دبئی: متحدہ عرب امارات میں طالبہ نے ڈرائیونگ کے دوران مطالعہ کرنے کی کوشش کی تاہم سنگین نتائج کا سامنا کرنا پڑا۔
آپ نے ڈرائیور کی موجودگی میں دوران سفر کتابیں، اخبارات اور دیگر تحریری مواد کا مطالعہ تو کیا ہوگا لیکن دبئی میں ایک طالبہ کو خود سے گاڑی چلانا اور ساتھ پڑھنا لینے کے دینے پڑ گئے۔
غیر ملکی خبر رساں ادارے کا کہنا ہے کہ دبئی میں ایک طالبہ کی گاڑی اس وقت ایک عمارت سے جا ٹکرائی کہ جب اس نے ڈرائیونگ کے دوران مطالعے کی کوشش کی۔
پولیس کے مطابق طالبہ مطالعے کے دوران گاڑی پر توجہ نہ دے سکی اور کار اچانک دیوار سے ٹکرا گئی خوش قسمتی سے کوئی جانی نقصان نہیں ہوا۔
پولیس کا مزید کہنا تھا کہ گاڑی جس عمارت سے ٹکرائی وہ عوامی امور کی دیکھ بھال کے لیے مختص ہے جہاں سیکڑوں افراد موجود ہوتے ہیں، اتفاق کی بات یہ کہ ہفتہ وار چھٹی کے باعث وہاں کوئی موجود نہ تھا۔
دوران سفر ہر کام ترک کرکے ڈرائیونگ پر توجہ دی جائے تاکہ کسی بھی قسم کے ناخوشگوار واقعے کی نوبت نہ آئے۔
انتظامیہ مختلف حادثات کی ایک بڑی وجہ ڈرائیورز کی غفلت قرار دیتے ہیں، ان کے مطابق گاڑی چلاتے ہوئے تمام تر انتظامات ہی ضروری نہیں بلکہ دوران سفر یکسوئی کے ساتھ پوری توجہ دائیں، بائیں اور سامنے کی جانب ہونی جاہیے۔
دبئی، ٹریفک حادثے میں 2 افراد جاں بحق، 5 زخمی
یاد رہے کہ گذشتہ سال ستمبر میں دبئی کے شیخ راشد روڈ پر تیز رفتار وین حادثے کے نتیجے میں خاتون سمیت 2 افراد جاں بحق اور پانچ زخمی ہوگئے تھے، زخمی ہونے والوں میں چار خواتین بھی شامل تھیں۔
