دبئی : اماراتی عدالت نے 21 سالہ ہسپانوی شہری کو نشے کی حالت پولیس کو جسمانی اور زبانی تشدد کا نشانہ بنانے کے جرم میں ٹرائل پر دے دیا۔
تفصیلات کے مطابق متحدہ عرب امارات کی ریاست دبئی کی عدالت نے ڈیوٹی پر موجود پولیس اہلکاروں کو زبانی اور جسمانی تشدد کا نشانہ بنانے کے الزام میں غیر ملکی شہری کو ٹرائل پر بھیج دیا۔
اماراتی خبر رساں ادارے کا کہنا تھا کہ رواں برس 23 مارچ کو ہسپانوی شہری بے روزگاری کے باعث سرعام شراب نوشی کررہا تھا جس کے نتیجے میں پولیس نے اسے گرفتار کرنے کی کوشش کی تو مذکورہ شخص نے پولیس پر تشدد شروع کردیا۔
دبئی کی ال بارسا پولیس کے متاثرہ اہلکار کا کہنا ہے کہ 21 سالہ ہسپانوی نوجوان کو گرفتار کرکے پولیس پیٹرول کی گاڑی میں بیٹھایا تو نوجوان نے میرے بائیں ہاتھ پر کاٹ لیا اور تھانے جاکر بھی پولس پر تشدد جاری رکھا۔
مقامی خبر رساں ادارے کے مطابق 32 سالہ فلپائنی خاتون کا کہنا تھا کہ میں ٹیکسی کے انتظار میں کھڑی تھی کہ میں دیکھا کہ ایک ہسپانوی شہری نے پولیس اہلکاروں پر تشدد کررہا ہے۔
اماراتی میڈیا کا کہنا تھا کہ ملزم نے عدالت میں اعتراف کیا اس نے شراب نوشی کی اور پولیس کو جسمانی اور زبانی تشدد کا نشانہ بنایا تھا۔
