ARYNews.tv | Urdu – Har Lamha Bakhabar

Tag: Dubai

  • کراچی کنگزکےمالک کا کرکٹ کے فروغ کیلئے اہم اقدامات کا اعلان

    کراچی کنگزکےمالک کا کرکٹ کے فروغ کیلئے اہم اقدامات کا اعلان

    دبئی : کراچی کنگز کے مالک سلمان اقبال نے کراچی کیلئےمزید 3 ٹیمیں بنانےکا اعلان کردیا ہے، ان کا کہنا ہے کہ کراچی کےابھرتےکرکٹرزکوپی ایس ایل میں موقع دیناچاہتےہیں۔

    تفصیلات کے مطابق کراچی والوں کے لئے بڑی خوش خبری آگئی۔ پاکستان سپر لیگ کی ٹیم کراچی کنگز کے مالک، اے آر وائی ڈیجیٹل گروپ کے صدر اورسی ای او سلمان اقبال نے کراچی کے لئے مزید تین ٹیمیں بنانے کا اعلان کردیا۔

    کراچی کنگز کے اونر سلمان اقبال کا کہنا ہے کہ کراچی میں گراس روٹ لیول پر کرکٹ کے فروغ کیلئے فرنچائز میں کراچی کنگز الیون، انڈر نائنٹین اور انڈر ففٹین ٹیمیں بنائی جائیں گی۔

    سلمان اقبال کا کہنا تھا کہ کرکٹ کئی دہائیوں سےکراچی کے کلچر کا حصہ بن چکا ہے۔ کراچی نے پاکستان کی کرکٹ کی تاریخ میں اہم کردار ادا کیا ہے۔

    کراچی کے ابھرتےکرکٹرزکوپی ایس ایل میں موقع دیناچاہتےہیں۔ منتخب کھلاڑیوں کواسکول، کالجزکی اسکالر شپ بھی دی جائیں گی۔

    اسکالرشپ سےکھلاڑی کھیل کےساتھ تعلیم پربھی توجہ دےسکیں گے۔۔ کراچی کنگز فرنچائز جلدکراچی میں کھلاڑیوں کےانتخاب کے لئے کیمپ لگائےگی۔

  • میاں صاحب نیب کے ساتھ ایف آئی اے بھی تو وہی کام کررہی ہے، آصف زرداری

    میاں صاحب نیب کے ساتھ ایف آئی اے بھی تو وہی کام کررہی ہے، آصف زرداری

    دبئی : سابق صدر آصف زرداری نے کہا ہے کہ ڈاکٹرعاصم کووفاق کی جانب سے تنگ کیا جارہا ہے، یہ بات انہوں نے وزیراعظم نواز شریف کے نیب سے متعلق بیان پر ردعمل دیتے ہوئے کہی۔

    تفصیلات کے مطابق سابق صدر اور پیپلزپارٹی کے شریک چیئرمین آصف علی زرداری نے وزیراعظم میاں محمد نوازشریف کے نیب پر تنقید کے جواب میں واضح کیا ہے کہ میاں صاحب نیب کے ساتھ ساتھ آپ کی ایف آئی اے بھی تو وہی کام کررہی ہے ۔

     اپنے جاری بیان میں سابق صدر کاکہنا ہے کہ 18 ویں ترمیم کے خلاف مسلسل کام ہورہا ہے، انہوں نے کہا کہ میاں صاحب آپ کا اپنا وزیر کہہ چکا ہے کہ ڈاکٹر عاصم نے کوئی چوری یا کرپشن نہیں کی، لیکن پھر اس کو مہینوں سے تنگ کیا جارہا ہے۔

    واضح رہے کہ وزیراعظم نواز شریف نے بہاولپور میں خطاب کرتے ہوئے نیب کو وارننگ دیتے ہوئے کہا کہ نیب اپنا کام ذمہ داری سے کر ے۔

    نیب کے خلاف بھی کارروائی ہو سکتی ہے۔ ان کا کہنا تھا کہ نیب کے افسران معصوم لوگوں کے گھروں میں گھس جاتے ہیں اور انہیں جان بوجھ کر تنگ کیا جاتا ہے۔

  • پی ایس ایل: پشاورزلمی کی شاندار فتح، لاہورقلندرزکو 9وکٹوں سے شکست

    پی ایس ایل: پشاورزلمی کی شاندار فتح، لاہورقلندرزکو 9وکٹوں سے شکست

    دبئی : شاہدآفریدی کی پشاورزلمی کو پی ایس ایل میں ایک اور کامیابی مل گئی، پشاور زلمی نے یکطرفہ مقابلےکےبعد لاہورقلندرزکونووکٹ سے شکست دے دی۔

    تفصیلات کے مطابق لاہورکی ٹیم کو پاکستان سپرلیگ میں مسلسل دوسری بھاری شکست کاسامناکرناپڑا۔ دبئی انٹرنیشنل کرکٹ گراﺅنڈ میں کھیلے گئے میچ میں پشاور زلمے کے کپتان شاہد آفریدی نے ٹاس جیت کر پہلے فیلڈنگ کرنے کا فیصلہ کیا۔

    لاہور قلندرز نے پہلے بیٹنگ کرتے ہوئے مقررہ 20 اوورز میں 6وکٹوں کے نقصان پر 117 رنز بنائے، کرس گیل دوسرے میچ میں بھی فیل ہوئے.

    لاہور قلندرز نے اننگز کا آغاز کیا تو میچ کی پہلی ہی گیند پر خطرناک بلے باز کرس گیل کو جنید خان نے کلین بولڈ کردیا، گیل کے آؤٹ ہوتے ہی لاہوری بلےبازوں کے ہاتھ پاؤں پھول گئے۔صرف چاررنزپرلاہورقلندرزکےتین بیٹسمین پویلین لوٹ گئے۔

    ڈوئن براوؤ بتیس اوراظہرعلی اکیس رنزکےساتھ نمایاں رہے۔ لاہورقلندرزنےایک سوسترہ رنزجوڑکرپی ایس ایل کا سب سے کم اسکوربورڈ پرسجایا۔ جبکہ اظہر علی نے 31 اور عمر اکمل نے 21 رنز اسکور کئے.

    پشاور کی جانب سے محمد اصغر نے 2 جبکہ شان ٹیٹ ،وہاب ریاض اور جنید خان نے ایک ایک کھلاڑی کو آوٹ کیا۔ جواب میں تمیم اقبال اورپروفیسرکےلاٹھی چارج نے بولرزکے چھکے چھڑادئیے۔

    پروفیسرتین چوکوں اورتین چھکوں کی مدد سےپینتالیس رنز بناکر آؤٹ ہوئے۔ تمیم اقبال نے ناقابل شکست پچپن رنزبناکرپشاورزلمی کو مسلسل دوسری فتح سے ہمکنار کرایا۔ پشاور کی ایونٹ میں یہ مسلسل دوسری کامیابی ہے۔

  • پی ایس ایل کے پہلے ایڈیشن کی ٹرافی کی تقریب رونمائی کا انعقاد

    پی ایس ایل کے پہلے ایڈیشن کی ٹرافی کی تقریب رونمائی کا انعقاد

    دبئی : پاکستان سپر لیگ کے پہلے ایڈیشن کی ٹرافی کی رونمائی کردی گئی۔ ایونٹ کا پہلا میچ کل اسلام آباد یونائیٹڈ اور کوئٹہ گلیڈئٹر کے درمیان کھیلا جائے گا۔

    تفصیلات کے مطابق پاکستان سپرلیگ کے پہلے ایڈیشن کی چمچماتی ٹرافی کا حقدارکون ہوگا۔ اس کا فیصلہ تئیس فروری کو ہوجائے گا۔ ٹرافی کی رونمائی دبئی میں ایک رنگ رنگا تقریب میں کی گئی۔

    تقریب کے دوران چاروں ٹیموں کے کپتانوں نے تقریب رورنمائی میں شرکت کی، لیکن اسلام آباد یونائیٹڈ کے کپتان مصباح الحق ہوٹل سے اسٹیڈیم آتے ہوئے ٹریفک جام میں پھنس گئے جس کے باعث وہ تقریب رونمائی میں نہ پہنچ سکے اوران کی نمائندگی وسیم اکرم نے کی۔

    تقریب میں پی ایس ایل کے چئیرمین نجم سیٹھی، کراچی کنگز کے مالک اور اے آر وائی ڈیجیٹل نیٹ ورک کے بانی اور سی ای او سلمان اقبال، کپتان شعیب ملک اور دیگر ٹیموں کے کپتان وسیم اکرم اوردیگرآفیشلز بھی موجود تھے۔

    آفیشلز نے پی ایس ایل کی ٹرافی کے ساتھ یادگار تصاویر بنوائیں۔ اس موقع پرکراچی کنگز کے کپتان شعیب ملک کا کہنا تھا کہ پی ایس ایل سے سب سے زیادہ فائدہ پاکستان کرکٹ کو ہوگا۔

    پشاور زلمی کے کپتان شاہد آفریدی اوردیگر نے کہا کہ پی ایس ایل سے پاکستان کو اچھی کرکٹ اور نیا ٹیلنٹ ملے گا۔ سابق کپتان وسیم اکرم نے کہا کہ بیس دن تک انٹرٹینمنٹ اور کھیل دونوں ایک ساتھ ہونگے۔ جس کو شائقین بھرپور انجوائے کریں گے۔

    اس موقع پر تمام کپتانوں نے ایونٹ کو پاکستان میں انٹرنیشنل کرکٹ کی بحالی کے لیے اہم قدم قرار دیا۔

    علاوہ ازیں کراچی کنگزکے اہم رکن روی بوپارا نے کہا ہے کہ پی ایس ایل میں شائقین کو کانٹے کے مقابلے دیکھنے کو ملیں گے ۔

    اےر وائی سے گفتگو کرتے ہوئے ان کا کہنا تھا کہ کراچی کی ٹیم متوازن ہے جیت کیلئے بھرپور کوششیں کریں گے۔ انہوں نے کہا کراچی کی ٹیم متوازن ہے فاسٹ اور اسپن بولنگ کا بہترین کامبینیشن بنا ہوا ہے۔ جس سے ٹیم کی کارکردگی سب سے نمایاں ہوگی۔

  • پی ایس ایل کا پہلا میچ : اسلام آباد یونائیٹڈ اورکوئٹہ گلیڈیٹرزکل مد مقابل

    پی ایس ایل کا پہلا میچ : اسلام آباد یونائیٹڈ اورکوئٹہ گلیڈیٹرزکل مد مقابل

    دبئی : پاکستان سپرلیگ کا افتتاحی میچ کل دبئی میں اسلام آباد یونائیٹڈ اور کوئٹہ گلیڈیٹرز کے درمیان کھیلا جائے گا۔ میچ پاکستانی وقت کے مطابق رات نو بجے شروع ہوگا۔

    اسلام آباد اور کوئٹہ کی ٹیموں میں اسٹار کھلاڑیوں کی بھرمار ہے۔ اسلام آباد کی ٹیم میں ماردھاڑ کے اسپیشلسٹ بلے بازوں کی کمی نہیں۔

    مصباح الحق بولرز کی دھنائی لگانا خوب جانتے ہیں۔ خالد لطیف، شین واٹسن اور بریڈ ہیڈن بھی حریفوں کے لئے خطرے کی گھنٹی ہیں۔ تو ادھر کوئٹہ کی ٹیم بھی کسی سے کم نہیں۔

    کوئٹہ کی قیادت دھوکہ نہ دینے والے سرفراز احمد کریں گے۔ احمد شہزاد ، اعزاز چیمہ، اسد شفیق سمیت کئی نامور کھلاڑی کوئٹہ میں جگمائیں گے۔ دونوں ٹیموں نے افتتاحی میچ میں کامیابی حاصل کرنے کیلئے تیاریاں تیز کردیں ہیں۔

  • کراچی کنگز کے کھلاڑیوں نے دبئی میں تیاریوں کا آغاز کردیا

    کراچی کنگز کے کھلاڑیوں نے دبئی میں تیاریوں کا آغاز کردیا

    دبئی: جوں جوں پی ایس ایل مقابلوں کی تاریخ قریب آتی جا رہی ہے جوش و جذبے میں اضا فہ ہو تا جا رہا ہے، مقابلے کی مضبوط ٹیم کراچی کنگز کے کھلاڑیوں نے دبئی میں تیاریوں کا آغاز کردیا۔

    کراچی کنگز کی ٹیم نے دبئی میں قدم جمالئے،حریفوں سے دو دو ہاتھ کرنے کے لئےکراچی کنگز کے شیروں نے وقت ضائع کئے بغیر میدان کا رخ کرلیا۔

    دبئی کے موسم سے ہم آہنگ ہونے کیلئے کھلاڑیوں نے بھرپور تیاریوں کا آغاز کردیا ہے، کھلاڑیوں نے پریکٹس سے قبل فزیکل ٹریننگ کرکے خود کو وارم اپ کیا۔

    پریکٹس سیشن میں کھلاڑیوں نے بیٹنگ اور بولنگ میں مہارت حاصل کی، حریفوں کو قابو کرنے کیلئے ٹریننگ کے دوران کوچز نے کھلاڑیوں کو مشورے بھی دیئے، کراچی کنگز کی ٹیم ایونٹ میں پہلا میچ پانچ فروری کو لاہور قلندر کے خلاف کھیلے گی۔

  • پی ایس ایل : کراچی کنگز کی ٹیم لاہور سے دبئی کے لئے روانہ

    پی ایس ایل : کراچی کنگز کی ٹیم لاہور سے دبئی کے لئے روانہ

    لاہور : پاکستان سپر لیگ میں شرکت کے لئے کراچی کنگز کی ٹیم لاہور سے دبئی کے لئے روانہ ہو گئی ہے۔ کھلاڑیوں کا کہنا تھا کہ کراچی کنگز بہترین ٹیم ہے، ایونٹ جیت کر آئیں گے۔

    پاکستان سپر لیگ میں شرکت کے لئے لاہور سے دو آفیشلز اور چار کھلاڑی دبئی روانہ ہوئے۔ جن میں فیلڈنگ کوچ عبدالمجید، فزیو اسد، کھلاڑی سہیل تنویر، بلاول بھٹی، افتخار احمد اور اسامہ میر شامل ہیں۔

    روانگی سے قبل سب کا ایک ہی نعرہ تھا، کراچی جیتے گا۔ سہیل تنویر، بلاول بھٹی اور افتخار احمد نے کہا کہ کراچی کنگز کوکراچی والوں کی سپورٹ چاہئے۔

    کراچی کنگز ہر لحاظ سے متواز ن ٹیم ہے۔ شائقین کو مایوس نہیں کریں گے۔ پاکستان سپر لیگ کا آغاز چار فروری سے دبئی میں ہو گا۔

    افتتاحی تقریب میں گلوکار علی ظفر اور شین پال اپنے فن کا مظاہرہ کریں گے۔ جبکہ کراچی کنگز اپنا بتدائی میچ پانچ فروری کو لاہور قلندرز کے خلاف کھیلے گی۔

  • ٹی ٹوئنٹی رینکنگ : پاکستانی ٹیم ساتویں نمبرپرچلی گئی

    ٹی ٹوئنٹی رینکنگ : پاکستانی ٹیم ساتویں نمبرپرچلی گئی

    دبئی : پاکستان اور نیوزی لینڈ کے درمیان تیسرے ٹی 20 میچ کے بعد انٹرنیشنل کرکٹ کونسل نے نئی رینکنگز جاری کر دی ہیں جس کے مطابق بیٹنگ میں پاکستان کا کوئی بھی بلے باز ٹاپ ٹین میں شامل نہیں۔

    تفصیلات کے مطابق نیوزی لینڈ کے خلاف ٹی ٹوئنٹی سیریز میں ناکامی کے بعد قومی ٹیم رینکنگ میں مزید نیچے چلی گئی۔ ٹاپ ٹین بیٹسمینوں میں بھی کوئی پاکستانی شامل نہیں ہے۔ جبکہ کپتان شاہد خان آفریدی باﺅلنگ میں ایک درجے بہتری کے بعد تیسرے نمبر پر آ گئے ہیں۔

    نیوزی لینڈ سے ٹی ٹوئنٹی سیریز میں پاکستان نے صرف کھویا پایا کچھ بھی نہیں۔ سیریز اور شائقین کا دل ہارنے کے بعد شاہین رینکنگ میں بھی ساتویں نمبر تک گرگئے۔

    سیریز سے قبل پاکستان نے دنیا کی بہترین ٹیم بننے کا خواب آنکھوں میں سجایا تھا جو نیوزی لینڈ نے پورا نہ ہونے دیا۔ نیوزی لینڈ ریکارڈ بناتا رہا اور پاکستان بار بار حکمت عملی تبدیل کرکے بھی ہارتا ہی رہا۔

    کھلاڑیوں کی رینکنگ بھی گرگئی۔ ٹاپ ٹین بیٹسمینوں میں کوئی پاکستانی شامل نہیں رہا، سیلفی ماسٹر احمد شہزاد ٹاپ ٹوئنٹی سے بھی باہر ہوگئے۔ بولرز رینکنگ میں شاہد آفریدی ایک درجہ بہتری کے بعد تیسرے نمبر پر آگئے۔

  • پاکستان سمیت دنیا بھر میں سال نو کی تقریبات جاری

    پاکستان سمیت دنیا بھر میں سال نو کی تقریبات جاری

    دنیا بھر میں سال نو کی تقریبات کا آغاز ہوگیا، مختلف ملکوں میں شاندار آتش بازی سے نئے سال کو خوش آمدید کہا گیا۔

    وقت کی سوئی نے جیسے ہی دو ہزار پندرہ کی سوئی کو چھوا تو دنیا کے بیشتر ممالک میں لوگوں کے چہرے کھل اٹھے، دو ہزار پندرہ کا استقبال نہایت پُرجوش انداز میں کیا گیا، دو ہزار چودہ کا آخری سورج سب سے پہلے نیوزی لینڈ میں غروب ہوا۔

    دو ہزار پندرہ خُدا حافظ دو ہزار سولہ خوش آمدید، دو ہزار سولہ کو دنیا دل کھول کر ویلکم کررہی ہے، نئے سال کا آغاز سب سے پہلے نیوزی لینڈ سے ہوا، کاونٹ ڈاون کے بعد اسکائے ٹاور روشنیوں میں نہا گیا۔


    عمارت سے پھوٹتی روشنیوں اور آنش بازی سےفضا جگمگا اٹھی کینگروز کے شہر سڈنی کے ہاربر برج پر آتش بازی کا شاندار مظاہرہ کر کے دو ہزار سولہ کو خوش آمدید کہا گیا۔

    رنگوں نور سے سجی شام کو لاکھوں لوگوں نے انجوئے کیا جاپان کے شہر ٹوکیو میں نئے سال کے استقبال کے لیے لوگوں کی بڑی تعداد امڈ آئی اور کہا ہیپی نیو ایئر ہانگ کانگ کی مشہور بندرگاہ وکٹوریہ پر لوگوں نے نئے سال کو خوش آمدید کہا۔

    تھائی لینڈ میں بھی دو ہزار سولہ کو آتش بازی کر کے ویلکم کیا گیا، بارہ بجتے ہی، قدیم ٹیمپل رنگ و نور میں نہا گیا۔

    پاکستان میں بھی دو ہزار سولہ خوش آمدید کیا جارہا ہے کراچی سے خیبر تک نئے سال کا جشن ، آتشبازی کا شاندار مظاہرہ کیا گیا جبکہ بحریہ ٹاؤن کراچی اورلاہور میں فیملی میلے کا انعقاد کیا گیا۔

     

  • وفاق کی آمرانہ ذہنیت کی مذمت کرتے ہیں،آصف زرداری

    وفاق کی آمرانہ ذہنیت کی مذمت کرتے ہیں،آصف زرداری

    دبئی : پیپلزپارٹی کے شریک چیئرمین اور سابق صدر آصف علی زرداری نے کہا ہے کہ وفاق کی آمرانہ ذہنیت کی مذمت کرتے ہیں۔ وفاق نے تمام آئینی اصولوں کو بالائے طاق رکھ کر سندھ پر حملہ کیا۔

    ان خیالات کا اظہار انہوں نے بے نظیر بھٹو شہید کی آٹھویں برسی کے موقع پر اپنے پیغام میں کیا، آصف علی زرداری نے کہا کہ پیپلزپارٹی آئینی اصولوں کو پامال نہیں ہونے دے گی۔

    رینجرز اختیارات کے معاملے پر فی الوقت وفاق و سندھ ایک سو اسی ڈگری کے اینگل پر کھڑے دکھا ئی دے رہے ہیں۔ اپنے پیغام میں ان کا کہنا تھا کہ وفاق کی آمرانہ ذہنیت کی مذمت کرتے ہیں۔

    سابق صدر نے وفاق کے نو ٹیفکیشن کو امن وامان کے نام سندھ پر چڑھائی کے مترادف قرار دیا،ان کا مزید کہنا ہے کہ انتہا پسندوں کو ملک تباہ کرنے کی اجازت نہیں دی جائے گی۔

    آصف علی زرداری نے اپنے پیغام میں جلا وطنی کاٹنے اور پھانسیاں قبول کرنے والوں کو خراج تحسین پیش کیا اور کہا کہ جمہوریت کیلئے جام شہادت نوش کرنے والوں کو سلام پیش کرتے ہیں۔