ARYNews.tv | Urdu – Har Lamha Bakhabar

Tag: dubai test

  • دبئی ٹیسٹ تیسرا روز، آسٹریلیا 202 رنز پر ڈھیر، پاکستان نے تین وکٹوں پر 45 رنز بنالیے

    دبئی ٹیسٹ تیسرا روز، آسٹریلیا 202 رنز پر ڈھیر، پاکستان نے تین وکٹوں پر 45 رنز بنالیے

    دبئی: پاکستان آسٹریلیا کے درمیان پہلے ٹیسٹ میچ کے تیسرے روز آسٹریلیا کی ٹیم 202 رنز پر ڈھیر ہوگئی، پاکستان نے تین وکٹوں کے نقصان پر 45 رنز بنالیے۔

    تفصیلات کے مطابق دبئی میں جاری پہلے ٹیسٹ میچ کے تیسرے روز آسٹریلیا کی 202 رنز پر ڈھیر ہوگئی، پاکستان نے کینگروز کو فالوآن نہ کراکر خود بیٹنگ کا فیصلہ کیا تو 45 رنز پر تین وکٹیں گر گئیں، تیسرے روز کھیل کے اختتام پر قومی ٹیم نے 325 رنز کی برتری حاصل کرلی ہے۔

    گرین شرٹس نے دوسری اننگز میں بیٹنگ کا آغاز کیا تو پہلی اننگز میں سنچری بنانے والے محمد حفیظ 17 رنز بنا کر پویلین لوٹ گئے، اس کے بعد آنے والے بلے باز بلال آصف بغیر کوئی رن بنائے آؤٹ ہوئے، اظہر علی بھی صرف 4 رنز بنا کر وکٹ گنوا بیٹھے۔

    اوپنر بلے باز امام الحق اور اسد شفیق چوتھے روز اننگز کا آغاز کریں گے، امام الحق 23 رنز کے ساتھ کریز پر موجود ہیں۔

    آسٹریلیا کی جانب سے فاسٹ بولر ہولینڈ نے 2 کھلاڑیوں کی پویلین کی راہ دکھائی جبکہ اسپنر نیتھن لائن کے حصے میں ایک وکٹ آئی۔

    قبل ازیں آسٹریلیا نے کھیل تیسرے روز 30 رنز بغیر کسی نقصان پر اپنی اننگز کا آغاز کیا تو اوپنرز نے 142 رنز کی شراکت قائم کی، ایرون فنچ اور عثمان خواجہ نے نصف سنچریاں اسکور کیں، فنچ 62 اور عثمان خواجہ 85 رنزبنا کر اؤٹ ہوئے۔

    آسٹریلیا کے مڈل آرڈر بلے باز خاطر خواہ کارکردگی کا مظاہرہ نہ کرسکے شان مارچ 7 رنز بنائے جبکہ ٹریوس ہیڈ بغیر کوئی رن بنائے پویلین لوٹ گئے۔

    پاکستان کی جانب سے بلال آصف نے اپنے پہلے ہی میچ میں شاندار کارکردگی کا مظاہرہ کرتے ہوئے 6 کھلاڑیوں کو پویلین کی راہ دکھائی، فاسٹ بولر محمد عباس نے 4 وکٹیں حاصل کیں۔

    مزید پڑھیں: دبئی ٹیسٹ: قومی ٹیم 482 رنز پر آؤٹ، آسٹریلیا نے بغیر کسی نقصان کے 30 رنز بنالیے

    واضح رہے کہ ٹیسٹ میچ کے دوسرے روز قومی ٹیم اپنی پہلی اننگز میں 482 رنز بنا کر آؤٹ ہوئی تھی، حارث سہیل اور محمد حفیظ نے شاندار سنچریاں اسکور کی تھیں جبکہ اسد شفیق نے 80 رنز کی اننگز کھیلی تھی۔

    کپتان سرفراز احمد 15 رنز پر رن آؤٹ ہوئے، بلال آصف نے 12 رنز بنائے، بابر اعظم بھی 4 رنز بنا کر رن آؤٹ ہوئے، محمد عباس ایک اور یاسر شاہ تین رنز بنا کر پویلین لوٹ گئے۔

    آسٹریلیا کی جانب سے فاسٹ بولر پیٹر سدل نے تین اور نیتھن لائن نے دو کھلاڑیوں کو پویلین کی راہ دکھائی جبکہ مچل اسٹارک، اور ہولینڈ کے حصے میں ایک وکٹ آئی۔

  • دبئی ٹیسٹ: سری لنکا نے پاکستان کو شکست دے کرسیریزجیت لی

    دبئی ٹیسٹ: سری لنکا نے پاکستان کو شکست دے کرسیریزجیت لی

    دبئی : سری لنکا نے پہلی بار متحدہ عرب امارات میں پاکستان کے خلاف ٹیسٹ سیریز جیت لی، قومی ٹیم کو 68 رنز سے شکست کا سامنا کرنا پڑا۔

    تفصیلات کے مطابق پاکستان اور سری لنکا کے درمیان کھیلا جانے والا دبئی ٹیسٹ سری لنکا نے 68 رنز سے باآسانی جیت کر دو میچوں کی سیریز اپنے نام کرلی، کپتان سرفراز احمد اور اسد شفیق کی شراکت بھی ٹیم کو شکست سے نہ بچاسکی۔

    پاکستان کی پوری ٹیم 317 رنز کے ہدف کے تعاقب میں 248 رنز بنا کر پویلین لوٹ گئی، پانچویں اور آخری دن کا کھیل شروع ہوا تو پاکستان نے اپنی بیٹنگ کا آغاز198 رنز 5 کھلاڑی آؤٹ پر کیا، سرفرازکا غلط شارٹ ٹیم کو مشکل میں ڈال گیا۔

    محمد عامر نے بھی جلد ہتھیار ڈال دیئے، اسد شفیق کو ایک چانس ملا لیکن ریویو پر امپائر نے آؤٹ کا فیصلہ واپس لیا پھر ان کی مزاحمت بھی دم توڑگئی، اسد شفیق ایک سو بارہ رنز بناکرآؤٹ ہوگئے۔

    کپتان سرفرازاحمد نے 68رنز بنائے ان کے علاوہ کوئی بیٹسمین بھی اچھا کھیل پیش نہیں کر سکا۔ دو سو اڑتالیس رنز پر پاکستان کی فلاپ کہانی کا ڈراپ سین ہوگیا۔اس طرح سری لنکا نے متحدہ عرب امارات میں پاکستان کو شکست دے کر نئی تاریخ رقم کردی۔

    مزید پڑھیں : دبئی ٹیسٹ: چوتھا روز، پاکستان کے5وکٹوں پر198رنز

    ایک سو چھیانوے رنز کی اننگز کھیلنے والے کرونارتنے میچ اور سیریز کے بہترین کھلاڑی قرار پائے، واضح رہے کہ پاکستان کا متحدہ عرب امارات میں15سال پرانا ناقابل شکست رہنے کا ریکارڈ بھی ٹوٹ گیا ہے۔

  • دبئی ٹیسٹ: سرفراز اور اسد کی نصف سنچریاں،پاکستان کے5وکٹوں پر198رنز

    دبئی ٹیسٹ: سرفراز اور اسد کی نصف سنچریاں،پاکستان کے5وکٹوں پر198رنز

    دبئی : پاکستان اور سری لنکا کے درمیان کھیلا جانے والا دبئی ٹیسٹ دلچسپ مرحلے میں داخل ہوگیا، کپتان اور نائب کپتان کی نصف سنچریوں نے ٹیم کو سنبھالا دے دیا، کھیل کے آخری روز پاکستان کو جیت کیلئے119رنز درکار ہوں گے۔

    تفصیلات کے مطابق دبئی کے کرکٹ اسٹیڈیم میں جاری دوسرے ٹیسٹ کے چوتھے روز سری لنکا کی پوری ٹیم96رنز پر ہی پویلین سے باہر چلی گئی۔

    پاکستان کی جانب سے وہاب ریاض چار وکٹوں کے ساتھ سب سے کامیاب بولر رہے جبکہ حارث سہیل نے صرف ایک رن دے کر تین وکٹیں لیں جبکہ یاسر شاہ نے دو اور محمد عباس نے ایک وکٹ حاصل کی۔

    بعد ازاں پاکستان ٹیم نے اپنی اننگز کا آغازکیا تو صرف باون رنز پر آدھی ٹیم کے آؤٹ ہوجانے کے بعد کپتان اور نائب کپتان نے ریسکیو ورک شروع کیا۔

    تین سو سترہ رنز کے تعاقب میں پاکستان کا آغاز تباہ کن تھا، قومی ٹیم کے بلے باز سمیع اسلم، شان مسعود، بابراعظم اور اظہرعلی قابل ذکر کارکردگی کا مظاہرہ نہ کرسکے۔

    بابر اعظم نے تو اپنا کھاتہ کھولنے کی بھی زحمت گوارہ نہ کی، سرفراز اور اسدشفیق کی نصف سنچریوں نےپاکستان کو بچالیا۔

    چوتھے روز کے اختتتام پر قومی ٹیم نے پانچ وکٹوں کے نقصان پر 198 رنز بنالیے ہیں، اس وقت کریز پر کپتان سرفراز احمد  57 اور اسد شفیق 86 رنز کے ساتھ موجود ہیں۔

    اسد شفیق نے پانچ چوکوں کی مدد سے اپنے ٹیسٹ کیریئر کی 19  ویں نصف سینچری مکمل کی، پاکستان ٹیم کو اس میچ میں جیت کیلئے مزید 119 رنز درکار ہیں اور اس کی پانچ وکٹیں باقی ہیں، یاد رہے کہ پاکستان یواےای میں آج تک کوئی ٹیسٹ سیریز نہیں ہارا۔

  • دبئی ٹیسٹ: قومی ٹیم262رنزپرآؤٹ، سری لنکا کے5وکٹوں پر34رنز

    دبئی ٹیسٹ: قومی ٹیم262رنزپرآؤٹ، سری لنکا کے5وکٹوں پر34رنز

    دبئی : پاکستان کی بیٹنگ لائن دبئی ٹیسٹ کی پہلی اننگز میں بری طرح ناکام ہوگئی، سری لنکا نے دو سو باسٹھ رنز پرواپس پویلین پہنچا دیا، فالو آن کے بجائے مہمان ٹیم خود بیٹنگ کررہی ہے، دن کے اختتام تک پاکستانی بولرز پانچ وکٹیں حاصل کرنے میں کامیاب ہوگئے۔

    تفصیلات کے مطابق پاکستان اور سری لنکا کے درمیان دبئی کے انٹرنیشنل اسٹیڈیم میں کھیلے جانے والے ڈے اینڈ نائٹ ٹیسٹ میچ کے تیسرے روز قومی ٹیم کا ٹاپ آرڈر اور مڈل آرڈر سب کچھ ناکام رہا۔

    دوسرے ٹیسٹ کی پہلی اننگز میں پاکستانی ٹیم دو سو باسٹھ رنز پرہی ڈھیر ہوگئی اور دو سو بیس رنز کی برتری سری لنکا کو مل گئی۔

    سری لنکن اسکور چار سو بیاسی رنز کے جواب میں شاہینوں کی بیٹنگ فلاپ رہی۔ اظہر علی اور حارث سہیل نے نصف سنچریاں بنائیں لیکن قومی ٹیم کی مشکلات دور نہ ہوئیں۔

    بڑے ہدف کا عزم لے کر سری لنکن ٹیم فالو آن کے بجائے خود بیٹنگ کررہی ہے۔

    مزید پڑھیں: محمد عامرسری لنکا کےخلاف ون ڈے سیریزسےباہر

    تیسرے دن کے اختتام تک مہمان ٹیم کی چوتیس رنز پر پانچ وکٹیں رنز گرچکی ہیں، مجموعی طور پر دو سو چون رنز کی برتری حاصل ہے۔

  • دبئی ٹیسٹ دوسرا روز: سری لنکا 482 آل آؤٹ، پاکستان کے بغیر کسی نقصان کے 51 رنز

    دبئی ٹیسٹ دوسرا روز: سری لنکا 482 آل آؤٹ، پاکستان کے بغیر کسی نقصان کے 51 رنز

    دبئی : پاکستان اور سری لنکا کے درمیان کھیلے جانے والا دبئی ٹیسٹ کے دوسرے  روز پاکستان نے سری لنکا کے 482 کے جواب میں بغیر کسی نقصان کے 51 رنز بنا لیے ہیں، کرونارتنے چار رنز کی کمی سے اپنی ڈبل سینچری مکمل نہیں کرسکے۔

    تفصیلات کے مطابق گلابی گیند سری لنکن بیٹسمینوں کو راس آگئی، پاکستانی بولرز گلابی گیند سے کمال دکھانے میں ناکام نظر آئے۔ دبئی ٹیسٹ میں سری لنکا نے اپنی پہلی اننگز میں 482 رنز کا پہارڑ کھڑا کردیا، پاکستان کی جانب سے لیگ اسپینر یاسر شاہ نے چھ وکٹیں لینے میں کامیاب رہے جب کہ نئے بولر محمد عباس نے دو وکٹیں اپنے نام کیں۔

    سری لنکا کے 482 رنز کے جواب میں پاکستان نے دوسرے روز کے اختتام تک 51 رنز بنالیے جب کہ اس کا کوئی کھلاڑی آؤٹ نہیں ہوا تھا، اوپنرز شان مسعود 15، سمیع اسلم 30 رنز کے انفرادی اسکور کے ساتھ کل دوبارہ اپنی اننگز کا آغاز کریں گے۔

     دوسرے روز پاکستانی بولرز کی کارکردگی نہایت مایوس کن رہی، محمد عامر 19.3 اوور کرانے کے بعد ان فٹ ہو گئے اور پاؤں کے زخم کے باعث میچ سے باہر ہوگئے جب کہ اپنی انجری کی وجہ سے وہ ایک روزہ سیریز بھی نہیں کھیل سکیں گے۔

    اسی طرح فاسٹ بولر وہاب ریاض ایک اوور میں پانچ بار رن اپ لینے کے باوجود گیند کرانے میں ناکام نظر آئے اور بار بار رن اپ لینے کی وجہ سے ہیڈ کوچ اور کپتان سرفراز احمد نے برہمی کا اظہار بھی کیا لیکن تجربہ کار بولر پھر بھی ایک گیند کرانے کے لیے پانچ بار رن اپ لینا پڑا جس سے ان کی فٹنس کا اندازہ کیا جا سکتا ہے۔

    پہلے دن کے کھیل کی روداد 

     ڈے اینڈ نائٹ ٹیسٹ میں سری لنکا نے ٹاس جیت کر پہلے بیٹنگ کا فیصلہ جو صیحح ثابت ہوا، سری لنکا کے اوپنرز کرونارتنے اور کوشل سلووا نے ٹیم کو عمدہ آغاز فراہم کیا۔

    تریسٹھ رنز کی شراکت جوڑنے کے بعد کوشل سلوا یاسرشاہ کا شکار بنے، دوسری وکٹ کی شراکت خطرہ بننے ہی والی تھی کہ محمد عامر نے پاکستان کو دوسری کامیابی دلوادی۔

    اگلے ہی اوور میں یاسر نے مینڈس کو پویلین بھیج دیا، پہلے دن سری لنکن اوپنر کرونارتنے ایک بار پھر پاکستانی بولرز کے لئے وبال جان بن گئے، انہوں نے ذمہ دارانہ بیٹنگ کرتے ہوئے کیرئیر کی ساتویں سنچری بناڈالی۔

    کھیل کے اختتام تک سری لنکا نے3 وکٹ پر 254 بنالئے۔ یاسرشاہ نے دو اور محمد عامر نے ایک وکٹ حاصل کی، کرونارتنے133اورچندی مل کر 49 رنز کے ساتھ دوسرے روز کھیل کا آغاز کریں گے۔

    واضح رہے سری لنکا کو دو میچوں کی سیریز میں ایک صفرکی برتری حاصل ہے۔

    قبل ازیں پاکستان اور سری لنکا کے درمیان کھیلے جارہے دوسرے ٹیسٹ کے پہلے روز سری لنکا نے ٹاس جیت کر بیٹنگ کا فیصلہ کیا جو اس کیلئے فائدہ مند ثابت ہوا، قومی ٹیم میں حسن علی کی جگہ وہاب ریاض کو شامل کیا گیا ہے۔

    سری لنکا کی جانب سے دو نئے کھلاڑیوں کو موقع دیا گیا، جس میں لکشن سنداکن کی جگہ لاہیرو گمج اور زخمی کھلاڑی تھرمانے کی جگہ سدیرا سمارا وکرما یبیو شامل ہیں۔

    کپتان سرفراز احمد کے مطابق قومی ٹیم میں حسن علی کی جگہ وہاب ریاض کو شامل کیا گیا ، کپتان سرفراز احمد نے میڈیا سے گفتگو میں امید ظاہر کی ہے کہ ٹیم دوسرے ٹیسٹ میچ میں اچھا کھیل کر میچ جیتیں گے۔

    یاد رہے کہ سیریز کے پہلے ٹیسٹ میچ میں سری لنکا نے پاکستان کو سنسنی خیز مقابلے کے بعد21رنز سے شکست دی تھی۔

    سری لنکا کی ٹیم گلابی گیند سے پہلی بار کھیل رہی ہے 

    واضح رہے کہ سری لنکا کی ٹیم کا یہ پہلا ڈے نائٹ میچ ہے جو وہ گلابی گیند سے کھیل رہی ہے جبکہ پاکستان کرکٹ ٹیم کا یہ تیسرا ڈے نائٹ میچ ہے، پاکستان نے اس سے قبل ویسٹ انڈیز اور آسٹریلیا کے خلاف گلابی گیند سے ٹیسٹ میچ کھیلے تھے۔

    واضح رہے کہ پاکستان کرکٹ ٹیم متحدہ عرب امارات میں ابھی تک کوئی ٹیسٹ سیریز نہیں ہاری ہے، پاکستان نے یہاں 9ٹیسٹ سیریز کھیلی ہیں جن میں سے5میں کامیابی اور4برابری پر ختم ہوئی ہیں۔

  • دبئی ٹیسٹ : پاکستان نے انگلینڈ کو 178 رنز سے شکست دے دی

    دبئی ٹیسٹ : پاکستان نے انگلینڈ کو 178 رنز سے شکست دے دی

    دبئی : دبئی ٹیسٹ میں انگلینڈ کیخلاف پاکستان ٹیم کو شاندار کامیابی مل گئی ۔ پاکستانی ٹیم نے اپنی شاندار بالنگ کی بدولت انگلینڈ کو 312رنز پرآل آﺅٹ کر کے178 رنز سے ہرادیا۔

    تفصیلات کے مطابق دبئی کرکٹ اسٹیڈیم میں پاکستان نے انگلش ٹیم کو ناکوں چنے چبوا دیئے۔ چار سواکانوے رنز کے تعاقب میں انگلش بیٹنگ شروع میں ہی لڑکھڑا گئی۔

    پانچویں اور آخری دن کے کھیل میں انگلینڈ کی پوری ٹیم 312رنز بناکر پویلین لوٹ گئی، معین علی عمران خان کی گیندپر آؤٹ ہوئے۔ انگلش کپتان ایلسٹر کک نے دس رنز پر یاسرشاہ کے سامنے ہیتھارڈال دئیے۔ انیس رنز پر انگلش اوپنرز پویلین لوٹ گئے۔

    اس موقع پرای این بیل اور جو روٹ نےایک سو دو رنز کی شراکت جوڑ کرکچھ مزاحمت کی۔ جو زیادہ دیر نہ چل سکی، میچ کے آخری لمحات میں انگلینڈ کے عادل ر شید کو 61 اسکور پر یاسر شاہ نے آﺅ ٹ کیا ۔

    انگلینڈ کے اسٹیورٹ براڈ 30 ، بین سٹوکس 13، جوزبٹلر07، جونی بیرسٹو 22 ،جوئے روٹ 71، آین بیل 46، کپتان الیسٹرکک 10 ، معین علی 01،عادل رشید61اور مارک ووڈ 29 رنز بنا کر آوٹ ہوئے جبکہ جیمز انڈرسن بغیر کوئی رن بنائے ناٹ آؤٹ رہے ۔

    پاکستان کی جانب سے یاسر شاہ نے 4،ذوالفقار بابر نے 3،عمران خان نے 2اور وہاب ریاض نے ایک کھلاڑی کو آوٹ کیا۔

    گزشتہ چوتھے روز کھیل ختم ہونے تک انگلینڈ نے تین وکٹوں پر ایک سو تیس رنز بنائے تھے۔ یاد رہے کہ پاکستان نے انگلینڈ کیخلاف ایک سو اٹہتر رنز سے سب سے بڑی فتح سمیٹی ہے۔

    اس سے قبل انیس سو چھیانوے میں پاکستانی ٹیم لارڈز میں انگلینڈ کو ایک سو چونسٹھ سے ہراچکی ہے۔ پاکستان نے چھبیس اکتوبر انیس سو باون کو اپنا پہلا ٹیسٹ بھارت کیخلاف جیتا تھا۔

  • دبئی ٹیسٹ: آخری دن کا کھیل جاری، پاکستان کی فتح کا امکان

    دبئی ٹیسٹ: آخری دن کا کھیل جاری، پاکستان کی فتح کا امکان

    دبئی : دبئی ٹیسٹ میں شاہینوں نےپنجے گاڑ لئے۔ پاکستان کو جیت کیلئے گوروں کی چار وکٹیں درکار ہیں، تفصیلات کے مطابق پاکستان اور انگلینڈ کے درمیان جاری دوسرے ٹیسٹ میچ کے آخری دن کا کھیل جاری ہے ۔

    انگلینڈ کو جیت کیلئے مزید تین سو اکسٹھ رنز کا پہاڑ سرکرناہوگا۔ پاکستانی بلے بازوں نے کام کردکھایا اب بولرز کی باری ہے۔

    شاہین دبئی ٹیسٹ میں کامیابی اور سیریز میں برتری سے صرف چار وکٹوں کی دوری پرہیں، چار سواکانوے رنز کے تعاقب میں انگلش بیٹنگ شروع میں ہی لڑکھڑا گئی۔

    پانچویں دن کے کھیل میں انگلینڈ کی ٹیم نے بیٹنگ کرتے ہوئے6 وکٹوں کے نقصان پر187رنز بنالئے ہیں، انگلینڈ کو ہدف عبور کرنے کیلئے304رنز درکار ہیں۔

    معین علی عمران خان کی گیندپر آؤٹ ہوئے۔ انگلش کپتان ایلسٹر کک نے دس رنز پر یاسرشاہ کے سامنے ہیتھارڈال دئیے۔

    انیس رنز پر انگلش اوپنرز پویلین لوٹ گئے۔ اس موقع پرای این بیل اور جو روٹ نےایک سو دو رنز کی شراکت جوڑ کرکچھ مزاحمت کی۔

    لیکن ذوالفقاربابرنے بیل کو پویلین بھیج کرپاکستان کو وکٹ دلوائی۔ چوتھے روز کھیل ختم ہونے تک انگلینڈ نے تین وکٹ پر ایک سو تیس رنز بنالئے تھے۔ روٹ انسٹھ اور بیرسٹوچھ رنز پرناٹ آؤٹ ہے۔

  • انگلش کھلاڑی کا وہاب ریاض پر بال ٹیمپرنگ کا جھوٹا الزام

    انگلش کھلاڑی کا وہاب ریاض پر بال ٹیمپرنگ کا جھوٹا الزام

    دبئی : پاکستان اور انگلینڈ کے درمیان جاری دبئی ٹیسٹ میں شکست سامنے دیکھ کر انگلش ٹیم نے روایت دہرادی۔ گوروں کو کچھ نہیں سوجھا تو پاکستانی پیسر وہاب ریاض پر بال ٹیمپرنگ کا الزام عائد کردیا۔

    تفصیلات کے مطابق دبئی ٹیسٹ میں اپنی متوقع شکست کو دیکھ کر انگلینڈ کی ٹیم اوچھے ہتھکنڈوں اور بے بنیاد باتوں پر اتر آئی۔

    انگلش کھلاڑی کب باز آئیں گے۔ رونے کی عادت کب جائے گی۔ جیت جائیں تو ٹھیک ہے مگر ہار برداشت نہیں۔ اس بار بھی گوروں نے دبئی ٹیسٹ کو متنازعہ بنانے کیلئے اوچھا ہتھکنڈا اپنالیا۔

    کھسیانی بلی کھمبا نوچے کے مصداق وہاب ریاض پر بال ٹیمپرنگ کا الزام عائد کردیا، شکست انگلش ٹیم کے دروازے پر دستک دے رہی ہے اور گوروں کے ہاتھ پاؤں پھول گئے ہیں۔

    انگلش کھلاڑی جو روٹ کو وہاب ریاض پر بال ٹیمپرنگ کا شبہ ہوا اور انہوں نے اس کی رپورٹ ٹیم مینجمنٹ کو کرڈالی۔

    انگلش کوچ ٹریور بیلس کا کہنا ہے کہ ان کو جو روٹ نے بتایا کہ وہاب ریاض نے پانی کے وقفے کے دوران بال کو اپنے پیر سے رگڑا جو بال ٹمپرنگ ہے ۔

    ٹیم مینمجنٹ کا بھی کمال دیکھئے انہوں نے میچ ریفری سے رابطہ کرلیا لیکن ویڈیو میں کچھ سامنے نہیں آیا۔

    ذرائع کے مطابق میچ ریفری نے بھی انگلش کھلاڑی کی شکایت پر کان نہیں دھرے۔ وہاب ریاض اور ٹیم مینجر کو طلب نہیں کیا گیا۔

    یاد رہے کہ وہاب ریاض نے دبئی ٹیسٹ کی پہلی اننگز میں تباہ کن بولنگ کرتے ہوئے انگلینڈ کے چار اہم کھلاڑیوں کو پویلین کی راہ دکھائی تھی ۔

    wahab

  • یونس خان سب سے زیادہ سنچریوں کی تعداد میں سر فہرست

    یونس خان سب سے زیادہ سنچریوں کی تعداد میں سر فہرست

    دبئی : رن کی مشین یونس خان نے ایک اور اعزاز اپنے نام کرلیا، مرد بحران نے انگلینڈ کیخلاف ایک اور سنچری داغ دی، اب ان کی سنچریوں کی تعداد اکتیس ہوگئی ہے۔

    اس سنچری نے یونس خان کو سب سے زیادہ سنچریوں کی فہرست میں دسویں نمبر پر پہنچادیا۔ ٹیسٹ میں بیسٹ یونس خان کے بلے سے ایک اورریکارڈ پاش پاش ہوگیا،۔

    مردبحران نے آسٹریلیا کے بریڈہیڈن اور ویسٹ انڈیز کے چندرپال کو پیچھے چھوڑ دیا۔ انگلینڈ کیخلاف سنچری جڑکریونس خان نے سنچریوں کی تعداد اکتیس کردی۔ جس کے بعد کنگ خان سب سے زیادہ سنچریوں کی فہرست دسویں نمبر پر آگئے ہیں ۔

    ایک اور سنچری یونس کو اسٹیووا سے بھی آگے نکال دےدی۔ نوہزاررنزبنانے کے بعد یونس خان نے انگلینڈ کےخلاف ایک ہزاررنز بھی مکمل کرلئے۔

    مردان کے پٹھان نےیہ کارنامہ انگلینڈ کیخلاف بائیسویں اننگز میں عبور کیا۔ جس میں چار نصف سنچریاں اورتین سنچریاں بھی شامل ہیں۔

    کنگ خان ٹیسٹ کرکٹ میں پاکستان کی جانب سے سب سے زیادہ رنز اورسنچریوں کاریکارڈپہلے ہی اپنے قبضے میں لے چکے ہیں۔اب کنگ خان کی نظریں اب دس ہزار رنز کے سنگ میل پر ہیں۔

  • پاکستان نےدوسری اننگز354رنز پرڈکلیئرکردی، انگلینڈ کی بیٹنگ جاری

    پاکستان نےدوسری اننگز354رنز پرڈکلیئرکردی، انگلینڈ کی بیٹنگ جاری

    دبئی: پاکستان نے دبئی ٹیسٹ میں دوسری اننگز میں چھ کھلاڑی آؤٹ تین سو چوون رنزپر ڈیکلیئر کردی۔ انگلینڈ نے اپنی اننگز کا آغاز کردیا

    انگلینڈ کو جیت کیلئے چار سو اکانوے رنز کا ہدف دے دیا۔ دبئی ٹیسٹ میں شاہینوں نے گوروں کو رنز کے پہاڑتلےدبادیا۔

    اس سے قبل اسدشفیق کے آؤٹ ہوتے ہی مصباح الحق نے دوسری اننگز ڈکلیئر کردی تھی۔ چوتھے روزپاکستان نے دوسری نامکمل اننگزتین کھلاڑی دو سو بائیس رنز پر شروع کی تو مصباح الحق ذاتی اسکور میں اضافہ کئے بغیرستاسی رنز پر پویلین لوٹ گئے۔

    یونس خان اوراسدشفیق نے ایک سو تیرہ رنز جوڑ کراسکورکو آگے بڑھایا۔ یونس کیرئیر کی اکتیسویں اور انگلینڈ کے خلاف تیسری سنچری بناکر آؤٹ ہوئے۔

    اسدشفیق کیرئیرکی بارہویں نصف سنچری بناکرآؤٹ ہوئے۔ مصباح الحق نےچھ کھلاڑی آؤٹ تین سو چون رنز پراننگز ڈیکلیرکردی۔

    انگلینڈکو جیت کیلئے چارسو اکانوے رنز کا ہدف دیا۔ انگلینڈ کی جانب سے جیمز اینڈرسن اورمارک ووڈ نے دودوکھلاڑیوں کو آؤٹ کیا۔

    تازہ ترین اطلاعات کے مطابق انگلینڈ کے اوپنر معین علی صرف ایک رن بنا کرآؤٹ ہوگئے۔ ان کی وکٹ عمران خان نے لی