دبئی : سابق صدر پرویز مشرف سے ارم عظیم فاروقی نے ملاقات کی ، ملاقات میں ارم عظیم نے کہا کہ پرویزمشرف کی ملک خصوصاًکراچی کےلیےبڑی خدمات ہیں۔
تفصیلات کے مطابق سابق صدرپرویز مشرف سے ارم عظیم فاروقی کی دبئی میں ملاقات ہوئی، ملاقات میں پرویزمشرف اورارم عظیم فاروقی کا آئندہ بھی رابطہ بحال رکھنے پر اتفاق ہوا۔
اس موقع پر ارم عظیم فاروقی کا کہنا تھا کہ سابق صدرپرویزمشرف کی دعوت پرملنےگئی تھی، پرویزمشرف کی ملک خصوصاًکراچی کےلیےبڑی خدمات ہیں، فی الحال کوئی پارٹی جوائن نہیں کررہی۔
یار رہے چند روز قبل سابق ایم کیوایم رہنما ارم عظیم فاروقی نے میڈیا سے گفتگو کرتے ہوئے کہا کہ ایم کیوایم والوں نےمجھےکہاہم تجھےدیکھ لیں گے، میری زندگی کوخطرات ہیں ملک چھوڑکرجا رہی ہوں، ہمیشہ پاکستان زندہ باد کہا ہے اور کہتی رہوں گی۔
ارم عظیم فاروقی کا کہنا تھا کہ ایم کیو ایم نے مجھ پر غلط الزامات لگائے، عامرخان،فیصل سبزواری،خواجہ اظہارالحسن آگے نہیں آنےدیتے، ایم کیوایم اچھی جماعت ہے لیکن اس پر مافیا کا قبضہ ہے۔
یاد رہے چند ماہ قبل ایم کیو ایم کی سابق رکن سندھ اسمبلی ارم عظیم فاروقی نے تحریک انصاف میں شمولیت کا اعلان کیا تھا تاہم بعد میں پی ٹی آئی کو بھی خیر باد کہہ دیا تھا۔
واضح رہے 22 اگست کی متنازع تقریر کے بعد ارم عظیم فاروقی نے ایم کیو ایم سے علیحدگی کا اعلان کرتے ہوئے پاکستان زندہ باد کا نعرہ لگایا تھا، بعد ازاں انہوں نے فاروق ستار کی غیر مشروط حمایت کا اعلان بھی کیا تھا۔
متحدہ کی سابق خاتون رکن اسمبلی نے بانی ایم کیو ایم کی ملک مخالف تقریر کی شدید الفاظ میں مذمت اور انہیں سخت تنقید کا نشانہ بنایا تھا۔
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔
دبئی : متحدہ عرب امارات میں ایک نوجوان لڑکی ٹریفک حادثے میں اپنی جان سے ہاتھ دھوبیٹھی‘ نئی حد رفتار کے بعد یہ پہلا جان لیوا حادثہ ہے۔
تفصیلات کے مطابق یہ حادثہ دبئی کی شیخ محمد بن زید روڈ پر پیش آیا جہاں رواں مہینے مسافروں کی زندگیاںمحفوظ بنانے کے لیے حدِ رفتار120 کلومیٹر فی گھنٹہ سے کم کرکے 110 کلو میٹر کی گئی ہے۔
ذرائع کے مطابق ایک 42 سالہ شخص لینڈ کروزر میں سلی کون اوسس سے شارجہ کی جانب جارہا تھا‘ اس کے ساتھ گاڑی میں مزید چار افراد سوار تھے اور یہ سب اردن کے باشندے تھے۔ اچانک ڈرائیو بہکا اور گاڑی مقررہ راستے سے ہٹ گئی اور بے قابوہو کر کنکریٹ کے بیریئر سے جا ٹکرائی ۔
حادثے کے نتیجے میں گاڑی پلٹ گئی اور اس میں موجود تمام مسافر زخمی ہوئے جبکہ ایک سولہ سالہ لڑکی شدید زخمی ہوئی‘ جب تک اسے اسپتال منتقل کیا گیا وہ اپنے زخموں کی تاب نہ لاتے ہوئے انتقال کرگئی۔
پولیس تفتیش کاروں کا کہنا ہے کہ ابتدائی تفتیش سے ثابت ہوا ہے کہ حادثہ اس لیے پیش آیا کہ ڈرائیونے یک دم موڑ لینے کی کوشش کی جس کے نتیجے میں گاڑی پلٹ گئی۔
یاد رہے کہ محض دو روز قبل بروز جمعہ ایک ٹرک اسی شیخ محمد بن زید روڈ پر بے قابو ہر الٹ گیا تھا ‘ پلٹتے ہی ٹرک نے آگ پکڑ لی تھی لیکن خوش قسمتی سے ڈرائیور بروقت باہر نکلنے میں کامیاب ہوگیا تھا اور اس حادثے میں کسی قسم کا جانی نقصان نہیں ہوا تھا ۔
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔
دبئی : آئی سی سی کی نئی ون ڈے رینکنگ میں قومی ٹیم کے حسن علی دنیا کے بہترین بولر بن گئے، بیٹسمین رینکنگ میں بابر اعظم کا چوتھا نمبر آل راؤنڈرز کیٹگری میں محمد حفیظ ٹاپ پوزیشن پر براجمان ہوگئے۔
تفصیلات کے مطابق آئی سی سی نے ون ڈے انٹرنیشنل کی نئی رینکنگ جاری کردی ہے جس کے مطابق چیمپئز ٹرافی کے ہیرو پاکستانی فاسٹ بولر حسن علی ون ڈے میں دنیا کے بہترین بولرقرار پائے ہیں.
محمد حفیظ نے آل راؤنڈر رینکنگ میں پہلی پوزیشن حاصل کرلی، آئی سی سی کی نئی درجہ بندی میں فاسٹ بولر حسن علی نے لمبی چھلانگ ماری۔
یو اے ای میں سری لنکا کے خلاف بہترین کارکردگی پر حسن علی نے چھ درجہ ترقی کے ساتھ پہلی پوزیشن پر قبضہ جمالیا، ابوظہبی میں حسن علی تیز ترین پچاس وکٹیں لینے والے بولر بنے تھے۔
سری لنکا کے خلاف سیریز میں دو سنچریاں بنانے والے بابر اعظم بیٹسمین رینکنگ میں دو درجہ بہتری کے بعد چوتھے نمبر پر آگئے جبکہ آل راؤنڈرز رینکنگ میں محمد حفیظ نے پہلی پوزیشن پر قبضہ جمالیا، ون ڈے ٹیم رینکنگ میں پاکستان چھٹے نمبر پر براجمان ہے۔
علاوہ ازیں تازہ رینکنگ کے مطابق بلے بازی میں جنوبی افریقہ کے اے بی ڈویلیئرز نے پہلی، بھارتی کپتان ویرات کوہلی دوسری، آسٹریلیا کے ڈیوڈ وارنر تیسری، پاکستان کے بابر اعظم دو درجے ترقی کے ساتھ چوتھی پوزیشن پر براجمان ہوگئے۔
اس کے علاوہ جنوبی افریقہ کے کوینٹن ڈی کوک پانچویں، انگلینڈ کے جو روٹ چھٹی، بھارت کے روہیت شرما ساتویں، نیوزی لینڈ کے کین ولیم سن آٹھویں، جنوبی افریقہ کے ہاشم آملہ نوویں اور جنوبی افریقہ ہی کے فاف ڈوپلیسی دسویں پوزیشن پر موجود ہیں۔
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔
دبئی : شاہینوں نے ٹیسٹ سیریز کی شکست کا بدلہ لے لیا، دبئی ون ڈے میں پاکستان نے سری لنکا کو83رنز سے شکست دےدی، سری لنکا293رنزکےتعاقب میں 209 رنزبناسکا۔
تفصیلات کے مطابق فارمیٹ اور کٹ بدلتے ہی شاہینوں کی پرفارمنس بھی بدل گئی۔ پہلے ون ڈے میں قومی ٹیم کی بیٹنگ بھی چلی اور بولنگ بھی لاجواب رہی، اس بار بابر اعظم کی روٹھی فارم بھی مان گئی، انہوں نے103رنز بناکر کیرئیر کی چھٹی سنچری اسکور کی۔
اوپنر احمد شہزاد بارہ گیندیں کھیل کر بھی اپنا کھاتہ نہ کھول پائے اور رن آؤٹ ہوکر پویلین لوٹ آئے، شعیب ملک کو سپورٹ کرنے ان کی اہلیہ ثانیہ مرزا بھی اسٹیڈیم میں موجود تھیں، شعیب ملک کی دھواں دھار بیٹنگ پر ثانیہ بےحد خوش نظر آئیں۔
بابر اعظم کی سنچری اور شعیب کی ففٹی کی بدولت پاکستان نے 293رنزکا ہدف دیا۔ جواب میں پاکستانی بولرز نے لنکن بلےبازوں کو باآسانی قابو کرلیا۔
تھرمانے کے علاوہ کوئی کھلاڑی پاکستانی بولرز کے آگے نہ ٹک سکا۔ پاکستان نے209رنز پر سری لنکا کو ڈھیر کرکے میچ83رنز سے جیت لیا۔
پاکستان کو پانچ میچوں کی سیریزمیں0-1کی برتری حاصل ہوگئی، رومان رئیس اور حسن علی نے 3،3کھلاڑیوں کوآؤٹ کیا، محمد حفیظ اور شاداب خان نے ایک ایک وکٹ لی، شعیب ملک میچ کےبہترین کھلاڑی قرار پائے۔
ہدف کے تعاقب میں ڈک ویلا اور تھرنگا نے میدان میں اتر کر کھیل کا آغاز کیا لیکن پاکستان کی خطرناک باؤلنگ کے آگے ٹکنے میں کامیاب نہیں ہوئے، ویلا19اور تھرنگا18رنز بنا کر آؤٹ ہو گئے۔
چندی مل چاراور مینڈس دو رنز بنانے میں کامیاب ہوئے۔ سری وردنا بغیر کوئی رن بنائے حسن علی کی گیند کا نشانہ بنے اور بولڈ ہو کر پویلین لو ٹ گئے ،پیریرا21رنز پر شاداب خان کی گیند پر کیچ آؤٹ ہو گئے۔
سری لنکا کی جانب سے تھریمانے 53رنز کے ساتھ سرفہرست رہے اور دنانجا 50رنز کے ساتھ دوسرے نمبر پر رہے۔
بعد ازاں میڈیا سے گفتگو کرتے ہوئے سری لنکن کپتان تھرنگا کا کہنا تھا کہ پاکستان نےاچھی بیٹنگ کی، پاکستان کو270رنزسے کم پرروک سکتےتھے، ابتدائی وکٹیں جلد گرنےسے ہدف کا تعاقب مشکل ہوگیا، ہمارے بلےبازوں کوکارکردگی بہترکرنے کی ضرورت ہے،
قومی ٹیم کے کپتان سرفرازاحمد نے کہا کہ ٹیسٹ سیریز ہارنےکے بعد پہلامیچ جیتنا بہت ضروری تھا، جیت کاکریڈٹ پوری ٹیم کوجاتاہے، پہلے بیٹنگ کرکے بڑا اسکورکرنا کوشش ہوتی ہے۔
سرفرازاحمد نے کہا کہ امید تھی کہ محمد حفیظ اورشعیب ملک کے آنے سےمورال بلند ہوگا، بابر اعظم نے بہترین اننگز کھیلی۔
قبل ازیں سری لنکا اور پاکستان کے درمیان کھیلے جانے والے پہلے ون ڈے میچ میں قومی ٹیم نے بابر اعظم کی سینچری103رنز اور شعیب ملک کی نصف سینچری81رنز کی بدولت293رنز کا ہدف دیا تھا۔
سری لنکا کے کپتان نے ٹاس جیت کر فیلڈنگ کرنے کا فیصلہ کیا، پاکستان کی جانب سے اوپنر فخر زمان اور احمد شہزاد نے کھیل کا آغاز کیا۔
بارہ گیندیں ضائع کرنے کے بعد احمد شہزاد کوئی رن بنائے بغیر ہی پویلین واپس چلے گئے، فخر زمان نے 43رنز کی اننگ کھیلی۔
شعیب ملک نے شاندار81رنز بنائے جبکہ محمد حفیظ 32 رنز بنانے میں کامیاب ہوئے، ٹیم کے کپتان سرفراز احمد صرف ایک رن بناسکے، پاکستان نے مقررہ 50اوورز میں 6وکٹوں کے نقصان پر292 رنز بنائے۔
پاکستان ٹیم میں سرفراز احمد کپتان، احمد شہزاد، فخر زمان، بابر اعظم، شعیب ملک، محمد حفیظ، عماد وسیم، رومان رئیس، شاداب خان، حسن علی اور جنید خان شامل ہیں۔
سری لنکا ٹیم میں اوپل تھرنگاکپتان، نیروشن ڈیکویلا، کوشل مینڈس، لاہیرو تھریمانے، دنیش چندی مل، تھیسارا پریرا، انوشا داننجایا، سریش لکمل، جے ویندرسے، گاماگے اور ایم سری وردنے شامل ہیں۔
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔
دبئی: متحدہ عرب امارات میں دنیا کی پہلی خود کار فضائی ٹیکسی سروس منظرِ عام پر آگئی‘ جمیرا بیچ پارک میں منعقد ہونے والی تقریب میں دبئی کے ولی عہد شیخ ہمدان بن محمد بن راشد المکتوم نے شرکت کی۔
تفصیلات کے مطابق آٹونومس ایئر ٹیکسی ( اے اے ٹی ) نامی یہ سروس جلد ہی عوام کے لیے پوری طرح فعال کردی جائے گی‘ یہ دنیا کی پہلی ایئرٹیکسی سروس ہے جو دبئی کی روڈ اینڈ ٹرانسپورٹ اتھارٹی اور دبئی سول ایوی ایشن کے اشتراک سے چلائی جائے گی۔
دو نشستوں والی اس فضائی ٹیکسی میں بیک وقت دو مسافروں کے بیٹھنے کی گنجائش ہے اور یہ بغیر کسی پائلٹ کے آپریٹ کرے گی‘ اسے جرمنی کی ڈرون بنانے والی کمپنی ’وولوکاپٹر ‘نے تیار کیا ہے۔
اس موقع پر تقریب سے خطاب کرتے ہوئے شیخ ہمدان کا کہنا تھا کہ کہ’ خطے میں پہلی بغیر ڈرائیور والی میٹرو بنانے کے بعد ہمیں خوشی ہے کہ آج ہم خود کار فضائی ٹیکسی کی پہلی آزمائشی پرواز کا مشاہدہ کررہے ہیں ۔ کمیونٹی کی خدمت او ر ایک صحت مند اور خوش باش معاشرے کے قیام کے لیے یہ ہماری ایک اورقابلِ ذکر کاوش ہے‘۔
روڈ اینڈ ٹریفک اتھارٹی کے چیئرمین اور ڈائریکٹر جنرل مطار التائر کا اس موقع پر کہنا تھا کہ فضائی ٹیکسی میں مسافروں کی حفاظت کے لیے انتہائی اعلیٰ درجے کے اقدامات کیے گئے ہیں۔ ’ اس میں نو بیٹریوں پر مشتمل سسٹم نصب ہے جو کہ بہت جلد چارج ہوتا ہے۔ اس کے علاوہ کسی ایمرجنسی کو مدنظر رکھتے ہوئے اس میں پیرا شوٹ بھی رکھا گیا ہے‘۔
آزمائی ورژن کے لیے تیار کیے جانے والی فضائی ٹیکسی کی بیٹری دو گھنٹے میں چار ج ہوجاتی ہے اور جب اسے کمرشل پیمانے پر بنایا جائے گا تب اس کا
چارجنگ ٹائم اور کم ہوجائے گا۔ یاد رہے کہ یہ فضائی ٹیکسی صاف ستھری انرجی سے چلیں گی اور ان کی آواز بھی انتہائی کم ہوگی جس کے سبب یہ ماحول دوست ٹرانسپورٹ ہوگی۔
فضائی ٹیکسی عنقریب مسافروں کو ایک موبائل ایپ کے ذریعے دستیاب ہوگی جس کے ذریعے کسٹمر فلائٹ بک کرسکیں گے اور روٹ بھی ٹریک کرسکیں گے۔ یہ سروس آئندہ پانچ سال میں پوری طرح فعال ہوچکی ہوگی۔
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔
لاہور : قومی کرکٹ ٹیم سری لنکا کے خلاف سیریز کھیلنے کے لیے کپتان سرفرازاحمد کی قیادت میں دبئی پہنچ گئی۔
تفصیلات کے مطابق قومی کرکٹ ٹیم سری لنکا کے خلاف ٹیسٹ، ون ڈے اور ٹی ٹوئنٹی سیریز کھیلنے کے لیے لاہورایئرپورٹ سے غیرملکی ایئرلائن کی پرواز ای کے723 سے دبئی پہنچ گئی۔
قومی کرکٹ ٹیم کے 16 رکنی اسکواڈ میں کپتان سرفراز احمد، اظہرعلی،شان مسعود،وہاب ریاض، یاسرشاہ، سمیع اسلم، محمد اصغر، محمد عامر، محمد عباس، عثمان صلاح الدین، امیرحمزہ، بلال آصف، بابراعظم، اسد شفیق، حارث سہیل اور حسن علی شامل ہیں۔
خیال رہےکہ گزشتہ روز قومی کرکٹ ٹیم کے کپتان سرفراز احمد کا کہنا تھا کہ پاکستانی ٹیم کی کپتانی کرنا ہمیشہ چیلنج ہوتا ہے جس کے لیے مجھے کوچ اورسلیکٹرز کا بھرپورتعاون حاصل ہے اورنوجوان کھلاڑی بھی میری بات سن رہے ہیں اوراس پرعمل کررہے ہیں اس طرح بہترین وننگ کمبینیشن بن گیا ہے۔
واضح رہے کہ قومی کرکٹ ٹیم سری لنکا کے خلاف 2 ٹیسٹ،5 ون ڈے اور 3 ٹی ٹوئنٹی میچزکھیلے گی جبکہ دونوں ٹیموں کے درمیان پہلا ٹیسٹ 28 ستمبرکو اوردوسرا 6 اکتوبرسے کھیلا جائے گا۔
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔
دبئی : ویسٹ انڈیز کے مایہ ناز آل راؤنڈر اور ورلڈ الیون کے نامور کھلاڑی ڈیرن سیمی نے کہا ہے کہ ورلڈ الیون کے میچوں کو خصوصی اہمیت حاصل ہے، میچ ریفری رچی رچرڈسن بھی ان میچوں کا حصہ بننے پر خوش ہیں۔
ان خیالات کا اظہار انہوں نے دبئی آمد کے موقع پر میڈیا سے گفتگو کرتے ہوئے کیا۔ ڈیرن سیمی کا کہنا تھا کہ ان کے پاکستانی کھلاڑیوں کے ساتھ بہت اچھے تعلقات ہیں، پاکستان میں کھیل کر خوشی ملی تھی اب اور بھی ملے گی، وہ پاکستان جانے کے حوالے سے بہت پر جوش ہیں۔
ان کا مزید کہنا تھا کہ ورلڈ الیون کی آمد سے پاکستان میں کرکٹ کی بحالی آسان ہو گی، اس کی کامیابی سے ویسٹ انڈیز کی بھی پاکستان میں آمد ہو سکتی ہے، ورلڈ الیون اور پاکستان ٹیم کا میچ دلچسپ ہو گا۔
مارچ میں پی ایس ایل فائنل کا حصہ بننے والے ڈیرن سیمی کہتے ہیں کہ ویسٹ انڈیز کے ماضی کے بیٹسمین رچی رچرڈسن میچ ریفری ہوں گے۔ وہ بھی سیریز کا حصہ بننے پر بہت خوش ہیں۔
واضح رہے کہ ورلڈ الیون کے کھلاڑی دبئی میں پاکستان کے خلاف سیریز کی تیاری کر رہے ہیں، ورلڈ الیون کے خلاف معرکہ کے لئے قومی ٹیم نے لائٹس میں پریکٹس کی۔
اس موقع پر نئے نویلے دولہا رومان رئیس کو سب کھلاڑیوں نے مبارکباد دی، ورلڈ الیون اور پاکستان کے درمیان تین میچوں کی سیریز کا پہلا میچ منگل کو کھیلا جائیگا۔
کراچی : سابق صدر اور پیپلزپارٹی کے شریک چیئرمین آصف زرداری نے کہا ہے کہ عیدالاضحیٰ کے بعد بڑی انتخابی مہم چلائی جائے گی، ہم اس شخص کا ساتھ نہیں دیں گے جو جمہوریت کے خلاف ہوگا، ان کا کہنا ہے کہ وہ خود آئندہ الیکشن میں کامیابی کے لئے ہرصوبے میں جائیں گے۔
ان خیالات کااظہار انہوں نے دبئی میں ملاقات کیلئے آنے والے سابق سینیٹر اورنومنتخب رکن صوبائی اسمبلی سعید غنی سے گفتگو کرتے ہوئے کیا، اس موقع پر انہوں نے عید الاضحیٰ نواب شاہ میں منانے کا اعلان بھی کیا۔
آصف زرداری نے کہا کہ میں نے میاں صاحب کو کہا بھی تھا کہ مستعفی ہوجائیں ورنہ دمادم مست قلندر ہوگا، اب عدالتی فیصلے کے بعد دما دم مست قلندرکا نعرہ عوام نے ہی لگادیا۔
پی پی شریک چیئرمین نے کہا کہ ہم کبھی اس شخص کا ساتھ نہیں دیں گے جو جمہوریت کے خلاف ہوگا، انہوں نے کہا ہم نے اداروں کو آئینی طریقے سے مضبوط کیا، جمہوریت کو نقصان پہنچانے والوں کے راستے آئینی طریقے سے بند کئے۔
انہوں نے کہا کہ آرٹیکل باسٹھ تریسٹھ مخالفت کرنے والوں کے ہی گلے آگیا، روایات برقرار رکھی جاتی تو میاں صاحب کو یہ دن دیکھنا نہ پڑتے۔
دبئی: پاکستانی اوپنر بلے باز فخر زمان کا انگلش کاؤنٹی سمر سیٹ سے معاہدہ طے پاگیا ہے‘ کیریبین لیگ میں شرکت نہیں کریں گے۔
تفصیلات کے مطابق پاکستانی لیفٹ ہینڈر اوپنر بلے باز فخر زمان نے کیریبین لیگ پر انگلش کاؤنٹی کھیلنے کو ترجیح دیتے ہوئے سمر سسیٹ سے چار ہفتے کا معاہدہ کرلیا ہے۔
فخر زمان رواں سیزن میں سمر سیٹ سے کھیلیں گے۔ اس سے قبل فخر زمان نے کیریبین لیگ سے معاہدہ کیا تھا تاہم انہوں نے سمیر سیٹ سے کھیلنے کو ترجیح دی ہے۔
اوپننگ بلے باز کو سمر سیٹ سے کھیلنے کے لیے پی سی بی کی جانب سے این او سی جاری کردیا گیا ہے۔
واضح رہے کہ آئی سی سی چیمپئنز ٹرافی کے فائنل میں بھارت کے خلاف فخر زمان نے اپنے کیریئر کی پہلی سنچری اسکور کرکے ٹیم کی جیت میں اہم کردار ادا کیا تھا۔
فخر زمان کو آئی سی سی چیمپئنز ٹرافی کے فائنل میں شاندار کارکردگی کا مظاہرہ کرنے پر مین آف دی میچ ایوارڈ سے بھی نوازا گیا تھا۔
خیال رہے کہ فخر زمان نے اپنے ون ڈے کیریئر کا آغاز آئی سی سی چیمپئنز ٹرافی میں جنوبی افریقہ کے خلاف میچ سے کیا تھا۔
یاد رہے کہ قومی ٹیم کی ان دنوں انٹرنیشنل کوئی سیریز نہ ہونے کے سبب قومی ٹیم کے متعدد کھلاڑی انٹرنیشنل لیگز کھیلنے میں مصروف ہیں۔
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔
دبئی: متحدہ عرب امارات کے سربراہ شیخ حمدان بن محمد بن راشد المکتوم سیر و تفریح کے کتنے شوقین ہیں اس بات کا اندازہ اُن کی حالیہ شیئر کی جانے والی تصاویر سے لگایا جاسکتا ہے۔
تفصیلات کے مطابق دبئی کے حکمران شیخ راشد المکتوم سیر و تفریح کے کافی شوقین ہیں اپنے سماجی رابطے کے اکاؤنٹ پر مختلف اوقات میں تصاویر شیئر کرتے رہتے ہیں تاہم حالیہ دنوں انہوں نے فضائی سفر کے دوران دبئی کی شاندار تصاویر لیں اور اپنے انسٹا گرام کے آفیشل اکاؤنٹ پر پوسٹ کردیں۔
انسٹا گرام پر فیض 3 نامی آئی ڈی راشد المکتوم کی ایک آفیشل آئی ڈی ہے، گلف نیوز کے مطابق یہ تصاویر شیخ حمدان نے فضائی سفر کے دوران بنائی تھیں، ایسی تصاویر اس سے قبل کبھی سامنے نہیں آئیں۔ انسٹاگرام پر شیئر کی جانے والی تصاویر کو اب تک لاکھوں افراد پسند بھی کرچکے ہیں۔
گلف نیوز کے مطابق اس آخری تصویر میں شیشے پر ایک شخص کا عکس نظر آرہا ہے جو کہ دبئی کے حکمران کا ہے، ان کا یہ عکس اس وقت نظر آیا جب انہوں ںے بلند عمارت سے اپنے موبائل فون کے ذریعے تصویر کھینچی۔
