ARYNews.tv | Urdu – Har Lamha Bakhabar

Tag: Dubai’s

  • فلپائن کا 121 واں قومی دن، برج خلیفہ فلپائنی پرچم کے رنگ میں رنگ گیا

    فلپائن کا 121 واں قومی دن، برج خلیفہ فلپائنی پرچم کے رنگ میں رنگ گیا

    دبئی/منیلا : فلپائن کے 121 ویں قومی دن کے موقع پر اماراتی حکام نے دنیا کی بلند ترین عمارت برج خلیفہ کو فلپائن کے پرچم سے سجا دیا۔

    تفصیلات کے مطابق متحدہ عرب امارات کے وزیر داخلہ انور قرقاش نے فلپائن کے قومی دن کے حوالے سے فلپائنی شہریوں کو ہدیہ تبریک و تہنیت پیش کرتے ہوئے کہا ہے کہ فلپائنی عوام کی کامیابی ہماری کامیابی ہے۔

    عربی خبر رساں ادارے کا کہنا تھا کہ وزیر داخلہ انور قرشاش نے سماجی رابطے کی ویب سائٹ پیغام دیا کہ ’فلپائن کی عوام نگینے کی طرح ہماری زمین، ہمارے دل اور ہماری تاریخ سے جڑے ہوئے ہیں‘۔

    اماراتی حکام کا کہنا تھا کہ اماراتی اور فلپائنی عوام و حکام مل کر کام کریں گے تاکہ ساتھ کامرانی حاصل کریں اور مشترکا طور پر ترقی کی سیڑھیاں چڑھیں۔

    اماراتی خبر رساں ادارے کا کہنا تھا کہ متحدہ عرب امارات میں تقریباً ساڑھے سات لاکھ سے دس لاکھ کے قریب فلپائنی شہری آباد ہیں۔

    عرب میڈیا کا کہنا تھا کہ اماراتی حکام کی جانب سے فلپائن کے 121 ویں قومی دن کے موقع پر دنیا کی بلند ترین عمارت برج خلفیہ پر روشنیوں کی مدد سے فلپائنی پرچم بنایا گیا تھا۔

  • سانحہ سری لنکا کے متاثرین سے اظہار یکجہتی، برج الخلیفہ سری لنکن پرچم کے رنگوں‌ میں‌ ڈھل گیا

    سانحہ سری لنکا کے متاثرین سے اظہار یکجہتی، برج الخلیفہ سری لنکن پرچم کے رنگوں‌ میں‌ ڈھل گیا

    دبئی : سری لنکا دھماکوں میں متاثر ہونے والے افراد سے اظہار یکجہتی کے لیے اماراتی حکام نے برج الخلیفہ کو سری لنکا کے پرچم سے مزین کردیا۔

    تفصیلات کے مطابق متحدہ عرب امارات کی ریاست دبئی میں واقع دنیا کی بلند ترین عمارت برج الخلیفہ گزشتہ شب سری لنکا کے جھنڈے سے سجا دیا جس کا مقصد ایسٹر سنڈے کے موقع پر سری لنکا میں ہونے والے دھماکوں میں ہلاک و زخمی ہونے والے افراد سے اظہار یکجہتی کرنا تھا۔

    برج الخیفہ کی انتظامیہ نے آفیشل سماجی رابطے کی ویب سائٹ پر سری لنکا کے قومی پرچم سے جگمگانے کی تصویر شائع کرتے ہوئے تحریر کیا کہ برج الخلیفہ ایک ایسی دنیا چاہتا ہے جہاں برداشت اور رواداری ہو۔

    اماراتی خبر رساں ادارے کا کہنا تھا کہ برج الخلیفہ کے علاوہ ابو ظبی آئیکونک بلڈنگ، شیخ زید پُل، اے ڈی این او سی اور کپیٹل گیٹ بھی سری لنکا کے پرچم سے مزین تھا۔

    مزید پڑھیں : سری لنکا دھماکے، ہلاکتوں کی تعداد 359 ہوگئی

    خیال رہے کہ گزشتہ اتوار کے سری لنکا میں عیسائیوں کے مذہبی تہوار ایسٹر سنڈے کے موقع پر تین گرجا گھروں اور چار ہوٹلوں میں ہولناک دھماکے ہوئے تھے جس کے نتیجے میں 259 افراد ہلاک جبکہ 500 سے زائد افراد زخمی ہوئے تھے۔

  • مسلمانوں سے اظہار یکجہتی، اماراتی حکام کا جیسنڈا آرڈرن کو منفرد انداز میں خراج تحسین

    مسلمانوں سے اظہار یکجہتی، اماراتی حکام کا جیسنڈا آرڈرن کو منفرد انداز میں خراج تحسین

    دبئی : مسلمانوں سے اظہار یکجہتی پر اماراتی حکام نے کیوی وزیر اعظم کو خراج تحسین پیش کرتے ہوئے برج خلیفہ کو جیسنڈا آرڈرن کی تصویر سے مزین کردیا۔

    تفصیلات کے مطابق متحدہ عرب امارات کے نائب صدر و وزیر اعظم اور ریااست دبئی کے حاکم شیخ محمد بن راشد المکتوم نے جیسنڈا آرڈرن کو خراج تحسین پیش کرتے ہوئے کہا کہ جیسنڈا نے ہمدردی، اور رحم دلی کی اعلیٰ مثال کردی۔

    شیخ محمد بن راشد المکتوم نے کرائسٹ چرچ میں واقع مساجد پر دہشت گردانہ حملوں کے بعد مسلمانوں کی حمایت پر جیسنڈا آرڈرن کی تعریف کرتے کہا کہ نیوزی لینڈ کی مضبوط قیادت کی دنیا بھر میں دھوم ہے، کیوی وزیر اعظم نے مسلمانوں کے دل جیت لیے۔

    اماراتی حکام اور عوام نے جیسنڈا آرڈرن کو مسلمانوں کی بھرپور حمایت کرنے پر منفرد انداز میں خراج تحسین پیش کیا اور دنیا کی بلند ترین عمارت برج خلیفہ پر وزیر اعظم جیسنڈا کی تصویر سے مزین کرکے سلام پیش کیا۔

    اماراتی خبر رساں ادارے کا کہنا ہے کہ جیسنڈا آرڈرن کی کرائسٹ چرچ حملے کے متاثرین کو گلے لگاکر دلاسہ دیتے ہوئے تصویر برج خلیفہ پر مزین ہوئی دیکھنے والوں سلام پیش کیا۔

    حکام دبئی شیخ محمد نے جمعے کے روز ٹویٹر پر برج خلیفہ کی جیسنڈا آرڈرن کی تصویر سے مزین تصویر شیئر کرتے ہوئے لکھا کہ ’آج نیوزی لینڈ نے کرائسٹ چرچ شہداء کے احترام میں دومنٹ کی خاموشی کی‘۔

    شیخ محمد نے لکھا کہ کرائسٹ چرچ میں مساجد پر حملے کے بعد جب مسلمان صدمے میں تھے اس وقت نیوزی لینڈ کی حکومت اور وزیر اعظم جیسنڈا آرڈرن کے خلوص، ہمدردی اور معاونت نے ڈیڑھ ارب مسلمانوں کے دل جیت لیے ہیں’ شکریہ جیسنڈا آرڈرنا ور شکریہ نیوزی لینڈ‘۔

  • برج خلیفہ پر بنائی گئی ویڈیو نے ول اسمتھ کی مقبولیت میں‌ مزید اضافہ کردیا

    برج خلیفہ پر بنائی گئی ویڈیو نے ول اسمتھ کی مقبولیت میں‌ مزید اضافہ کردیا

    دبئی : برج خلفیہ پر بنائی گئی ویڈیو شیئر کرنے کے بعد ہالی ووڈ اداکار ول اسمتھ کی سوشل میڈیا پر مقبولیت میں بے پناہ اضافہ ہوگیا۔

    سوشل میڈیا کا استعمال بہت عام ہوچکا ہے، کسی کو ٹویٹڑ زیادہ پسند ہے کسی کو فیس بک تو کسی کو انسٹاگرام، ہم اپنے دوستوں سے باتیں، تصاویر شیئر کرنے کیلئے سوشل میڈیا کا استعمال کرتے ہیں اسی طرح ہالی ووڈ کی مشہور و معروف شخصیات بھی اپنے مداحوں سے رائے، تصاویر اور خبریں شیئر کرنے کیلئے سوشل میڈیا کا سہارا لیتے ہیں۔

    اماراتی خبر رساں ادارے کا کہنا ہے کہ ہالی ووڈ اسٹار ول اسمتھ نے متحدہ عرب امارات کی ریاست دبئی میں واقع دنیا کی بلند ترین عمارت برج خلیفہ پر بنائی گئی اپنی ویڈیو سوشل میڈیا پر شیئر کی ان کی مقبولیت میں بے پناہ اضافہ ہوگیا ہے۔

    View this post on Instagram

    Pppsshhhhkkeewww⁣ ⁣ @willsmithsbucketlist

    A post shared by Will Smith (@willsmith) on

    خبر رساں ادارے کا کہنا ہے کہ شوخ مزاج اسٹار ول اسمتھ دنیا کی بلند ترین عمارت پر بنائی گئی اپنی ویڈیو سوشل میڈیا پر اپلوڈ کرنے کے بعد دس ویں نمبر سے تیسرے نمبر پر آگئے ہیں۔

    ول اسمتھ نے سماجی رابطے کی ویب سائٹس پر وائرل ہونے والی ویڈیو میں خود کو ’دبئی کا روحانی جانور‘ کہہ کر مخاطب کررہے ہیں اور عجیب و غریب آوازیں بھی نکال رہے ہیں۔

    غیر ملکی خبر رساں ادارے کا کہنا تھا کہ ول اسمتھ کی ویڈیو کو اب تک صرف انسٹا گرام پر 78 لاکھ صارفین دیکھ چکے ہیں۔

  • سعودی عرب کا قومی دن، برج خلیفہ سعودی پرچم کے رنگ میں رنگ گیا

    سعودی عرب کا قومی دن، برج خلیفہ سعودی پرچم کے رنگ میں رنگ گیا

    ابوظہبی/ریاض: سعودی عرب کے  88 ویں قومی دن کے موقع پر اماراتی حکام نے سعودی پرچم کو برج خلفیہ کی زینت بنا دیا، اماراتی وزیر داخلہ انور قرقاش نے کہا ہے کہ ہماری کامیابی کے لیے سعودی ریاست کی کامرانی ضروری ہے۔

    تفصیلات کے مطابق متحدہ عرب امارات کے وزیر داخلہ انور قرقاش نے سعودی عرب کے قومی دن کے حوالے سے سعودی شہریوں کو ہدیہ تبریک و تہنیت پیش کرتے ہوئے کہا ہے کہ یو اے ای کی کامرانی کے لیے سعودی عرب  کا کامیاب ہونا لازمی ہے۔

    عربی خبر رساں ادارے کا کہنا تھا کہ وزیر داخلہ انور قرشاش نے سماجی رابطے کی ویب سائٹ ٹویٹر سعودی عرب کے قومی دن 23 ستمبر کے حوالے سے نیک تمناؤں کا اظہار کرتے ہوئے سعودی عوام اور ریاست کے دائمی استحکام اور ترقی کی دعا کی۔

    اماراتی وزیر داخلہ کا کہنا تھا کہ اماراتی اور سعودی حکام مل کر کام کریں گے تاکہ ساتھ کامرانی حاصل کریں اور مشترکا طور پر ترقی کی سیڑھیاں چڑھیں کیوں ہم جانتے ہیں کہ ہماری کامیابی کی بنیاد سعودی عرب پر منحصر ہے۔

    واضح رہے کہ اماراتی حکام کی جانب سے سعودی عرب کے 88 ویں قومی دن کے موقع پر خصوصی مہر تیار کی گئی ہے جو متحدہ عرب امارات آنے والے سعودی شہریوں کا استقبال کرنے کے لیے 23 ستمبر تک ان کے پاسپورٹ پر لگائی جائے گی۔

    عرب میڈیا کا کہنا تھا کہ اماراتی حکام کی جانب سے سعودی عرب کے 88ویں قومی دن کے موقع پر دنیا کی بلند ترین عمارت برج خلفیہ پر روشنیوں کی مدد سے سعودی پرچم بنایا گیا تھا۔

  • دبئی: ضرورت مندوں کو سحروافطار کرانے کا انوکھا انداز، فریج گھروں سے باہر رکھ دئیے گئے

    دبئی: ضرورت مندوں کو سحروافطار کرانے کا انوکھا انداز، فریج گھروں سے باہر رکھ دئیے گئے

    دبئی: متحدہ عرب امارات میں ضرورت مندوں کو سحروافطار کرانے کے لیے انوکھا انداز اپنایا گیا ہے، مخیر حضرات نے کھانے کی اشیاء سے بھرے فریج گھروں سے باہر نکال کر رکھ دئیے ہیں۔

    عرب میڈیا کے مطابق دبئی میں 100 سے زائد رمضان شیئرنگ فریج رکھے جاچکے ہیں اور ان کی تعداد میں روز بروز اضافہ ہورہا ہے، گھروں سے باہر کھانے کے فریج رکھے دیکھ کر ضرورت مند آتے ہیں اور فریج میں رکھے پسندیدہ کھانوں کو نوش فرماتے ہیں۔

    مخیر حضرات کی جانب سے ضرورت مند اور غریب افراد کو سحری و افطاری کرانے کا یہ منفرد طریقہ ثواب کے لیے کیا جاتا ہے، یہ طریقہ ایسے افراد جو گھروں سے دور ہیں اور افطاری کا اہتمام نہیں کرپاتے ان کے لیے بھی نہایت موثر ثابت ہوا ہے۔

    رمضان شیئرنگ فریج میں جو اشیاء رکھی گئی ہیں ان میں پانی، جوس، کیلے، سیب، انگور، اورنج، تربوز، کھجور، بسکٹس، مونگ پھلی، کھیرے، چپس ودیگر شامل ہیں۔

    دبئی کی رہائشی ایک خاتون کے مطابق انہوں نے شہر کے مختلف مقامات پر کھانے پینے کی چیزوں سے بھرے فریج رکھوائے ہیں جن میں کھانے کا سامان رکھنے کے لیے ملازم بھی موجود ہیں۔

    واضح رہے کہ رمضان شیئرنگ فریج کا آغاز 2016 میں دبئی میں رہائش پذیر 31 سالہ آسٹریلوی خاتون سمیہ سید نے کیا تھا جو ایمریٹس ریڈ کریسنٹ اور اسلامک افیئرز اینڈ چیری ٹیبل ایکٹی ویٹیز ڈپارٹمنٹ سے لائسنس یافتہ ہیں۔

    گزشتہ سال بھی دبئی میں رمضان شیئرنگ فریج رکھے گئے تھے امسال ان کی تعداد میں اضافہ ہوا ہے، سمیہ سید کا کہنا ہے کہ ہمارا مقصد فریج کی تعداد بڑھانا ہی نہیں ہے بلکہ اس بات کو بھی یقینی بنانا ہے کہ اس میں روزانہ کی بنیاد پر اشیاء بھی رکھی جائیں۔

    خبر کے بارے میں اپنی رائے کا اظہار کمنٹس میں کریں‘ مذکورہ معلومات  کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں

  • دبئی: شکایت کرنے والے شہری کو وزارت میں منصب سونپ دیا گیا

    دبئی: شکایت کرنے والے شہری کو وزارت میں منصب سونپ دیا گیا

    دبئی: متحدہ عرب امارات کے نائب صدر اور دبئی کے حکمراں شیخ محمد بن راشد المکتوم نے شکایت کرنے والی امارتی شہری علی المزروعی کو سماجی بہبود کی وزارت میں سماجی محقق کے منصب پر فائز کردیا۔

    علی المزروعی نے 3 اپریل کو عجمان ریڈیو کو کال کی تھی تاکہ شہریوں بالخصوص محدود آمدنی کے حامل افراد کو درپیش ضروریات کے بارے میں آگاہ کیا جاسکے۔

    المزروعی کی شکایت ریڈیو پروگرام کے میزبان کو کام سے روک دئیے جانے کا سبب بھی بن گئی، مذکورہ ریڈیو میزبان نے مسئلے کو خاطر خواہ اہمیت نہ دیتے ہوئے مناسب طور پر معاملہ حل نہیں کیا تھا۔

    شیخ محمد بن راشد المکتوم نے سماجی رابطے کی ویب سائٹ ٹویٹر پر اپنے پیغام میں کہا کہ آج ہم نے امارتی شہری علی المزروعی کو اجلاس میں خوش آمدید کہا اور سماجی بہبود کی خاتون وزیر کے منصوبے کو سنا، آٗئندہ تین برسوں کے لیے محدود آمدنی والے تمام طبقوں کے لیے 11 ارب درہم کی سماجی امداد کی منظوری دی۔

    انہوں نے کہا کہ ہم نے علی المزروعی کا سماجی بہبود کی وزارت میں سماجی محقق تقرر کیا ہے، انہوں نے گزشتہ روز علی المزروعی کو دعوت دی تھی کہ وہ اتوار کے روز کابینہ کے اجلاس میں شریک ہوں۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔