کراچی: پاکستان پیپلزپارٹی کے رہنما سابق صدر آصف علی زرداری کراچی پہنچ گئے، پارٹی رہنماوں کا اہم اجلاس طلب کرلیا ۔
پاکستان پیپلز پارٹی کے سربراہ سابق صدر پاکستان آصف علی زرداری نے ملکی صورت حال پر غور اور مشاورت کے لیے کراچی میں اہم اجلاس طلب کیا ہے، پاکستان پیپلز پارٹی کے رہنما سید خورشید شاہ کا کہنا ہےکہ ملک کی غیر معمولی سیاسی صورتحال کی وجہ سے آصف علی زرداری کراچی پہنچ گئے ہیں جہاں وہ پارٹی رہنماوں سے موجودہ صورتحال پر اہم مشاورت کریں گے،پہلے یہ اجلاس دبئی میں طلب کیا گیا تھا۔
دبئی: بلاول بھٹو زرداری نے کشیدہ صورتحال کا حل مذاکرات کو قرار دے دیا، دبئی میں ہونے والے پیپلزپارٹی کی سینٹرل ایگزیکٹو کمیٹی اجلاس میں کچھ پی پی ارکان وزیر اعظم کے استعفے کے حامی بھی تھے۔ اجلاس کی صدارت سرپرستِ اعلیٰ بلاول بھٹو زردری اور سابق صدر آصف علی زرداری نے کی۔
دبئی میں بلاول بھٹو زرداری کی زیر صدارت پاکستان پیپلزپارٹی کی سینٹرل ایگزیکٹو کمیٹی اجلاس کی اندرونی کہانی سامنے آگئی، ذرائع کے مطابق پی پی ارکان نے اظہار خیال کرتے ہوئے کہا کہ موجودہ صورتحال ن لیگ کی اپنی پیدا کردہ ہے، جس سے وہ خود ہی نمٹے گی۔
اجلاس میں شریک پیپلزپارٹی کے کچھ ارکان وزیراعظم کے مستعفی ہونے کے حامی تھے، ذرائع کا کہنا ہے کہ بلاول بھٹو زرداری نے مذاکرات کو ہی صورتحال کا بہترین حل قرار دیتے ہوئے کہا کہ حکومت کارکردگی دکھائے گی توکوئی غیرجمہوری عمل نہیں ہوگا۔
بلاول بھٹو زرداری نے سندھ حکومت کی کارکردگی پر بھی شدید تنقید کی۔
واضح رہے کہ پارٹی کا یہ اجلاس ان حالات میں ہوا ہے، جب پاکستان تحریکِ انصاف اور پاکستان عوامی تحریک کی جانب سے اپنے اپنے مطالبات کو منوانے کے لیے اسلام آباد میں دھرنا دے رکھا ہے اور ملک میں ایک سیاسی بحران جاری ہے۔
دبئی : پاکستان اور آئی ایم ایف کے درمیان دبئی میں مذاکرات کا چوتھا دور ختم ہوگیا، قرض کی پانچویں قسط کا اعلان آئی ایم ایف حکام اور وزیر خزانہ اسحاق ڈارکی مشترکہ پریس کانفرنس میں کیا جائے گا۔
عالمی مالیاتی ادارہ پاکستان کو پچپن کروڑ ڈالر مالیت کی قرضے کی پانچویں قسط جاری کرے گا، دبئی میں پاکستان اور آئی ایم ایف کے درمیان جاری مذاکرات کے چوتھے دور کے اختتامی مرحلے میں وفاقی وزیر خزانہ اسحاق ڈار بھی دبئی پہنچ گئے۔
اسحاق ڈار اور آئی ایم ایف کے ڈائریکٹر جیفری فرینک مشترکہ نیوز کانفرنس سے خطاب کریں گے۔
وزیر خزانہ کے مطابق آئی ایم ایف نے اپنے نمائندہ گان کو موجودہ سیاسی صورت حال کے باعث پاکستان کے سفر سے منع کیا ہے، جس کے باعث مذاکرات دبئی میں منعقد کرائے گئے۔
دبئی: انٹرنیشنل کرکٹ کونسل نے آئندہ سال دو روایتی حریفوں پاکستان اور بھارت کے درمیان باہمی سیریز کی تصدیق کردی۔اے آر وائی نیوز نے رواں سال اپریل میں پاکستان اور بھارت کے درمیان باہمی سیریز کی خبر سب سے پہلے بریک کی تھی جس کی تصدیق تین ماہ بعد آئی سی سی نے بھی کردی۔ آئی سی سی کا کہنا ہے کہ دسمبر دوہزار پندرہ میں پاکستان اور بھارت کے درمیان پہلی سیریز ہوگی۔
سیریز کی میزبانی پاکستان یو اے ای میں کرسکتا ہے جو دو ٹیسٹ، پانچ ون ڈے اور دو ٹی ٹوئنٹی پر مشتمل ہوگی۔ دونوں ممالک کے درمیان دوہزار پندرہ سے دوہزار تئیس تک کے فیوچر ٹور پروگرام میں چھ سیریز شیڈول ہیں۔ ان آٹھ سالوں میں پاکستان اور بھار ت بارہ ٹیسٹ، تیس ون ڈے اور گیارہ ٹی ٹوئنٹی میں مدمقابل ہوں گے۔ بھارت دو سیریز کی میزبانی کرے گا۔
آئی سی سی کے چئیرمین سری نیواسن کا کہنا ہے کہ پاک بھارت کرکٹ روابط بحال کرنے کی تجویز رکھی گئی تھی اور معاہدے کے تحت دونوں ٹیمیں جلد ایکشن میں دکھائی دیں گی۔
دبئی : پاکستان آئی ایم ایف کے درمیان مذاکرات کے تکنیکی دور کا اغاز کل سے دبئی میں ہوگیا ہے، پاکستانی وفد کی سربراہی سیکریٹری خزانہ کر رہے ہیں۔
وزارت خزانہ زرائع کے مطابق قرض کی نئی قسط کے حصول کیلئے گزشتہ مالی سال کی چوتھی سہماہی کا معاشی جائزہ لیا جائے گا، پالیسی مذاکرات کی سربراہی سیکریٹری خزانہ وقار مسعود کر رہے ہیں جب کہ وزیر خزانہ مذاکرات کے آخر دو زور پاکستانی ٹیم کی قیادت کریں گے۔
ایف بی آر حکام اور دیگر اہم اشخاص یو ائے ای کا ویزہ نہ ملنے کے باعث مزاکرات میں شریک نہیں ہوسکے ہیں، زرائع کے مطابق مذاکرات کی کامیابی کی صورت میں پاکستان کو پچپن کروڑ ڈالر ملیں گے۔
دبئی : پاکستان اور آئی ایم ایف کے درمیان مذاکرات کا آغاز آج سےدبئی میں ہورہاہے۔وزارت خزانہ کے ذرائع کے مطابق حکومت اور آئی ایم ایف کے درمیان مذاکرات آج سے دبئی میں ہورہے ہیں ۔مذاکرات میں گزشتہ مالی سال کی چوتھی سہہ ماہی کا معاشی جائزہ لیا جائے گا۔
ذرائع کے مطابق آئی ایم ایف کی جانب سے بجلی کی سبسڈی اور اضافے کا اطلاق نہ ہونے پر اعتراضات اٹھائےجانے کا امکان ہے۔حکومت نے رواں مالی سال کے بجٹ میں بجلی اورگیس کی قیمتوں اضافے کا اعلان کیا تھا۔
دبئی :کرکٹ کے بگ تھری بھارت اور انگلینڈ میں مک مکا ہوگیا۔ آئی سی سی جوڈیشل کمیشن نے جیمز اینڈرسن اور راویندر جدیجا کو عدم ثبوت کی بنا پر چھوڑدیا۔ انگلش فاسٹ بولر جیمز اینڈرسن اور بھارتی آل راؤنڈر رایندر جدیجا کے درمیان پہلے ٹیسٹ کے دوسرے روز تلخ کلامی ہوئی۔
بھارتی ٹیم مینجمنٹ نے جیمز اینڈرسن پر جدیجا کو دھکا اور نازیبا الفاظ استعمال کرنے کا الزام لگایا۔ جس پر آئی سی سی نے جیمز اینڈرسن پر لیول تھری کا چارج لگایا۔ اینڈرسن جدیجا تنازعے کی سماعت چھ گھنٹے تک جاری رہی۔
جس کے بعد آئی سی سی جوڈیشل کمیشن نے دونوں کھلاڑیوں کو بے قصور قرار دے دیا۔ آئی سی سی جوڈیشل کمیشن کا کہنا ہے کہ اینڈرسن اور جدیجا نے کوڈآف کنڈیکٹ کی خلاف ورزی نہیں کی دونوں کھلاڑیوں کو عدم ثبوت کی بناپر چھوڑا ہے۔
دبئی : دبئی سے پشاورآنے والی نجی ایئرلائن کی پرواز نو گھنٹے بعد بھی منزل پرنہ پہنچ سکی۔دبئی ایئرپورٹ پرموجود مسافروں کو شدید مشکلات کا سامنا کرناپڑرہاہے۔نجی ایئرلائن بھی قومی ایئرلائن کےنقش قدم پر چل پڑی۔،طیاروں کی تاخیر معمول بن گئی ۔دبئی سے پشاورکیلئے اڑان بھرنےوالی نجی ایئرلائین کی پرواز نو گھنٹے بعدبھی منزل کی جانب روانہ نہ ہوسکی۔
طیارےکو رات تین بجے پشاور کےلئے پروازکرناتھی۔صبح سات بجے مسافروں کو جہازمیں بٹھایاگیادوگھنٹے گزرجانے کے بعدنو بجے دوبارہ آف لوڈکرالیاگیا۔دبئی ایئرپورٹ پرموجود مسافروں کو شدید مشکلات کا سامناہے۔ عیدکی خوشیاں اپنوں کے ساتھ منانے والوں کا دیار غیر ایئرپورٹ پر کوئی پرسان حال نہیں، نجی ایئرلائن کا عملہ بھی طیارے کی روانگی سے متعلق کچھ بتانے سے قاصرہے۔
دبئی : پاکستان اور عالمی مالیاتی ادارے کے درمیان چوتھے جائزے کےلئے مذاکرات کاآغاز چھ اگست سے دبئی میں ہوگا۔
ذرائع کے مطابق تکنیکی مذاکرات میں وزارت خزانہ، ایف بی آر اور اسٹیٹ بینک کے نمائندگان کے ساتھ وزارت پانی و بجلی حکام بھی مذاکرات میں شریک ہوں گے۔
ذرائع کے مطابق آئی ایم ایف کو گزشتہ مالی سال کی آخری سہ ماہی کا ڈیٹا فراہم کرنا ہے، جس کے لیے متعلقہ وزارتوں اور اداروں کو ہدایت کی گئی ہے کہ آئندہ ہفتے تک تمام متعلقہ ڈیٹا اور ریکارڈ وزارت خزانہ کے ایکسٹرنل فنانس ونگ کو پہنچا دیں۔
