اسلام آباد : قومی احتساب بیورو نے کہا ہے کہ احتساب کے ڈرامے کا ڈراپ سین ہوچکا اب اصل کہانی شروع ہونی ہے، اب ہر کردار کو بلاتفریق بےنقاب کیا جائے گا۔
یہ بات قومی احتساب بیورو کے اعلامیہ میں کہی گئی، اعلامیہ میں مزید کہا گیا ہے کہ نیب کا الیکشن سے کوئی تعلق نہیں،ادارے کا کام اپنے قانون کے تحت کام کرنا ہے جو وہ کرتا رہے گا۔
نیب کے مطابق الیکشن میں دھاندلی کے بےبنیاد الزامات نیب کی ساکھ متاثرکرنے کی مذموم کوشش ہے، بےبنیاد الزامات نیب کے راستے میں کسی طرح کی رکاوٹ نہیں بن سکتے۔ نیب نے مشورہ دیاہے کہ انتخابات میں کامیابی اور عوام کی توجہ حاصل کرنے کے لئے متبادل طریقہ اختیارکریں۔
ریلوے گولف کلب میں غیرقانونی لیز پر ریفرنس دائر
علاوہ ازیں نیب راولپنڈی نے ریلوے گولف کلب میں غیرقانونی لیز پر ریفرنس دائرکردیا، ریلوے گولف کلب لاہور کی اراضی کی غیرقانونی لیزکے الزام میں لیفٹیننٹ جنرل (ر) جاوید اشرف سمیت دیگر نو افراد کو ریفرنس میں نامزد کیا گیا ہے، ملزمان پراختیارات کے ناجائز استعمال کا بھی الزام عائد کیا گیا ہے۔
چئیرمین نیب نے اسلام آباد سیٹزن کلب کو میٹرو پولیٹن کلب میں تبدیل کرنے کا نوٹس لے لیا، چئیرمین سی ڈی اے اور مئیر اسلام آباد کے خلاف انکوائری کا حکم جاری کردیا گیا۔
مزید پڑھیں: اورنج ٹرین منصوبہ، نیب نے کروڑوں کی بے ضابطگیوں کا ریکارڈ طلب کر لیا
چئیرمین نیب کا کہنا ہے کہ کس قانون کےتحت سٹیزن کلب کو میٹرو پولیٹن میں تبدیل کیاگیا؟ انہوں نے کلب کو نجی فرم کے سپرد کرنے کے مبینہ فیصلے کی بھی تحقیقات کی ہدایت دیتے ہوئے ڈی جی نیب وارلپنڈی کو فوری انکوائری کا حکم دیا ہے۔
مزید پڑھیں: نیب کے خلاف پہلا حکومتی منصوبہ، ملازمین کے الاؤنس بند کرنے پر غور
خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔
