ARYNews.tv | Urdu – Har Lamha Bakhabar

Tag: Dubai

  • شاہد آفریدی کی نجم سیٹھی سے ملاقات، فیئر ویل دینے کا اشارہ

    شاہد آفریدی کی نجم سیٹھی سے ملاقات، فیئر ویل دینے کا اشارہ

    لاہور : بوم بوم آفریدی اور چیئرمین پی ایس ایل نجم سیٹھی کے درمیان بالآخر دبئی میں ملاقات ہو ہی گئی۔ ملاقات کے دوران نجم سیٹھی نے شاہد آفریدی کو فیئر ویل دینے کا اشارہ دے دیا۔

    تفصیلات کے مطابق پاکستان سپر لیگ کے چیئرمین نجم سیٹھی سے دبئی میں شاہد آفریدی نے ملاقات کی ہے، ملاقات کے بعد چیئرمین پی ایس ایل نجم سیٹھی نے سماجی رابطے کی ویب سائٹ ٹوئٹر پر ملاقات کی تفصیل کے ساتھ شاہد آفریدی کے ہمراہ تصویر بھی جاری کی ہے۔

    اپنے ٹوئٹر پیغام میں نجم سیٹھی نے بتایا ہے کہ سابق ٹی توینٹی کپتان سے ملاقات خوشگوار ماحول میں ہوئی ہے۔ اس دوران انٹرنیشل کرکٹ کو خیرباد کہنے پر شاہد آفریدی کو فیئرویل دینے کے حوالے سے بھی گفتگو ہوئی۔

    انہوں نے کہا کہ مستقبل میں کرکٹ کے فروغ کیلئے شاہد آفریدی نے اپنا کردار ادا کرنے کا بھی ارادہ ظاہر کیا ہے۔ جواب میں شاہد آفریدی نے بھی ٹوئٹ کرتے ہوئے چیئرمین پی ایس ایل کی تجاویز کو قابل ستائش قرار دیا ہے۔

  • دبئی کے ساحل پر قائم لائبریری

    دبئی کے ساحل پر قائم لائبریری

    مطالعے کے شوقین افراد جب تفریح کے لیے جاتے ہیں تب بھی انہیں مطالعے اور کتاب کی ضرورت پڑتی ہے۔ ایسے افراد ساحل کنارے بھی ٹھنڈی ہوا میں لیٹ کر کتاب پڑھنا چاہتے ہیں۔

    ایسے ہی شوقین افراد کے لیے دبئی میں ساحل پر ایک کتب خانہ قائم کردیا گیا ہے جو اپنی نوعیت کا منفرد کتب خانہ ہے۔

    دبئی کے ساحل پر قائم اس لائبریری کا مقصد صرف مطالعے کے شوقین افراد کے لیے نہ صرف تفریح طبع کا سامان فراہم کرنا ہے بلکہ ساحل پر آنے والے دیگر افراد کو بھی مطالعے کی طرف راغب کرنا اور علم اور معلومات کا پھیلاؤ ہے۔

    یہ لائبریری دبئی کے پرکشش ساحل کو سیاحوں کے لیے مزید پرکشش بنانے کا سبب بھی ہیں۔

    یہاں عربی اور انگریزی زبان میں کتابیں رکھی گئی ہیں کہ تاکہ غیر ملکی سیاح بھی ان کتابوں کو پڑھ کر متحدہ عرب امارات کی تاریخ، ثقافت اور تمدن کے بارے میں جان سکیں۔

    دبئی کی مقامی حکومت کی جانب سے قائم کی جانے والی یہ بیچ لائبریری ماحول دوست بھی ہے۔ ان میں چھوٹے سولر پینل لگائے گئے ہیں جو دن بھر سورج کی روشنی سے بجلی پیدا کرتے ہیں اور رات میں اس بجلی سے یہاں لگی روشنیاں جل اٹھتی ہیں۔

    حکام کا کہنا ہے کہ وہ اس نوعیت کی کم از کم 8 لائبریریاں قائم کرنا چاہتے ہیں اور اس سلسلے میں یہ پہلی لائبریری ہے۔

  • آئی سی سی ٹی 20 رینکنگ: پاکستان چوتھے نمبرپرآگیا

    آئی سی سی ٹی 20 رینکنگ: پاکستان چوتھے نمبرپرآگیا

    دبئی : انٹرنیشل کرکٹ کونسل آئی سی سی نے ٹی ٹوئنٹی کرکٹ کی رینکنگ جاری کردی، درجہ بندی میں پاکستان چوتھے نمبر پر پہنچ گیا۔ نیوزی لینڈ پہلی پوزیشن پر تاحال برقرارہے۔ 

    تفصیلات کے مطابق آئی سی سی نے ٹی ٹوئنٹی رینکنگ جاری کردی جس میں نیوزی لینڈ کی ٹیم 127 ریٹنگ پوائنٹس کے ساتھ رینکنگ میں ٹاپ پوزیشن پر برقرار ہے۔ بھارت کی پوزیشن 124 ریٹنگ پوائنٹس کے ساتھ دوسرے نمبر پر جبکہ 117 ریٹنگ پوائنٹس لے کرساؤتھ افریقہ تیسرے نمبرپر ہے۔

    icc-ranking

     پاکستان کی ٹیم انٹرنیشل کرکٹ کونسل کی بین الاقوامی ٹی ٹوئنٹی کرکٹ درجہ بندی میں 116 ریٹنگ پوائنٹس لے کر چوتھے نمبر پر ہے۔ حالیہ ٹی ٹوئنٹی سیریز جیتنے کے بعد قومی ٹیم کی رینکنگ میں دو درجے ترقی ہوئی، تیسری پوزیشن والے جنوبی افریقہ اور پاکستان کے درمیان صرف آٹھ پوائنٹس کا فرق ہے۔

    ٹی ٹوئنٹی بولنگ کے شعبے میں پاکستان کے بہترین بولر عماد وسیم ہیں جن کا چوتھا نمبر ہے۔ اس کے علاوہ ٹی ٹوئنٹی کے علاوہ پاکستان کی ایک روزہ میچوں میں آٹھویں اور ٹیسٹ کرکٹ میں پانچویں پوزیشن ہے۔

    ٹی ٹوئنٹی میں کھلاڑیوں کی انفرادی درجہ بندی میں بلے بازی میں پہلے دس کھلاڑیوں میں کوئی بھی پاکستان کھلاڑی شامل نہیں ہے۔

  • آئی سی سی ٹیسٹ رینکنگ : اظہرعلی اور یونس خان کی ٹاپ ٹین میں واپسی

    آئی سی سی ٹیسٹ رینکنگ : اظہرعلی اور یونس خان کی ٹاپ ٹین میں واپسی

    دبئی : آئی سی سی نے بیٹسمینوں کی نئی ٹیسٹ رینکنگ جاری کردی، اظہرعلی اور یونس ٹاپ ٹین بلے بازوں میں شامل ہوگئے، اسٹیون سمتھ بدستور پہلے نمبر پر براجمان ہیں۔

    تفصیلات کے مطابق انٹرنیشنل کرکٹ کونسل نے تازہ ترین ٹیسٹ رینکنگ جاری کردی ہے جس کے مطابق آسٹریلیا کے کپتان اسٹیون اسمتھ ٹیسٹ پلیئرز رینکنگ میں بلے بازوں میں بدستور پہلے نمبر پرہیں۔

    پاکستانی بلے باز اظہرعلی اور یونس خان کو ایک، ایک درجے ترقی ملی ہے، جس کے بعد وہ دس بہترین بلے بازوں کی فہرست میں شامل ہوگئے۔ اظہرعلی ساتویں اور یونس خان آٹھویں نمبرپر آگئے ہیں۔

    رینکنگ کے مطابق کین ولیمسن دو درجے ترقی پا کر دوسرے نمبر پر آ گئے، جوروٹ اور ویرات کوہلی ایک، ایک درجے تنزلی کا شکار ہوئے۔

    نیوزی لینڈ کے کین ولیم سن دوسرےاور بھارت کے ویرات کوہلی چوتھےنمبر پر ہیں۔ ڈی ویلیئرز کی ایک درجے بہتری کے ساتھ ٹاپ ٹین میں واپسی ہوئی ہے۔

    نئی رینکنگ کے مطابق ڈی کوک سات درجے تنزلی کا شکار ہو کر ٹاپ ٹین سے باہر ہو گئے، آل راﺅنڈرز میں ایشون نے شکیب الحسن سے دوبارہ پہلی پوزیشن چھین لی۔

  • آئی سی سی نے امپائرز کو مزید بااختیاربنا دیا، نئے قوانین متعارف

    آئی سی سی نے امپائرز کو مزید بااختیاربنا دیا، نئے قوانین متعارف

    دبئی : انٹرنیشنل کرکٹ کونسل نے کرکٹ کی بہتری کے لئے نئے قوانین متعارف کرادیئے۔ امپائرز مزید بااختیار ہوگئے۔ میچ کے دوران جھگڑا کرنے والے کھلاڑیوں کو گراؤنڈ سے باہر نکانے کا اختیارمل گیا۔

    تفصیلات کے مطابق میری لی بون کرکٹ کمیٹی کی سفارشات پر آئی سی سی نے نئے قوانین متعارف کرا دیئے ہیں۔ نئے قوانین کے مطابق فیلڈ امپائر مزید بااختیار ہوگئے ہیں۔

    icc-rules-01

    امپائر کے فیصلے پر اعتراض، بلا ضرورت اپیل ، کھلاڑی سے جھگڑا کرنے دھمکانے، جان بوجھ کر بیٹسمین کی جانب گیند پھیکنے اور ضابطہ اخلاق کی خلاف ورزی کرنے پر مخالف ٹیم کو پانچ اضافی رنز دیئے جائیں گے۔

    نئے قوانین کے مطابق ساتھ ہی متعلقہ کھلاڑی کو میچ سے باہر بھی کیا جاسکے گا۔ رن آؤٹ کے حوالے سے بھی قوانین میں تبدیلی کی گئی ہے۔

    icc-rules-02

    کریز میں پہنچنے کے بعد بیٹ ہوا میں ہونے کی صورت میں فیصلہ بیٹسمین کے حق میں دیا جائے گا۔ نئے قوانین میں آؤٹ کرنے کے طریقہ کار دس سے کم کرکے نو کردیا گیا۔ نئے قوانین کا اطلاق یکم اکتوبر سے ہوگا۔

  • شاہد آفریدی زخمی ، پی ایس ایل فائنل میں شرکت نہیں کرسکیں گے

    شاہد آفریدی زخمی ، پی ایس ایل فائنل میں شرکت نہیں کرسکیں گے

    دبئی : بوم بوم آفریدی کے زخمی ہونے کے باعث پی ایس ایل کے فائنل میں شرکت مشکوک ہوگئی، شاہد آفریدی کے ہاتھ میں بارہ ٹانکے آئے ہیں۔

    تفصیلات کے مطابق دبئی میں کراچی کنگز اور پشاور زلمی کے درمیان کھیلے جانے والے پی ایس ایل کے اہم میچ میں پشاورزلمی کے کھلاڑی شاہد آفریدی کیرون پولارڈ کا کیچ لینے کی کوشش میں سے شدید زخمی ہوگئے۔


    Chat Conversation End

    کھیل کے دوران کیرون پولارڈ کا زور دار شاٹ آفریدی کے دائیں ہاتھ پر لگا جس کے بعد آفریدی گراؤنڈ سے باہر چلے گئے۔

    shahid-post-01

    ذرائع کے مطابق شاہد آفریدی کے ہاتھ میں بارہ ٹانکے لگے ہیں، اور ان ہاتھ پر پٹی بندھی ہوئی ہے، جس کے باعث قوی اندیشہ ہے کہ وہ لاہور میں کھیلے جانے والے پی ایس ایل کے فائنل میچ میں شرکت نہیں کر سکیں گے۔کیونکہ اس حالت میں وہ نہ تو بیٹنگ کرسکتے ہیں اور نہ بالنگ کرا سکیں گے۔

  • فائنل کیلئےغیرملکی کھلاڑی لاہورآئیں گے، نجم سیٹھی

    فائنل کیلئےغیرملکی کھلاڑی لاہورآئیں گے، نجم سیٹھی

    دبئی : چئیرمین پی ایس ایل نجم سیٹھی نے کہا ہے کہ غیر ملکی کھلاڑی لاہور آئیں گے، فائنل کے لئے ہر ٹیم میں چار غیر ملکی کھلاڑی ہوں گے، غیر ملکی کھلاڑی پلاٹینئیم، ڈائمنڈ اور گولڈ کٹیگری سے ہوں گے۔

    یہ بات انہوں نے سماجی رابطے کی ویب سائٹ ٹوئیٹر پر اپنے پیغام میں کہی، پی ایس ایل کے چئیر مین نجم سیٹھی نے کہا کہ غیرملکی کھلاڑی پی ایس ایل کا فائنل دیکھنے لاہورآئیں گے، فائنل کے لئے ہر ٹیم میں 4 غیر ملکی کھلاڑی ہوں گے۔

    انہوں نے کہا کہ غیر ملکی کھلاڑی پلاٹینئیم، ڈائمنڈ اور گولڈ کٹیگری سے ہوں گے، چئرمین پی ایس ایل کا کہنا تھا کہ کچھ غیر ملکی کھلاڑی چلے گئے تو اور آجائیں گے۔

    دوسری جانب چیئرمین پی سی بی شہریار خان نے کہا ہے کہ لوگ پی ایس ایل کا فائنل پاکستان میں دیکھنا چاہتے ہیں، پی ایس ایل فائنل کےتمام ٹکٹس بک جائیں گے۔

    مزید پڑھیں : کوئٹہ گلیڈی ایٹرز کے 4 غیر ملکی کھلاڑیوں کا لاہور آنے سے انکار

    چیئرمین پی سی بی نے کہا کہ جو غیرملکی کھلاڑی نہیں آرہے تو کوئی بات نہیں اور آجائیں گے، ایک سوال کے جواب میں شہریارخان کا کہنا تھا کہ میں کراچی کا رہنے والا ہوں حمایت بھی اسی کی کروں گا۔

  • پی ایس ایل کا پہلا پلے آف : زلمی اورگلیڈی ایٹرز آج مد مقابل

    پی ایس ایل کا پہلا پلے آف : زلمی اورگلیڈی ایٹرز آج مد مقابل

    دبئی : پاکستان سپرلیگ کا پہلا پلےآف میچ آج پشاور زلمی اور کوئٹہ گلیڈی ایٹرز کےدرمیان کھیلاجائےگا۔ جیتنےوالی ٹیم فائنل میں جائے گی تو ہارنے والی ٹیم کو ایک اور موقع ملےگا۔ میچ پاکستانی وقت کے مطابق رات نو بجے شروع ہوگا۔

    تفصیلات کے مطابق پی ایس ایل کے پہلے پلے آف کے سپر مقابلے میں سرفراز احمد کی کوئٹہ گلیڈی کا ٹاکرا ڈیرن سیمی کی پشاور زلمی سے ہوگا۔ ایک ٹیم میں سیر تو دوسری میں سوا سیر ہے۔

    دونوں ٹیموں کےدرمیان پی ایس ایل ٹو کےآخری میچ میں شاہد آفریدی نے کوئٹہ گلیڈی ائیٹرز کے منہ سے فتح چھینی تھی۔ پشاور زلمی نےآخری دو میچز جیت کر پلے آف میں پہنچی ہے تو کوئٹہ گلیڈی ایٹرز کو آخری دونوں میچز میں ناکامی کا سامنا کرناپڑا۔

    پہلا پلےآف جیتنے والی ٹیم براہ راست فائنل کا ٹکٹ بک کرلے گی، جو لاہور میں کھیلا جائے گا جبکہ ہارنے والی ٹیم کو ایک اور موقع ملے گا۔

    دوسرے پلے آف میں یکم مارچ کو اسلام آباد یونائیٹڈ کا کراچی کنگز سے ٹاکرا ہوگا۔ ناکام ٹیم ٹورنامنٹ سے باہر ہو جائے گی جبکہ جیتنے والی ٹیم کا 3 مارچ کو پہلے پلے آف کی ناکام الیون سے جوڑ پڑے گا۔

    آخری پلے آف کی فاتح سائیڈ پہلے پلے آف کی کامیاب ٹیم سے 5 مارچ کو فائنل کھیلے گی۔ پشاور زلمی اور کوئٹہ گلیڈی ایٹرز کے درمیان میچ پاکستانی وقت کے مطابق رات نو بجے شروع ہوگا۔

  • کوئٹہ گلیڈی ایٹرز کو شکست دے کر پشاور زلمی پہلی پوزیشن پر

    کوئٹہ گلیڈی ایٹرز کو شکست دے کر پشاور زلمی پہلی پوزیشن پر

    دبئی : شاہد آفریدی کی دھواں دار بیٹنگ کی بدولت پشاور زلمی نے کوئٹہ گلیڈی ایٹرز کو سنسنی خیز مقابلے کے بعد دو وکٹوں سے شکست دیدی۔ پشاور زلمی نے پوائٹنس ٹیبل پر کوئٹہ گلیڈی ایٹرز سے پہلی پوزیشن بھی چھین لی۔

    تفصیلات کے مطابق پی ایس ایل ایڈیشن ٹو کا ایک اور میچ سنسنی خیز مقابلے کے بعد اختتام پذیر ہوگیا۔ پاکستان سپر لیگ ٹو کے سلسلے کا انیسواں میچ کوئٹہ گلیڈی ایٹرز اور پشاور زلمی کے مابین کھیلا گیا۔

    زلمی نے ٹاس جیت کر پہلے فیلڈنگ کرنے کا فیصلہ کیا، گلیڈی ایٹرز نے مقررہ اوورز میں 9 وکٹوں کے نقصان پر 128 رنز بنائے، جواباً زلمی نے 8 وکٹوں کے نقصان پر 19 اعشاریہ 2 اوورز میں مقررہ ہدف حاصل کر لیا۔

    شاہد آفریدی نے چھکے اور چوکے کی برسات کرکے میلہ لوٹ لیا۔ شاہد آفریدی نے 3 چھکوں اور 3 چوکوں کی مدد سے 23 گیندیں کھیل کر 45 رنز بنائے اور ناٹ آؤٹ رہے۔

    کوئٹہ گلیڈی ایٹرز کے دیگر بلے باز بہترین کارکردگی دکھانے میں ناکام رہے۔ کیون پیٹرسن اکتالیس اور روسوو نے اڑتیس رنز کی اننگز کھیل سکے، جیت کیلئے پشاور زلمی کو ایک سو انتیس رنز کا ہدف ملا، مطلوبہ ہدف تک پہنچنا پشاور زلمی کیلئے آسان ثابت نہیں ہوا۔

    کامران اکمل چھبیس، محمد حفیظ بائیس رنز کی اننگز کھیلی۔ شاہد آفریدی نے گراؤنڈ میں قدم جماتے ہی بولرز کے چھکے چھڑا دیئے، پینتالیس رنز کی دھواں دار اننگز کھیل کر شاہد آفریدی نے پشاور زلمی کو دو وکٹوں سے فتح دلا دی۔ جیت کے ساتھ ہی پشاور زلمی نے پوائٹنس ٹیبل پر کوئٹہ گلیڈی ایٹرز سے پہلی پوزیشن چھین لی ہے۔

  • اسلام آباد یونائیٹڈ نے کوئٹہ گلیڈی ایٹرز کو1رن سے ہرا دیا

    اسلام آباد یونائیٹڈ نے کوئٹہ گلیڈی ایٹرز کو1رن سے ہرا دیا

    دبئی : اسلام آباد یونائیٹڈ نے کوئٹہ گلیڈی ائیٹرز کو سنسنی خیز مقابلے کے بعد ایک رن سے شکست دے دی۔ کوئٹہ گلیڈی ایٹرز کی ٹیم کو جیت کے لیے 166 رنز درکار تھے۔ احمد شہزاد اور کیون پیٹرسن کی نصف سنچری بھی کام نہ آسکی۔

    تفصیلات کے مطابق اسلام آباد یونائیٹڈ نے کوئٹہ گلیڈی ایٹرز کے منہ سے فتح چھین لی، دلچسپ مقابلے کے بعد کوئٹہ کو ایک رن سے ہرادیا۔ پہلے بیٹنگ کرتے ہوئے اسلام آباد یونائیٹڈ کا آغاز اچھا نہ ہوا، پہلے ہی اوور میں ڈیوئن اسمتھ کھاتہ کھولے بغیر پویلین لوٹ گئے۔

    پہلا میچ کھیلنے والے حسین طلعت نے دھواں دھار ففٹی بنائی۔ مصباح الیون مقررہ اوورز میں ایک سو پنسٹھ رنزبناسکی۔ ذوالفقاربابر اورانورعلی نے دودو وکٹیں حاصل کیں۔

    ہدف کے تعاقب میں کوئٹہ کو بھی ابتدا میں ہی نقصان اٹھانا پڑا، ابتدائی نقصان کے بعد کوئٹہ سنبھل گیا۔ احمد شہزاد اور کیون پیٹرسن کے درمیان ایک سو تینتس رنز کی شراکت نے میچ یکطرفہ بنادیا۔

    شاداب خان نے کیون پیٹرسن کو 69 رنز پر ایل بی ڈبلیو کر دیا۔ لیکن میچ میں انہونی اس وقت ہوئی، جب کوئٹہ کو بارہ گیندوں پر صرف سات رنز درکار تھے، لیکن کوئٹہ ایک رن سے ہارگیا۔

    محمد سمیع کو ان کی کارکردگی پر مین آف دی میچ کا اعزاز ملا۔ کوئٹہ گلیڈی ایٹرز کی طرف سے ذوالفقار بابر نے 17 رنز دے کر دو وکٹیں حاصل کیں لیکن دوسری جانب انور علی بہت مہنگے ثابت ہوئے اور اپنے چار اوورز میں 51 رنز کے عوض تین وکٹیں لیں۔