Tag: Dubai

دنیا بھر میں نئے سال کے استقبال کا سلسلہ جاری ہے، سالِ نو کے موقع پر ہر سو خوشیوں کی بہاریں ہیں۔

وقت کی سوئی نے جیسے ہی دو ہزار پندرہ کی سوئی کو چھوا تو دنیا کے بیشتر ممالک میں لوگوں کے چہرے کھل اٹھے، دو ہزار پندرہ کا استقبال نہایت پُرجوش انداز میں کیا گیا، دو ہزار چودہ کا آخری سورج سب سے پہلے نیوزی لینڈ میں غروب ہوا۔

سال ِ نو کی تقریبات کا آغاز نیوزی لینڈ کے شہر آکلینڈ کے اسکائی ٹاور پر شاندار آتش بازی سے ہوا، جیسے ہی گھڑی نے بارہ بجائے رات میں دن کا سماء پیدا ہوگیا،  نیوزی لینڈ کے بعد آسٹریلیا میں نئے سال کا استقبال ہوا۔

  دوہزار پندرہ کی آمد کا استقبال سڈنی میں آسمان پر رنگوں کی بہاریں تھیں، آتشبازی کا ایسا مظاہرہ کیا گیا کہ آنکھیں دنگ رہ گئیں۔

جاپان کے دارالحکومت ٹوکیو میں ہزاروں افراد نے فضاء میں غبارے چھوڑ کر نئے سال کو خوش آمدید کہا، دبئی کے برج الخلیفہ پر سال نو کا استقبال کرنے کیلئے آتشبازی کا شاندار مظاہرہ کیا گیا، رات کے بارہ بجتے ہی دنیا کے بلند ترین ٹاور سے رنگ ونور کا سیلاب امڈ آیا، جس نے لوگوں کو اپنے سحر میں جکڑلیا۔

سال نو کی آمد پر ہانگ کانگ ، بیجنگ اور ماسکو میں بھی آتشبازی نے آسمان پر دلفریب رنگ بکھیر دیئے، دو ہزار چودہ اپنے دامن میں دہشت گردی، ظلم و جبر ،غربت وافلاس اور ناانصافی لئے بیت گیا، دو ہزار پندرہ کا آغاز امیدوں آرزووں اور اس دعا کے ساتھ کہ نیاسال امن وترقی کی نوید لائے۔