ARYNews.tv | Urdu – Har Lamha Bakhabar

Tag: Dubai

  • دبئی ٹیسٹ: پاکستانی ٹیم کے بغیر کسی نقصان کے38 رنز

    دبئی ٹیسٹ: پاکستانی ٹیم کے بغیر کسی نقصان کے38 رنز

    دبئی : آسٹریلیا کیخلاف پاکستان ٹیم کی عمدہ کارکردگی کا سلسلہ جاری ہے۔ دبئی ٹیسٹ کی پہلی اننگز میں ایک سو اکیاون رنز کی برتری لینے کے بعد قومی ٹیم نے تیسرے روز کے اختتام تک کوئی وکٹ گنوائےاڑتیس بناکر ایک سونواسی رنز کی برتری حاصل کرلی۔

    دبئی ٹیسٹ کے تیسرے روز آسٹریلوی ٹیم نے ایک سو تیرہ رنز بغیر کسی نقصان کے پہلی اننگز دوبارہ شروع کی۔ پاکستانی بولرز نے عمدہ کارکردگی دکھاتے ہوئے آسٹریلیا کے چار کھلاڑی کھانے کے وقفے تک پویلین واپس پہنچا دیئے۔

    ڈیوڈ وارنر کو ایک سو تینتیس پر یاسر شاہ نے بولڈ کیا۔ بولرز نے برق رفتاری سے کینگروز کی وکٹیں اڑانا شروع کردیں اور پوری ٹیم تین سو تین رنز پر پویلین پہنچا دی۔یاسر شاہ نے تین،ذوالفقار بابر اور راحت علی نے دو،دو کھلاڑیوں کو آؤٹ کیا۔

    پاکستان کو پہلی اننگز میں ایک سو اکیاون رنز کی برتری ملی۔۔ دن کے اختتام تک پاکستان نے دوسری اننگز میں بغیر کسی نقصان کے اڑتیس بناکر مجموعی طور پر ایک سو نواسی رنز کی برتری حاصل کرلی ہے۔ احمد شہزاد بائیس اور اظہر علی سولہ رنز کیساتھ چوتھے روز کا کھیل کا آغاز کرینگے۔

  • دبئی ٹیسٹ: پہلے روز پاکستان نے آسٹریلیا کیخلاف 4 وکٹوں پر219 رنز بنالئے

    دبئی ٹیسٹ: پہلے روز پاکستان نے آسٹریلیا کیخلاف 4 وکٹوں پر219 رنز بنالئے

    دبئی ٹیسٹ : پہلے روز پاکستان نے آسٹریلیا کیخلاف چار وکٹوں پر دو سو انیس رنز بنالئے ہیں، مصباح الحق چونیتس ا ور اسد شفیق نو رنز کیساتھ ناٹ آؤٹ ہے۔

    دبئی ٹیسٹ میں پاکستان نے ٹاس جیت کر بیٹنگ کا فیصلہ کیا، احمد شہزاد اور محمد حفیظ کپتان کے فیصلے کی لاج نہ رکھ سکے، انجری سے نجات حاصل کرنے والے پروفیسر بری فارم سے جان نہ چھڑا سکے اور کھاتہ کھولے بغیر ہی پویلین لوٹ گئے۔

    احمد شہزاد بھی کوئی تیر مارے بغیر 3 رنز پر ٹیم کو مزید مشکلات میں چھوڑگئے،اوپنرز کے جان چھڑانے کےبعد اظہر علی کی نصف سنچری اور یونس خان کی سنچری نے پاکستانی بیٹنگ لائن کو سہارا دیا، اظہر 53 اور یونس خان 106 رنز بنا کر آؤٹ ہوئے۔

    پہلے روز کھیل کے اختتام پر مصباح الحق چونیتس اور اسد شیفق نو رنز کے ساتھ دوسرے روز میدان میں اترے گے۔

  • بیوٹی ورلڈ مشرق وسطیٰ آئندہ سال دبئی میں ہوگی

    بیوٹی ورلڈ مشرق وسطیٰ آئندہ سال دبئی میں ہوگی

    دبئی: فیشن جیولری، قدرتی مصنوعات اور متعلقہ مصنوعات کی بین الاقوامی تجارتی نمائش بیوٹی ورلڈ مشرق وسطیٰ مئی 2015ءمیں متحدہ عرب امارات ( یو اے ای ) کے تجارتی مرکز دبئی میں منعقد ہوگی ۔

     تین روزہ عالمی تجارتی میلے بیوٹی ورلڈ مشرق وسطیٰ کا سب سے بڑا تجارتی میلہ سمجھا جاتا ہے،جو 26 تا 28 مئی 2015 ءتک جاری رہے گا ، پاکستان کے تجارت کے ترقیاتی ادارے (ٹی ڈی اے پی) نے میلے میں شرکت کے خواہشمند اداروں سے 24 اکتوبر 2014ء تک درخواستیں طلب کرلی ہیں ۔

    عالمی نمائش میں ٹوائلٹ کی اشیاء، کاسمیٹکس، پرفیوم، بنیادی میٹریل، قدرتی مصنوعات ، فیشن جیولری، ویل ٹیس ، مینی کیور، پیڈی کیور، سوپ، پیکجنگ میٹریل، کیئر مصنوعات، اسیسریز، سوئمنگ پولز اورحلال مصنوعات تیار و برآمد کرنے والے ادارے شرکت کرکے اپنی مصنوعات کی نمائش کرسکیں گے ،جس سے ملکی برآمدات کے اضافے میں مدد حاصل ہوگی۔

  • دبئی:پاکستانی اوپنرزآسٹریلین بالرزکے سامنے ڈھیر

    دبئی:پاکستانی اوپنرزآسٹریلین بالرزکے سامنے ڈھیر

    دبئی : پاکستان اور آسٹریلیا کے درمیان پہلا ٹیسٹ میچ جاری ہے۔ تفصیلات کے مطابق دبئی میں پاکستان بمقابلہ آسٹریلیا ٹیسٹ سیریز کا پہلا میچ آج کھیلا جا رہا ہے۔

    پاکستان نے ٹاس جیت کر پہلے بیٹنگ کا فیصلہ کیا، لیکن پاکستان کے دونوں اوپننرز محمد حفیظ اور احمد شہزاد توقعات پر پورا نہ اتر سکے، دونوں کھلاڑی سات رنز کے مجموعی اسکور پر پویلین لوٹ گئے۔

    آسٹریلین فاسٹ بالرز مچل جانسن اور پیٹر سڈل نے پاکستانی اوپنرز کو آؤٹ کیا، تازہ ترین اطلاعات کے مطابق اس وقت یونس خان بارہ رنز اور اظہر علی گیارہ رنز کے ساتھ وکٹ پر موجود ہیں ۔

    قومی اسکواڈ میں دو نئے کھلاڑی یاسر شاہ اور عمران خان کو شامل کیا گیا ہے،واضح رہے کہ اگر آسٹریلین ٹیم یہ ٹیسٹ سیریز جیت جاتی ہے تو آسٹریلیاعالمی ٹیسٹ رینکنگ میں پہلے نمبر پر آجائے گا۔

    یاد رہے کہ 1994 سے اب تک پاکستان نے آسٹریلیا کیخلاف ٹیسٹ سیریز میں کوئی کامیابی حاصل نہیں کی ۔

  • دبئی: پاکستان بمقابلہ آسٹریلیا، پہلا ٹیسٹ میچ آج سے شروع ہوگا

    دبئی: پاکستان بمقابلہ آسٹریلیا، پہلا ٹیسٹ میچ آج سے شروع ہوگا

    دبئی : پاکستان اور آسٹریلیا کے درمیان دو میچز کی سیریز کا پہلا ٹیسٹ آج دبئی میں کھیلا جائے گا، گرین شرٹس بیس سال بعد ٹیسٹ سیریز میں کامیابی کے لئے پرعزم ہیں۔

    پاکستان انیس سو چورانوے کے بعد سے آسٹریلیا کے خلاف ٹیسٹ سیریز میں کوئی کامیابی حاصل نہیں کرسکا، یو اے ای میں پاکستان کے پاس تاریخ بدلنے کا سنہری موقع ہے، کپتان مصباح الحق کے لئے سیریز بقا کی جنگ ہوگی، گرین شرٹس کی بولنگ لائن کمزور ہے۔

    تجربہ کار آف اسپنر سعید اجمل، محمد عرفان، جنید خان اور وہاب ریاض ٹیم کا حصہ نہیں ہوں گے، بیٹنگ میں پاکستان یونس خان، محمد حفیظ سمیت سینئیر کھلاڑیوں پر انحصار کرے گا۔

    قومی ٹیم کے ہیڈ کوچ وقار یونس کا کہنا ہے کہ قومی ٹیم میں آسٹریلیا کو شکست دینے کی پوری صلاحیت موجود ہے، امید ہے کہ مصباح ٹیسٹ سیریز میں فارم پھر سے حاصل کرلیں گے۔

    دوسری جانب  ٹی ٹوئنٹی اور ون ڈے میں فتح حاصل کرنے کے بعد کینگروز کے حوصلے بلند ہوں گے، ٹیسٹ سیریز میں وائٹ واش آسٹریلیا کو آئی سی سی رینکنگ میں نمبر ایک پر پہنچا دے گا۔

    آسٹریلوی ٹیم پہلی مرتبہ دبئی کے میدان میں ٹیسٹ میچ کھیل رہی ہے، پاکستانی وقت کے مطابق میچ صبح گیارہ بجے شروع ہوگا۔

  • دبئی: پاکستان اورآسٹریلیا کل پہلے ٹیسٹ میں مدمقابل

    دبئی: پاکستان اورآسٹریلیا کل پہلے ٹیسٹ میں مدمقابل

    دبئی: پاکستان اور آسٹریلیا کے درمیان دو میچز کی سیریز کا پہلا ٹیسٹ کل سے دبئی میں کھیلا جائے گا۔ گرین شرٹس بیس سال بعد ٹیسٹ سیریز میں کامیابی کے لئے پرعزم ہیں۔

    پاکستان انیس سو چورانوے کے بعد سے آسٹریلیا کے خلاف ٹیسٹ سیریز میں کوئی کامیابی حاصل نہیں کرسکا۔ یو اے ای میں پاکستان کے پاس تاریخ بدلنے کا سنہری موقع ہے۔

    کپتان مصباح الحق کے لئے سیریز بقاء کی جنگ ہوگی، گرین شرٹس کی بولنگ لائن کمزور ہے۔ تجربہ کار آف اسپنر سعید اجمل، محمد عرفان، جنید خان اور وہاب ریاض ٹیم کا حصہ نہیں ہوں گے۔

    بیٹنگ میں پاکستان یونس خان، محمد حفیظ سمیت سینئیر کھلاڑیوں پر انحصار کرے گا۔ قومی ٹیم کے ہیڈ کوچ وقار یونس کا کہنا ہے کہ قومی ٹیم میں آسٹریلیا کو شکست دینے کی پوری صلاحیت موجود ہے۔

    امید ہے کھلاڑی توقعات کے مطابق کارکردگی دکھائیں گے۔ وقاریونس ادھرٹی ٹوئنٹی اورون ڈے میں فتح حاصل کرنے کے بعد کینگروز کے حوصلے بلند ہوں گے۔

    ٹیسٹ سیریزمیں وائٹ واش آسٹریلیا کو آئی سی سی رینکنگ میں نمبر ایک پرپہنچادے گا۔ آسٹریلوی ٹیم پہلی مرتبہ دبئی کے میدان میں ٹیسٹ میچ کھیل رہی ہے۔ پاکستانی وقت کے مطابق میچ صبح گیارہ بجے شروع ہوگا۔

  • پاکستان آئی ایم ایف مذاکرات انتیس اکتوبر سے دبئی میں ہونگے

    پاکستان آئی ایم ایف مذاکرات انتیس اکتوبر سے دبئی میں ہونگے

    اسلام آباد: آئی ایم ایف اور پاکستان کے درمیان مذاکرات کا دور انتیس اکتوبر سے دبئی میں شروع ہوگا ۔مذاکرات دبئی میں انتیس اکتوبر سے سات نومبر تک جاری رہیں گے ۔

    ان مذاکرات میں وزیرخزانہ اسحاق ڈار اور آئی ایم ایف کے مشن برائے پاکستان کے سربراہ جیفری فرینکس اپنے اپنے وفد کی صدارت کریں گے۔

    آئی ایم ایف کی شرائط کو پورا کرنے کے لیےحکومت نے بجلی کی قیمتوں میں اضافہ کردیا ہے جس سے بلوں سے تنگ عوام کو ایک اور جھٹکا لگ گیاہے۔

    حکومتی معاشی اقدامات تسلی بخش ہونے کی صورت میں توقع ہے کہ دسمبر میں آئی ایم ایف پاکستان کو منظور شدہ قرض کی دو اقساط یکمشت  جاری کر دے گا۔ جس کی مجموعی مالیت ایک ارب دس کروڑ ڈالر ہوگی۔

  • دبئی میں انوکھی بگ بوائے ٹوائز ایکسپو کا انعقاد

    دبئی میں انوکھی بگ بوائے ٹوائز ایکسپو کا انعقاد

    دبئی: انوکھی بگ بوائے ٹوائز ایکسپو کا اہتمام کیا گیا، جس میں بچوں کی ریسنگ موٹر سائیکلوں سمیت قیمتی گاڑیاں نمائش کے لئے پیش کی گئیں۔

    دبئی میں ہونے والی اس تین روزہ نمائش میں رکھے گئے کھلونے میں بچوں کے ساتھ ساتھ بڑوں نے بھی دلچسپی کا اظہار کیا اور بچپن کی یادوں کو تازہ کر تے ہوئے ان کھلونوں سے خوب انجوائے کیا۔

    اس نمائش میں لڑکوں کی من پسند ریسنگ موٹر سائیکلوں سے لے کر جدید ترین گاڑیوں کے پر تعیش اور قیمتی ماڈل بھی رکھے گئے تھے، جن میں لمبر گینی ، راریز اور رولز رائس جیسی گاڑیاں بھی شامل تھیں۔

    اس تین روزہ بگ بوائے ٹوائز میں چالیس ہزار لوگوں نے شرکت کی۔

  • دبئی ون ڈے، آسٹریلیا نے پاکستان کو5 وکٹوں سے شکست دے دی

    دبئی ون ڈے، آسٹریلیا نے پاکستان کو5 وکٹوں سے شکست دے دی

    دبئی: آسٹریلیا نے پاکستان کو دوسرے ون ڈے میں پانچ وکٹوں سے شکست دیکر تین میچوں کی سیریز دو صفر سے جیت لی۔

    آسٹریلیا کے خلاف دوسرے ون ڈے میں پاکستانی کپتان مصباح الحق نے ٹاس جیت کر بے جھجک بیٹنگ کا فیصلہ کیا، اوپنر نے کپتان کے فیصلے کی لاج بھی رکھی۔ احمد شہزاد اور سرفراز احمد نے ایک سو چھبیس رنز کی شراکت قائم کرکے پاکستان کو آئیڈیل آغاز فراہم کیا۔ اوپنرز کے جان لڑانے کےبعد مڈل آڈر اور ٹیل اینڈرز نے جان چھڑائی۔ تاہم پاکستانی ٹیم دوسو پندرہ رنز پر ڈھیر ہوگئی۔

    جواب میں معمولی ہدف دیکھ کر کینگروز بھی بولرز پر ایسے جھپٹے کہ شاہینوں کے تمام حربے ناکام ہوئے، محمد عرفان،آفریدی اور رضا حسن ایک بھی بلے بازوں کو مشکل میں نہ ڈال سکے، گلن میکسویل کی چھہتر رنز کی بدولت آسٹریلیا نے چوالیسویں اوور میں ہدف حاصل کرکے ایک اور سیریز اپنے نام کی۔

  • پاکستان بمقابلہ آسٹریلیا،مصباح کا ٹاس جیت کر بیٹنگ کا فیصلہ

    پاکستان بمقابلہ آسٹریلیا،مصباح کا ٹاس جیت کر بیٹنگ کا فیصلہ

    دبئی: پاکستان آسٹریلیا سیریزکا دوسرا ون ڈے میچ آج دبئی میں کھیلا جارہا ہے، قومی ٹیم کا ٹاس جیت کر بیٹنگ کا فیصلہ، انور علی کی جگہ اسپنر رضاحسن ٹیم میں شامل ہیں۔

    تفصیلات کے مطابق پاکستان اور آسٹریلیا کے درمیان ون ڈے سیریز کا دوسرا میچ آج دبئی میں کھیلاجارہا ہے۔ کپتان مصباح الحق نے ٹاس جیت کر بیٹنگ کا فیصلہ کیا ہے۔

    قومی ٹیم میں انور علی کی جگہ اسپنررضاحسن کو شامل کیا گیا ہے، تازہ ترین اطلاعات کے مطابق اوپنراحمد شہزاد اورسرفرازاحمد نے اب تک تین اوورز میں سولہ رنز اسکور کئے ہیں۔