانچ طالبان ہلاک ہوگئے ہیں۔
ذرائع کے مطابق ڈرون حملہ افغان سرحدی علاقے کوٹ گاؤں میں کیا گیا، حملے میں شدت پسندوں کے ٹھکانے کو نشانہ بنایا گیا، جس کے نتیجے میں پانچ طالبان کی ہلاکت کی اطلاع ہے۔
زرائع کے مطابق ڈرون طیارے نے ہدف پر دو میزائل داغے۔
ڈرون حملے میں متعدد شدت پسندوں کے زخمی بھی ہوئے، ہلاکتوں میں اضافے کا خدشہ ہے۔
شمالی وزیرستان : تحصیل دتہ خیل میں ڈرون حملے میں چھ افراد مارے گئے جبکہ دوزخمی ہوگئے۔ حملے میں القاعدہ کے رہنما استاد عمرفاروق کے ہلاک ہونے کی بھی اطلاعات ہیں۔
تفصیلات کے مطابق شمالی وزیرستان کی تحصیل دتہ خیل کے علاقے خڑتنگی میں امریکی ڈرون طیاروں نے ایک گھرپردومیزائل داغے۔ جس سے چھ افراد ہلاک جبکہ دوزخمی ہوگئے۔
سرکاری ذرائع کے مطابق اس کارروائی میں مزید ہلاکتوں کا خدشہ ہے۔ ذرائع کے مطابق ڈرون حملے میں القاعدہ کارہنما استاد عمرفاروق بھی ماراگیا ہے۔ استادعمرفاروق ماضی میں پاکستان میں القاعدہ کا ترجمان رہ چکا ہے۔
شمالی وزیرستان:تحصیل رزمک میں امریکی ڈرون حملےسےچھ افراد ہلاک جبکہ تین زخمی ہوگئے ہیں۔
سرکاری ذرائع کےمطابق شمالی وزیرستان کی تحصیل رزمک میں امریکی جاسوس طیارے نے ایک مکان اور گاڑی پر 2 میزائل داغے، جس کے نتیجے میں چھ افراد ہلاک ہوگئے جبکہ حملے کے بعد علاقے میں شدید خوف و ہراس پھیل گیا اور شہری اپنے اپنے گھروں میں محصور ہوگئے۔
ذرائع کا یہ بھی کہنا ہے کہ علاقے میں ڈرون طیاروں کی نچلی پروازیں بھی جاری ہیں۔
واضح رہے کہ گزشتہ روز امریکا نے افغانستان اور پاکستان کی سرحد ڈیورنڈ لائن کے قریب ایک مکان پر ڈرون طیارے کے ذریعے 2 میزائل داغے تھے، جس میں کالعدم تحریکِ طالبان کے سربراہ ملا فضل اللہ کو نشانہ بنایا گیا تاہم ڈرون حملے سے کچھ دیر قبل ہی ملا فضل اللہ اس مقام سے روانہ ہونے کے باعث بال بال بچ گئے تھے۔
دتہ خیل: شمالی وزیرستان کےعلاقے دتہ خیل میں ڈرون حملہ ہوا ہے جس کے نتیجے میں پانچ افراد ہلاک جبکہ متعدد زخمی ہوگئے ہیں۔
ابتدائی تفصیلات کے مطابق شمالی وزیرستان کے علاقے دتہ خیل میں امریکی جاسوس طیاروں کی جانب سے ایک گھر پر دو میزائل داغے گئے۔ جس کے نتیجے میں پانچ افراد کے مارے جانے کی اطلاع ہے جبکہ متعدد افراد کے زخمی ہونے کا بھی خدشہ ہے۔
میرالی: شمالی وزیرستان میں امریکی ڈرون حملے میں چار افراد جاں بحق ہوگئے۔
شمالی وزیرستان کی تحصیل دتہ خیل میں امریکی ڈرون طیارے نے حملہ کیا جس کے نتیجے میں چار افراد جاں بحق ہوگئے اور مزید ہلاکتوں کا خدشہ ہے، سرکاری ذرائع کا کہنا ہے کہ امریکی ڈرون طیارے نے ایک مکان اور ایک گاڑی پر دو میزائل داغے ہیں، ڈرون حملے کے بعد علاقے میں شدید خوف ہراس پھیل گیا، شمالی وزیرستان کی مختلف تحصیلوں میں چار دنوں میں یہ پانچواں ڈرون حملہ ہے ۔
وانا: جنوبی وزیر ستان کے علاقے وانا میں امریکی جاسوس طیارے نے ایک مکان پر دو میزائل داغے جس کے نتیجے میں چار افراد ہلاک ہو گئے۔
اے آر وائی نیوز کے نمائندے کے مطابق امریکی جاسوس طیارے گزشتہ 24گھنٹے سے علا قے کی نگرانی کر رہے تھے اور اسی دوران امریکی جاسوس طیاروں کی جانب سے وانا سے بیس کلو میٹر دور ایک علا قے اعظم ورسک میں ایک مکان پر دومزائل داغے گئے جس میں چار افراد ہلاک ہو گئے اور متعدد زخمی ہو گئے۔
نمائندے کے مطابق ہلاک ہو نے والوں کی شناخت تاحال نہیں ہو سکی ہے کہ وہ عام شہری تھے یا کہ دہشت گرد تھے۔
حملے کے بعد بھی امریکی جاسوس طیاروں کی جانب سے نگرانی کی جارہی ہے جس کی وجہ سے وہاں لوگوں میں شدید خوف وہراس پایا جاتا ہے۔
دتہ خیل: شمالی وزیرستان کی تحصیل دتہ خیل میں امریکی جاسوس طیارے کے حملے میں چار افراد ہلاک ہوگئے، چار دن کے دوران پانچ ڈرون حملوں میں اٹھائیس افراد ہلاک اور متعدد زخمی ہوگئے ہیں۔
شمالی وزیرستان ایجنسی کی تحصیل دتہ خیل میں امریکی جاسوس طیارے کی جانب سے گا ڑی پر دو میزائل فائر کئے گئے، جس کے نتیجے میں چار افراد ہلاک ہوگئے۔
شمالی وزیرستان میں ڈرون حملوں میں شدت آگئی، چار روز کے دوران پانچ ڈرون حملے کئے گئے، اس سے قبل بھی تحصیل دتہ خیل اور منگیٹی میں جاسوس طیارے نے میزائل فائر کیے، دتہ خیل میں ایک گھر کو نشانہ بنایا گیا جس کے نتیجے میں تین افراد ہلاک اور دو زخمی ہوئے تھے۔
منگیٹی میں ہونے والے میزائل حملے میں چھ افراد مارے گئے تھے، پیرکی صبح تحصیل شوال میں ڈرونز نے دوحملے کرکے چودہ افراد کو ہلاک کردیا تھا، مقامی ذرائع کے مطابق مرنے والوں میں بیشتر غیرملکی ہیں۔
شمالی وزیرستان: ڈرون حملوں میں شدت آگئی ہے، تازہ ڈرون حملے میں چھ شدت پسند ہلاک ہوگئے، کل سے ابتک تین حملوں میں بیس افراد ہلاک ہوگئے ہیں۔
شمالی وزیرستان میں امریکی ڈرون حملوں میں تیزی آگئی، آج ہونے والےدو ڈرون حملوں میں ایک گاڑی اور ایک گھر کو نشانہ بنایا گیا، جس میں چھ مزید شدت پسند ہلاک ہوئے، مقامی ذرائع کا کہنا ہے کہ مرنے والوں کی اکثریت غیر ملکی شدت پسندوں کی ہے۔
کل سے ابتک حملوں میں بیس سے زائد افراد ہلاک ہوگئے، کل صبح تحصیل شوال کے علاقے منگورتی میں ڈرون حملے میں چودہ افراد ہلاک ہوگئے تھے، افغانستان سے آپریٹ ہونے والے امریکی ڈرون طیارے نے طالبان کمانڈر کے گھر پر حملہ کیا، علاقے میں ڈرون طیارے کی پروازیں بدستور جاری ہیں۔
امریکی ڈرون طیارے نے شمالی وزیرستان میں شوال کے علاقے منگورتی میں ا یک گھر کونشانہ بنایا، ذرائع کے مطابق جس گھر کو نشانہ بنایا گیا ہے وہ مقامی کمانڈر حبیب اللہ کا گھر ہے۔ جاسوس طیارے نے شدت پسند کمانڈر کے گھر پردو میزائل فائر کیے۔
گزشتہ روز بھی شمالی وزیرستان کی تحصیل شوال کے علاقے کند گھڑ میں امریکی ڈرون حملے میں پانچ افراد ہلاک ہوئے تھے۔
،
شمالی وزیرستان: شوال کے علاقے منگورتی میں ڈرون حملے میں آٹھ افراد ہلاک چھ زخمی ہوگئے، افغانستان سے آپریٹ ہونے والے امریکی ڈرون طیارے نے طالبان کمانڈر کے گھر پر حملہ کیا، علاقے میں ڈرون طیارے کی پروازیں بدستور جاری ہیں۔
امریکی ڈرون طیارے نے شمالی وزیرستان میں شوال کے علاقے منگورتی میں ا یک گھر کونشانہ بنایا، ذرائع کے مطابق جس گھر کو نشانہ بنایا گیا ہے وہ مقامی کمانڈر حبیب اللہ کا گھر ہے۔ جاسوس طیارے نے شدت پسند کمانڈر کے گھر پردو میزائل فائر کیے۔
ڈرون طیاروں نے کافی دیر تک علاقے میں پروازیں کیں، جس سے مقامی آبادی میں خوف و ہراس پھیل گیا۔
گزشتہ روز بھی شمالی وزیرستان کی تحصیل شوال کے علاقے کند گھڑ میں امریکی ڈرون حملے میں پانچ افراد ہلاک ہوئے تھے۔
شوال: جنوبی وزیرستان کے سرحدی علاقے کنڈ غر میں امریکی ڈرون حملے میں پانچ افراد ہلاک ہوگئے۔
جنوبی وزیرستان کے سرحدی علاقے شوال میں امریکی جاسوس طیارے کے میزائل حملے میں 5 افراد ہلاک ہو گئے ہیں، امریکی جاسوس طیارے نے ایک مکان پر دو میزائل داغے جس سے یہ ہلاکتیں ہوئیں، جنوبی وزیرستان کے مختلف علاقوں میں ڈرون طیاروں کی پروازیں جاری ہیں جس سے لوگوں میں خوف و ہراس پھیل گیا ہے۔