Tag: during ramzan

  • رمضان کی پہلی سحری،کئی شہروں میں بجلی غائب،شہری پریشان

    رمضان کی پہلی سحری،کئی شہروں میں بجلی غائب،شہری پریشان

    اسلام آباد: بجلی کی تقسیم کارکمپنیوں نے وزیراعظم کے لوڈ شیڈنگ نہ کرنے کے احکامات کو ہوا میں اڑادیا۔

    رمضان المبارک کی پہلی سحری کے موقع پر ملک کے مختلف شہروں میں روزے داروں نے اندھیرے میں سحر کا اہتمام کیا، تقسیم کار کمپنیوں کو احکامات جاری کیے گئے تھے کہ رمضان المبارک میں سحراورافطار کے اوقات میں بجلی کی لوڈشیڈنگ نہ کی جائے۔

    ملک کے سب سے بڑے شہر کراچی میں سحری کے اوقات میں بجلی غائب رہی، جس کے باعث شہریوں کو شدید مشکلات کا سامنا کرنا پڑا، گلستان جوہر، گلشن اقبال، ابوالحسن اصفہانی روڈ، فیڈرل بی ایریا،ملیر، شاہ فیصل کالونی سمیت مختلف علاقے بجلی نہ ہونے کے باعث اندھیرے میں ڈوبے رہے جہاں شہریوں نے شدید مشکلات میں رمضان المبارک کی پہلی سحری کی۔

    دوسری جانب پنجاب کے مختلف شہروں میں بھی یہی حال رہا ، فیصل آباد میں اولڈ تھرمل گرڈ اسٹیشن کے ٹرانسفارمر میں فنی خرابی کے باعث پانچ فیڈر کو بجلی فراہمی متاثر ہوئی، متاثرہ فیڈرز میں منصورآباد، گلستان کالونی، ہجویری پارک، اسلامیہ پارک اورڈی ایچ کیو شامل رہے۔

    گجرات، میانوالی، بورے والا، پیرمحل، حویلی لکھا، ٹھٹھہ، کشمور اور کوہلو کے مختلف علاقوں میں شہریوں کو بجلی کی بندش کا سامنا کرنا پڑا۔

  • محکمہ موسمیات نے پاکستانی عوام کو خوشخبری سنادی

    محکمہ موسمیات نے پاکستانی عوام کو خوشخبری سنادی

    اسلام آباد: محکمہ موسمیات نے پاکستانی عوام کو خوشخبری سنادی ہے، رمضان المبارک میں ملک کے بیشتر علاقوں میں خوشگوارموسم کے ساتھ بارش کا امکان ہے۔

    سورج کی مسلسل تپش اور موسم کی کرختگی کے بعد اب عوام کی خوش ہونے کی باری ہے، موسم کا حال بتانے والوں نے رمضان کے مہینے کے لئے خوشگوار موسم کی پیشگوئی کر دی ہے۔

    محکمہ موسمیات کے مطابق رمضان المبارک کے دوران موسم میں خنکی رہے گی اور ملک کے بیشترعلاقوں میں بارش بھی ہوگی۔

    ڈی جی میٹ غلام رسول کے مطابق مون سون کا آغاز جون کے آخری دس دنوں کے دوران ہوگا، جس کے بعد رمضان المبارک میں موسم کی تلخی کم رہے گی اور بارش کا بھی امکان ہے۔