کوئٹہ : بلوچستان کے علاقے بارکھان میں زلزلے کے جھٹکے محسوس کیے گئے ہیں، لوگ کلمہ طیبہ کا ورد کرتے گھروں سے نکل آئے۔
یو ایس جیولوجیکل سروے کی رپورٹ کے مطابق بلوچستان کے علاقے بارکھان میں زلزلے کے جھٹکے محسوس کئے گئے۔
بارکھان میں آنے والے زلزلے کی شدت 5.3 ریکارڈ کی گئی ہے، زلزلے کی گہرائی 10کلومیٹر زیر زمین تھی۔
زلزلے کے باعث فوری طور پر کسی نقصان کی اطلاع نہیں ملی ہے تاہم زلزلے کے بعد شہریوں میں خوف و ہراس پھیل گیا اور لوگ کلمہ طیبہ کا ورد کرتے ہوئے گھروں سے باہر نکل آئے۔
کوئٹہ : بلوچستان کے مختلف علاقے زلزلے سے لرز اٹھے اور شہری کلمہ طیبہ کا ورد کرتے ہوئے گھروں سے باہر نکل آئے۔
تفصیلات کے مطابق بلوچستان کے علاقے دالبندین اور گرد ونواح میں ایک بار پھر زلزلے کے جھٹکے محسوس کیے گئے۔
زلزلہ پیما مرکز کا کہنا ہے کہ زلزلے کی شدت 3.7 ریکارڈ کی گئی اور گہرائی 25 کلومیٹر تھی جبکہ زلزلے کا مرکز دالبندین سے 62 کلو میٹر شمال مغرب میں تھا۔
زلزلے کے باعث لوگوں میں شدید خوف وہراس پھیل گیا اور وہ کلمہ طیبہ اور استغفار کا ورد کرتے ہوئے اپنے گھروں اوردکانوں سے باہر نکل آئے تاہم زلزلے کے باعث کسی جانی ومالی نقصان کی کوئی اطلاع نہیں ملی ہے
یاد رہے رواں ماہ کے آغاز میں خیبر پختونخواہ کے مختلف شہروں میں زلزلے سے لوگ کلمہ طیبہ اور استغفار کا ورد کرتے ہوئے گھروں سے باہر نکل آئے۔
مہمند، دیربالا،کوہاٹ ، صوابی، ملاکنڈ، سوات، مینگورہ شہر اور شمالی وزیرستان میں زلزلے کے جھٹکے محسوس کئے گئے۔
زلزلہ پیما مرکز کے مطابق زلزلے کی شدت 5.0 ریکارڈ کی گئی، زلزلے کا مرکز ہندوکش ریجن اور گہرائی 175کلومیٹر تھی۔