ARYNews.tv | Urdu – Har Lamha Bakhabar

Tag: Dubai

  • آئی سی سی ون ڈے رینکنگ جاری، بابراعظم ٹاپ ٹین میں شامل

    آئی سی سی ون ڈے رینکنگ جاری، بابراعظم ٹاپ ٹین میں شامل

    دبئی : انٹرنیشنل کرکٹ کونسل نے پاکستانی کرکٹربابراعظم کو دنیا کے دس بڑے کھلاڑیوں کی فہرست میں شامل کرلیا جبکہ ون ڈے کی نئی رینکنگ میں کوئی بھی پاکستانی ابتدائی دس بولروں میں جگہ بنانے میں کامیاب نہیں ہو سکا۔

    تفصیلات کے مطابق آئی سی سی نے ون ڈے کی نئی رینکنگ جاری کردی۔ پاکستان کے بابر اعظم پانچ درجہ بہتری کے بعد دنیا کے دس بہترین بیٹسمینوں میں شامل ہوگئے۔ ون ڈے رینکنگ کے مطابق بابر اعظم 733 پوائنٹس کے ساتھ دسویں نمبر پر پہنچ گئے ہیں۔

    babar-post-3

    آئی سی سی کی نئی رینکنگ میں آسٹریلوی اوپنر ڈیوڈ وارنر 880 پوائنٹس کے ساتھ پہلی مرتبہ ٹاپ پوزیشن پر آگئے۔ وارنر نے پاکستان کے خلاف دو سنچریاں بنائیں تھیں۔ جنوبی افریقہ کے اے بی ڈویلیئرز 861 پوائنٹس کے ساتھ دوسرے جب کہ انڈیا کی ٹیم کے کپتان ویراٹ کوہلی 852 پوائنٹس کے ساتھ تیسرے نمبر پر موجود ہیں۔

    babar

    ایڈیلیڈ میں کیرئیر کی چوتھی سنچری بنانے والے پاکستان کے بابر اعظم پانچ درجہ بہتری کے بعد کیرئیر بیسٹ دسویں نمبر پر آگئے۔ بابراعظم آسٹریلیا کے خلاف سیریز میں تیز ایک ہزار رنز بنانے کا غیر ملکی کھلاڑیوں کا ریکارڈ بھی برابر کیا تھا۔

    babar-post-2

    کینگروز کے خلاف پانچ میچز میں ڈھائی سو رنزبنانے والے شرجیل خان کی رینکنگ میں نمایاں بہتری آئی ہے۔ بولرز کی ٹاپ ٹین رینکنگ میں کوئی پاکستانی بولر شامل نہیں ہے۔

    محمد عامر کی رینکنگ میں تینتالیس درجہ بہتری ہوئی ہے۔ آل راؤنڈرز رینکنگ میں محمد حفیظ کی ایک درجہ تنزلی ہوگئی۔ ٹیم رینکنگ میں پاکستان سیریز ہارنے کے باوجود بدستور آٹھویں نمبر پر براجمان ہے جبکہ آسٹریلیا سرفہرست ہے۔

  • آصف زرداری دبئی روانہ، ٹرمپ کی حلف برداری میں شرکت متوقع

    آصف زرداری دبئی روانہ، ٹرمپ کی حلف برداری میں شرکت متوقع

    کراچی : سابق صدر آصف علی زرداری دبئی روانہ ہوگئے ہیں جہاں سے وہ نومنتخب امریکی صدر ڈونلڈ ٹرمپ کی تقریب حلف برداری میں شرکت کیلیے امریکہ جائیں گے۔

    تفصیلات کے مطابق پیپلز پارٹی پارلیمنٹیرین کے صدر اور سابق صدر آصف علی زرداری کراچی کے جناح ایئر پورٹ سے دبئی روانہ ہوگئے ہیں جہاں وہ کچھ روز قیام کریں گے۔

    آصف زرداری نومنتخب امریکی صدر ڈونلڈ ٹرمپ کی تقریب حلف برداری میں شرکت کریں گے۔ تقریب بیس جنوری کو ہو گی۔ اسی روز امریکی صدر عشائیہ دیں گے۔ جس میں آصف زرداری بھی مدعو ہیں۔

    عشائیے پر آصف زرداری کی ڈونلڈ ٹرمپ سے ملاقات متوقع ہے۔ نومنتخب امریکی صدر ڈونلڈ ٹرمپ کی ٹیم نے سابق صدر آصف زرداری کو دعوت نامہ بھیجا۔ آصف زرداری کو سینیٹر جان مکین کی ہدایت پر حلف برداری کی تقریب میں شرکت کی دعوت دی گئی۔

    آصف علی زرداری سینیٹر جان مکین سمیت ریپبلکن پارٹی کے سیاستدانوں سے ملاقاتیں کریں گے۔ سابق صدر کی امریکی اسٹبلشمنٹ کے اہم ارکان سے ملاقات بھی متوقع ہے۔

    آصف زرداری دو فروری کو امریکی صدر اور کانگریس کے نیشنل بریک فاسٹ میں شریک ہوں گے۔ شیری رحمان اور رحمان ملک بھی امریکا جا رہے ہیں۔ آصف زرداری تین فروری تک امریکا میں رہیں گے۔

     

  • خاتون ڈرائیوربے قابو ہوگئی، تیز رفتاری پر ایک گھنٹے میں انیس چالان

    خاتون ڈرائیوربے قابو ہوگئی، تیز رفتاری پر ایک گھنٹے میں انیس چالان

    دبئی : خاتون ڈرائیور نے محض اپنا موڈ خراب ہونے پر ٹریفک قوانین کی دھجیاں اڑا دیں، ایک گھنٹے میں انیس چالان کرالیے، پولیس نے انتہائی تیر رفتاری کے جرم میں گرفتار کرکے پوچھ گچھ کے بعد چھوڑدیا۔

    تفصیلات کے مطابق متحدہ عرب امارات کے سیاحتی اور تجارتی مرکز دبئی میں یورپی ملک سے تعلق رکھنے والی خاتون ڈرائیور نے ایک گھنٹے میں ٹریفک قوانین کی خلاف ورزیوں کے تمام سابقہ ریکارڈ ہی توڑ ڈالے۔

    عرب ذرائع ابلاغ کے مطابق بار بار ٹریفک قانون کی خلاف ورزی کی مرتکب غیرملکی خاتون ڈرائیور کو پولیس نے حراست میں لیا تو اس نے کہا کہ وہ نفسیاتی دباؤ کا شکار ہے اور اس کا موڈ بھی خراب ہے۔

    دبئی ٹریفک پولیس کے ڈائریکٹر بریگیڈیئرسیف مہیر المزروعی نے میڈیا کو بتایا کہ خاتون کو ٹریفک قانون کی خلاف ورزی پر چالان مرکزی شاہراہ الشیخ زاید پر 220 سے 240 کلو میٹر کی رفتار سے گاڑی چلانے پر کیے گئے ہیں۔

    حکام کا کہنا ہے کہ ٹریفک قانون کی بار بار خلاف ورزی کرنے والی خاتون کو حراست میں لیا گیا تھا اسے پوچھ گچھ کے بعد چھوڑ دیا گیا ہے۔

    خاتون کا کہنا تھا کہ اس کا موڈ خراب تھا اور وہ اپنا نفسیاتی معائنہ کرانے اسپتال جانا چاہتی تھی۔عرب میڈیا کے مطابق ایک گھنٹے میں 19 بار ٹریفک قانون کی خلاف ورزی پر چالان کا یہ منفرد واقعہ ہے۔ یہ اس لیے بھی دلچسپ ہے کہ اس خلاف ورزی کی مرتکب ایک خاتون ہوئی ہے۔

  • ٹیسٹ رینکنگ: پاکستان ٹیم چوتھے سے تیسرے نمبرپرآگئی

    ٹیسٹ رینکنگ: پاکستان ٹیم چوتھے سے تیسرے نمبرپرآگئی

    دبئی : آئی سی سی نے ٹیسٹ کرکٹ کی نئی رینکنگ جاری کردی۔ آسٹریلیا سے شکست کے باوجود پاکستان ٹیم کو ترقی مل گئی۔ مصباح الیون چوتھے سے تیسرے نمبر پر پہنچ گئی۔ بھارت نے انگلینڈ کو ٹیسٹ سیریز چار صفر سے ہرا کر پہلی پوزیشن مزید مستحکم کرلی۔

    تفصیلات کے مطابق انٹر نیشنل کرکٹ کونسل کی جانب سے جاری کردہ نئی ٹیسٹ ریکنگ میں پاکستان کی ٹیم بھارت کے ہاتھوں انگلینڈ کی بدترین شکست کے بعد چوتھے سے تیسرے نمبر پر آگئی۔

    بھارت پہلے اور آسٹریلیا دوسرے نمبر پر ہے،ساﺅتھ افریقہ چوتھے نمبر پر چلا گیا،انگلینڈ پانچویں،نیوزی لینڈ چھٹے،سری لنکا ساتویں،ویسٹ انڈیز آٹھویں،بنگلہ دیش نویں اور زمبابوے دسویں نمبر پر ہے۔

    ایک سو بیس ریٹنگ پوائنٹس کے ساتھ بھارت سال کا اختتام ٹاپ ٹیم کے ساتھ کرے گا۔ بھارت کے ہاتھوں بدترین شکست نے انگلینڈ کو تین درجے تنزلی کے بعد دوسرے سے پانچویں نمبر پر پہنچا دیا۔ انگلینڈ کی ناکامی سے ترقی پاکستان ٹیم کو ملی۔

    برسبین ٹیسٹ میں شکست کے باوجود پاکستان ٹیم چوتھے سے تیسرے نمبر پر آگئی۔ پاکستان کے خلاف انتالیس رنز کی کامیابی نے آسٹریلیا کو دوسرے نمبر پر پہنچا دیاہے۔

    نئی ٹیسٹ رینکنگ کے مطابق جنوبی افریقہ چوتھے نمبر پر براجمان ہے۔ نیوزی لینڈ چھٹے سری لنکا ساتویں اور ویسٹ انڈیز آٹھویں نمبر پرموجود ہیں۔

    واضح رہے آسٹریلیا نے سنسنی خیز مقابلے کے بعد برسبین ٹیسٹ میں پاکستان کو 39 رنز سے شکست دے کر 3 میچوں کی سیریز میں 1-0 کی برتری حاصل کر لی تھی۔

    چارسو نوے رنز کے ہدف کے تعاقب میں پاکستان نے انتہائی شاندار کھیل پیش کرتے ہوئے 450 رنز بنائے اور 39 رنز کی کمی سے ٹیسٹ کرکٹ کی تاریخ کا ریکارڈ ہدف حاصل کرنے میں ناکام رہے۔

  • دبئی میں فلم دوبارہ پھرسے کا رنگا رنگ پریمیئرشو

    دبئی میں فلم دوبارہ پھرسے کا رنگا رنگ پریمیئرشو

    دبئی : اے آر وائی فلمز کے بینر تلے بننے والی فلم دوبارہ پھر سے کا شاندار پریمئیرشو دبئی میں منعقد ہوا، ڈائریکٹر مہرین جبار، اداکارہ صنم سعید، حریم فاروق، عدیل حسین اورعلی کاظمی خصوصی طور پر پاکستان سے اس پریمیئر شو میں شرکت کیلیے آئے۔

    اس موقع پر اے آر وائی نیٹ ورک کے صدر اور سی ای او سلمان اقبال نے پاکستانئی فلموں کی پذیرائی کیلیے شرکاء کا شکریہ ادا کیا، فلم کے کو پروڈیوسر اوراے آر وائی ڈیجیٹل پاکستان کے سی ای او جرجیس سیجا بھی موجود تھے۔

    post1

    پریمئر شو میں شریک معروف اداکارہ میرا اور فلم کے ادکاروں نے اپنے خیالات کا اظہار کرتے ہوئے فلم دوبارہ پھر سے کو ایک بہترین فلم قرار دیتے ہوئے کہا کہ یہ فلم شائقین کو بے حد پسند آئے گی۔

    post3

    اداکرہ میرا کا کہنا تھا کہ ہم سب اس فلم کو سپورٹ کرتے ہیں اور میں پاکستانیوں کو پیغام دوں گی کہ وہ بھی پاکستانی فلم انڈسٹری کو سپورٹ کریں ،یہ فلم دیکھنے آئیں انہیں ضرور پسند آئے گی۔

    post4

    صنم سعید نے کہا کہ فلم کی کہانی بہت مزیدار ہے مجھے امید ہے کہ فلم لوگوں کو پسند آئے گی، اس موقع پر یو اے ای میں مقیم پاکستانیوں نے بھی فلم کے بارے میں اپنے خیالات کا اظہار کرتے ہوئے کہا کہ آپ لوگ ایسی فلمیں بناتے رہیں اور ہم دیکھتے رہیں۔

    مزید پڑھیں : لو اسٹوری فلم ’’ دوبارہ پھر سے‘‘ کا ریڈ کارپٹ

    ایک صاحب کا کہنا تھا کہ دبئی میں اپنے پاکستانی اداکاروں کو دیکھ کر بہت اچھا لگا۔ خوبصورت لو اسٹوری پر مشتمل یہ فلم جمعہ 25 نومبر کو ریلیز کی جائے گی۔

  • سابق صدرآصف زرداری کا پاکستان واپس آنے کا اعلان

    سابق صدرآصف زرداری کا پاکستان واپس آنے کا اعلان

    دبئی : سابق صدر آصف علی زرداری نے پاکستان واپس آنے کااعلان کردیا، ان کا کہنا ہے کہ جلاوطن نہیں ہوا، جلد وطن واپسی ہوگی۔آصف علی زرداری آرمی چیف جنرل راحیل شریف کی ریٹائرمنٹ کا انتظار کررہے تھے جو 29 نومبر کو اپنے عہدے سے ریٹائر ہورہے ہیں۔ 

    تفصیلات کے مطابق پاکستان پیپلز پارٹی کے شریک چیئرمین اور سابق صدر آصف علی زرداری نے اپنی وطن واپسی کا اعلان کرتے ہوئے کہا ہے کہ کچھ ہی ہفتے میں پاکستان واپس آجاؤں گا۔ ان کا کہنا تھا کہ مجھے جلاوطن نہیں کیا گیا بلکہ خود ہی ملک سے باہر رہ رہا ہوں۔

    صدرآصف زرداری نے اس موقع پر چیئرمین پی ٹی آئی عمران خان کو انوکھا لاڈلہ قرار دیتے ہوئے کہا کہ عمران خان کھیلنے کو چاند مانگ رہے ہیں۔ انہوں نے چاند کی وضاحت کرتے ہوئے کہا کہ میری مراد وزارت عظمیٰ ہے۔

    ان کا کہنا ہے کہ کپتان پاناما کا معاملہ سپریم کورٹ لے گئے ہیں، عدالت عظمیٰ کے کمیشن کا کوئی نتیجہ نہ نکلا تو کیا فائدہ ہوگا، جمہوریت کا ارتقا سپریم کورٹ میں نہیں بلکہ پارلیمنٹ میں ہو گا۔

    اے آر وائی نیوز اسلام آباد کے بیورو چیف صابرشاکر کے مطابق سابق صدر آصف زرداری ستائیس دسمبر کو شہید محترمہ بے نظیر بھٹو کی برسی میں شرکت کرکے اہم خطاب بھی کریں گے، اس موقع پر وہ پیپلز پارٹی کے آئندہ کے لائحہ عمل کا بھی اعلان کریں گے.

    مزید پڑھیں : تنگ کیا گیا تو جرنیلوں کا کچا چٹھا کھول دوں گا، آصف زرداری

    بیورو چیف کے مطابق آصف علی زرداری آرمی چیف جنرل راحیل شریف کی ریٹائرمنٹ کا انتظار کررہے تھے جو 29 نومبر کو اپنے عہدے سے ریٹائر ہورہے ہیں، جس کے بعد سابق صدر وطن واپس آجائیں گے۔

    آصف علی زرداری نے ایک جلسے کے دوران متنازعہ تقریر کرتے ہوئے کہا تھا کہ اب بلے کو دودھ نہیں پینے دینا ۔ ان کا یہ بھی کہنا تھا کہ وہ ہمیشہ رہنے والے ہیں اور کچھ لوگ تین سال کیلیے آتے ہیں اور پھر چلے جاتے ہیں۔

    اس بیان پر سیاسی تجزیہ نگاروں اور مبصرین نے ان کو شدید تنقید کا نشانہ بنا یا تھا۔ یہ بیان دینے کے کچھ روز بعد آصف علی زرداری علاج کے سلسلے میں امریکہ روانہ ہو گئے۔

  • آئی سی سی ٹیسٹ رینکنگ: یونس خان دنیا کے دوسرے بہترین بلےبازقرار

    آئی سی سی ٹیسٹ رینکنگ: یونس خان دنیا کے دوسرے بہترین بلےبازقرار

    دبئی : انٹر نیشنل کرکٹ کونسل (آئی سی سی) نے ٹیسٹ کرکٹ کی نئی رینکنگ جاری کردی۔ یونس خان ٹیسٹ میچز میں دنیا کے دوسرے بہترین بلےباز بن گئے۔ بولرز میں یاسرشاہ نے 5 ویں پوزیشن حاصل کرلی۔

    تفصیلات کے مطابق آئی سی سی نے ٹیسٹ کرکٹ کی نئی رینکنگ جاری کردی ہے، ٹیسٹ کرکٹ میں واپسی پر ویسٹ انڈیز کیخلاف شاندار سنچری بنانے پر یونس خان کو انعام مل گیا، آئی سی سی رینکنگ میں یونس خان تین درجے چھلانگ مار کردوسرے نمبر پر آگئے ہیں۔

    یونس خان نےابوظہبی ٹیسٹ کی پہلی اننگز میں ایک سو ستائیس اور دوسری میں انتیس رنزکی ناٹ آؤٹ اننگز کھیلی تھی۔ مصباح الحق چھیانوے رنزکی اننگزکھیل کرٹاپ ٹین میں واپس آگئے، مصباح الحق کا دسواں نمبر ہے۔

    ابوظہبی میں دو نصف سنچریاں اسکور کرنے والے اسد شفیق چودھویں نمبر پر موجود ہیں۔ دس وکٹیں لے کرمین آف دی میچ کا ایوارڈ لینے والے یاسرشاہ دنیا کے پانچویں بہترین بولر بن گئے۔

    رینکنگ کے مطابق ٹیسٹ کرکٹ میں بھارت کی ٹیم پہلے، پاکستان دوسرے، آسٹریلیا تیسرے، انگلینڈ چوتھے، جنوبی افریقہ پانچویں، سری لنکا چھٹے، نیوزی لینڈ ساتویں، ویسٹ انڈیز آٹھویں، بنگلہ دیش نویں اور زمبابوے دسویں نمبر پر ہیں۔

    مزید پڑھیں : اوول ٹیسٹ میں فتح کے بعد نئی رینکنگ، یونس خان کی ٹاپ ٹین میں واپسی

     بلے بازوں کی فہرست میں آسٹریلوی بلے باز سٹیو سمتھ بدستور پہلے نمبر پر براجمان ہیں جبکہ پاکستان کے یونس خان 3 درجے ترقی کے ساتھ دوسرے نمبر پر آ گئے ہیں۔

    مزید پڑھیں: ابو ظہبی ٹیسٹ کا پہلا دن: پاکستان کے چار وکٹوں پر 304 رنز

     انگلینڈ کے جو روٹ تیسرے، جنوبی افریقہ کے ہاشم آملہ چوتھے، نیوزی لینڈ کے کین ولیم سن پانچویں، بھارت کے اجنکیا ریحانے چھٹے، آسٹریلیا کے ایڈم ووجز ساتویں، جنوبی افریقہ کے اے بی ڈویلیئرز آٹھویں، آسٹریلیا کے ڈیوڈ وارٹر نویں اور پاکستان ٹیسٹ ٹیم کے کپتان مصباح الحق دسویں نمبر پر موجود ہیں۔

     

  • انٹرنیشنل کرکٹ کی واپسی، پی ایس ایل کا فائنل لاہور میں کرانے کا اعلان

    انٹرنیشنل کرکٹ کی واپسی، پی ایس ایل کا فائنل لاہور میں کرانے کا اعلان

    دبئی: پاکستان سپر لیگ کے چیئرمین نجم سیٹھی نے کہا ہے کہ ہم نے ملک میں انٹرنیشنل کرکٹ کو واپس لانے کا اعلان کیا تھا جس کے تحت پی ایس ایل 2017 کا فائنل لاہور میں کھیلا جائے گا۔

    Final of #PSL2017 will be played in Lahore… by arynews
    تفصیلات کے مطابق پی ایس ایل کے دوسرے ایڈیشن کے لیے ڈرافٹنگ کی تقریب سے سے خطاب کرتے ہوئے نجم سیٹھی نے خوشخبری سناتے ہوئے اعلان کیا کہ پاکستان سپرلیگ 2017 کا فائنل لاہور میں ہوگا اور عالمی کھلاڑی بھی اس میں حصہ لیں گے۔

    پڑھیں: پاکستان سپرلیگ: ڈرافٹنگ آج دبئی میں ہوگی

     انہوں نے کہا کہ پاکستان میں انٹرنیشنل کرکٹ کی واپسی کے لیے کرکٹ بورڈ سمیت تمام افراد سنجیدگی سے کام کررہے ہیں اور جلد ملک میں انٹرنیشنل کرکٹ ٹیمیں بھی آنا شروع  کردیں گی۔

    اُن کا کہنا تھا کہ ’’ہم اپنے وعدے کے مطابق کرکٹ کی بحالی کے لیے امور سرانجام دیے ، آج قومی کرکٹ ٹیم کی عالمی رینکنگ میں بھی کافی بہتری آگئی ہے جو اس بات کا واضح ثبوت ہے‘‘۔ نجم سیٹھی نے کہا کہ ’’دوسرے ایڈیشن کے بعد پی ایس ایل میں 6 ٹیمیں شامل ہوں گی ‘‘۔

  • پاکستان سپرلیگ: ڈرافٹنگ آج دبئی میں ہوگی

    پاکستان سپرلیگ: ڈرافٹنگ آج دبئی میں ہوگی

    دبئی : پاکستان سپر لیگ کے دوسرے ایڈیشن کی رنگا رنگ ڈرافٹنگ کی تقریب آج شام دبئی میں ہوگی، پاکستان سپر لیگ کے دوسرے ایڈیشن میں کس ٹیم کا کون اسٹار بنے گا؟ فیصلہ آج ہوگا۔

    psl-1

    پاکستان سپر لیگ کے چاہنے والوں کو دوسرے ایڈیشن کی ڈرافٹنگ کا بے صبری سے انتظار ہیں، پی ایس ایل کی پانچ ٹیمیں کراچی کنگز، لاہور قلندرز، اسلام آباد یونائیٹڈ، پشاور زلمی اور کوئٹہ گلیڈی ایٹرز پانچ کیٹگریز سے کھلاڑیوں کا انتخاب کریں گی۔

    کھلاڑی بھی پی ایس ایل کی ڈرافٹنگ کیلئے پرجوش ہیں، پلاٹینم، ڈائمنڈ، گولڈ، سلور اور ایمرجنگ کیٹگریز سے کھلاڑیوں کا چناؤ ہوگا۔ پاکستان سپر لیگ کا حصہ بننے والے پلیئرز کو1 لاکھ سے لیکر ڈھائی لاکھ ڈالرز تک معاوضہ دیا جائیگا۔

    دنیا کے نامور کھلاڑیوں کو نیلامی کیلئے پیش کیا جائے گا، ڈرافٹنگ کی تقریبآج دبئی میں ہورہی ہے جبکہ ایونٹ آئندہ سال فروری میں یو اے ای میں ہوگا۔

    پی ایس ایل کے قواعد کے مطابق لاہور قلندرز ہر ڈرافٹ میں پہلی باری حاصل کرے گا، کراچی کنگز دوسری پک میں کھلاڑی کا انتخاب کرے گا، پشاور زلمی تیسرے، کوئٹہ گلیڈی ایٹرز چوتھے اور اسلام آباد یونائیٹڈ پانچویں نمبر پر کھلاڑی کا چناؤ کرے گی۔

    پی ایس ایل ڈرافٹنگ تقریب میں چار سو چودہ کھلاڑی آج ڈرافٹنگ کیلئے پیش کئے جائیں گے، پانچوں ٹیمیں کھلاڑی برقرار بھی رکھ سکتی ہیں اور دوسری ٹیموں سے ٹریڈ بھی کرسکتی ہیں اور نیلامی میں حاصل بھی کرسکیں گی۔

    دوسری جانب پاکستان سپر لیگ کی ڈرافٹنگ سے قبل ہی کراچی کنگز کے ساتھ ٹی ٹوئنٹی کے بڑے بڑے نام شامل ہوگئے، پچھلے ایڈیشن کے چھ کھلاڑیوں کے علاوہ تین نئے اسٹارز بھی ٹیم کا حصہ ہیں جبکہ ڈرافٹنگ میں مزید نئے نام کراچی کنگز کا حصہ بنیں گے۔

    ٹی ٹوئنٹی اسپشلسٹ کرس گیل کراچی کنگز کی جانب سے چوکوں چھکوں کی برسات کریں گے، گریٹ سری لنکن کپتان کمارا سنگاکارا بھی سب سے بڑی ٹیم کے سپر اسٹارز میں شامل ہیں، بیک ٹو بیک تین سینچریاں بنانے والے بابر اعظم بھی کراچی کنگز کا حصہ ہیں۔

    کراچی کنگز میں اسپیڈ گن محمد عامر تو ہیں ہی جبکہ شیر، شعیب ملک ، اور سہیل خان بھی شامل ہیں، گھومتی گیندوں سے کھلاڑیوں کو چکرا دینے والے عماد وسیم اور روی بوپارہ بھی ٹیم کا حصہ ہے شامل ہیں۔

    کراچی کنگز اسکواڈ مکمل کرنے کیلئے انیس اکتوبر کو ہونے والی ڈرافٹنگ میں مزید کھلاڑیوں کا انتخاب کرے گا۔

    مزید پڑھیں : کراچی کنگز کے ٹیلنٹ ہنٹ پروگرام کا آغاز

    واضح رہے کہ پاکستان سپر لیگ کی سب سے مہنگی اور مقبول ٹیم کراچی کنگز کے ٹیلنٹ ہنٹ پروگرام کھلاڑی کی کھوج کا آغاز کیا تھا، جس میں سابق کپتان راشد لطیف، جلال الدین، اقبال قاسم اور سلیم یوسف ٹرائلز میں بہترین کھلاڑیوں کو چنا، جو آئندہ سال ہونے والے پی ایس ایل کے دوسرے ایڈیشن میں حصہ لینے کا موقع پائیں گے۔

  • پاکستان سپر لیگ کے دوسرے ایڈیشن کی ڈرافٹنگ تقریب کل دبئی میں ہوگی

    پاکستان سپر لیگ کے دوسرے ایڈیشن کی ڈرافٹنگ تقریب کل دبئی میں ہوگی

    دبئی : پاکستان سپر لیگ کے دوسرے ایڈیشن کی ڈرافٹنگ تقریب کل دبئی میں ہوگی، پاکستان سپر لیگ کے دوسرے ایڈیشن میں کس ٹیم کا کون اسٹار بنے گا؟ فیصلہ کل ہوگا۔

    پاکستان سپر لیگ کے چاہنے والوں کو دوسرے ایڈیشن کی ڈرافٹنگ کا بے صبری سے انتظار ہیں، پی ایس ایل کی پانچ ٹیمیں کراچی کنگز، لاہور قلندرز، اسلام آباد یونائیٹڈ، پشاور زلمی اور کوئٹہ گلیڈی ایٹرز پانچ کیٹگریز سے کھلاڑیوں کا انتخاب کریں گی۔

    کھلاڑی بھی پی ایس ایل کی ڈرافٹنگ کیلئے پرجوش ہیں، پلاٹینم، ڈائمنڈ، گولڈ، سلور اور ایمرجنگ کیٹگریز سے کھلاڑیوں کا چناؤ ہوگا۔ پاکستان سپر لیگ کا حصہ بننے والے پلیئرز کو1 لاکھ سے لیکر ڈھائی لاکھ ڈالرز تک معاوضہ دیا جائیگا۔

    دنیا کے نامور کھلاڑیوں کو نیلامی کیلئے پیش کیا جائے گا، ڈرافٹنگ کی تقریب کل دبئی میں ہوگی جبکہ ایونٹ آئندہ سال فروری میں یو اے ای میں ہوگا۔

    دوسری جانب پاکستان سپر لیگ کی ڈرافٹنگ سے قبل ہی کراچی کنگز کے ساتھ ٹی ٹوئنٹی کے بڑے بڑے نام شامل ہوگئے، پچھلے ایڈیشن کے چھ کھلاڑیوں کے علاوہ تین نئے اسٹارز بھی ٹیم کا حصہ ہیں جبکہ ڈرافٹنگ میں مزید نئے نام کراچی کنگز کا حصہ بنیں گے۔

    ٹی ٹوئنٹی اسپشلسٹ کرس گیل کراچی کنگز کی جانب سے چوکوں چھکوں کی برسات کریں گے، گریٹ سری لنکن کپتان کمارا سنگاکارا بھی سب سے بڑی ٹیم کے سپر اسٹارز میں شامل ہیں، بیک ٹو بیک تین سینچریاں بنانے والے بابر اعظم بھی کراچی کنگز کا حصہ ہیں۔

    کراچی کنگز میں اسپیڈ گن محمد عامر تو ہیں ہی جبکہ شیر، شعیب ملک ، اور سہیل خان بھی شامل ہیں، گھومتی گیندوں سے کھلاڑیوں کو چکرا دینے والے عماد وسیم اور روی بوپارہ بھی ٹیم کا حصہ ہے شامل ہیں۔

    کراچی کنگز اسکواڈ مکمل کرنے کیلئے انیس اکتوبر کو ہونے والی ڈرافٹنگ میں مزید کھلاڑیوں کا انتخاب کرے گا۔