ARYNews.tv | Urdu – Har Lamha Bakhabar

Tag: Dubai

  • کرکٹ ورلڈ کپ : کل زمبابوے اور متحدہ عرب امارت کی ٹیمیں مدمقابل ہونگی

    کرکٹ ورلڈ کپ : کل زمبابوے اور متحدہ عرب امارت کی ٹیمیں مدمقابل ہونگی

    سڈنی: ورلڈ کپ دوہزار پندرہ میں کل زمبابوے اور متحدہ عرب امارات کی ٹیمیں مدمقابل ہونگی۔

    آسٹریلیا اور نیوزی لینڈ میں گیارہویں ورلڈ کپ کے سنسنی خیز میچز کا سلسلہ جاری ہے،عالمی کا آٹھواں میچ کل پول بی میں موجود زمبابوے اور یو اے ای کی ٹیموں کے درمیان نیلسن میں کھیلا جائے گا۔

     زمبابوے کو ایونٹ کے پہلے میچ میں جنوبی افریقہ کے ہاتھوں باسٹھ رنز سے شکست ہوئی تھی، متحدہ عرب امارات کی ٹیم ایونٹ میں اپنا پہلا میچ کھیلےگی۔

     یو اے ای کی ٹیم دوسری مرتبہ ورلڈ کپ کھیل رہی ہے، اس سے قبل یو اے ای کی ٹیم انیس سو چھیانوے میں ہونے والے عالمی کپ کا حصہ تھی، میچ پاکستانی وقت کے مطابق رات تین بجے شروع ہوگا۔

  • دبئی: پاکستانی شہری نے ملک کا سرفخر سے بلند کردیا

    دبئی: پاکستانی شہری نے ملک کا سرفخر سے بلند کردیا

    دبئی: ایک ایماندارپاکستانی کاکارنامہ، اے ٹی ایم سے ملنے والے50 ہزاردرہم اصل مالک کولوٹادئیے۔

    تفصیلات کے مطابق محمد عالم ایک نجی ادارے میں کام کرتاہے اوراس کی ماہانہ آمدنی ساڑھے تین ہزاردرہم ہے۔ اسے اے ٹی ایم مشین سے ایک پیکٹ ملاجسے اس نے قریبی پولیس اسٹیشن میں جمع کرادیا۔

    ذرائع کے مطابق ایک سوڈانی شہری ڈیرھ لاکھ درہم اے ٹی ایم مشین میں جمع کرانے گیا لیکن ایک پیکٹ اے ٹی ایم مشین کے اوپررکھ کر بھول گیا، جب محمد عالم اے ٹی ایم مشین میں داخل ہوا تو اسے وہ پیکٹ ملا جسے لے کر وہ قریبی پولیس اسٹیشن مہنچ گیا جہاں سوڈانی شہری پہلے ہی پیکٹ کی گمشدگی کی رپورٹ درج کرانے پہنچا ہوا تھا۔

    پولیس نے پاکستانی شہری کے اعزاز میں ایک نیوزکانفرنس کی جس میں انہوں نے محمد عالم کی دیانت داری کو سراہا۔

  • عالمی منڈی کے بعد مقامی مارکیٹ میں بھی فرنس آئل کی قیمتوں میں اضافہ

    عالمی منڈی کے بعد مقامی مارکیٹ میں بھی فرنس آئل کی قیمتوں میں اضافہ

    کراچی: عالمی منڈی میں فرنس آئل کی قیمت میں اضافے کے باعث مقامی مارکیٹ میں فرنس آئل کی قیمت بھی بڑھ گئی ہے۔

    عالمی منڈی میں خام تیل کی قیمت میں اضافے کے ساتھ ہی فرنس آئل کی قیمتوں میں بھی اضافہ ریکارڈ کیا جارہا ہے۔

     عالمی قیمتوں میں اضافے سے مقامی سطح پر فرنس آئل کی قیمت میں ایک ہزار نو سو چوالیس روپے فی ٹن کا اضافہ ہوا ہے،مقامی منڈی میں فرنس آئل کی قیمت سینتیس ہزار چار سو چھ روپے فی ٹن ہوگئی ہے۔

    دنیا بھر میں آئل کمپنیوں کی جانب سے سپلائی محدود ہونے کے خدشات پر خام تیل کی قیمتوں میں اضافہ دیکھا جارہا ہے۔

  • کرکٹ ورلڈ کپ: آسٹریلیا نے انگلینڈ کو 111 رنز سے شکست دے دی

    کرکٹ ورلڈ کپ: آسٹریلیا نے انگلینڈ کو 111 رنز سے شکست دے دی

    میلبورن: کرکٹ ورلڈ کپ دو ہزار پندرہ کے دوسرے میچ میں میزبان آسٹریلیا نے انگلینڈ ایک سو گیارہ رنز سے آؤٹ کلاس کردیا۔

    پہلے میچ کی طرح ایونٹ کا دوسرا میچ بھی یکطرفہ ثابت ہوا، انگلش بولرز نے تباہ کن بولنگ کی بدولت آسٹڑیلیا کے تین مہرے جلد کھسکائے، لیکن جارج بیلی اور ارون فنچ کی شراکت نے میچ کا نقشہ بدل دیا۔

    میلبورن کرکٹ گراؤنڈ میں کھیلے گئے میچ میں انگش ٹیم کے کپتان ای این مورگن نے ٹاس جیت کر پہلے فیلڈنگ کا فیصلہ کیا اور آسٹریلیا کو بیٹنگ کی دعوت دی جس کا کینگروز نے بھرپور فائدہ اٹھایا اور مقررہ 50 اوورز میں 9 وکٹوں کے نقصان پر 342 رنز بنائے۔

    ہدف کے تعاقب میں انگلینڈ کی ٹیم آغاز سے مشکلات کا شکار رہی اور پوری ٹیم 42ویں اوور میں 231 رنز پر ڈھیر ہوگئی، جیمز ٹیلر کے علاوہ انگلینڈ کا کوئی بھی بلے باز آسٹریلوی بولر کا جم کر مقابلہ نہ کر سکا تاہم ان کے 98 رنز بھی ٹیم کو فتح نہ دلا سکے اور کینگرو بولرز نے ایک کے بعد ایک انگلش کھلاڑی کو پویلین کی راہ دکھائی۔

     جیمز ٹیلر کے بعد انگلینڈ کی جانب سے سب سے زیادہ رنز بنانے والے کرس ووکس تھے جنہوں نے 37 رنز بنائے جب کہ ای این بیل 36 رنز بنا کر آؤٹ ہوئے۔

     بہترین بلے بازی پر ایرن فنچ کو میچ کا بہترین کھلاڑی قرار دیا گیا۔

  • عذیر بلوچ کی گرفتاری کیلئے پولیس ٹیم دبئی پہنچ گئی

    عذیر بلوچ کی گرفتاری کیلئے پولیس ٹیم دبئی پہنچ گئی

    کراچی : گینگ وار کے اہم ملزم عزیر بلوچ کی پاکستان حوالگی کا عمل آج سے شروع ہوگا۔ پولیس کی دوسری ٹیم بھی ہفتے کی شام کراچی سے دبئی پہنچ گئی۔

    تفصیلات کے مطابق دبئی میں گرفتار لیاری گینگ وار کے اہم کردار عزیر بلوچ  کی گرفتاری کیلئے پولیس کی  ٹیم دبئی پہنچ گئی ،دبئی جانے والی ٹیم میں سی آئی ڈی کے ایس ایس پی عثمان باجوہ اور ڈی ایس پی زاہد حسین شامل ہیں۔

    ٹیم کے سربراہ نوید خواجہ اور رینجرز کے میجر پہلے ہی دبئی پہنچ چکے ہیں۔دبئی جاتے ہوئےکراچی ایئرپورٹ پر میڈیا سے بات کرتے ہوئے ایس ایس پی عثمان باجوہ کا کہنا تھا کہ عزیر جان بلوچ کو ضابطے کی کاروائی مکمل ہوتے ہی پاکستان لایا جائے گا۔

    ان کا کہنا تھا عزیر جان بلوچ کی حوالگی میں ڈیڑھ ہفتہ لگ سکتا ہے ،ایس ایس پی عثمان باجوہ نے دبئی پہنچ کر پاکستانی قونصل جنرل اور دیگر متعلقہ افسران سے ملاقات بھی کی جس میں عزیر بلوچ کی حوالگی کے سلسلے میں قانونی پہلوئوں کا جائزہ لیا گیا۔

  • کرکٹ ورلڈ کپ: اب تک ساڑھے سات لاکھ ٹکٹس فروخت

    کرکٹ ورلڈ کپ: اب تک ساڑھے سات لاکھ ٹکٹس فروخت

    دبئی : آئی سی سی کے چیف ایگزیکٹیو افیسر ڈیوڈ رچرڈسن کا کہنا ہے کہ گیارہواں کرکٹ ورلڈ کپ تاریخ کا سب سے کامیاب ایونٹ ثابت ہوگا۔ میگا ایونٹ کے لئے اب تک ساڑھے سات لاکھ ٹکٹس فروخت ہوچکے ہیں۔

    دنیائے کرکٹ کے سب سے بڑے مقابلےکے آغاز میں اب صرف سات دن باقی رہہ گئے ہیں۔ جیسے جیسے ورلڈ کپ قریب آرہا ہےکھلاڑیوں کے ساتھ ساتھ شائقین کا جوش خروش بھی عروج پر جارہا ہے۔

    آئی سی سی کے مطابق گیارہویں ورلڈ کپ کے لئے اب تک ساڑھے سات لاکھ ٹکٹس فروخت ہوچکے ہیں۔ آسٹریلیا اور نیوزی لینڈ میں مشترکہ طور پر منعقد ہونے والے اس ٹورنامنٹ کا آغاز 14 فروری سے ہو رہا ہے۔

    امید کی جا رہی ہے کہ اس بار ٹورنامنٹ کے میچ دیکھنے کے لیے دس لاکھ سے زیادہ پرستار میدانوں میں آئیں گے۔ پندرہ فروری کو ہونے والے پاک بھارت مقابلے کو ایونٹ کا سب سے بڑا میچ قرار دیاجارہاہے جس کے تمام ٹکٹس فروخت ہوچکے ہیں۔

  • پاکستان آئی ایم ایف مذاکرات:گیس کی قیمت میں اضافہ پراصرار

    پاکستان آئی ایم ایف مذاکرات:گیس کی قیمت میں اضافہ پراصرار

    دبئی : پاکستان اورآئی ایم ایف  کے مذاکرات دبئی میں جاری ہیں، مذاکرات میں گیس کی قیمت میں اضافہ کیلئے دباؤ، حکام کی یقین دہانیاں۔

    تفصیلات کے مطابق پاکستان اور عالمی مالیاتی ادارے کے مذاکرات دبئی میں جاری ہیں، آئی ایم ایف نے ایک بار پھر گیس کی قیمتوں میں اضافے کو ایشو بنالیا۔

    پاکستان اور عالمی مالیاتی ادارے کے درمیان پالیسی مذاکرات کے دوران آئی ایم ایف نے ایک بار پھر گیس کی قیمتوں میں اضافہ  کر نے پراستفسار کیا۔

    اس کے علاوہ عالمی مالیاتی ادارے نے وزیرخزانہ اسٹیٹ بینک کی خود مختاری کے سلسلے میں ہونے والی تاخیر پرتشویش کا اظہار کیا ہے۔

    گیس کی قیمتوں میں اضافہ نہ کرنے کے بارے میں وزیرخزانہ نے فنڈ کو بتایا کہ ملک کے سیاسی حالات گیس کی قیمتوں میں اضافے کی اجازت نہیں دیتے۔ مناسب وقت کا انتظار ہے۔

  • آئی سی سی رینکنگ: آسٹریلیا پہلےاوربھارت دوسرے نمبرپر

    آئی سی سی رینکنگ: آسٹریلیا پہلےاوربھارت دوسرے نمبرپر

    دبئی : کرکٹ عالمی رینکنگ میں آسٹریلیاپہلےاوربھارت دوسرے نمبرپرہے۔ پاکستان ساتویں نمبرپرپہنچ گیا۔ آئی سی سی نے آسٹریلیا میں سہ ملکی سیریز کے اختتام پر ون ڈے کی نئی رینکنگ جاری کی ہے۔

    تیز ترین سینچری کا ریکارڈ اپنے نام کرنے والے جنوبی افریقہ کے اے بی ڈولئیرز بیٹسمین رینکنگ میں پہلے نمبر پر براجمان ہیں۔ ہاشم آملہ نے بھارت کے ویرات کوہلی سے دوسری پوزیشن چھین لی ہے۔

    ٹاپ ٹین بیٹسمینوں میں کوئی پاکستانی شامل نہیں ہے۔ قومی ٹیم کے کپتان مصباح الحق ایک درجہ بہتری کے بعد پندرہویں نمبر پر آگئے ہیں۔ بولرز رینکنگ میں سعید اجمل اور سنیل نرائن سرفہرست ہیں لیکن دونوں ہی کھلاڑی ورلڈ کپ کا حصہ نہیں ہیں۔

    آل راؤنڈرز رینکنگ میں محمد حفیظ تیسرے اور شاہد آفریدی کا پانچواں نمبر ہے۔ ٹیم رینکنگ میں آسٹریلیا پہلے اور بھارت دوسرے نمبر پر موجود ہے۔ پاکستان کا نمبر ساتواں ہے۔

  • پاکستان آئی ایم ایف مذاکرات آج سے ہونگے

    پاکستان آئی ایم ایف مذاکرات آج سے ہونگے

    دبئی : پاکستان اور آئی ایم ایف کے درمیان مذاکرات کا آغاز آج سے ہورہا ہے، مذاکرات کے اختتام پر پچپن کروڑ ڈالر قرض کی قسط ملنے کی توقع ہے،.

    تفصیلات کے مطابق دبئی میں آج سے پاکستان اور آئی ایم ایف کے درمیان چھٹے جائزہ مذاکرات کا آغاز ہورہا ہے۔جس میں پاکستان کو پچپن کروڑ ڈالر قرض کی قسط ملنے کا امکان ہے۔

    حکومت پاکستان نے پیشگی اقدامات کرتے ہوئے بجلی کی قیمت میں کمی روک دی  ، پیٹرولیم مصنوعات پر سیلز ٹیکس میں اضافہ کردیا گیا اوروزیر خزانہ آئی ایم ایف کو خوش کرنے والی تمام چیزوں کے ساتھ دبئی پہنچ گئے۔

    دبئی میں آج سے پالیسی لیول مذاکرات شروع ہورہے ہیں جس میں پاکستانی وفد کی سربراہی وزیرخزانہ اسحاق ڈار کر رہے ہیں۔

    آئی ایم ایف کے وفد کی سربراہی جیفری فرنک کررہے ہیں۔ مذاکرات میں جولائی سے دسمبرتک معاشی کارکردگی پرغور کیا جائے گا۔

    وزارت خزانہ کے مطابق پاکستان بیشتر معاشی اہداف پورے کرنے میں کامیاب رہا ہے۔ پہلے مرحلے میں تکینکی مذاکرات ہوئے جس میں وزارت پانی وبجلی اور ، وزارت خزانہ حکام بھی شامل رہے۔

    آئی ایم ایف سے مذاکرات میں کامیابی کی صورت میں پچپن کروڑ ڈالر قرض کی قسط ملنے کی توقع ہے۔

  • ون ڈے رینکنگ: ہاشم آملہ کا ایک درجہ بہتری کے بعد دوسرا نمبر

    ون ڈے رینکنگ: ہاشم آملہ کا ایک درجہ بہتری کے بعد دوسرا نمبر

    دبئی : آئی سی سی نے ون ڈے کی نئی رینکنگ جاری کردی۔ دنیا کے دو ٹاپ کے اسپنرز ورلڈ کپ کا حصہ نہیں ہیں۔

      تفصیلات کے مطابق  آئی سی سی نے ون ڈے کی نئی رینکنگ جاری کردی بیٹسمین رینکنگ میں جنوبی افریقہ کے ڈی ویلئیرز سرفہرست ہیں جبکہ ہاشم آملہ کا ایک درجہ بہتری کے بعد دوسرا نمبرہے۔

    ٹاپ ٹین بیٹسمینوں میں کوئی پاکستانی شامل نہیں بولرز رینکنگ میں معطل پاکستانی آف اسپنر سعید اجمل پہلے نمبر پر ہیں اور ویسٹ انڈیز کے سنیل نرائن دوسرے نمبر پر موجودہیں۔

    واضح رہے کہ ون ڈے رینکنگ کے دونوں بولرز کرکٹ کے سب بسے بڑے ایونٹ ورلڈ کپ کا حصہ نہیں ہیں۔