Tag: Dubai

  • گرین شرٹس کا نیا پڑاؤ، اسکواڈ بنگلہ دیش پہنچ گیا

    گرین شرٹس کا نیا پڑاؤ، اسکواڈ بنگلہ دیش پہنچ گیا

    ڈھاکہ: ٹی ٹوئنٹی ورلڈکپ میں شاندار کارکردگی دکھانے والے شاہین بنگال ٹائیگرز کے خلاف ٹی ٹوئنٹی اور ٹیسٹ سیریز کھیلنے ڈھاکہ پہنچ گئے۔

    تفصیلات کے مطابق قومی ٹی20 اسکواڈ دبئی سے ڈھاکہ پہنچا، ایک روزہ آئسولیشن کے بعد گرین شرٹس کے کرونا ٹیسٹ کئے جائیں گے، منفی آنے پر قومی ٹیم ٹریننگ کا آغاز کریگی۔

    محمد حفیظ کی جگہ شامل افتخار احمد نے بھی اسکواڈ جوائن کرلیا ہے، کپتان بابر اعظم اور شعیب ملک 16 نومبر کو اسکواڈ کو جوائن کرینگے۔

    پاکستان اور بنگلا دیش کے درمیان تین ٹی ٹوئنٹی اور دو ٹیسٹ میچوں پر مشتمل سیریز انیس نومبر سےشروع ہوگی۔

    یہ بھی پڑھیں: بنگلادیش کیخلاف سیریز کیلیے قومی اسکواڈ کا اعلان

    واضح رہے کہ پاکستان کرکٹ بورڈ نے بیٹنگ کنسلٹنٹ میتھیو ہیڈن کے علاوہ تمام ٹیم منیجمنٹ کو بھی برقرار رکھا ہے. میتھیو ہیڈن کی مصروفیات پہلے سے طے شدہ تھی۔

    قومی ٹی ٹوئنٹی اسکواڈ

    بابر اعظم (کپتان )، شاداب خان (نائب کپتان)، آصف علی، فخر زمان، حیدر علی، حارث رؤف، حسن علی، افتخار احمد، عماد وسیم، خوشدل شاہ، محمد نواز، محمد رضوان (وکٹ کیپر)،محمد وسیم جونیئر، سرفراز احمد (وکٹ کیپر)،شاہین شاہ آفریدی،شاہنواز ڈاہانی،شعیب ملک،عثمان قادر۔Imageاسپورٹ اسٹاف: منصور رانا (منیجر)، ثقلین مشتاق (عبوری ہیڈ کوچ)، شاہد اسلم (اسسٹنٹ ٹو ہیڈ کوچ)، ورنن فلینڈر (باؤلنگ کنسلٹنٹ)، کلف ڈیکن (فزیو تھراپسٹ)، ڈریکس سائمن (سٹرنتھ اینڈ کنڈیشنگ کوچ)، عبدالمجید (فیلڈنگ کوچ)، طلحہ اعجاز (ٹیم اینالسٹ)، کرنل (ر) محمد عمران (سیکیورٹی منیجر)، ابراہیم بادیس (میڈیا اینڈ ڈیجیٹل منیجر)، ڈاکٹر نجیب سومرو (ٹیم ڈاکٹر) اور ملنگ علی (مساجر)

  • ٹی ٹوئنٹی ورلڈکپ: گرین شرٹس آج افغانستان سے ٹکرائےگی

    ٹی ٹوئنٹی ورلڈکپ: گرین شرٹس آج افغانستان سے ٹکرائےگی

    دبئی: قومی کرکٹ ٹیم جیت کی ہیٹ ٹرک کیلئے پُر عزم، بھارت اور نیوزی لینڈ کےبعد اب افغانستان نشانے پرہوگا، شاہین آج افغانستان سےپنجہ آزمائی کریں گے۔

    تفصیلات کے مطابق میگا ایونٹ میں پاکستان اور افغانستان کی ٹیمیں آج دبئی کرکٹ اسٹیڈیم میں ٹکرائیں گی، اسکاٹ لینڈ کو ایک سو تیس رنز سے شکست دیکر افغان ٹیم دیگر ٹیموں کے لئے خطرے کی گھنٹی بجاچکی ہے۔

    دونوں ٹیموں کے درمیان مقابلہ پاکستانی وقت کے مطابق شام سات بجے شروع ہوگا۔

    واضح رہے کہ گروپ ٹو میں موجود پاکستان نے اپنے پہلے میچ میں بھارت اور دوسرے میچ میں نیوزی لینڈ کو شکست دی تھی، افغانستان کے بعد پاکستان کو نمیبیا اور اسکاٹ لینڈ سے میچز کھیلنے ہیں۔

     یہ بھی پڑھیں: پاکستان سے ٹاکرا، راشد خان کا مداحوں کے نام اہم پیغام

    قومی کھلاڑیوں نے ہوٹل میں جم سیشن کیا، افغانستان کیخلاف میچ سے پہلے بھی کھلاڑی نیٹ سیشن میں حصہ لیں گے۔قومی ٹیم کے عبوری بولنگ کوچ ثقلین مشتاق کا کہنا ہے کہ دو میچز جیت کر اعتماد ملا، افغانستان کے خلاف پلان کےمطابق کھیل کر جیتیں گے۔

    ویسٹ انڈیز بمقابلہ بنگلہ دیش

    پاک افغان ٹاکرے سے قبل ویسٹ انڈیز اور بنگلہ دیش کے درمیان شارجہ میں اہم ترین میچ کھیلا جائےگا، بنگلہ دیش اور ویسٹ انڈیز کا میچ اس حوالے سے اہم ہے کہ جو ٹیم یہ میچ ہارے گی وہ سیمی فائنل کی دوڑ سے باہر ہوجائے گی۔

    میچ پاکستانی وقت کے مطابق سہہ تین بجے شروع ہوگا۔

  • دبئی : ڈرائیورز ہوشیار، نیا جدید نظام متعارف کرادیا گیا

    دبئی : ڈرائیورز ہوشیار، نیا جدید نظام متعارف کرادیا گیا

    یو اے ای : ٹریفک حادثات کی خبریں آئے روز سننے کو ملتی ہیں، اس کی اصل وجہ ٹریفک قوانین کی خلاف ورزیاں اور خصوصاً تیز رفتاری اور موبائل فون کا استعمال ہے۔

    اس حوالے سے دبئی میں ٹریفک پولیس نے خلاف ورزیوں کو ریکارڈ کرنے والے جدید ترین سسٹم کومتعارف کرادیا ہے، پیدل روڈ کراس کرنے والے راہگیر کے لیے گاڑی نہ روکنے اور ڈرائیونگ کے دوران موبائل فون استعمال کرنے کے علاوہ دیگر خلاف ورزیاں خود کار طریقے سے نوٹ کی جاسکیں گی۔

    اماراتی جریدے کے مطابق دبئی ٹریفک پولیس نے حادثات کی روک تھام اور ٹریفک نظام کو بہتربنانے کے لیے جدید ترین خود کارسسٹم متعارف کرایا ہے۔

    جدید سسٹم کے بارے میں ٹریفک پولیس کا کہنا تھا کہ یہ نظام شمسی توانائی سے کام کرتا ہے جس میں انتہائی حساس کیمرے اور اسکیننگ نظام نصب کیا گیا ہے۔

    خود کارسسٹم کا حالیہ مرحلہ ڈرائیونگ کے دوران موبائل فون کے استعمال اور سیٹ بیلٹ کی خلاف ورزی پر کیے جانے والے چالان پر مشتمل ہے۔

    دبئی ٹریفک پولیس نے "جی ٹیکس” نمائش میں خود کارسسٹم کو متعارف کرایا ہے ـ سسٹم کو دوسرے مرحلے میں شاہراہوں پر زیبرا کراسنگز پر نصب کیا جائے گا جس کے ذریعے پیدل روڈ عبور کرنے والوں کی حفاظت اور سہولت کو یقینی بنایا جائے گا۔

    خود کارسسٹم کو استعمال کرتے ہوئے روڈ عبورکرنے کےلیے سسٹم میں نصب انتباہی بٹن کو دبانے سے سسٹم آن ہو جائے گا جو سڑک پر آنے والی گاڑی کی رفتار نوٹ کرکے اسے انتباہی سگنل دے گا ساتھ ہی وہاں نصب ٹریفک سگنل کی لائٹ بھی سرخ ہو جائے گی جس کا مطلب ہوگا کہ سڑک سے گزرنے والی گاڑی پیدل روڈ عبور کرنے والوں کو وقت دیں۔

    سگنل پر نہ رکنے والی گاڑیوں کی وڈیو ریکارڈ کرلی جائے گی جبکہ رجسٹریشن نمبر گاڑی کی رفتار اور سنگل کی جانب سے دیئے جانے والے وقت کی مکمل تفصیلات کے ساتھ ٹریفک پولیس کے کنٹرول روم میں پہنچ جائیں گی جہاں سے ڈرائیور کے خلاف خود کار طریقے سے چالان رجسٹر کرلیا جائے گا۔

    واضح رہے کہ دبئی میں ڈرائیونگ کے دوران موبائل فون استعمال کرنے پر 8 سو درھم چالان کیا جاتا ہے جبکہ ڈرائیور کے ریکارڈ میں چار سیاہ پوائنٹس بھی شامل کردیئے جاتے ہیں جبکہ سیٹ بیلٹ کی خلاف ورزی پر4 سو درھم جرمانے کے ساتھ ڈرائیور کو چار سیاہ پوائنٹس دیے جاتے ہیں۔

  • دبئی: شوہر کے میسجز سوشل میڈیا پر ڈالنے پر بیوی کو جرمانہ

    دبئی: شوہر کے میسجز سوشل میڈیا پر ڈالنے پر بیوی کو جرمانہ

    دبئی: شوہر کے نجی میسجز اور تصاویر سوشل میڈیا پر ڈالنے پر بیوی کو بھاری جرمانہ ادا کرنا پڑ گیا۔

    تفصیلات کے مطابق دبئی کی ایک عدالت نے ایک 40 سالہ عرب خاتون کو شوہر کا فون نمبر، تصاویر اور میسجز انسٹاگرام پر شیئر کر کے ان کی پرائیویسی کی خلاف ورزی کے جرم میں جرمانہ کر دیا۔

    عدالت نے بنا پوچھے خاوند کی گفتگو سوشل میڈیا پر جاری کرنے پر خاتون کو 2 ہزار درہم جرمانے کی سزا سنائی، جو پاکستانی تقریباً 94 ہزار روپے بنتے ہیں۔

    خاتون پر استغاثہ کی جانب سے الزام عائد کیا گیا تھا کہ اس نے بنا اجازت اپنے شوہر کی گفتگو اور فون نمبر اور تصاویر انسٹاگرام پر شیئر کیے، جس سے ان کی پرائیویسی متاثر ہوئی ہے۔

    پولیس تفتیش کے مطابق خاتون نے جنوری 2021 میں اپنے اور اپنے شوہر کے درمیان ہونے والی گفتگو کی تصاویر اور ان کا فون نمبر انسٹاگرام پر شیئر کیا تھا۔

    نتیجے کے طور پر شوہر نے دبئی پولیس اسٹیشن میں اس کے خلاف شکایت درج کرائی، اور اس کے خلاف پبلک پراسیکیوشن میں مقدمہ دائر کر دیا، جس نے کیس کو بدعنوانی کی عدالت میں بھیج دیا۔

    خاتون نے عدالت میں الزامات کی تردید کی، لیکن پوسٹ شیئر کرنے کا اعتراف بھی کیا، خاتون کا کہنا تھا کہ اس نے اپنے بچوں کی تصاویر بھی سوشل میڈیا پر ڈالیں، اسے معلوم نہیں تھا کہ اس کا شوہر اس پر کوئی قانونی چارہ گوئی کرے گا۔

  • دبئی کا سفر کرنے والے مسافروں کے لئے ایڈوائزری جاری

    دبئی کا سفر کرنے والے مسافروں کے لئے ایڈوائزری جاری

    دبئی: دبئی ایکسپو کی چکا چوند کے باعث دنیا بھر کے سیاح یہاں کا رخ کررہے ہیں، ایسے میں ایئرپورٹ حکام نے مسافروں کی سہولیات کے لئے بڑی اعلان کیا ہے۔

    تفصیلات کے مطابق ایمریٹس کی جانب سے جاری بیان میں کہا گیا کہ 190،000 سے زیادہ مسافروں کو اس ہفتے کے آخر میں ٹرمینل تھری کے زریعے دبئی انٹرنیشنل اسکول کے وسط مدتی وقفے سے قبل سفر کرنا پڑے گا۔

    بیان میں کہا گیا کہ اسی عرصے کے دوران 430،000 سے زائد مسافر ایمریٹس کی پروازوں سے سفر کرینگے، جس کی بڑی وجہ دبئی میں ایکسپو کی باعث دی جانے والی تعطیلات ہیں۔

    امارات نے کہا کہ دبئی سے پرواز کے لئے چوبیس گھنٹے پہلے چیک ان کاؤئنٹر کھل جائیں گے اور مسافروں کو اپنی پروازوں کے لئے روانگی سے چوبیس گھنٹے پہلے چیک ان کرسکتے ہیں اور روانگی سے چوبیس گھنٹے قبل اپنا سامان چھوڑ سکتے ہیں۔

    مسافروں کو ہدایت کی گئی ہے کہ وہ چیک ان کاؤنٹر پر دستاویزات کی فوری تصدیق کو یقینی بنائیں اور رش سے بچنے کے لئے چار گھنٹے قبل ہوائی اڈے پر پہنچ جائیں، ایسے مسافر جو اپنی طے شدہ پرواز کی روانگی سے ایک گھنٹہ قبل آتے ہیں، انہیں سفر کی اجازت نہیں دی جائے گی۔

    امریکا جانے والے مسافروں کے لئے چیک ان کاؤنٹر پرواز سے بارہ گھنٹے پہلے کھل جاتے ہیں۔

    ایمریٹس کی جانب سے جاری بیان میں مزید کہا گیا کہ جو مسافر اڑتالیس گھنٹے سے لیکر نوے منٹ قبل آن لائن چیک کرنے کا انتخاب کرتے ہیں انہیں یاد دہانی کرائی جاتی ہے کہ وہ اپنے بورڈنگ پاس جمع کرانے اور منزل پر پہنچنے والے ملک کے لئے درکار سفری دستاویزات کی تصدیق کے لئے ایمریٹس کے چیک ان کاؤنٹر پر جائیں۔

    اس کے علاوہ مسافر اپنے انتظار کے وقت کو کم کرنے کے لئے سیلف چیک ان اور بیگ ڈراپ کیوسک کی سہولت سے استفادہ حاصل کرسکتے ہیں۔

    مسافروں کو مشورہ دیا گیا ہے کہ وہ بغیر کسی پریشانی کے سفری تجربے کے لئے متحدہ عرب امارات کی ایئر لائن کی ویب سائٹ پر اپ ڈیٹ چیک کریں۔

    دوسری جانب اتحاد ایئر ویز اور ابوظبی بین الاقوامی ہوائی اڈے نے بھی اعلان کیا ہے کہ وہ ششماہی دورانیہ کے بعد اس ہفتے بڑی تعداد میں مسافروں کی جانب سے سفر کی توقع کررہے ہیں۔

  • طیارہ ایکسپو 2020 کے رنگ میں رنگ گیا

    طیارہ ایکسپو 2020 کے رنگ میں رنگ گیا

    دبئی: متحدہ عرب امارت کی سرکاری فضائی کمپنی آج دنیا کے سب سے بڑے رنگا رنگ تجارتی میلے کی رونق بڑھائے گی۔

    میڈیا رپورٹ کے مطابق ایکسپو دبئی دو ہزار بیس میں آج ایمریٹس کے خصوصی طور پر تیار کردہ جہاز کو فلائی پاسٹ کا مظاہرہ کرے گا، جہاز دو روز تک ایکسپو میں دنیا بھر کے سیاحوں کو فلائی کم بلندی کی فلائی پاسٹ سے محظوظ کرے گا۔

    خصوصی طور پر تیار کردہ جہاز اپنے فن کا مظاہرہ کرتے ہوئے شیخ زید روڈ پر ٹیک آف کرے گا۔

    حکام کا کہنا ہے کہ میڈیا اور عوام کو صبح پانچ بجے سے آٹھ بجے کے درمیان شیخ زید روڈ پر دبئی ایکسپو دو ہزار بیس کی سائٹ اور اس کے آس پاس کے علاقوں کے مختلف مقامات پر ہوائی جہاز دیکھنے کو ملیں گے۔

    یہ بھی پڑھیں: متحدہ عرب امارات مسلسل 10ویں بار پسندیدہ ترین ملک قرار

    دوسری جانب یو اے ای کے سرکاری ہوائی کمپنی نے سیاحوں کو اہم پیغام دیا ہے کہ خصوصی اے آر 380 لیوری کے فلائی پاسٹ کی تصاویر اور ویڈیو ضرور بنائیں لیکن ڈرون کا استعمال کرتے ہوئے فلائی پاسٹ کو خطرے میں نہ ڈالیں اور نو فلائی زونز سے متعلق تمام ایوی ایشن حکام کی ہدایت پر عمل کریں۔

  • چیئرمین پی سی بی دبئی روانہ

    چیئرمین پی سی بی دبئی روانہ

    لاہور: چیئرمین پاکستان کرکٹ بورڈ اپنے پہلے غیر ملکی دورے پر روانہ ہوگئے ہیں۔

    ذرائع کے مطابق چیئرمین پی سی بی رمیز راجہ دبئی روانہ ہوگئے ہیں، رمیزراجہ دبئی میں ایشین کرکٹ کونسل کے اجلاس میں شرکت کرینگے۔

    ذرائع کا کہنا ہے کہ رواں ہفتے اے سی سی کا اجلاس شیڈول ہے، اجلاس میں ایشیا کپ کی میزبانی اور دوسرے امور پر مشاورت ہوگی۔ اس دورے میں کرکٹ بورڈ سربراہ کا رسمی طور پر آئی سی سی حکام سے بھی بات چیت کا بھی امکان ہے۔

    واضح رہے کہ کرکٹ بورڈ کا چئیرمین بننے کے بعد یہ رمیز راجا کا پہلا غیرملکی دورہ ہے۔

    یہ بھی پڑھیں: رمیز راجہ بلامقابلہ چیئرمین پی سی بی منتخب

    ذرائع کا کہنا ہے کہ رمیز راجہ اپنے دورے میں یو اے ای کرکٹ بورڈ حکام اور سے بھی ملاقاتیں کرسکتے ہیں۔ رمیز راجا کی واپسی پندرہ اکتوبر کو متوقع ہے۔

    یاد رہے کہ گذشتہ ماہ رمیز راجہ پاکستان کرکٹ بورڈ کے 35ویں چیئرمین منتخب ہوئے تھے ، وہ پی سی بی کے چیئرمین بننے والے چوتھےسابق کرکٹر بھی ہیں، اس سے قبل عبدالحفیظ کاردار،جاوید برکی اور اعجاز بٹ بورڈکے چیئرمین رہ چکے ہیں۔

    گورننگ باڈی کے اجلاس میں رمیزراجہ بلامقابلہ چیئرمین پی سی بی منتخب ہوئے۔

  • دبئی: لانگ کووڈ سے متاثرہ افراد کو نئی سہولت فراہم کردی گئی

    دبئی: لانگ کووڈ سے متاثرہ افراد کو نئی سہولت فراہم کردی گئی

    دبئی: متحدہ عرب امارات نے لانگ کووڈ کا سامنا کرنے والے افراد کے لئے خصوصی اعلان کیا ہے۔

    میڈیا رپورٹ کے مطابق دبئی میں حکام نے کووڈ نائنٹین کے مریضوں کے لئے خصوصی کلینک کا اعلان کیا ہے، یہ کیلنک ان مریضوں کے لئے ہیں ، جن میں کرونا وائرس کی تشخیص کے چار ہفتے بعد بھی علامات برقرار رہی، جسے عام الفاظ میں ‘طویل کووڈ’ کہلاتی ہے۔

    دبئی ہیلتھ اتھارٹی (ڈی ایچ اے ) کی جانب سے جاری بیان میں بتایا گیا کہ یہ کیلنک منگل کو البرشا ہیلتھ سینٹر اور جمعرات کو نادالحمر میں ہونگے، یہ سروس حاملہ خواتین اور چھ سال سے کم عمر بچوں کے لئے نہیں ہے۔

    فیملی میڈیسن کنسلٹنٹ اور ڈی ایچ اے کے پرائمری ہیلتھ کیئر سیکٹر کے ڈائریکٹر ڈاکٹر حنان الحمدی نے طبی امور کی کلینک کی اہمیت پر زور دیتے ہوئے کہا کہ ان کلینک کا مقصد پوسٹ کووڈ نائنٹین مریضوں کی مدد کرنا ہیں جو بیماری سے چھٹکارا پانے کے بعد ہفتوں یا مہینوں تک علامات کا تجربہ کرتے ہیں۔

    یہ بھی پڑھیں: یواے ای نے سائنس کی دنیا میں انقلاب برپا کردیا

    کلینک کا مقصد مکمل تحقیقات کرنا، تمام ضروری ٹیسٹ کروانا اور مریضوں کو ایسے کیسز میں ماہرین کے پاس بھیجنا ہے جہاں انہیں مخصوص شعبوں جیسے پلومونولوجی ، کارڈیالوجی، دماغی صحت یا نیورولوجی میں خاص طبی مداخلت کی ضرورت ہوتی ہے۔

    ڈاکٹر الحادی نے مزید کہا کہ کیلنک کا مقصد طبی مسائل کی تشخیص کرنا ہے جن میں مداخلت کی ضرورت ہوتی ہےاور مریض کو صحت یابی اور تندرسی کے راستے کی طرف بڑھنے میں مدد ملتی ہے۔

    مریض ڈی ایچ اے کال سینٹر (800-342) کے زریعے اپائٹمنٹ بک کرواسکتے ہیں یا ڈی ایچ اے اسپتال یا ہیلتھ سینٹر میں ڈی ایچ اے کے ڈاکٹر برائے شہری سروس سے ٹیلی میڈیسن ریفرل حاصل کرسکتے ہیں۔

  • نیوزی لینڈ کرکٹ ٹیم آج رات دبئی پہنچے گی، کھلاڑی ایئرپورٹ منتقل

    نیوزی لینڈ کرکٹ ٹیم آج رات دبئی پہنچے گی، کھلاڑی ایئرپورٹ منتقل

    لاہور : نیوزی لینڈ کرکٹ ٹیم کو پاکستان سے دبئی منتقل کرنے کے لیے خصوصی پرواز کو اجازت دے دی گئی، ٹیم کو سخت حفاظتی حصار میں ہوٹل سے روانہ کردیا گیا۔

    تفصیلات کے مطابق نیوزی لینڈ کرکٹ ٹیم کے دورہ پاکستان کی منسوخی کے معاملہ میں بڑی پیش رفت سامنے آئی ہے، سول ایوی ایشن اتھارٹی نے نیوزی لینڈ کرکٹ ٹیم منیجر کی درخواست پر خصوصی چارٹر پرواز کی اجازت دے دی۔

    "روتانہ جیٹ” کا خصوصی ایئربس 320 طیارہ آج شام 6 بجے اسلام آباد ایئرپورٹ پہنچے گا، یہ خصوصی طیارہ نیوزی لینڈ کرکٹ ٹیم کو لے کر دبئی روانہ ہوجائے گا۔

    سول ایوی ایشن اتھارٹی کے ڈاریکٹوریٹ ایئر ٹرانسپورٹ نے نیوزی لینڈ کرکٹ ٹیم کے چارٹر طیارے کو اسلام آباد ایئرپورٹ لینڈنگ کی اجازت دے دی ذرائع کے مطابق نیوزی لینڈ کرکٹ ٹیم کو لے کر چارٹر طیارہ رات 8 بجے دبئی ایئرپورٹ پر لینڈ کرے گا۔

    دوسری جانب نیوزی لینڈ کرکٹ ٹیم کو سخت انتظامات میں ہوٹل سے روانہ کردیا گیا ہے، ٹیم کو دو حصوں میں روانہ کیا جا رہا ہے۔

    ذرائع کا کہنا تھا کہ ایک سکارڈ ٹیم کے کچھ کھلاڑیوں اور آفیشل کو لے کر روانہ ہوگیا جبکہ دوسرے دستے میں باقی کھلاڑی اور آفیشل روانہ ہوں گے۔

    ذرائع کا مزید کہنا تھا کہ نیوزی لینڈ کرکٹ ٹیم رینجرز پولیس اور فوج کی نگرانی میں ہوٹل سے آئیر پورٹ روانہ ہوئے ہیں۔

    واضح رہے کہ جمعے کے روز پہلا ون ڈے شروع ہونے سے کچھ دیر قبل نیوزی لینڈ کرکٹ ٹیم نے سکیورٹی خدشات کو جواز بنا کر پاکستان کا دورہ اچانک ختم کرنے کا اعلان کردیا گیا تھا جس کے بعد دونوں ٹیموں کے درمیان سیریز ملتوی کردی گئی۔

  • دبئی: ورلڈ چیمبرز کمپیٹیشن 2021  کا انعقاد کب ہوگا؟ اعلان ہوگیا

    دبئی: ورلڈ چیمبرز کمپیٹیشن 2021 کا انعقاد کب ہوگا؟ اعلان ہوگیا

    دبئی: دبئی ورلڈ چیمبرزکمپیٹیشن دو ہزار اکیس کی میزبانی کے لئے تیار ہے، جس کا انعقاد تئیس سے پچیس نومبر تک کیا جائے گا۔

    میڈیا رپورٹ کے مطابق کمپیٹیشن میں چیمبرز کی کامیابیوں کا اعتراف کرتے ہوئے انہیں دنیا بھر کے سامنے متعارف کرایا جائے گا، آئی سی سی اور اس کی ورلڈ چیمبرز فیڈریشن (ڈبلیو سی ایف) نے دو ہزار اکیس ورلڈ چیمبرز کمپیٹیشن کے فائنلسٹ کا اعلان کیا ہے ، جس میں 15 شارٹ لسٹڈ چیمبرز ایونٹ کے دوران اپنے منصوبے پیش کریں گے۔

    چارکیٹیگریز کے تحت ، تینتیس ممالک کی جانب سے 78 منصوبے موصول ہوئے۔ جو 2019 ایڈیشن کے لیے موصول ہونے والی اندراجات سے زیادہ ہیں۔

    بہترین ڈیجیٹل پروجیکٹ کیٹیگری کے فائنلسٹ میں چیمبر آف کامرس اینڈ انڈسٹری برائے میونخ و اپر باویریا (جرمنی)، سینٹیاگو چیمبر آف کامرس (چلی) ، ویسٹ چیمبر آف کامرس (انگلینڈ)،لیما چیمبر آف کامرس (پیرو) شامل ہیں۔

    یہ بھی پڑھیں: یو اے ای : ملکی تاریخ کے سب سے بڑے لکی ڈرا کا اعلان

    اسی طرح بہترین پروجیکٹ کے فائنلسٹ میں لکسمبرگ چیمبر آف کامرس لکسمبرگ ،ہاؤس آف انٹرپرینیورشپ لکسمبرگ،آسٹریلوی چیمبرآف کامرس اینڈ انڈسٹری (آسٹریلیا)،کووڈسپورٹ گریٹر ڈیس موئنز پارٹنرشپ امریکہ، ایس ایم فارورڈ پلے بکس جرمن، روسی چیمبر آف کامرس (روس) شامل ہیں۔

    میڈیا رپورٹ کے مطابق بہترین آب و ہوا ایکشن پروجیکٹ کے لیے ، چار چیمبرز آف کامرس کو نامزد کیا گیا ہے جبکہ بہترین غیر روایتی پروجیکٹ کے لیے پوٹسڈیم چیمبر آف کامرس اینڈ انڈسٹری (جرمنی) ،اورلو چیمبر آف کامرس اینڈ انڈسٹری (ترکی) ،چیمبر آف کامرس کوئٹو (ایکواڈور) میں مقابلہ ہوگا۔

    دبئی چیمبر کے صدر اور سی ای او اورآئی سی سی ورلڈ چیمبرز فیڈریشن کے چیئر حمد بوعميم نے کہا کہ دبئی میں آئندہ 12 ویں ورلڈ چیمبرز کانگریس اس طرح کے گیم چینجنگ اقدامات کے لیے ایک مثالی پلیٹ فارم مہیا کرے گی۔ فاتحین کا اعلان ایونٹ کے آخری دن 25 نومبر کو کیا جائے گا۔