Tag: Dubai

پاکستان نے ویسٹ انڈیز کو ہرا کر 400 واں ٹیسٹ جیت لیا

دبئی : پاکستان نے دبئی ٹیسٹ میں ویسٹ انڈیز کو 56 رنز سے تاریخی شکست دے دی۔ تین میچوں کی سیریز میں پاکستان کوایک صفر کی برتری مل گئی، محمد عامر نے تین یاسرشاہ اورمحمد نواز نے دو دو کھلاڑیوں کا شکار کیا۔ اظہرعلی میچ کے بہترین کھلاڑی قرار پائے۔

تفصیلات کے مطابق پاکستان اور ویسٹ انڈیز کے درمیان کھیلے جارہے دبئی ٹیسٹ میں پاکستان نے کالی آندھی کو 56 رنز سے شکست دے کر اپنا 400 واں ٹیسٹ میچ جیت لیا، پاکستان ڈے نائٹ ٹیسٹ جیتنے والی پہلی ایشین ٹیم بن گئی۔

پاکستان نے ویسٹ انڈیز کو جیت کیلئے 346 رنز کا ہدف دیا تھا۔ ویسٹ انڈیز کی پوری ٹیم 289 رنز بنا سکی۔ ویسٹ انڈیز کے بلے باز ڈیرن براوو نے ٹیم کی جیت کیلئے بہت کوشش کی۔

کھیل کے پانچویں روز پاکستان کو جیت کیلئے نو وکٹیں اور ویسٹ انڈیز کو دوسو اکیاون رنز درکار تھے، لیکن عامر نےپہلی ہی گیند پرخطرناک سیموئلز کو پویلین بھیج دیا۔

محمد نواز نے بلیک ووڈ کو چار رنز پر چلتا کیا۔ ڈیرن براوؤ اور چیس کی شراکت پاکستان کے خطرہ بننے ہی والی تھی کہ یاسرشاہ کی گھومتی گیند اپنا کام دکھاگئی۔

دو گیندوں بعد ہی وہاب کی ریورس سوئنگ نے بلے باز کا کام تمام کیا۔ وکٹیں گرتی رہیں لیکن براؤو پاکستان کے لئے درد سر بنے رہے،

براوو مشکل وقت میں وکٹ پر کھڑے رہے اور نہایت عمدہ بلے بازی کا مظاہرہ کرتے ہوئے اپنی سنچری اسکور کی، لیکن ان کی سنچری بھی ٹیم کے کام نہ آئی۔ڈیرن براوو نے شاندار بلے بازی کا مظاہرہ کرتے ہوئے 116 رنز بنائے۔

براؤو کےآؤٹ ہوتے ہی ٹیل اینڈرز نے زیادہ مزاحمت نہ کی۔ پاکستان نےمیچ چھپن رنز سے جیت کرچار سوویں میچ کو یادگار بنادیا۔ شاندار ٹرپل سنچری پر اظہر علی میچ کے بہترین کھلاڑی قرار پائے۔

پاکستان کاچار سو واں ٹیسٹ میچ گلابی گیند کے نام رہا، تاریخی ٹیسٹ میچ میں پاکستان کو یادگار فتح حاصل ہوئی، اظہرعلی نے ریکارڈ ٹرپل سنچری اسکور کی، یاسر شاہ نے کم ٹیسٹ میچز میں سو وکٹوں کاریکارڈ۔ توڑ ڈالا۔

دوسری اننگز میں محمد عامر 3، یاسر شاہ اور محمد نواز نے 2، 2 جبکہ وہاب ریاض نے ایک وکٹ حاصل کی۔

اکتوبر 18, 2016
پہلا ٹیسٹ : ویسٹ انڈیز نے دو وکٹوں پر 95 رنز بنا لیے

دبئی : پاکستان اور ویسٹ انڈیز کے درمیان کھیلے جارہے ڈے نائٹ ٹیسٹ میں ویسٹ انڈیز کو میچ کے آخری روز جیت کیلئے مزید 251 رنز درکار ہیں اور اس کی 8 وکٹیں باقی ہیں، کھیل کے چوتھے روز لیگ اسپنرز چھائے رہے، پہلے یاسر شاہ نے چھ وکٹیں لیں تو جواب میں بشو نے بھی آٹھ کھلاڑیوں کو پویلین کی راہ دکھائی۔

ڈے اینڈ نائٹ ٹیسٹ کے چوتھے روز ویسٹ انڈیز نے نامکمل پہلی اننگز تین سو پندرہ رنز اور چھ وکٹ کے نقصان سے دوبارہ شروع کی۔ پہلے سیشن کے دوسرے ہی اوور میں ڈورچ کی وکٹ یاسر شاہ لے اڑے۔

جیسن ہولڈر اور میگوئل کومنز کو بھی لیگ اسپنر نے اپنا شکار بنایا۔ اس کے ساتھ ہی یاسر شاہ نے وکٹوں کی سنچری بھی مکمل کی۔ آخری وکٹ محمد نواز نے حاصل کی اور ویسٹ انڈیز پہلی اننگز میں تین سو ستاون رنز بناسکی۔

پاکستان کو دوسو بائیس رنز کی برتری حاصل رہی۔ مہمان ٹیم کو فالو آن کرانے کے بجائے پاکستان نے دوبارہ بیٹنگ کا فیصلہ کیا، لیکن جلد اسکور بنانے کی کوشش میں پوری ٹیم ایک سو تیئس رنز پر آؤٹ ہوگئی۔

دوندرا بشو کی پھرکیوں نے میزبان ٹیم کی ایک نہ چلنے دی۔ بشو نے آٹھ وکٹیں حاصل کرکے پاکستان کو بڑا ہدف دینے سےروک دیا۔ ویسٹ انڈیز نے پاکستان کی جانب سے دیئے گئے 346 رنز کے ہدف کے تعاقب میں 2 وکٹوں کے نقصان پر 95 رنز بنالیے۔

ویسٹ انڈیز کی جانب سے ہدف کے تعاقب میں برتھ ویٹ اور جانسن نے میدان میں اتر کر کھیل کا آغاز کیا لیکن برتھ ویٹ محمد عامر کی طوفانی گیند کا سامنا کرنے میں ناکام رہے اور 6 رنز بنا کر پویلین لوٹ گئے۔

محمد عامر کی ایک اور گیند پر جوونسن اپنی نصف سینچری مکمل کئے بغیر 47 رنز بنا کر ایل بی ڈبلیو ہو گئے۔ وکٹ کی صورتحال دیکھ کر لگتا ہے کہ ویسٹ انڈین ٹیم پاکستانی بولروں کے آگئے زیادہ مزاحمت نہیں کرپائے گی۔

اکتوبر 17, 2016
یاسر شاہ کی تیز ترین 100 وکٹیں، مخالف ٹیم 357 پر آؤٹ

دبئی: پاکستانی لیگ اسپینر یاسر شاہ نے 17ویں ٹیسٹ میں وکٹوں کی تیز ترین سنچری مکمل کرتے ہوئے سعید اجمل کا 19 میچوں میں 100 وکٹیں لینے کا ریکارڈ توڑا اور ایشیاء کے بہترین باؤلر کا اعزاز اپنے نام کرلیا۔

تفصیلات کے مطابق دبئی میں پاکستان اور ویسٹ انڈیز کی ٹیموں کے مابین ہونے والے پہلے ٹیسٹ میچ میں لیگ اسپنر نے عمدہ باؤلنگ کرتے ہوئے ٹیسٹ میچوں میں تیز ترین وکٹیں لینے کا اعزاز اپنے نام کرلیا۔

قبل ازیں یہ ریکارڈ پاکستانی آف اسپینر سعید اجمل کے پاس تھا جنہوں نے 19 ٹیسٹ میچوں میں 100 وکٹیں حاصل کیں تھیں تاہم یاسر شاہ نے اس ریکارڈ کو توڑتے ہوئے صرف 17 میچوں میں ہی 100 وکٹوں لینے کا اعزاز اپنے نام کیا جس کے بعد وہ ایشیاء کے پہلے باؤلر بن گئے۔

اننگز کی تفصیلات

دبئی میں کرکٹ کی تاریخ کے پہلے ڈے اینڈ نائٹ ٹیسٹ میچ میں پاکستان نے پہلی اننگز میں 579 رنز بنائے تھے جس کے جواب میں ویسٹ انڈین ٹیم پہلی اننگز صرف 357 رنز پر آؤٹ ہوئی جس کے بعد شاہینوں کو 222 رنز کی برتری حاصل ہے۔پاکستان کے پاس مخالف ٹیم کو فالو آن کروانے کا موقع تھا تاہم کپتان مصباح الحق نے دوسری اننگز شروع کرنے کا فیصلہ کیا۔

ویسٹ انڈیز کی ٹیم نے چوتھے روز 315رنز 6 کھلاڑی پر اپنی بیٹنگ کا آغاز کیا تو 10 رنز کے اضافے کے بعد ہی شین ڈاؤرچ 32 کے اسکور پر یاسر شاہ کا نشانہ بنے تاہم 8 ویں نمبر پر آنے والے بیٹسمن باز جیسن بھی یاسر شاہ کی گیند پر بولڈ ہوکر پویلین لوٹ گئے۔

بعد ازاں یاسر شاہ نے میگول کمنز کو بولڈ کرتے ہوئے 17 ٹیسٹ میچوں میں تیز ترین 100 وکٹیں حاصل کرتے ہوئے ایشیاء کے پہلے باؤلز کا اعزاز اپنے نام کیا۔ ویسٹ انڈیز کی جانب سے آخری کھلاڑی دیوندرا بشو تھے جنہیں محمد نواز نے آؤٹ کیا۔

پاکستان کی جانب سے پہلی اننگز میں یاسر شاہ نے پانچ وکٹیں حاصل کیں جبکہ محمد نواز اور وہاب ریاض نے 2،2 کھلاڑیوں کو آؤٹ کیا۔

اکتوبر 16, 2016
اظہرعلی ٹرپل سنچری بنانے والے پہلے کھلاڑی بن گئے

دبئی : پاکستانی ٹیم کے بیٹسمین اظہر علی نے ویسٹ انڈیز کے خلاف شاندار اور تاریخ ساز ڈبل اور ٹرپل سنچری اسکور کرلی، وہ ڈے نائٹ ٹیسٹ میچ میں گلابی گیند کے ساتھ ڈبل اور ٹرپل سنچری بنانے والے دنیا کےپہلے کھلاڑی بن گئے، ان کے 302 رنز کے اسکور کے بعد پاکستانی ٹیم نے 579 رنز پر اننگز ڈیکلیئر کردی۔

تفصیلات کے مطابق پاکستان اور ویسٹ انڈیز کے درمیان دبئی میں کھیلے جانے والی ٹیسٹ سیریز کے پہلے میچ میں اظہر علی نے تاریخ ساز ڈبل اور بعد ازاں ٹرپل سنچری اسکور کردی۔

ڈبل سنچری کے بعد اظہر علی نے سلیوٹ مارا اور پش اپس لگائے اسی طرح ٹرپل سنچری پر بھی جذبات کا اظہار کیا۔وہ ڈےنائٹ ٹیسٹ میں ڈبل اور ٹرپل سنچری بنانے والے دنیا کے پہلے کھلاڑی بن گئے اور انہوں نے 302 رنز اسکور کیے پھر بھی ناٹ آئوٹ رہے۔

پہلے روز کی طرح دوسرے روز بھی اظہرعلی میدان میں چھائے رہے،146 رنز سے اپنی نامکمل اننگز شروع کی اورمحتاط بیٹنگ کرتے ہوئے 150 رنزکا سنگ میل عبورکیا۔

اسد شفیق کے ساتھ مل کر 137 رنز جوڑے اور ٹیم کی پوزیشن کو مستحکم بنایا۔ ڈے نائٹ ٹیسٹ کی تاریخ کا پہلا چھکا بھی اظہر علی کےحصے میں آیا۔

190 رنز پر اظہر علی کو دوسری زندگی اس وقت ملی جب سلپ پر اظہر علی کا کیچ ڈراپ کیا گیا۔ اظہرعلی نے موقع سے فائدہ اٹھایا اور چوکا لگا کر کیرئیر کی دوسری سنچری بنائی۔

دوسری جانب ویسٹ انڈیز کے خلاف گلابی گیند سے ڈے اینڈ نائٹ تاریخی ٹیسٹ میچ کھیلنے کا پاکستانی ٹیم نے سب سے پہلے یہ اعزاز اپنے نام کرلیاجبکہ روایتی حریف بھارت اس میچ کو کھیلنے سے محروم رہا۔

اکتوبر 14, 2016
دبئی ٹیسٹ‌ کا پہلا دن، پاکستان کے 279 رنز

دبئی: متحدہ عرب امارات کے شہر دبئی میں کھیلے جانے والے پاکستان اور ویسٹ انڈیز کے درمیان پہلے ٹیسٹ میچ میں پاکستان نے دن کے اختتام پر پہلی اننگز میں ایک وکٹ کے نقصان پر 279 رنز بنا لیے۔

پہلے دن کے اختتام پر اظہر علی 146 اور اسد شفیق 33 رنز پر کھیل رہے تھے، پاکستان کی جانب سے سمیع اسلم اور اظہر علی نے اننگز شروع کی اور ٹیم کو 215 رنز کا عمدہ آغاز فراہم کیا تاہم 215 کے مجموعی اسکور پر سمیع اسلم 90 رنز بنا کر آؤٹ ہو گئے۔ ان کی جگہ اسد شفیق بیٹنگ کے لیے آئے۔

ٹاس سے قبل مصباح الحق نے کہا تھا کہ وہ ٹاس جیت کر پہلے بیٹنگ کریں گے کیونکہ وکٹ پہلے بیٹنگ کے لیے سازگار ہے اور جیسے جیسے وقت گزرے گا وکٹ سلو ہوتی جائے گی اور سپنرز کو مدد دے گی۔

ویسٹ انڈیز کے خلاف ایک روزہ سیریز کے تینوں میچوں میں سنچریاں بنانے والے بابراعظم اور لیفٹ آرم سپنر محمد نواز اپنے ٹیسٹ کریئر کا آغاز کریں گے۔ پاکستان ویسٹ انڈیز کے خلاف تین ٹیسٹ میچ کھیلے گی اور ٹی 20 اور ون ڈے میں وائٹ واش کے بعد ٹیسٹ سیریز میں بھی فیورٹ سمجھی جا رہی ہے۔

پاکستانی ٹیم کا یہ 400 واں ٹیسٹ میچ ہے اور یہ ٹیسٹ اس لحاظ سے بھی تاریخی ہے کہ یہ پاکستان کا پہلا ڈے اینڈ نائٹ ٹیسٹ میچ ہو گا جو گلابی گیند سے کھیلا جائے گا۔

اکتوبر 14, 2016
پہلا ٹیسٹ میچ : پاکستانی ٹیم کی دبئی میں بھرپورتیاریاں جاری

دبئی : ویسٹ انڈیز کے خلاف پہلے ڈے نائٹ ٹیسٹ میچ کے لئے پاکستان کرکٹ ٹیم کی دبئی میں بھرپورتیاریاں جاری ہیں۔ فاسٹ بولر محمد عامر نے بھی قومی ٹیم کو جوائن کرلیا ہے,

تفصیلات کے مطابق ویسٹ انڈیز کو ٹی ٹوئنٹی سیریز میں کلین سوئپ اور ون ڈے میں وائٹ واش کرنے کے بعد اب ٹیسٹ سیریز کا میدان سجے گا۔

سرفراز احمد اور اظہر علی تو اپنے امتحان میں پاس ہوگئے اب مصباح الحق کا ٹیسٹ ہوگا۔ دبئی میں جمعرات سے شروع ہونے والے ایشیاء کے پہلے ڈے نائٹ ٹیسٹ میچ کیلئے دونوں ٹیموں کی ڈے نائٹ تیاریاں زور و شور جاری ہیں، کرکٹ میں بھی جدت آگئی۔

سفید اور لال کے بعد اب گلابی رنگ کی گیند سے کھیلنا ہوگا۔ شارجہ میں دونوں ٹیموں نے پہلے ٹیسٹ کی تیاری سے ہم آہنگ ہونے کیلئے ڈے نائٹ ٹیسٹ بھی کھیلا جو ڈرا رہا۔

اپنی والدہ کی بیماری کے باعث تیسرے ون ڈے سے باہر ہونے والے فاسٹ بولر محمد عامرنے دبئی میں ٹیم کو جوان کرلیا ہے۔

مزید پڑھیں : پاکستان بمقابلہ ویسٹ انڈیز،قومی ٹیسٹ کرکٹ ٹیم کااعلان

تجربہ کار بیٹسمین یونس خان پہلے ٹیسٹ میں ٹیم کا حصہ نہیں ہوں گے۔ نوجوان کھلاڑی بابر اعظم اور محمد نواز کو ٹیسٹ کیپ دیئے جانے کا امکان ہے۔

پاکستانی ٹیم رینکنگ میں دوسرے نمبر پر آگئی ہے۔ دوسری پوزیشن مستحکم کرنے کے لئے شاہینوں کو تین میچوں کی ٹیسٹ سیریز میں کلین سوئپ درکار ہوگا۔

اکتوبر 12, 2016
اقوام متحدہ برصغیر کی تقسیم کا نامکمل ایجنڈا مکمل کرے، آصف زرداری

دبئی : پیپلز پارٹی کے شریک چیئرمین اور سابق صدر آصف زرداری نے پاک بھارت کشیدگی کے حوالے سے کہا ہے کہ موجودہ کشیدگی پاک بھارت تعلقات کیلیے اچھی چیز نہیں۔ اقوام متحدہ انیس سو سینتالیس میں برصغیر کی تقسیم کا نامکمل ایجنڈا مکمل کرے۔

ان خیالات کا اظہار انہوں نے اپنے ایک جاری بیان میں کیا۔ آصف زرداری کا کہنا تھا کہ دونوں ملکوں کے درمیان جنگ کی باتیں ختم کی جائیں، نیو کلئیر پڑوسیوں کے درمیان جنگ کسی مسئلے کا حل نہیں ہے۔

بامقصد مذاکرات کے ذریعے کشمیریوں کی امنگوں کے مطابق مسئلے کا حل نکالا جائے۔ دو ممالک کی کشیدگی دوسرے مما لک میں پھیل گئی تو تعلقات مزید خراب ہو جائیں گے اور کسی کو اس کا فائدہ نہیں ہوگا۔

ان کا کہنا تھا کہ ہم کشمیریوں کے حق آزادی کیلئے آواز بلند کرتے رہیں گے، آصف زرداری نے کہا کہ پاکستانی قوم سالمیت اور دفاع کیلئے ہرخطرے سے نمٹنے کیلئے تیار ہے۔

اکتوبر 2, 2016
دوسرا ٹی ٹوئنٹی : پاکستان نے ویسٹ انڈیز کو 16 رنز سے شکست دے دی

دبئی: پاکستان نے ٹی ٹوئنٹی ورلڈ چیمپیئن کو دوسرے میچ میں 16 رنز سے شکست دے دی، تین میچوں کی سیریز میں پاکستان کو دو صفر کی فیصلہ کن برتری حاصل ہوگئی۔

دبئی میں اکستان اور ویسٹ انڈیز درمیان کھیلے جانے والے تین میچوں کی سریز کے دوسرے میچ میں ویسٹ انڈیز کی ٹیم نے ٹاس جیت کر قومی کرکٹ ٹیم کو پہلے بیٹنگ کی دعوت دی تھی، پاکستان کی جانب سے اوپنر شرجیل خان اور خالد لطیف اوپننگ کرنے آئے۔ تاہم شرجیل جلد ہی 2 کے انفرادی اسکور پر بدری کی گیند پر بولڈ ہو گئے۔

خالد لطیف نے 39 رنز بنائے، وہ رن آؤٹ ہو ئے جبکہ بابر اعظم 19 کے انفرادی اسکور پر بریتھویٹ کی گیند پر پولارڈ کے ہاتھوں کیچ آؤٹ ہو گئے۔

شعیب ملک 37 رنز بنا کر براوو کی گیند پر پولارڈ کے ہاتھوں کیچ ہو گئے، سرفراز 46 کے انفرادی سکور پر ناٹ آؤٹ رہے جبکہ عمر اکمل نے کوئی رن نہیں بنایا، مقررہ اوورز کے اختتام پر پاکستان نے 4 کھلاڑی ے نقصان پر مخالف ٹیم کو جیت کیلئے 161 رنز کا ہدف دیا تھا۔

جواب میں پاکستانی بولرز نے ویسٹ انڈین بلے بازوں کو قابو کرلیا، اوپنرز نے جان چھڑائی تو مڈل آڈرنے بھی جان نہ لڑائی، سیمویلز، براوؤ اور کیرون پولارڈ کسی کا بلا نہ چل سکا۔

ویسٹ انڈیز کے کھلاڑی سنیل نرائن نے جان ماری لیکن بہت دیر ہوچکی تھی، پاکستان نے میچ سولہ رنز سے جیت کر ورلڈ چیمپیئن کےخلاف سیریز جیت لی۔

میچ سے قبل ویسٹ انڈیز کے کپتان نے ٹاس جیتنے کے بعد گفتگو کرتے ہوئے کہا کہ امید ہے آج ہم پاکستانی اسپینرز کو کھیلے کی کوشش کریں گے ۔

پاکستان کے کپتان سرفراز احمد نے کہا کہ کل کی جیت سے کھلاڑیوں کے حوصلے بہت بلند ہوئے ہیں اور اہم گزشتہ میچ کی طرح آج بھی کھیل پیش کرنے کی کوشش کریں گے، فتح کے سلسلے کو برقرار رکھنے کے لیے ٹیم میں کوئی تبدیلی نہیں کی گئی۔

ستمبر 25, 2016
دوسرا ٹی ٹوئنٹی: پاکستان نے ویسٹ انڈیز کو 161 رنز کا ہدف دے دیا

دبئی: پاکستان اور ویسٹ انڈیز کے درمیان کھیلے جانے والے دوسرے ٹی 20 میچ میں پاکستان نے مخالف ٹیم کو جیت کیلئے 161 رنز کا ہدف دیا ہے، پاکستان کے مقررہ بیس اوورز میں چار کھلاڑی آؤٹ ہوئے،

اس سے قبل ؤویسٹ انڈیز کی ٹیم نے ٹاس جیت کر قومی کرکٹ ٹیم کو پہلے بیٹنگ کی دعوت دی تھی۔

پاکستان کی جانب سے اوپنر شرجیل خان اور خالد لطیف اوپننگ کرنے آئے۔ تاہم شرجیل جلد ہی 2 کے انفرادی اسکور پر بدری کی گیند پر بولڈ ہو گئے۔
خالد لطیف نے 39 رنز بنائے، وہ رن آؤٹ ہو ئے جبکہ بابر اعظم 19 کے انفرادی اسکور پر بریتھویٹ کی گیند پر پولارڈ کے ہاتھوں کیچ آؤٹ ہو گئے۔

شعیب ملک 37 رنز بنا کر براوو کی گیند پر پولارڈ کے ہاتھوں کیچ ہو گئے۔ سرفراز 45 کے انفرادی سکور پر ناٹ آؤٹ رہے جبکہ عمر اکمل نے کوئی رن نہیں بنایا۔

ویسٹ انڈیز کے کپتان نے ٹاس جیتنے کے بعد گفتگو کرتے ہوئے کہا کہ ’’کل کھیلے جانے والے میچ میں گیند بہت زیادہ گھیلی ہوگئی تھی تاہم کل کی شکست سے سیکھنے کی کوشش کی ہے اور امید ہے آج ہم پاکستانی اسپینرز کو کھیلے کی کوشش کریں گے‘‘۔

ان کا کہنا تھا کہ ’’پچ سلو ضرور ہے تاہم اس میں کوئی بہت مشکل نہیں ہے رات کو اوس کی وجہ سے گیند پھسلے گی اور یہ ہماری جیت میں اہم کردار ادا کرسکتی ہے، انہوں نے مزید کہا کہ آج ویسٹ انڈین ٹیم اپنا روایتی جارحانہ کھیل پیش کرے گی‘‘۔

پڑھیں: پہلا ٹی ٹوئنٹی : پاکستان نے ویسٹ انڈیز کو 9 وکٹوں سے شکست دے دی

پاکستان کے کپتان سرفراز احمد نے کہا کہ ’’کل کی جیت سے کھلاڑیوں کے حوصلے بہت بلند ہوئے ہیں اور اہم گزشتہ میچ کی طرح آج بھی کھیل پیش کرنے کی کوشش کریں گے، فتح کے سلسلے کو برقرار رکھنے کے لیے ٹیم میں کوئی تبدیلی نہیں کی گئی۔

پاکستانی فاسٹ باؤلر محمد عامر کو ٹیم میں متخب کرنے کے حوالے سے پوچھے گئے سوال پر سرفراز نے کہا کہ ’’اُن کی ابھی شادی ہوئی ہے اس لیے منتخب نہیں کیا گیا‘‘۔

یاد رہے دو روزہ ٹی ٹوئنٹی میچ کی سیریز میں پاکستان کو ویسٹ انڈیز کے مقابلے میں 1-0 کی برتری حاصل ہے۔

ستمبر 24, 2016
پاکستانی ڈرائیور کی دیانت داری، 17 لاکھ درہم واپس لوٹا دیے

شارجہ: پاکستانی ٹیکسی ڈرائیور نے دیانت داری کی مثال کرتے ہوئے اپنی گاڑی سے برآمد ہونے والے 17 لاکھ درہم کی رقم مقامی پولیس کی مدد سے اُس کے مالک تک پہنچادی۔

تفصیلات کے مطابق شارجہ میں مقیم پاکستانی ٹیکسی ڈرائیور نصیر اللہ شیر دولا نے دیانت داری کی نئی مثال قائم کی اور اپنی گاڑی سے ملنے والی رقم کو پولیس کے ہمراہ اس کے اصل مالک تک پہنچایا۔

پاکستانی ٹیکسی ڈرائیور کی گاڑی سے ایک بریف کیس برآمد ہوا جس میں 17 لاکھ درہم کی رقم موجود تھی، گاڑی سے رقم برآمد ہونے پر نصیر اللہ نے قریبی پولیس اسٹیشن اطلاع دی جس کے بعد پولیس نے ٹیکسی ڈرائیور کے ہمراہ اصل مالک کی تلاش شروع کی۔

پولیس کے مطابق برآمد ہونے والی رقم ایک تاجر کی تھی جو مشرقی ایشیائی ملک سے شارجہ ائیرپورٹ آیا اور وہاں سے گاڑی میں بیٹھ کر اپنی منزل کی جانب روانہ ہوا تاہم مسافر کو چھوڑ کر واپس آتے ہوئے ٹیکسی ڈرائیور کی نظر بریف کیس پر پڑی جس اُس نے فوری طور پر اپنے دفتر (ٹیکسی آفس) اطلاع کی ۔آفس اسٹاف نے مقامی پولیس کو تمام تر صورتحال سے آگاہ کیا اور اُن کے ہمراہ بریف کیس کے مالک کو تلاش کیا۔

ڈائریکٹر برائے ٹرانسپورٹ شارجہ عبدالعزیز الجرواں نے واقعے پر پاکستانی ٹیکسی ڈرائیور کی نیک نیتی پر اُن کی تعریف کرتے ہوئے کہا کہ ’’دولا کی طرح کے لوگوں کا ٹیکسی ڈرائیور ہونا ہم سب کے لیے مسرت کا باعث ہے‘‘۔

بعد ازاں محکمہ ٹرانسپورٹ نے پاکستانی ڈرائیور نصیر اللہ کو اُن کی ایمان داری پر اسناد کو کیش انعام سے نوازا۔ اس ضمن میں ایک تقریب کا انعقاد کیا گیا تھا جس میں الجرواں نے خطاب کرتے ہوئے کہا کہ ’’ہم ہمیشہ ایمان دار اور مخلص لوگوں کی قدر کرتے ہیں، ہمارے درمیاں اتنے مخلص لوگ موجود ہیں یہ ہماری خوش نصیبی ہے تاہم ڈرائیورز کی تربیت اور ایما نداری کی مثالیں قائم کرنے کے لیے یہ واقعہ بہت اہم ہے جسے اجاگر کیا جائے۔

ستمبر 22, 2016