Tag: drug dealer

لاہور: تعلیمی اداروں کے اطراف منشیات فروشوں کیخلاف کارروائیاں،150ملزمان گرفتار

لاہور : پولیس نے تعلیمی اداروں کے اطراف منشیات فروشوں کیخلاف کارروائیاں کرتے ہوئے150سے زائد منشیات فروش گرفتار کرلیے، ملزمان سے بھاری مقدار میں چرس اور ہیروئن برآمد کی گئی ہے۔

تفصیلات کے مطابق ڈی سی پولیس اور ضلعی انتظامیہ نے نوجوان نسل کو منشیات سے بچانے کے لیے ہر ممکن اقدام کرنے کی ٹھان لی ہے۔

وزیراعلیٰ پنجاب سردار عثمان بزدار کی ہدایت ہر صوبے بھر کے تعلیمی اداروں میں منشیات فروش کرنے والی مافیا کے کارندوں کو حراست میں لے لیا گیا۔

لاہور میں تعلیمی اداروں کے اطراف میں پولیس نے مختلف کارروائیوں کے دوران ڈیڑھ سو سے زائد منشیات فروشوں کو گرفتار کرلیا۔

پولیس اور ضلعی انتظامیہ کے مطابق کارروائیوں میں مزید تیزی لائی جائے گی۔ اس حوالے سے ڈی آئی جی آپریشنز لاہور اشفاق احمد کا کہنا ہے کہ لاہورمیں منشیات فروشوں نے تعلیمی اداروں کے اطراف ڈیرے جما رکھے تھے۔

پولیس نے بڑا کریک ڈاون کرکے تین دن میں ڈیڑھ سو افراد کو گرفتار کرلیا۔ ضلعی انتظامیہ کے مطابق تعلیمی اداروں کے اطراف میں منشیات فروشوں کو سی سی ٹی وی کیمروں سے مانیٹر کیا جا رہا ہے۔

ستمبر 28, 2019
کراچی، پولیس اہلکار منشیات فروشوں‌ کی پشت پناہی کرنے لگے، سنسنی خیز انکشافات

کراچی : سرکاری ملازمت کی آڑ میں منشیات فروشی کی پشت پناہی کرنے والے مزید پولیس اہلکار کے چہرے بے نقاب ہوگئے،گرفتار ملزم نے بھاری رشوت وصول کرنے والے اہلکاروں کے نام ظاہر کردئیے۔

تفصیلات کے مطابق سہراب گوٹھ سے منشیات کا کاروبار کرنے والے ملزم رحمان گل نے دوران حراست انکشاف کیا ہےکہ اس کی پشت پناہی کرنے والے بااثر افراکا تعلق محکمہ پولیس ہے،رحمان گل نے بتایا کہ ہر سپاہی کو تین ہزار روپے دیتا ہوں۔

رحمان گل نے دوران تفتیش بتایا کہ علاقے میں منشیات فروشی کا کاروبار کرتاہوں اور میرے پاس پولیس والے آتے ہیں۔

ملزم نے بتایا کہ اہلکارشاہداسلم،معراج،عاشق بلیدی،پی سی ممتاز، راجہ سرفراز ودیگرآتےہیں اور ہر سپاہی بھاری رقم وصول کرتا ہے۔

یاد رہے کہ اینٹی نارکوٹکس فورس نے گزشتہ ماہ سرکاری ملازمت کا سہارا لیتے ہوئے منشیات فروشی کرنے والے ایکسائز انسپکٹر اور کانسٹیبل کو رنگے ہاتھوں پکڑ اتھا،اے این ایف نے ہیروئن اور اسلحہ برآمد کرکے ملزمان کیخلاف مقدمہ درج کرلیاتھا۔

اے این ایف نے ایک کارروائی کے دوران گاڑی پر چھاپہ مارا، گل شیرکی گاڑی سے دو کلوہیروئن اور800گرام کوکین برآمد ہوئی۔

منشیات فروشی میں ملوث ایکسائز انسپکٹر اور کانسٹیبل رنگے ہاتھوں گرفتار، ہیروئن اور اسلحہ برآمد

اس حوالے سے اے این ایف حکام کا کہنا ہے کہ ملزم گل شیر ایکسائز میں انسپکٹر ہے، گرفتار ملزم گل شیر کی نشاندہی پر ایک اور کارروائی میں کاشف اورصمید نامی ملزمان کو گرفتار کیا گیا۔

ملزمان کے قبضے سے چار کلو ہیروئن، ایم پی فائیو رائفل اور ایم سی جی برآمد ہوئی، اے این ایف کے مطابق ملزم کاشف بھی ایکسائز میں کانسٹیبل ہے۔

ستمبر 15, 2019
منشیات فروشی میں ملوث ایکسائز انسپکٹر اور کانسٹیبل رنگے ہاتھوں گرفتار، ہیروئن اور اسلحہ برآمد

کراچی : اینٹی نارکوٹکس فورس نے سرکاری ملازمت کی آڑ میں منشیات فروشی کرنے والے ایکسائز انسپکٹر اور کانسٹیبل کو رنگے ہاتھوں پکڑ لیا، ہیروئن اور اسلحہ برآمد کرکے ملزمان کیخلاف مقدمہ درج کرلیا۔

تفصیلات کے مطابق اینٹی نارکوٹکس فورس (اے این ایف )نے سرکاری ملازمت کی آڑ میں منشیات فروشی میں ملوث انسپکٹر گرفتار کو گرفتار کرلیا۔

اے این ایف نے ایک کارروائی کے دوران گاڑی پر چھاپہ مارا، گل شیرکی گاڑی سے دو کلوہیروئن اور800گرام کوکین برآمد ہوئی۔

اس حوالے سے اے این ایف حکام کا کہنا ہے کہ ملزم گل شیر ایکسائز میں انسپکٹر ہے، گرفتار ملزم گل شیر کی نشاندہی پر ایک اور کارروائی میں کاشف اورصمید نامی ملزمان کو گرفتار کیا گیا۔

ملزمان کے قبضے سے چار کلو ہیروئن، ایم پی فائیو رائفل اور ایم سی جی برآمد ہوئی، اے این ایف کے مطابق ملزم کاشف بھی ایکسائز میں کانسٹیبل ہے۔

مزید پڑھیں: اسلام آباد اورپشاورایئرپورٹ پراے این ایف کی کارروائی، کروڑوں روپے کی ہیروئن برآمد

بعد ازاں ملزمان کی نشاندہی پر اےاین ایف نے گلستان جوہر میں ایک اور کارروائی کی، چھاپہ، کے دوارن ملزم منشیات کے پیکٹ پھینک کرفرار ہونے میں کامیاب ہوگیا، ملزم کی تلاش میں چھاپے مارے جارہے ہیں۔

اگست 3, 2019
کراچی : آن لائن منشیات فروشی میں ملوث ملزم گرفتار، مقدمہ درج

کراچی : پولیس نے کراچی کے ساحل پر کارروائی کرکے آن لائن منشیات فروشی میں ملوث ملزم کو گرفتار کرلیا، ملزم کے قبضے سے دو کلو سے زائد منشیات برآمد کرلی۔

تفصیلات کے مطابق سی ویو پولیس چوکی کے اہلکاروں نے کارروائی کرکے اظہار نامی منشیات فروش کو گرفتار کرلیا، پولیس حکام کا کہنا ہے کہ گرفتارملزم آن لائن منشیات فروشی میں ملوث ہے۔

ملزم کے قبضے سے دو کلو سے زائد منشیات برآمد کی گئی ہے، ملزم ڈیفنس اور کلفٹن سمیت شہر کے پوش علاقوں میں منشیات فروخت کرتا تھا۔

پولیس کے مطابق ملزم اظہار اسکول، کالج اور جامعات کے طلبہ کو بھی منشیات کی سپلائی میں ملوث ہے، ملزم دو سال سے زائد عرصے سے منشیات فروشی کررہا تھا۔

ملزم نے منشیات سپلائی کیلئے نصف درجن سے زائد رائیڈرز بھی رکھے ہوئے تھے، گرفتار ملزم کی نشاندہی پر اس کے دیگر ساتھیوں کی تلاش جاری ہے،ملزم اظہار کیخلاف مقدمہ درج کرلیا گیا ہے۔

اپریل 1, 2019
کراچی : پولیس کی سرپرستی میں ریڑھی گوٹھ منشیات فروشوں کا گڑھ بن گیا

کراچی : شہر قائد کا علاقہ ریڑھی گوٹھ منشیات فروشوں کی جنت بن گیا، نشے میں دھت نوجوان جگہ جگہ پڑے رہتے ہیں، اے آر وائی نیوز کی ٹیم پہنچی تو پولیس اہلکار نقاب لگا کر فرار ہو گیا۔

تفصیلات کے مطابق کراچی کا علاقہ ریڑھی گوٹھ جو ماہی گیروں کی بستی بھی کہلاتا ہے منشیات کا گڑھ بن گیا، علاقے کی نوے فیصد آبادی منشیات کی لت میں پڑ گئی ہے، منشیات کے اڈے چل رہے ہیں، نشہ پورا کرنے کے لئے چوری اور ڈکیتیاں کرتے ہیں۔

اس کے علاوہ اس مکروہ اور گندے دھندے میں پولیس اہلکار بھی ملوث ہیں، اے آر وائی نیوز کی ٹیم جب علاقے میں پہنچی تو اسے دیکھ کر موٹرسائیکل سوار اہلکار نے نقاب لگایا بائیک اسٹاٹ کی اور فرار ہو گیا۔

اس موقع پر ایک نشئی نے بتایا کہ پولیس جب چھاپہ مارتی ہے تو ہماری جیب سے پیسے نکال کر لے جاتی ہے، اس کے علاوہ جو منشیات فروخت کرنے والے لوگ ہیں ان سے بھی پولیس پیسے لیتی ہے۔

اس حوالے سے شہریوں کا کہنا ہے کہ علاقہ میں جگہ جگہ سرنجیں پڑی ہیں، پولیس کچھ نہیں کرتی، رہائشی بھی سخت پریشان ہیں، علاقے کی آبادی ساٹھ ہزار کے لگ بھگ ہے، پولیس نے فوری ایکشن نہ لیا تو علاقے میں ایڈز جیسی خطرناک بیماری پھیلنے کا خدشہ ہے۔

ستمبر 11, 2018
ابو ظہبی: افطار اوقات میں منشیات فروخت کرنے والا شخص گرفتار

ابو ظہبی : متحدہ عرب امارات میں پولیس نے خفیہ آپریشن کرتے ہوئے عرب منشیات فروش کو گرفتار کرکے 3 ہزار کیسپول برآمد کرلیے۔

تفصیلات کے مطابق متحدہ عرب امارات کے دارالحکومت ابوظہبی میں پولیس نے ’مائیکرو اسکوپ‘ کے نام سے خفیہ آپریشن کرتے ہوئے عرب منشیات فروش کو گرفتار کیا ہے جو افطار کے اوقات میں منشیات تقسیم کرنے کی کوشش کررہا تھا۔

غیر ملکی خبر رساں ادارے کا 53 سالہ عربی شخص افطار کے اوقات کا فائدہ اٹھا کر 3 ہزار ڈرگرز کی کیپسول تقسیم کرنے کی کوشش کررہا تھا۔

ابو ظہبی پولیس کے ڈائریکٹر کرنل طاہر غریب الدہری کا کہنا تھا مذکورہ عربی شخص پر کافی ٹائم سے نظر رکھی جارہی تھی۔

کرنل طاہر غریب الدہری کا کہنا تھا کہ عرب منشیات فروش بہت چالاک تھا جس نے ماہ رمضان میں افطار کے اوقات میں ڈرگز کی تقسیم شروع کی کیوں اسے پتہ تھا کہ پولیس اہلکار افطار کے وقت روزہ کھولنے میں مصروف ہوتے ہیں۔

دبئی: عدالت نے 17 سالہ لڑکی کی اسمگلنگ میں ملوث پاکستانی گروہ کو جیل بھیج دیا

ابو ظہبی پولیس کا کہنا تھا کہ سیکیورٹی اداروں نے مائیکرو اسکوپ کے نام سے خفیہ آپریشن کرتے ہوئے مذکورہ منشیات فروش کو گرفتار کرکے 3 ہزار ڈرگز کیپسول برآمد کیے ہیں۔

خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

مئی 27, 2018
کراچی: بدنام زمانہ منشیات فروش مقابلے میں‌ ہلاک

کراچی: شہر قائد کے علاقے کیماڑی میں پولیس نے بدنام زمانہ منشیات فروش کو مقابلے میں ہلاک کردیا، ملزم پولیس کو 30 سے زائد سنگین مقدمات میں مطلوب تھا۔

تفصیلات کے مطابق جیکسن پولیس نے خفیہ اطلاع پر پولیس کی بھاری نفری کے ہمراہ گلشن سکندر آباد کا محاصرہ کرلیا اور ملزمان کے ٹھکانے کی جانب پیش قدمی شروع کردی۔

اسی دوران ملزمان نے رات کے اندھیرے کا فائدہ اٹھاتے ہو ئے پولیس پر اندھا دھند فائرنگ شروع کردی جس پر پولیس نے جوابی فائرنگ کرتے ہو ئے ملزمان کے ٹھکانے پر دھاوا بول دیا جہاں پولیس کو اسلحہ اور ایک لاش پڑی ملی جسے پولیس نے تحویل میں لے کر سول اسپتال منتقل کردیا۔

ایس ایچ او شعور بنگش نے بتایا کہ سول اسپتال میں ہلاک ہونے والے ملزم کی شناخت 30 سالہ کمال عرف کمالہ کے نام سے کی گئی اور اس کے قبضے سے ایک نائن ایم ایم پستول 30 گولیاں 6خول برآمد کیے گئے۔

انہوں نے مزید بتایا کہ ملزم بدنام زمانہ منشیات فروش تھا اور صرف جیکسن پولیس کو 30 سے زائد سنگین مقدمات میں مطلوب تھا جن میں سے 9مقدمے پولیس مقابلے ،قتل ،اقدام قتل ،ڈکیتی اور منشیات فروشی کے شامل ہیں۔

انہوں نے مزید بتایا کہ ملزم کے 5ساتھی موقع سے فرار ہو گئے جن کی تلاش جاری ہے۔

ستمبر 23, 2017
پشاور: طلباء کومنشیات فراہم کرنے والا کالج پروفیسرگرفتار

پشاور : طلبہ کی رگوں میں اندھیرا اتارنے والا پروفیسر منشیات سمیت پکڑا گیا، پولیس نے پروفیسر بشیر کی گاڑی سےڈیڑھ سو گرام چرس اور20گرام آئس ہیروئن اور اسلحہ برآمد کرلیا۔

تفصیلات کے مطابق درسگاہوں کو منشیات کے اڈے میں بدلنے والوں میں اساتذہ بھی شامل ہیں، نئی نسل کو منشیات کے اندھیروں میں اتارنے والے کوئی اور نہیں اس کے مسیحا بھی شامل ہیں۔

پشاور پولیس نے طلبہ کو منشیات کا عادی بنانے والے ایک پروفیسر کو منشیات سمیت گرفتار کرلیا، پولیس نے خفیہ اطلاع پر پشاور اسلامیہ کالج کے اسسٹنٹ پروفیسر بشیر احمد کی گاڑی سے ڈیڑھ سو گرام چرس اور20گرام آئس ہیروئن برآمد کرلی جو ممکنہ طور پر طلباءکو فروخت کی جاتی تھی۔

اسسٹنٹ پروفیسر بشیر احمد کو ماڈل ٹاون پولیس نے ناکہ بندی کرکےگرفتارکیا۔ پروفیسر بشیرکی جانب سے گرفتاری کے دوران مزاحمت بھی کی گئی، پولیس نے پروفیسر کے قبضے سے دوپستول بھی برآمد کیے ہیں۔ منشیات برآمد ہونے کے بعد ملزم کو گرفتار کرکے مقدمہ درج کر لیا گیا ہے ۔

مزید پڑھیں: تعلیمی اداروں میں منشیات سپلائی کرنے والے 11 افراد گرفتار

یاد رہے کہ گزشتہ دنوں ملک کے تعلیمی اداروں میں طلبہ میں منشیات کے استعمال کا رجحان بڑھنے کی سروے رپورٹ کے بعد قومی اسمبلی میں پیپلزپارٹی کی جانب سے توجہ دلاؤ نوٹس جمع کروایا گیا تھا۔

مزید پڑھیں: بے روزگار نوجوان منشیات اور جرائم کی طرف جارہے ہیں، عمران خان

رپورٹ کے مطابق مختلف تعلیمی اداروں میں دس فیصد لڑکے اور چار فیصد لڑکیوں میں منشیات استعمال کرنے کا انکشاف ہوا ہے۔

جون 13, 2017
پاکستان سے یو اے ای واٹس ایپ کے ذریعے منشیات فروخت کرنے والا گرفتار

اسلام آباد: پاکستان میں بیٹھ کر واٹس ایپ کے ذریعے متحدہ عرب امارات میں منشیات فروخت کرنے کی کوشش کرنے والے ڈرگ ڈیلر کو گرفتار کرلیا گیا۔

تفصیلات کے مطابق پاکستان سے دبئی واٹس ایپ کے ذریعے منشیات فروخت کرنے کی کوشش پر ایک شخص کو گرفتار کرلیا گیا، ملزم کو پاکستانی پولیس نے یو اے ای پولیس کی جانب سے فراہم کردہ معلومات کے بعد تحقیقات کے ذریعے گرفتار کیا۔

ملزم کو کس شہر سے گرفتار کیا گیا اس بارے میں متحدہ عرب امارات یا پاکستانی پولیس نے کوئی معلومات جاری نہیں کیں۔

خلیج ٹائمز کے مطابق پاکستان میں موجود ایک شخص عرفان نے متحدہ عرب امارات میں موجود افراد کو واٹس ایپ اور دیگر سوشل میڈیا کے ذریعے منشیات فروخت کرنے کی کوشش کی جس مقصد کے لیے اس نے انہیں واٹس ایپ پر پیغامات ارسال کیے۔

ویب سائٹ کے مطابق ملزم عرفان پاکستان میں بیٹھ کر متحدہ عرب امارات میں موبائل فون ایپلی کیشن واٹس ایپ کے ذریعے منشیات کی تشہیر کرتا تھا۔

متحدہ عرب امارات کی وزارت داخلہ نے پیر کو جاری بیان میں کہا ہے کہ یو اے ای میں موجود افراد کی بڑی تعداد کو اس ڈرگ ڈیلر کی جانب سے سوشل میڈیا پر منشیات کی فروخت کے پیغامات موصول ہوئے۔

بیان کے مطابق پاکستانی شہری ان افراد کو ارسال کردہ پیغامات میں منشیات کی تشہیر میں ملوث پایا گیا، ملزم نے دلچسپی لینے والے افراد کو منشیات پہنچانے کی یقین دہانی کرائی اور جواباً بینک ٹرانسفر کے ذریعے رقم طلب کی۔

ملزم دیگر ڈرگ ڈیلرز کے ساتھ مل کر کام کرتا رہا ہے

پاکستانی حکام نے اس ملزم کو عرفان کے نام سے شناخت کیا ہے جس نے انکشاف کیا کہ وہ دیگر ڈرگ ڈیلرز کے ساتھ مل کر کام کرتا رہا ہے۔

یو اے ای کی وزارت داخلہ کے اینٹی نارکوٹکس فیڈرل ڈائریکٹوریٹ جنرل کے ڈی جی کرنل سعید عبداللہ السویدی نے بتایا کہ یہ کارروائی ہماری وزارت داخلہ اور پاکستانی پولیس کے تعاون سے ہوئی جس کے نتیجے میں ملزم کی نشاندہی اور شناخت ہوئی کہ کہ وہ کہاں سے بیٹھ کر سوشل میڈیا کے ذریعے منشیات کی پبلسٹی (تشہیر)کررہا تھا۔

ان کا کہنا تھا کہ وزارت داخلہ نے سوشل میڈیا کے ان پیغامات کا فوری نوٹس لیتے ہوئے ملکی و غیر ملکی افراد کی نگرانی کی جس کے ذریعے مطلوبہ ڈرگ ڈیلر کو پکڑنے میں کامیاب ہوئے۔

عوام سوشل میڈیا اور واٹس ایپ پر مشکوک پیغامات کو نظر انداز کردیں

کرنل سعید عبداللہ السویدی نے عوام کو خبردار کیا کہ وہ واٹس ایپ اور دیگر سوشل میڈیا پر موصول ہونے والے مشکوک پیغامات کو نظر انداز کردیں اور اس کا جواب نہ دیں ورنہ وہ اپنی رقم سے محروم ہوسکتے ہیں۔

اپریل 11, 2017