کراچی: سندھ پولیس کے کرپٹ افسران کی فہرست تیار کرنا شروع کردی گئی، اعلیٰ عہدوں پر فائز پولیس افسران سب سے زیادہ اثاثوں کے مالک نکلے۔
تفصیلات کے مطابق سندھ حکومت کی جانب سے پولیس کے اعلیٰ افسران کی کے اثاثہ جات کی فہرست مرتب کی گئی ہے جس میں کچھ ایسے افسران کے نام بھی شامل ہیں جو ایماندار ہیں لیکن زیادہ ترکرپٹ نکلے ہیں۔
فہرست کے مطابق ڈی آئی جی، اے آئی جی سے لے ڈی ایس پی کی سطح کے افسران کے اثاثہ جات کی بھی جانچ پڑتال کی گئی ہے۔
ذرائع کا کہنا ہے کہ کئی اعلیٰ افسران کروڑوں روپے مالیت کے بنگلے، ہوٹلز، پترول پمپ اور بیرونِ ملک کاروبار کے مالک نکلے جبکہ کچھ کے بلڈرز کے ساتھ کاروباری تعلقات ہیں۔
سی پی ایل سی کے سابق سربراہ جمیل یوسف نے اے آر وائی نیوز سے خصوصی گفتگو کرتے ہوئے کہاکہ پاکستان کیبدقسمتی یہ ہے کہ یہاں کوئی ایسا ادارہ نہیں جو کہ کسی بھی برسراقتدار شخص کا احتساب کرسکے۔
ان کا کہنا تھا ان تمام حرکتوں سے نقصان ریاست کا ہوتا ہے احتساب صرف پولیس کا ہی نہیں بلکہ تمام بیوروکریسی کا ہونا چاہئیے۔
اے آروائی نیوز کے اینکر پرسن اقرار الحسن کا اس معاملے میں کہنا ہے کہ پولیس کا محمکہ اس قدر کرپٹ ہوچکا ہے کہ جب تک بڑے پیمانے پرکاروائی نہیں ہوگی معاملات سدھار کی جانب نہیں جائیں گے۔
