ARYNews.tv | Urdu – Har Lamha Bakhabar

Tag: DUBAI POLICE

  • دبئی پولیس کی رمضان کے آغاز پر گداگری کیخلاف آگاہی مہم

    دبئی پولیس کی رمضان کے آغاز پر گداگری کیخلاف آگاہی مہم

    دبئی پولیس نے رمضان المبارک کے آغاز پر ”عقلمندی سے عطیہ دیں ” کے عنوان سے ایک آگاہی مہم کا آغاز کیا ہے۔

    بین الاقوامی خبر رساں ادارے کی رپورٹ کے مطابق دبئی پولیس کی جانب سے شروع کی گئی اس مہم کا مقصد عوام کو پیشہ ور گداگروں کے دھوکے سے بچانا اور مستحق افراد کی صحیح طریقے سے مدد کو یقینی بنانا ہے۔

    رپورٹس کے مطابق پولیس نے عوام کو خبردار کرتے ہوئے کہا ہے کہ وہ سڑکوں، مساجد اور عوامی مقامات کے قریب گھومنے والے گداگروں کی جھوٹی کہانیوں کے جھانسے میں نہ آئیں۔

    دبئی پولیس کے مطابق یہ پیشہ ور گداگر لوگوں کی ہمدردی کا غلط فائدہ اٹھاتے ہیں اور ان کے عطیات کو غلط استعمال کرتے ہیں۔

    پولیس نے عوام سے اپیل کی ہے کہ عطیات صرف مستند فلاحی اداروں کو دیں اور گداگری کی مشکوک سرگرمی کی اطلاع فوری طور پر پولیس کو دیں۔

    پولیس کے مطابق ذمہ داری سے عطیات دینے سے نہ صرف کمیونٹی محفوظ رہے گی بلکہ اصل مستحق افراد کو ان کا حق مل سکے گا۔

    دوسری جانب دبئی نے ویزا سروسز میں آسانی، رہائش اور دیگر سروسز کے لیے‘سلاما’AI پلیٹ فارم کا آغاز کر دیا۔

    دبئی میں جنرل ڈائریکٹوریٹ آف ریذیڈنسی اینڈ فارنرز افیئرز (جی ڈی آر ایف اے) نے ایک نئے مصنوعی ذہانت کے پلیٹ فارم‘سلاما’کی نقاب کشائی کی ہے جس کا مقصد سرکاری خدمات کی کارکردگی کو جدید ٹیکنالوجی سے ہم آہنگ کر کے آسان بنانا ہے۔

    پلیٹ فارم کی خدمات کا مقصد افراد کے لیے رہائش کے عمل کو آسان بنانا ہے۔

    اس کی خصوصیات میں سے ”سلاما”صارفین کو رہائشی اجازت ناموں کی تجدید یا منسوخی، ویزہ سے متعلق پوچھ گچھ کے فوری جوابات حاصل کرنے، اور متعدد سسٹمز پر تشریف لائے بغیر یا سروس سینٹرز کا دورہ کیے بغیر لین دین مکمل کرنے کی سہولت فراہم کرنا ہے۔

    اسرائیلی جیلوں سے مزید 46 فلسطینی رہا

    یہ اضافہ پلیٹ فارم کو ایک انتہائی موثر اور صارف دوست ٹول بناتا ہے۔ ان کی خدمات کو مستقبل میں کمپنیوں کے لیے بڑھایا جائے گا۔

  • چمگادڑ کے نام سے مشہور خطرناک مجرم دبئی پولیس نے کیسے پکڑا؟

    چمگادڑ کے نام سے مشہور خطرناک مجرم دبئی پولیس نے کیسے پکڑا؟

    ابو ظہبی: دبئی پولیس نے منشیات کے خطرناک ڈیلر کو گرفتار کرلیا جو دبئی میں دی بیٹ (چمگادڑ) کے نام سے مشہور تھا، ملزم دبئی میں بھیس بدل کر کام کر رہا تھا۔

    اردو نیوز کے مطابق متحدہ عرب امارات میں دبئی پولیس نے منشیات کے خطرناک ڈیلر کو گرفتار کیا ہے جو دبئی میں دی بیٹ (چمگادڑ) کے نام سے مشہور تھا۔

    دبئی پولیس کے ماتحت انسداد منشیات کے قائم مقام ڈائریکٹر بریگیڈئیر خالد بن مویزہ نے بتایا کہ الخفاش کی گرفتاری پولیس کی بڑی کامیابی ہے، اس کے لیے خصوصی آپریشن کیا گیا جو مسلسل 10 روز تک جاری رہا۔

    دی بیٹ کا تعلق منشیات کے بین الاقوامی گروہ سے ہے اور وہ دبئی میں بھیس بدل کر کام کر رہا تھا اور پکڑا نہیں جا سکا تھا، اس کے قبضے سے 200 کلو گرام نشہ آور اشیا برآمد ہوئی ہیں۔

    انسداد منشیات کے قائم مقام ڈائریکٹر نے بتایا کہ گزشتہ دنوں منشیات کا کاروبار کرنے والے کئی ایشیائی باشندے پکڑے گئے تھے، ان کے خفیہ ٹھکانوں کا پتہ لگایا گیا جہاں وہ ممنوعہ اشیا زیر زمین چھپا کر رکھتے تھے۔

    تحقیقات سے پتہ چلا کہ ملزمان کو ایک شخص منشیات سپلائی کرتا ہے جو دی بیٹ کے نام سے مشہور ہے، تاہم اس کی شکل و صورت سے کوئی واقف نہیں تھا۔ تحقیقات سے پتہ چلا کہ منشیات کا اصل سرغنہ امارات سے باہر مقیم ہے اور دی بیٹ اس کا نائب ہے اور وہ سوشل میڈیا کی مدد سے منشیات کا دھندا چلا رہا تھا۔

    دبئی پولیس نے سرغنہ کی نشاندہی اور اس تک رسائی کا منصوبہ بنایا، اس دوران ایک شخص کو شک کی بنیاد پر حراست میں لے کر پوچھ گچھ کی گئی۔

    ابتدا میں اس نے خود کو نشئی ظاہر کر کے چکمہ دینے کی کوشش کی، اسی دوران پولیس کے سراغ رسانوں نے معلوم کرلیا کہ زیر حراست شخص ہی الخفاش ہے۔

    دی بیٹ نے دو گاڑیاں رکھی ہوئی تھیں، ایک سے وہ سفر کرتا تھا جبکہ رہائشی عمارت کی پارکنگ میں کھڑی گاڑی کو وہ منشیات کے گودام کے طور پر استعمال کر رہا تھا۔

  • دبئی پولیس کا شاندار کارنامہ : دہرے اندھے قتل کا سراغ لگا لیا

    دبئی پولیس کا شاندار کارنامہ : دہرے اندھے قتل کا سراغ لگا لیا

    یواے ای : دبئی پولیس نے انتہائی مہارت سے میاں بیوی کے اندھے دہرے قتل کا خون کے نشانات سے سراغ لگا لیا، آلہ قتل برآمد کرکے ملزم کو گرفتار کرلیا۔

    تفصیلات کے مطابق دبئی پولیس انتہائی پیچیدہ قتل کیس کو زمین پر خون کے نشانات کا تین کلو میٹر تک تعاقب کرتے ہوئے حل کر دیا ہے۔

    مقامی میڈیا ذرائع کے مطابق دبئی پولیس کے تحت کام کرنے والی سراغ رساں ٹیم نے خون کے نشانات کا تعاقب کرنے کے بعد آلہ قتل برآمد کرلیا۔

    جائے واردات کی تفتیش کرنے والے ادارے کے سربراہ کرنل مکی سلمان نے کہا ہے کہ دبئی میں مقیم ایک ایشیائی تاجر اور اس کی بیوی کا ایک کمپاؤنڈ میں قتل ہوا تھا۔

    جائے وقوعہ میں خون کے نشانات ملے تو تفتیش کاروں کو شک ہوا کہ یہ قاتل کا خون ہوسکتا ہے، تفتیشی ٹیم نے زمین پر خون کے نشانات کا تعاقب کیا یہاں تک کہ کمپاؤنڈ کے باہر نشانات بالکل غائب ہوگئے۔

    تفتیش کاروں نے ہر طرف تلاش شروع کی جس کے بعد انہیں ایک جگہ بہت ہی دھندلے اور غیر واضح نشانات ملے۔ مذکورہ نشانات کا تعاقب کیا گیا تو وہ نشانات ٹیم کو شارع شیخ محمد بن زاید تک لے گئے جہاں ایک پٹرول پمپ قائم تھا۔

    وہاں تلاشی شروع کی گئی تو پمپ کے قریب ایک جگہ پر وہ چھرا ملا جو آلہ قتل ثابت ہوا۔ انہوں نے کہا کہ تفتیشی ٹیم نے قاتل کا سراغ اس دکان سے لگایا جہاں سے وہ چھرا خریدا گیا تھا۔

    نگراں کیمروں کی مدد سے معلوم کرلیا گیا کہ چھرا خریدنے والا کون ہے اور اس طرح قاتل کو گرفتار کرلیا گیا
    پولیس نے بتایا کہ جرم میں ملوث ایک کارکن ہے جو کمپاؤنڈ میں کام کرنے آتا تھا پھر ایک دن اس نے چوری کا ارادہ کیا، جب وہ گھر میں چوری کرنے داخل ہوا تو اچانک تاجر بیدار ہوگیا۔

    چور نے تاجر اور اس کی بیوی دونوں کو قتل کردیا اور اس کی بیٹی کو زخمی کرکے جائے واردات سے فرار ہوگیا تھا۔

  • بھارتی والدین نے اپنے ساتھ پولیس کو بھی حواس باختہ کردیا

    بھارتی والدین نے اپنے ساتھ پولیس کو بھی حواس باختہ کردیا

    دبئی : والدین نے بیٹی کو گھر میں نہ پاکر پورا شہر سر پر اٹھا لیا لیکن کئی گھنٹوں بعد جب حقیقت آشکار ہوئی تو پولیس بھی سر پکڑ کر بیٹھ گئی۔

    اُردو کے مشہور محاورے "بچہ بغل میں اور ڈھنڈورا شہر میں” کے مصداق کچھ ایسا ہی معاملہ دُبئی میں بھی پیش آیا ہے جہاں بھارتی والدین نے اپنی کم سن لڑکی کے گھر میں نظر نہ آنے پر حواس باختہ ہو کر پولیس کو رپورٹ درج کرادی۔

    دُبئی پولیس کی جانب سے بتایا گیا ہے کہ صبح کی سیر کو جانے والی اُم سقیم کی رہائشی15سالہ بھارتی لڑکی ہیرینی کیرانی لاپتہ ہو گئی تھی۔ والدین سمجھتے رہے کہ ان کی بچی اغوا ہو گئی ہے یا ناراض ہو کر کہیں دُور چلی گئی ہے۔

    رپورٹ کے اندراج کے بعد پولیس اہلکار بچی کو17گھنٹے تک آس پاس کے علاقوں میں تلاش کرتے رہے، سوشل میڈیا پر لڑکی کی گمشدگی کے اشتہارات بھی لگائے گئے۔

    اس کے علاوہ شہر کے تمام بڑے اخبارات پر بھی لاپتہ ہونے کی خبریں شائع ہوگئیں اور آخرکار 17 گھنٹوں بعد یہ بات سامنے آئی کہ15 سالہ لڑکی گھرسے باہر ہی نہیں گئی تھی بلکہ والدین سے کسی بات پر ناراض ہو کر چھت پر جاکر چھُپ گئی تھی۔

    ذرائع کے مطابق صبح چھ بجے سے رات ساڑھے گیارہ تک یہ لڑکی گھر کی چھت پر ہی چھُپی رہی، اور اس کے والدین اور پولیس پورے شہر میں تلاش کرکے ہلکان ہوتی رہی۔

    ہیرینی نے پولیس کو بتایا کہ اس بار اس کے امتحانات میں نمبر کم آئے تھے، جس پر ناراض والدین نے اس کا موبائل فون چھین لیا تھا وہ اپنے والدین کی اس سختی پر ناراض تھی اور گھر کی چھت پر جا کر بیٹھی رہی۔

  • دبئی میں ایک ارب سے زائد درہم کا فراڈ کرنے والا گروہ گرفتار

    دبئی میں ایک ارب سے زائد درہم کا فراڈ کرنے والا گروہ گرفتار

    ابو ظہبی: متحدہ عرب امارات کے شہر دبئی کی پولیس نے 1.6 ارب درہم کا فراڈ کرنے والے گروہ کو گرفتار کرلیا، گروہ کے پاس سے 150 ملین درہم اور 13 پرآسائش گاڑیاں ضبط کرلی گئیں۔

    اماراتی ویب سائٹ کے مطابق دبئی پولیس نے دھوکہ دہی کے خطرناک ترین آپریشن میں کامیابی کا اعلان کیا ہے جس میں 1.6 ارب درہم کی دھوکہ دہی کرنے والے گروہ کو گرفتار کرلیا گیا۔

    مذکورہ آپریشن کو ’لومڑیوں کا شکار 2‘ کا نام دیا گیا، گرفتار گروہ کا سرغنہ انسٹا گرام پر نہایت مقبول شخص ہے۔

    مقامی میڈیا کے مطابق بین الاقوامی جعلساز گروہ کا سرغنہ افریقی ملک کا رامون عباس نامی شہری ہے اور ہاشبوبی کے نام سے مشہور ہے۔ اس پر دھوکہ دہی کے ذریعے لوگوں کی رقوم ہتھیانے کا الزام ہے۔

    سرغنہ پر بیرون ملک منی لانڈرنگ کے جرائم ، اکاؤنٹ ہیک کرنے، آن لائن دھوکہ دہی کے لیے بہروپیا بننے، ای بینکنگ کے ذریعے رقم نکالنے اور مختلف لوگوں کے شناختی کارڈ چوری کر کے انہیں آن لائن دھوکہ دہی کے جرائم میں استعمال کرنے کے الزامات ہیں۔

    پولیس تحقیقات کے مطابق گروہ نے امریکا اور یورپی ممالک سمیت متعدد ملکوں میں بڑے پیمانے پر لوگوں سے فراڈ کیا ہے۔

    مذکورہ گروہ کی گرفتاری کے لیے ایف بی آئی اور نائجیریا کے سراغرسانوں کے درمیان مقابلہ چل رہا تھا کہ کون اسے پہلے گرفتار کرے گا، تاہم دونوں ممالک کے سراغرساں پیچھے رہ گئے اور دبئی پولیس ہاشبوبی اور اس کے گروہ کو اپنی نوعیت کے منفرد آپریشن کے ذریعے گرفتار کرنے میں کامیاب ہوگئی۔

    گروہ کی گرفتاری میں 6 ٹیموں نے حصہ لیا، گرفتاری کے بعد بہت ساری اہم معلومات، قیمتی نوادر، خطرناک راز اور 150 ملین درہم برآمد کر کے ضبط کر لیے گئے، اندازہ لگایا گیا ہے کہ گروہ نے 1.6 ارب درہم اینٹھے جبکہ وہ 25 ملین درہم مالیت کی پرآسائش کاروں کے بھی مالک ہیں۔

    دبئی پولیس کے ڈائریکٹر جنرل عبد اللہ خلیفہ المری نے بتایا کہ ہاشبوبی کے علاوہ منی لانڈرنگ اور آن لائن جعلساز گروہ کے 10 افراد پکڑے گئے ہیں۔

    گروہ کے قبضے سے 12 کمپیوٹر، 47 اسمارٹ فون، 15 میموری کارڈ، 1 لاکھ 19 ہزار 580 دھوکہ دہی کی فائلوں، 19 لاکھ 26 ہزار 400 متاثرین کے پتوں پر مشتمل 5 ہارڈ ڈسک اور 13 پرآسائش کاریں بھی ضبط کی گئی ہیں۔

  • دبئی پولیس نے منشیات فروش گینگ کو پکڑ لیا، ویڈیو منظرعام پر آگئی

    دبئی پولیس نے منشیات فروش گینگ کو پکڑ لیا، ویڈیو منظرعام پر آگئی

    دبئی: متحدہ عرب امارات کی ریاست دبئی میں پولیس نے منشیات فروش گینگ کو گرفتار کرلیا جس کی ویڈیو بھی جاری کردی گئی ہے۔

    غیرملکی خبررساں ادارے کی رپورٹ کے مطابق دبئی پولیس نے منشیات کی اسمگلنگ ناکام بناتے ہوئے گینگ کو گرفتار کرلیا، ویڈیو میں دیکھا جاسکتا ہے کہ دبئی پولیس نے کس طرح ملزمان کو حراست میں لیا۔

    دبئی پولیس کے کمانڈر انچیف لیفٹیننٹ جنرل عبداللہ خلیفہ المری نے کہا کہ یہ گروہ منشیات کے فروغ کے لیے موجودہ کوویڈ 19 کے احتیاطی اقدامات سے فائدہ اٹھانے کی کوشش کررہا تھا۔

    انہوں نے کہا کہ میں نے محکمہ انسداد منشیات کے ذریعہ کی جانے والی بھرپور کوششوں کی تعریف کی اور اس بات پر زور دیا کہ آپریشن انتہائی نفیس منصوبہ بندی اور اعلیٰ پیشہ ورانہ مہارت کے ساتھ کیا گیا۔

    لیفٹیننٹ جنرل المری کے مطابق اس کارروائی سے ہمارے افسران نے بڑی صلاحیتوں کو اجاگر کیا جب وہ اس گروہ کی سرگرمیوں کی نگرانی کرنے میں کامیاب ہوئے اور جب متعلقہ محکمہ کو چھاپے تک گروہ کی سرگرمی کے بارے میں اطلاع موصول ہوئی۔

    دبئی پولیس کے مجرمانہ تفتیشی امور کے چیف اسسٹنٹ کمشنر انچیف میجر جنرل خلیل ابراہیم نے انکشاف کیا کہ محکمہ انسداد منشیات کو اس گروہ کے ممبروں کے بارے میں اطلاع ملی جس نے نوجوانوں میں منشیات کو فروغ دینے کی کوشش کی تھی۔

    میجر جنرل المںصوری کے مطابق انسداد منشیات ٹیم نے بروقت کامیابی کے ساتھ مجرموں کو گرفتار کیا اور 59 کلو منشیات برآمد کی جن میں 26 کلو ہیروئن اور 33 کلو کرسٹل میتھ بھی شامل ہے۔

    محکمہ انسداد منشیات کے ڈائریکٹر بریگیڈیئر عید محمد تھانوی نے بتایا ، "گروہ کے رہنما سمیت دو ملزمان کو رنگے ہاتھوں گرفتار کیا گیا جب وہ منشیات لے جارہے تھے۔ دیگر دو مشتبہ افراد کو دبئی میں ان کی رہائش گاہ کے سامنے گرفتار کیا گیا۔”

  • دبئی پولیس آفیسر نے غیرملکی شہری کی خودکشی ناکام بنادی

    دبئی پولیس آفیسر نے غیرملکی شہری کی خودکشی ناکام بنادی

    دبئی: متحدہ عرب امارات کی ریاست دبئی کے پولیس آفیسر نے اپنے کمرے میں خود کشی کرنے والے غیر ملکی شخص کی کوشش کا ناکام بنا کر اُس کی زندگی محفوظ بنادی۔

    خلیج ٹائمز کی رپورٹ کے مطابق دبئی پولیس کے تحقیقاتی ڈیپارٹمنٹ کے ڈائریکٹر بریگیڈیئر جمال سلیم الجالف کا کہنا تھا کہ ’ہمارے کمانڈ سینٹر کو جمعرات کی صبح 11 بجے اطلاع موصول ہوئی کہ ایک شخص خودکشی کی کوشش کررہا ہے‘۔اُن کا کہنا تھا کہ غیرملکی شہری معاشی حالات سے تنگ آکر اپنی زندگی ختم کرنا چاہ رہا تھا۔

    دبئی پولیس شکایت موصول ہونے کے بعد کم وقت میں ’البادا‘ کے علاقے پہنچی اور مذکورہ شہری کے گھر کا رخ کیا۔ بریگیڈیئر جمال سلیم الجالف کا کہنا تھاکہ ’مالک مکان نے بھی ہماری ٹیم کو اس بات کی تصدیق کی کہ اُن کا کرائے دار کئی روز سے نظر نہیں آرہا‘۔

    انہوں نے بتایا کہ یورپین شہری نے اپنے آپ کو کمرے میں بندھ کیا ہوا تھا، ہم نے دروازہ کھلوانے کی کوشش کی مگر  کامیابی حاصل نہ ہوئی تو اسی دوران ہمارا ایک آفیسر دوسری منزل پر گیا اور پھر کھڑکی سے کمرے میں داخل ہوکر اُسے قابو کرلیا، اگر اہلکار کو پہنچنے میں دیر ہوتی نوجوان اپنی زندگی کی بازی ہار جاتا۔

    ’جب ہمارا آفیسر اندر پہنچا تو دیکھا کہ مذکورہ شخص کی حالت بہت زیادہ خراب ہے اور وہ مشکل سے سانس لے رہا ہے، ہم نے فوراً ہی ایمبولینس طلب کی اور پھر اُسے اسپتال منتقل کیا‘۔

    انہوں نے بتایا کہ ’دبئی پولیس کے خصوصی ڈاکٹرز نے مریض کا علاج شروع کیا جس کے بعد اُس کی طبیعت کچھ بہتر ہوئی، بعد ازاں وہ مکمل ہوش میں آگیا، نفسیاتی ڈاکٹرز نے بھی نوجوان کی طبیعت کو قابل اطمینان قرار دے دیا‘۔

  • دبئی پولیس نے 6 سالہ بچی کے گردے تبدیل کرواکر نئی زندگی دے دی

    دبئی پولیس نے 6 سالہ بچی کے گردے تبدیل کرواکر نئی زندگی دے دی

    دبئی : اماراتی پولیس نے زندگی و موت کی کشمکش سے دوچار 6 سالہ بچی کے گردے تبدیل کرواکر نئی زندگی دے گی۔

    تفصیلات کے مطابق متحدہ عرب امارات کی ریاست دبئی کی رہائشی 6 سالہ ریم پیدائش کے ساتھ ہی مہلک بیماری میں مبتلا ہوگئی تھی اور 9 ماہ کی عمر سے متاثرہ بچی کے گردوں نے کام کرنا چھوڑ دیا تھا۔

    اماراتی پولیس نے متاثرہ بچی کی تعلیم حاصل کرنے کے جذبے کی حوصلہ افزائی کی اور گردوں کی تبدیلی میں معاونت فراہم کی۔

    اماراتی خبر رساں ادارے کا کہنا ہے کہ جون 2017 میں ریم کو کیس دبئی میں واقع بچوں کے خصوصی اسپتال الجلیلہ منتقل کردیا تھا جہاں ڈاکٹرز نے مذکورہ بچی کا نام گردے تبدیل کروانے والے مریضوں میں کی فہرست میں شامل کردیا۔

    اماراتی خبر رساں ادارے کا کہنا ہےکہ حالیہ دنوں ہی ریم کی سرجری ہوئی ہے۔

    مقامی میڈیا کا کہنا ہے کہ ریم دبئی کے پولیس کے ایک رکن کی بیٹی ہے جس سے ملاقات کےلیے دبئی پولیس کے کمانڈر انچیف میجر جنرل عبداللہ خلیفہ المرّی نے اسپتال کا خصوصی دورہ کیا۔

    میڈیا کا کہنا ہے کہ ریم کامیاب آپریشن کے بعد کافی خوش ہے، اس کا کہنا ہے کہ ’میں اپنے بھائی اور دوستوں کے ہمراہ بہت جلد اسکول جانا چاہتا ہوں‘۔

    اماراتی خبر رساں ادارے کا کہنا ہے کہ ریم دوسری بچی ہے جس کی بچوں کے خصوصی اسپتال الجلیلہ میں گردے تبدیلی کا کامیاب آپریشن کیا گیا ہے۔

  • دبئی‘بٹ کوائن کا لالچ دے کر 70 لاکھ درہم لوٹنے والا گروہ گرفتار

    دبئی‘بٹ کوائن کا لالچ دے کر 70 لاکھ درہم لوٹنے والا گروہ گرفتار

    دبئی : متحدہ عرب امارات میں پولیس نے کارروائی کرتے ہوئے دو ایشیائی بھائیوں کو بٹ کوائن کا لالچ دے کر 70 لاکھ درہم لوٹنے والے 10 رکنی گروہ کو گرفتار کرلیا.

    تفصیلات کے مطابق متحدہ عرب امارات کے سیکیورٹی اداروں نے گذشتہ روز دبئی کے علاقے المقربات میں کارروائی کرتے ہوئے دو بھائیوں کو دھوکا دینے والے 10 افراد پر مشتمل گروہ کو گرفتار کرکے ستر لاکھ درہم کی خطیر رقم برآمد کرلی ہے۔

    دبئی پولیس نے ہفتے کے روز بیان جاری کیا تھا جس میں پولیس حکام کا کہنا تھا کہ مذکورہ گروہ نے دو ایشیائی بھائیوں کو بٹ کوائن کا لالچ دے کر کسی آفس میں لے گیا تھا، جہاں انہوں نے دونوں بھائیوں پر حملہ کرکے تشدد کیا اور رقم لے کر موقع سے فرار ہوگئے۔

    کرمنل انویسٹی گیشن ڈپارٹمنٹ کے ڈائریکٹر لیفٹینٹ کرنل عدیل الجواکر کا کہنا تھا کہ ’پولیس کو 25 اپریل کو اطلاعات موصول ہوئی تھیں کہ ایک گینگ نے دو بھائیوں کو دھوکا دے کر رقم لوٹی ہے‘۔

    کرنل عدیل الجواکر کا کہنا تھا کہ ’متاثرہ بھائیوں کو بٹ کوائن(برقی کرنسی) فروخت کرنے والوں کی تلاش تھی، مذکورہ گینگ نے انہیں لالچ دی اور دعویٰ کے کہ وہ بٹ کوائن فروخت کرتے ہیں‘۔

    پولیس کا کہنا ہے کہ اس دوران گینگ کے سربراہ نے دکان اور دکان کا لائسنس فروخت کرنے ایک شخص کو بھی دھوکا دیا، جس نے اپنا شو روم فروخت کرنے کے لیے اشتہار دیا تھا۔

    گینگ کے سربراہ نے دکان خریدنے کا دعویٰ کیا جس پر دکان کے مالک نے شو روم دیکھنے کے لیے دکان کی چابیاں اسے دے دیں، گینگ کے سربراہ نے موقع سے فائدہ اٹھاتے ہوئے دونوں بھائیوں کو مذکورہ شوروم میں بلالیا۔

    پولیس نے عرب میڈیا کو بتایا کہ دوران واردات گینگ کے چھ ارکان نے آفس کے اندر دونوں بھائیوں سے ملاقات کی اور باقی چار افراد باہر انتظار کرتے رہے۔

    پولیس کا کہنا تھا کہ جیسے دونوں بھائی آفس میں داخل ہوئے گینگ کے افراد نے ان پر حملہ کرکے تشدد کیا اور دونوں کے ہاتھ باندھ کر کمرے میں بند کردیا اور رقم لیکر موقع سے فرار ہوگئے۔

    دبئی پولیس کے کمانڈر انچیف میجر جنرل عبداللہ خلیفہ المیری کا کہنا ہے کہ پولیس افسران قابل تحسین ہیں جنہوں نے مذکورہ گینگ کو بغیر کسی ثبوت کے تھوڑے وقت میں گرفتار کرلیا۔

    جنرل عبداللہ کا مزید کہنا تھا کہ پولیس حکام نے مذکورہ گینگ کو اسمارٹ منصوبہ بندی اور مصنوعی ٹیکنالوجی کے ذریعے ٹریس کیا تھا۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • دبئی، کروڑوں درہم مالیت کی جعلی گھڑیاں برآمد،ملزمان گرفتار

    دبئی، کروڑوں درہم مالیت کی جعلی گھڑیاں برآمد،ملزمان گرفتار

    دبئی: محکمہ انسداد اقتصادی جرائم کے حکام نے نائف ایریا میں واقع ایک اپارٹمنٹ پر چھاپہ مارکر 2 کروڑ 80 لاکھ درہم مالیت کی ستر ہزار مشہور برانڈ کی جعلی گھڑیاں برآمد کرنے کے بعد گودام کو بند کردیا ہے۔

    تفصیلات کے مطابق دبئی کے علاقے نائف ایریا میں واقع عمارت کے اندر سے کروڑوں درہم مالیت کی جعلی گھڑیاں برآمد کی گئی ہیں۔ جسے دبئی کے شعبہ انسداد اقتصادی جرائم کے اہلکاروں نے کارروائی کے بعد اپنے قبضے میں لے کر حکومتی خزانے میں منتقل کر دیا ہے۔

    دبئی کے شعبہ انسداد اقتصادی جرائم کے افسران نے جعلی گھڑیوں کی فروخت اور ذخیرہ کے متلعق ملنے والی انٹیلی جنس رپورٹ کے بعد فوری چھاپہ مار کارروائی کرتے ہوئے نائف ایریا میں واقع اپارٹمنٹ سے 70،000 جعلی گھڑیاں برآمد کرلی ہیں۔

    محمکہ انسداد اقتصای جرائم کے تفتیشی افسر کا کہنا تھا کہ ملزمان فلیٹس کو غیر قانونی طریقے سے گودام کے طور پر استعمال کر رہے تھے ’تفتیشی افسران نے گودام کی کافی دیر تلاشی کے بعد اپارٹمنٹ میں سے تقریباً 2 کروڑ 80 لاکھ درہم سے زائد مالیت کی جعلی گھڑیاں برآمد کی ہیں۔

    دبئی پولیس کا کہنا تھا کہ ملزمان دبئی میں مشہور برانڈ کی جعلی گھڑیوں کی فروخت میں ملوث تھے، سن 2017 سے اب تک 243 شکایات درج ہوچکی ہیں جس میں ملزمان نے مقامی اور سیاحت کے آئے ہوئے لوگوں کو 2 ارب 88 کروڑ درہم مالیت کی جعلی گھڑیاں فروخت کی تھی۔

    دبئی پولیس کا کہنا تھا کہہ حکومت کی فہرست میں متحدہ عرب امارات میں فروخت ہونے والی جعلی اشیاء میں گھڑیاں پہلے نمبر پر تھی۔

    دبئی:1کروڑدرہم مالیت کے ہزاروں جعلی موبائل فون برآمد

     یاد رہے کہ گذشتہ ماہ دبئی پولیس نے چھاپہ مار کارروائی کرتے ہوئے دبئی کے جڑواں فلیٹس میں سے تقریباً 573،413 جعلی موبائل فون کی اشیاء اور 327،643 اشیاء کو پیک کرنے والا مواد برآمد ہوا ہے۔ جسے قبضے میں لے کر فلیٹ کو سیل کردیا ہے۔

    خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں