بالی ووڈ کے معروف اداکار وجے ورما نے نیٹ فلکس کی مقبول ویب سیریز سیکریڈ گیمز سے نکالے جانے کا انکشاف کیا ہے۔
بالی وڈ اداکار وجے ورما اس وقت نیٹ فلکس سیریز ’ 814 اے سی‘ میں اپنی بہترین کارکردگی کے باعث شہرت کی بلندیوں پر ہیں اداکار نے حالیہ انٹرویو میں اپنی کیریئر کے ابتدائی مشکل دنوں کے بارے میں کھل کر بات کی۔
بھارتی میڈیا سے گفتگو میں وجے نے انکشاف کیا کہ انہیں ہدایتکار انوراگ کشیپ کی مقبول ویب سیریز سیکریڈ گیمز میں ایک کردار کے لیے منتخب کیا گیا تھا، لیکن بعد میں انہیں بغیر کسی وضاحت کے اس پروجیکٹ سے ہٹا دیا گیا۔
وجے ورما نے کہا میں نے سیکریڈ گیمز کے لیے اپنے کاسٹیوم کے ناپ تک لے لیے تھے لیکن پھر اچانک مجھے نکال دیا گیا، یہ میرے کیرئیر کا مشکل ترین وقت تھا لیکن میں نے کبھی بھی امید کا دامن نہیں چھوڑا۔
View this post on Instagram
وجے ورما نے کہا کہ زویا اختر کی فلم ’گلی بوائے‘ میں موئین کے کردار کے بعد حقیقی کامیابی ملی جس کے بعد میرے پاس مسلسل پروجیکٹس کی آفرز آنے لگیں، اس فلم سے پہلے کاسٹنگ ڈائریکٹرز مجھے کام ملنے کی یقین دلاتے تھے، لیکن مجھے طویل عرصے تک موقع نہیں دیا گیا، کچھ آڈیشنز میں، میں ویٹ لسٹ میں تھا، ٹاپ فائیو میں، ٹاپ ٹو میں اور پھر مجھے کاسٹ کرنے کے بعد ڈراپ کر دیا گیا۔
یاد رہے کہ اداکار وجے ورما اس وقت نیٹ فلکس سیریز ’ 814 اے سی‘ میں اپنی بہترین کارکردگی کے باعث شہرت کی بلندیوں پر ہیں، اداکار جلد ہی اپنی ڈیبیو فلم ’سوریہ 43‘ میں بھی نظر آئیں گے۔
یاد رہے کہ آئی سی-814، دی قندھار ہائی جیک میں اداکار نصیرالدین شاہ، وجے ورما، پنکج کپور اور دیا مرزا سمیت دیگر نے اداکاری کے جوہر دکھائے، سیریز کی کہانی بھارتی صحافی سرنجوئے چوہدری اور فلائٹ کیپٹن دیوی شرن کی کتاب فلائٹ کو فیئر پر مبنی ہے۔
