ARYNews.tv | Urdu – Har Lamha Bakhabar

Tag: Dubai Duty Free

  • کینیا کے شہری نے دبئی میں 10 لاکھ امریکی ڈالر جیت لیے

    کینیا کے شہری نے دبئی میں 10 لاکھ امریکی ڈالر جیت لیے

    ابوظہبی : دبئی کے انٹرنیشنل ایئرپورٹ پر لاٹری کا ٹکٹ خریدنے والے کینیا کے شہری نے دس لاکھ امریکی ڈالر (15کروڑ سے زائد پاکستانی روپے) انعام میں جیت لیے۔

    تفصیلات کے مطابق متحدہ عرب امارات کی ریاست دبئی کے عالمی ہوائی اڈے پر فروخت ہونے والے ڈیوٹی فری لاٹری ٹکٹ نے شہری کی قسمت تبدیل کردی، پاؤل ویچارا نامی افریقی نے منگل کے روز ہونے والی قرعہ اندازی میں ایک ملین امریکی ڈالر کی رقم اپنے نام کرلی۔

    اماراتی خبر رساں ادارے کا کہنا تھا کہ پاؤل ویچارا پہلے کینیا کے شہری ہیں جو دبئی ڈیوتی فری لاٹری کے ذریعے 10 لاکھ امریکی ڈالر جیتنے میں کامیاب ہوئے ہیں۔

    مقامی خبر رساں ادارےکے مطابق انعامی ٹکٹ تقسیم کرنے والے ادارے کی انتظامیہ خوش نصیب شہری تک رسائی حاصل نہیں پارہی ہے اور نہ ہی مذکورہ شخص کو علم ہے کہ وہ ایک ملین ڈالر کا مالک بن جاچکا ہے۔

    خبر رساں ادارے کا کہنا تھا کہ ویچارا نے آن لائن ٹکٹ خریدا تھا جس کے باعث اس تک رسائی ممکن نہیں ہوپارہی ہے۔

    اماراتی میڈیا کے مطابق تین مزید خوش نصیب ہیں جنہوں نے لاٹری ٹکٹ کے ذرئعے بیش قیمتی گاڑیاں اپنے نام کی ہیں۔

    ملازمت کی غرض سے دبئی میں مقیم راملال سرگارا نے دبئی ڈیوٹی فری سے بینٹلی بینٹیگا وی 8 جیتی ہے جبکہ وریا راحیمی نے رینج روور اور سندُن سمیر انے انڈین اسکوٹ بوبر ابائیک اپنے نام کی ہے۔

    یاد رہے کہ دبئی ڈیوٹی فری ریفل ٹکٹ کے نام سے جانے والے اس ٹکٹ کی قیمت ایک ہزار درہم ہے جو کہ دبئی میں مقیم کسی بھی بھارتی یا پاکستانی کے لیے ایک بڑی رقم ہے۔

  • دبئی کے سفر نے بھارتی شہری کو کروڑ پتی بنادیا

    دبئی کے سفر نے بھارتی شہری کو کروڑ پتی بنادیا

    ابو ظبی : دبئی انٹرنیشنل ایئرپورٹ پر بھارتی شہری نے دس لاکھ امریکی ڈالر کی (12 کروڑ سے زائد پاکستانی روپے) لاٹری جیت لی، مذکورہ شخص لاٹری جیتنے والا 143 واں بھارتی شہری بن گیا۔

    تفصیلات کے مطابق ملازمت کے سلسلے میں متحدہ عرب امارات کا سفر کرنے والے بھارتی شہری نے دبئی کے عالمی ہوائی اڈے پر ڈیوٹی فری ملینیئر لاٹری جیت کر 10 لاکھ امریکی ڈالر اپنے نام کرلیے ہیں۔

    اماراتی میڈیا کا کہنا ہے کہ 40 سالہ رگو کرشنامورتی اردن میں رہائش پذیر ہے جو ملازمت کے سلسلے میں دبئی آیا تھا جہاں اس نے واپسی پر ڈیوٹی فری ریفل لاٹری کا ٹکٹ خریدتا ہے۔

    رگو کرشنا کا کہنا ہے کہ میں نے پہلی مرتبہ لاٹری کا ٹکٹ خریدا تھا اور پہلے ہی ٹکٹ میں میری قسمت کھل گئی، میں شکر گزار ہوں کہ ایک ٹکٹ نے میری قسمت بدل دی۔

    اماراتی خبر رساں ادارے کا کہنا ہے کہ ڈیوٹی فری ملینئم ملینیئر لاٹری کا ٹکٹ خریدنا بھی کرشنا مورتی کے سفر کا حصّہ تھا، جس طرح کوئی دبئی ڈیوٹی فری سے شاپنگ کرتا ہے اسی طرح مذکورہ شخص نے ایک ہزار درہم کا لاٹری کا ٹکٹ خریدتا تھا۔

    مقامی خبر رساں ادارے کا کہنا تھا کہ کرشنا مورتی 143 واں بھارتی شہری ہے جس نے دبئی میں ڈیوٹی فری ملینئم ملینیئر لاٹری ٹکٹ کے ذریعے دس لاکھ امریکی ڈالر کی خطیر رقم جیتی ہے۔

    ان کا کہنا ہے کہ لاٹری کے ذریعے جیتی گئی دس لاکھ امریکی ڈالر کی رقم کا ایک حصّہ خیراتی ادارے کو چندے میں دے دوں گا جبکہ باقی رقم ذاتی سرمایہ داری میں خرچ کروں گا۔

    اماراتی خبر رساں ادارے کا کہنا ہے کہ کرشنا مورتی بھارتی شہری ہیں لیکن گزشتہ کئی برسوں سے ملازمت کے سلسلے میں عمان میں مقیم ہیں۔

    یاد رہے کہ دبئی ڈیوٹی فری ریفل ٹکٹ کے نام سے جانے والے اس ٹکٹ کی قیمت ایک ہزار درہم ہے جو کہ دبئی میں مقیم کسی بھی بھارتی یا پاکستانی کے لیے ایک بڑی رقم ہے۔

  • عراقی شہری نے لاکھوں ڈالرز کی لاٹری جیت لی

    عراقی شہری نے لاکھوں ڈالرز کی لاٹری جیت لی

    ابوظہبی : دبئی کے عالمی ہوائی اڈے پر لاٹری کا ٹکٹ خریدنے والے 43 سالہ عراقی شہری نے 10 لاکھ امریکی ڈالرز (14 کروڑ سے زائد پاکستانی روپے) انعام میں جیت لیے۔

    تفصیلات کے مطابق پہلی مرتبہ متحدہ عرب امارات میں ملازمت کرنے والے عراقی شہری نے دبئی انٹرنیشنل ایئر پورٹ کے ڈیوٹی فری لکی ڈرا سے دس لاکھ امریکی ڈالرز کی انعامی رقم جیت کر اپنے نام کرلی۔

    اماراتی خبر رساں ادارے کا کہنا تھا کہ عراقی شہری 43 سالہ قسیم طالب گذشتہ کئی برسوں سے ملینیم ملینئر کمپنی کا لاٹری ٹکٹ خرید رہے تھے۔

    مقامی میڈیا کا کہنا تھا کہ طالب ایروس نامی کمپنی میں مینجر کی حیثیت سے خدمات انجام دے رہے ہیں، جب انہیں لاٹری کے متعلق بتایا گیا تو یہ عراق جانے کےلیے ایئرپورٹ پر موجود تھے اور 45 منٹ بعد طالب کی فلائٹ تھی۔

    عراقی شہری کا کہنا تھا کہ ’میں دبئی ڈیوٹی فری لاٹری کمپنی کا بے حد شکر گزار ہوں، میں یہ رقم کینسر جیسی ملک بیماری سے لڑنے والے مریضوں کےلیے خیرات کردوں گا‘۔

    قسیم طالب کا کہنا ہے کہ میری بہن اور میری والدہ کینسر جیسے مہلک مرض میں مبتلا تھیں جس کے باعث ان کی موت واقع ہوئی اس لیے میں نے یہ رقم خیرات کرنے کا فیصلہ کیا۔

    اماراتی خبر رساں ادارے کا کہنا تھا کہ ملینیم ملینئر کمپنی کی جانب سے 35 ویں سالگرہ کے موقع پر دو لکی ڈرا کا انعقاد کیا گیا تھا جس میں دوسرا انعام (دس لاکھ امریکی ڈالرز) ایک سعودی شہری الاوتیبی علی ترہیب کا نکلا ہے تاہم اس سے رابطہ نہیں ہوسکا۔

  • پاکستانی شہری نے دبئی میں‌ 10 لاکھ امریکی ڈالر کی رقم جیت لی

    پاکستانی شہری نے دبئی میں‌ 10 لاکھ امریکی ڈالر کی رقم جیت لی

    ابوظہبی : دبئی انٹرنیشنل ایئرپورٹ پر لاٹری کا آن لائن ٹکٹ خریدنے والے 48 سالہ پاکستانی شہری نے دس لاکھ امریکی ڈالر (12 کروڑ سے زائد پاکستانی روپے) انعام میں جیت لیے۔

    تفصیلات کے مطابق روزگار کے لیے بیرون ملک مقیم پاکستان کی کاروباری شخصیت نے دبئی انٹرنیشنل ایئر پورٹ کے ڈیوٹی فری لکی ڈرا سے خریدی گئی لاٹری سے دس لاکھ امریکی ڈالر کی انعامی رقم جیت کر اپنے نام کرلی۔

    مقامی خبر رساں ادارے کا کہنا تھا کہ پاکستانی شخص نے ملینیم لکلی ڈرا کے ذریعے پاکستانی 12 کروڑ روپے سے زائد کی خطیر رقم انعام میں جیتی ہے۔

    اماراتی میڈیا کے مطابق دبئی میں لاٹری جیتنے والا تاجر عمران اسحاق لاہور کے رہائشی ہیں جنہوں نے پہلی مرتبہ اپنی قسمت آزمانے کے لیے دبئی کے مشہور لکی ڈرا کا ٹکٹ خریدا تھا تاہم ایک ہی دفاع میں قسمت کی دیوی نے ان پر نظر کرم کرلی۔

    غیر ملکی خبر رساں ادارے کا کہنا تھا کہ 48 سالہ پاکستانی شہری کا کہنا ہے کہ میں انعامی رقم سے مزید پراپرٹی خریدوں گا اور مسقط میں گاڑیوں کے کاروبار میں سرمایہ کاری کروں گا۔

    اماراتی میڈیا کا کہنا ہے کہ عمران اسحاق نے منگل کے روز ٹکٹ نمبر 2021 سے لاکھوں امریکی ڈالر جیتے تھے۔

    خیال رہے کہ 25 ستمبر کو بھی میلینم لکی ڈرا کا آن لائن ٹکٹ خریدنے والی پاکستانی تاجر نعمان عارف نے بھی دس لاکھ امریکی ڈالر کی رقم جیتی تھی۔