ARYNews.tv | Urdu – Har Lamha Bakhabar

Tag: dust storm

  • سعودی عرب میں مٹی کا طوفان، تصاویر سوشل میڈیا پر وائرل

    سعودی عرب میں مٹی کا طوفان، تصاویر سوشل میڈیا پر وائرل

    ریاض: سعودی عرب کے دارالحکومت میں ریت کے طوفان نے تباہی مچادی جس کے باعث نظامِ زندگی بری طرح سے متاثر ہوگیا اور تدریسی و کاروباری سرگرمیاں بھی معطل ہوگئیں۔

    تفصیلات کے مطابق سعودی عرب کے دارالحکومت میں منگل کی رات ریت کا شدید ترین طوفان آیا جس کے باعث حد نگاہ میں انتہائی کمی ہوئی اور اس کے اثرات بدھ کی صبح تک رہے۔

    حکومت نے شہریوں کو کو متنبہ کرتے ہوئے کو احتیاطی تدابیر کا ہدایت نامہ جاری کردیا جس کے مطابق کوئی بھی شہری بلا ضرورت گھر سے باہر نہ نکلے اور وہ سڑکوں پر لگے بل بورڈز سے دور رہیں۔

    سعودی عرب میں آنے والے طوفان کی مختلف شہریوں نے ویڈیوز اور تصاویر بنا کر سوشل میڈیا پر شیئر کیں جو بہت تیزی سے وائرل ہوئیں۔

    موسم پر نظر رکھنے والوں کا کہنا ہے کہ مٹی کا طوفان موسمی تغیراتی تبدیلیوں کے نتیجے میں آیا، یہ سلسلہ بدھ کی شام کے بعد کم ہونا شروع ہوجائے گا جبکہ سعودی عرب کے تمام ہی شہروں میں درجہ حرارت مزید کم ہوگا جس کے باعث گرمی کی شدت کم ہوجائے گی۔

    سعودی میڈیا کے مطابق مٹی کے طوفان کے نتیجے میں کسی قسم کا کوئی بڑا جانی نقصان نہیں ہوا تاہم دو روز تک مسلسل کاروبار بند رہنے سے معیشت کو نقصان کا سامنا رہا۔

    مزید تصاویر اور ویڈیو

    ویڈیو

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

  • ملک میں مٹی کا طوفان آنے والا ہے ، بارشیں بھی ہوں گی

    ملک میں مٹی کا طوفان آنے والا ہے ، بارشیں بھی ہوں گی

    کراچی: محکمۂ موسمیات نے پیشن گوئی کی ہے کہ ملک بھرمیں مٹی کا طوفان آنے والا ہے جس کے نتیجے میں موسلا دھار بارشیں بھی متوقع ہے۔

    تفصیلات کے مطابق مٹی کا طوفان پیر یا منگل سے ملک میں داخل ہوگا اور پھر آئندہ چار روز تک پورے ملک کو اپنی لپیٹ میں رکھے گا۔

    اسلام آباد، راولپنڈی، سرگودھاڈویژن، مالاکنڈ، ہزارہ، پشاور، کوہاٹ، مردان، فاٹا، شمالی بلوچستان، بالائی سندھ کشمیراورگلگت بلتستان میں مٹی کاطوفان آسکتا ہے۔

    یاد رہے کہ سن دوہزاربارہ میں بھی ملک میں اسی نوعیت کا طوفان آچکاہےجس کے سبب خوب بارشیں ہوئی تھیں۔

    محکمہ موسمیات کے مطابق مٹی کا طوفان اپنے ساتھ موسلادھاربارش بھی لائے گا اس دوران حد نگاہ انتہائی کم ہونے کا خدشہ بھی ہے،ملک بھر میں گرد آلود طوفانی ہوائیں ایک ہفتے تک چلتی رہیں گی۔

    ہوا کا طوفان جب صحرائی علاقوں سے گزرتا ہے تو اپنے دامن میں بے پناہ مٹی سمیٹ لیتا ہے جس کے سبب شہروں میں گرد کے طوفان آتے ہیں۔

    دوسری جانب بلوچستان کےعلاقے پنجگورمیں طوفانی ہواؤں اور گرج چمک کےساتھ موسلا دھار بارش شروع ہوچکی ہے۔