Tag: Earthquake

  • لاہور اور گرد و نواح میں زلزلے کے شدید جھٹکے

    لاہور اور گرد و نواح میں زلزلے کے شدید جھٹکے

    لاہور: پنجاب کے شہر لاہور سمیت دیگر شہروں میں زلزلے کے شدید جھٹکے محسوس کیے گئے، لوگ خوف سے ورد کرتے ہوئے گھروں سے باہر نکل آئے۔

    تفصیلات کے مطابق لاہور سمیت پنجاب کے دیگر شہروں میں زلزلے کے جھٹکے محسوس کیے گئے جس کے باعث لوگ خوف زدہ ہو کر گھروں سے باہر نکل آئے۔

    موصولہ اطلاعات کے مطابق زلزلہ لاہور سمیت کئی شہروں میں آیا، جن میں چنیوٹ، ملتان، اوکاڑہ، جڑانوالہ اور فیصل آباد شامل ہیں۔

    دیگر کئی شہروں میں بھی زلزلے کے جھٹکے محسوس کیے گئے، اطلاعات کے مطابق شیخو پورہ، پھول نگر، حافظ آباد اور ننکانہ صاحب میں بھی جھٹکے محسوس کیے گئے۔

    زلزلہ پیما مرکز کے مطابق ریکٹر اسکیل پر زلزلے کی شدت 4.3 ریکارڈ کی گئی، جب کہ چیف میٹرولوجسٹ کا کہنا ہے کہ زلزلے کی گہرائی 10 کلو میٹر تھی۔


    یہ بھی پڑھیں:  زلزلے کی اصل وجوہات، اسلامی تعلیمات کی روشنی میں

    اسے بھی ملاحظہ کریں:  زمیں کیوں کانپتی ہے، زلزلے کیوں آتے ہیں؟


    مرکز زلزلہ پیما کے مطابق زلزلے کا مرکز ننکانہ صاحب سے 30 کلو میٹر دور تھا۔ ابتدائی طور پر زلزلے سے ہونے والے جانی و مالی نقصانات کی کوئی اطلاع موصول نہیں ہوئی۔

     

  • انڈونیشیا میں ایک مرتبہ پھر زلزلہ، ہلاکتوں کی تعداد 347 ہوگئی

    انڈونیشیا میں ایک مرتبہ پھر زلزلہ، ہلاکتوں کی تعداد 347 ہوگئی

    جکارتہ : انڈونیشیا کے جزیرے لومبوک میں آج صبح پھر شدید نوعیت کا زلزلہ محسوس کیا گیا، زلزلوں کے نتیجے میں اب تک 347 افراد جاں بحق جبکہ سیکڑوں زخمی ہوچکے ہیں۔

    تفصیلات کے مطابق انڈونیشیا کے سیاحتی جزیرے لومبوک میں زلزلے کے نتیجے میں جاں بحق ہونے والے افراد کی تعداد 347 ہوگئی ہے جبکہ زلزلے کے نتیجے میں متعدد عمارتوں کو نقصان پہنچا ہے اور سینکڑوں افراد زخمی ہیں۔

    غیر ملکی خبر رساں ادارے کا کہنا تھا کہ آج صبح پھر انڈونیشا کے سیاحتی جزیرے لومبوک کے شمال مغربی حصّے میں زلزلے کے جھٹکے محسوس کیے گئے ہیں۔ جس کی شدت ریکٹر اسکیل پر 6 اعشاریہ 2 ریکارڈ کی گئی ہے جبکہ اس کی گہرائی 12 کلومیٹر زیرِ زمین تھی۔

    غیر ملکی خبر رساں ادارے کا کہنا تھا کہ ایک ہفتے کے دوران یہ تیسرا بڑا زلزلہ ہے، لومبوک میں آنے والے زلزلوں کے نتیجے میں ہزاروں گھر منہدم جبکہ کئی ہزار افراد گھروں سے محروم ہوگئے ہیں۔

    انڈونیشین میڈیا کا کہنا تھا کہ زلزلے کے جھٹکے لومبوک سے متصل سیاحت کے لیے معروف جزیرے بالی میں بھی محسوس کیے گئے جہاں لوگ خوبصورت ساحل سمندر اور ہائیکنگ کے لیے دنیا بھر سے آتے ہیں۔

    یاد ہے کہ روان ماہ 6 اگست کو بھی انڈونیشیا کے جزیرے لومبوک میں زلزلے کے جھٹکے محسوس کیے گئے تھے جس کے نتیجے میں کم ازکم 91 افراد جاں بحق جبکہ متعدد افراد زخمی ہوگئے۔ امریکی جیولوجیکل سروے کے مطابق زلزلے کی شدت ریکٹراسکیل پر7 اعشیاریہ صفرریکارڈ کی گئی جبکہ اس کی گہرائی 10 کلومیٹرزیرزمین تھی۔

    انڈونیشیا کے جزیرے لومبوک میں ایک ہفتے قبل ہی 6 اعشاریہ 4 شدت کا زلزلہ آیا تھا جس میں 17 افراد جاں بحق اور سیکڑوں عمارتیں تباہ ہوگئی تھیں۔


    انڈونیشیا میں6.5اعشاریہ کا زلزلہ،ہلاکتوں کی تعداد100 ہوگئی


    یاد رہے کہ دسمبر2016 میں انڈونیشیا کے صوبے آچے میں آنے والے 5۔6 شدت کے زلزلے میں 100 افراد جاں بحق ہوگئے تھے۔

    واضح رہے کہ انڈونیشیا بحرالکاہل کے ایک ایسے حصے میں واقعہ ہے جہاں زلزلے آنے اور آتش فشاں پہاڑ پھٹنے کے واقعات عموماً رونما ہوتے رہتے ہیں اوردنیا بھر کے تقریباً آدھے آتش فشاں اسی حصّے میں پائے جاتے ہیں۔

  • انڈونیشیا کے جزیرے لومبوک میں 7 شدت کا زلزلہ، 37 افراد ہلاک

    انڈونیشیا کے جزیرے لومبوک میں 7 شدت کا زلزلہ، 37 افراد ہلاک

    جکارتہ: انڈونیشیا کے جزیرے لومبوک میں 7 شدت کا زلزلہ آیا ہے، جس کے نتیجے میں 19 افراد ہلاک متعدد زخمی ہوگئے، سونامی کی وارننگ جاری کرتے ہوئے شہریوں کو ساحل سمندر سے دور رہنے کی ہدایت کردی گئی ہے۔

    غیرملکی خبررساں ادارے کے مطابق انڈونیشیا کے جزیرے لومبوک میں 7 شدت کا زلزلہ آیا ہے جس کے نتیجے میں 37 افراد ہلاک متعدد زخمی ہوگئے ہیں جبکہ سونامی وارننگ جاری کردی گئی ہے۔

    اسپتال انتظامیہ کے مطابق زلزلے کے نتیجے میں 37افراد ہلاک ہوئے جبکہ متعدد زخمیوں کی حالت تشویشناک ہے۔

    ایک ہفتے قبل اسی جزیرے میں 6.4 شدت کا زلزلہ آیا تھا جس کے نتیجے میں 17 افراد ہلاک اور درجنوں زخمی ہوگئے تھے۔

    امریکا کے ماہر ارضیات کا کہنا ہے کہ انڈونیشیا میں آنے والے زلزلے کا مرکز شمالی شہر ماترام سے 50 کیلومیٹر دور شمالی لومبک تھا۔

    انڈونیشیا کے ڈیزاسٹر ایجنسی کے ترجمان کا کہنا ہے کہ زلزلے کے نتیجے میں درجنوں گھر زمین بوس ہوگئے ہیں اور 40 افراد کے زخمی ہونے کی اطلاعات بھی موصول ہوئی ہیں۔

    خیال رہے کہ انڈونیشیا بحرالکاہل کے ایک ایسے حصے میں واقعہ ہے جہاں زلزلے آنے اور آتش فشاں پہاڑ پھٹنے کے واقعات عموماً رونما ہوتے رہتے ہیں اور دنیا بھر تقریباً آدھے آتش فشاں اسی حصّے میں پائے جاتے ہیں۔

    مزید پڑھیں: انڈونیشیا میں6.5اعشاریہ کا زلزلہ،ہلاکتوں کی تعداد100 ہوگئی


     

  • سوات میں شدید زلزلہ، شدت 5.3 ریکارڈ

    سوات میں شدید زلزلہ، شدت 5.3 ریکارڈ

    سوات: خیبر پختونخوا زلزلے کے شدید جھٹکوں سے لرز اٹھا، ضلع سوات میں زلزلے کی شدت 5.3 تھی، لوگ خوف و ہراس میں گھروں اور دکانوں سے باہر نکل آئے۔

    تفصیلات کے مطابق زلزلے کے جھٹکے اسلام آباد اور پشاور میں بھی محسوس کیے گئے۔ زلزلہ پیما مرکز کا کہنا ہے کہ زلزلے کا مرکز افغانستان تاجکستان بارڈر پر تھا۔

    خیبر پختونخوا کے مختلف علاقوں شانگلہ، بٹگرام، مردان، ایبٹ آباد اور گردونواح میں بھی زلزلے کے جھٹکے محسوس کیے گئے جس کے باعث لوگوں میں خوف و ہراس پھیل گیا۔

    چترال، مالاکنڈ، صوابی اور کوہاٹ میں بھی زلزلہ محسوس کیا گیا، لوگ کلمہ طیبہ کا ورد کرتے ہوئے گھروں اور دکانوں سے باہر آگئے۔

    زلزلہ پیما مرکز کے مطابق زلزلے کی شدت 5.3 اورگہرائی 187 کلومیٹر تھی، جب کہ اس کا مرکز افغانستان اور تاجکستان بارڈر پر تھا۔

    پنجاب، خیبر پختونخوا اور اسلام آباد میں 24گھنٹے میں دوسری بار زلزلہ

    واضح رہے کہ ایک دن قبل بھی پنجاب اور خیبر پختونخوا کے متعدد علاقوں میں چوبیس گھنٹوں میں دو بار زلزلہ آیا، جس کی شدت 6.4 ریکارڈ کی گئی تھی جب کہ زیر زمین اس کی گہرائی 97 کلومیٹر تھی۔

    خیال رہے کہ گزشتہ روز بھی زلزلے کا مرکز افغانستان اورتاجکستان کے سرحدی علاقے میں تھا اور اس کا دورانیہ تقریباََ 7 سے 8 سیکنڈ تک تھا۔


    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • پنجاب، خیبر پختونخوا اور اسلام آباد میں 24گھنٹے میں دوسری بار زلزلہ

    پنجاب، خیبر پختونخوا اور اسلام آباد میں 24گھنٹے میں دوسری بار زلزلہ

    اسلام آباد : اسلام آباد سمیت خیبر پختونخوا اور پنجاب کے مختلف شہر 24 گھنٹے میں دوسری بار لرز اٹھے، جس کے باعث لوگ خوف و ہراس میں گھروں سے باہر نکل آئے۔

    تفصیلات کے مطابق ملک کے مختلف علاقوں میں زلزلے کے جھٹکے محسوس کئے گئے، زلزلہ پیما مرکز کے مطابق زلزلےکی شدت 6.4ریکارڈ کی گئی جبکہ زیر زمین میں اس کی گہرائی 97کلومیٹرتھی۔

    زلزلے کا مرکز افغانستان اورتاجکستان کےسرحدی علاقے میں تھا اور اس کا دورانیہ تقریباََ 7 سے 8 سیکنڈ تک تھا۔

    زلزلے کے جھٹکے اسلام آباد سمیت پنجاب کے مختلف شہروں راولپنڈی ، لاہور، جلال پور بھٹیاں، پنڈی بھٹیاں، سرگودھا،ساہیوال،پیرمحل، فیصل آباد، حافظ آباد، جھنگ، چنیوٹ، چکوال میں زلزلے کے جھٹکے محسوس کئے گئے۔

    خیبرپختونخوا کے مختلف شہروں میں بھی زلزلے کے شدید جھٹکے محسوس کیے گئے، جن میں پشاور،مالاکنڈ ،لوئردیر،ہری پور، شانگلہ،صوابی،ایبٹ آباد، سوات، باجوڑ ایجنسی ،ڈی آئی خان ،لکی مروت، مہمند ایجسنی، ڈیرہ اسماعیل خان، ڈیرہ غازی خان، چارسدہ، مانسہرہ شامل ہیں۔

    زلزلے کے جھٹکے محسوس ہونے پر لوگوں میں خوف و ہراس پھیل گیا اور لوگ کلمہ طیبہ کا ورد کرتے ہوئے گھروں دفاتر اور دکانوں سے باہر نکل آئیں، اطلاعات کے مطابق زلزلے کی نتیجے میں کسی قسم کا جانی و مالی نقصان نہیں ہوا۔

    زلزلے کے جھٹکوں کی نتیجے میں سینیٹ کا اجلاس کچھ دیرکیلئے ملتوی کردیا گیا۔


    مزید پڑھیں :  ملک کے مختلف حصوں میں زلزلے کے جھٹکے


    دوسری جانب بھارتی میڈیا کے مطابق مقبوضہ کشمیر،نئی دہلی اورکابل میں بھی زلزلےکےجھٹکے محسو س کیےگئے ، اس کے علاوہ آزاد کشمیر میں بھی وادی نیلم، باغ مری ، میرپور سمیت مختلف علاقوں میں زلزلےکےجھٹکے محسوس کیے گئے۔

    یاد رہے آج صبح بھی اسلام آباد سمیت خیبر پختونخوا اور پنجاب کے مختلف شہروں میں زلزلے کے جھٹکے محسوس کیے گئے تھے م زلزلہ پیما مرکز کے مطابق زلزلے کی شدت ریکٹر اسکیل پر 5.1 ریکارڈ کی گئی تھی۔


    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں

  • ملک کے مختلف حصوں میں زلزلے کے جھٹکے

    ملک کے مختلف حصوں میں زلزلے کے جھٹکے

    اسلام: وفاقی دارالحکومت اسلام آباد اور صوبہ خیبر پختونخواہ کے متعدد علاقوں میں زلزلے کے جھٹکے محسوس کیے گئے۔ زلزلے کی شدت 5.4 ریکارڈ کی گئی۔

    تفصیلات کے مطابق صبح 8 بجے اسلام آباد اور صوبہ خیبر پختونخواہ کے متعدد علاقوں میں زلزلے کے جھٹکے محسوس کیے گئے۔

    جن علاقوں میں زلزلے کے جھٹکے محسوس ہوئے ان میں پشاور، مالا کنڈ، بٹ گرام، میران شاہ، چارسدہ، کالا باغ، ایبٹ آباد، چلاس، مانسہرہ، کوہستان اور ہزارہ شامل ہیں۔

    علاوہ ازیں مہمند ایجنسی، شانگلہ، صوابی، ہنگو اور اورکزئی ایجنسی میں بھی زلزلہ محسوس ہوا۔

    زلزلہ پیما مرکز کے مطابق زلزلے کی شدت 5.4 ریکارڈ کی گئی جبکہ زلزلے کا مرکز بنوں کے شمال مغرب میں تھا۔

    زلزلے کے جھٹکے محسوس ہوتے ہی لوگ خوفزدہ ہوگئے اور کلمہ طیبہ کا ورد کرتے ہوئے گھروں سے باہر نکل آئے۔


    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • پشاور، ایبٹ آباد، مردان اور گردونواح میں زلزلے کے جھٹکے

    پشاور، ایبٹ آباد، مردان اور گردونواح میں زلزلے کے جھٹکے

    پشاور: خیبر پختونخوا کے علاقے پشاور، ایبٹ آباد مردان اور گردونواح میں زلزلے کے جھٹکے محسوس کئے گئے جس کی وجہ سے لوگوں میں خوف و ہراس پھیل گیا۔

    تفصیلات کے مطابق پشاور، ایبٹ آباد مردان اور گردونواح میں زلزلے کے جھٹکے محسوس کئے گئے، زلزلے کی شدت 5.2 ریکارڈ کی گئی۔

    زلزلہ پیما مرکز کے مطابق زلزلے کی گہرائی 230 کلو میٹر مرکز افغانستان، تاجکستان کی سرحد پر تھا، اورکزئی ایجنسی، مالاکنڈ، مانسہرہ، خضدار میں بھی زلزلہ محسوس کیا گیا۔

    زلزلے کے باعث لوگ خوفزدہ ہوگئے اور کلمہ طیبہ ورد کرتے ہوئے گھروں سے باہر نکل آئے جبکہ خوش قسمتی سے کوئی جانی نقصان نہیں ہوا۔

    یاد رہے کہ 8 اکتوبر 2005 میں آزاد کشمیر سمیت مختلف علاقوں میں تباہ کن زلزلہ آیا تھا جس کے نتیجے میں شدید جانی و مالی نقصان کا سامنا ہوا تھا، متاثرہ علاقوں میں آج بھی ترقیاتی کام جاری ہیں۔


    خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔  

  • پاپوا نیوگنی میں 6.9 شدت کا زلزلہ ‘ سونامی وارننگ جاری

    پاپوا نیوگنی میں 6.9 شدت کا زلزلہ ‘ سونامی وارننگ جاری

    پورٹ مورسبی : جنوبی بحرالکاہل کے ملک پاپوا نیوگنی میں چھ اعشاریہ نو شدت کے زلزلے کے بعد سونامی کی وارننگ جاری کردی گئی ہے۔

    امریکی جیولوجیکل سینٹر کے مطابق زلزلے کے شدید جھٹکے نیوبرٹن آئی لینڈ میں محسوس کیے گئے، زلزلہ پاپوا نیوگنی کے قصبے کمبے سے ایک سو چوالیس کلومیٹر دور آیا جس کی گہرائی پینتیس کلومیٹر ریکارڈ کی گئی۔

    زلزلے کے بعد فوری طور پر پاپوا نیوگنی انتطامیہ کی جانب سے سونامی سے نمٹنے کے لیے وارننگ جاری کردی گئی ہے تاہم زلزلے سے کسی جانی و مالی نقصان کی کوئی اطلاع موصول نہیں ہوئی۔

    پاپوا نیوگنی میں 7.5 شدت کا زلزلہ‘ 30 افراد ہلاک

    خیال رہے کہ گزشتہ ماہ 27 فروری کو پاپوا نیوگنی 7.5 شدت کے زلزلے کے نتیجے میں 30 افراد ہلاک جبکہ 300 زخمی ہوگئے تھے۔ زلزلے سے دارالحکومت پورٹ مورسبی میں عمارتوں کو شدید نقصان پہنچا تھا۔

    زلزلے کی وجہ سے حکومت نے سمندر میں قائم تیل اور گیس کے مراکز کوفوری طور پربند کردیا تھا۔

    واضح رہے کہ پاپوا نیوگنی بحرالکاہل میں ایک ایسے علاقے میں واقع ہے جہاں ارضیاتی عمل زلزلے اور آتش گیرمادے کے اخراج کا باعث بنتا ہے۔


    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

  • میکسیکومیں فوجی ہیلی کاپٹرگرنےسے13 افراد ہلاک

    میکسیکومیں فوجی ہیلی کاپٹرگرنےسے13 افراد ہلاک

    میکسیکوسٹی: میکسیکو میں فوجی ہیلی کاپٹرلینڈنگ کے دوران حادثے کا شکار ہوگیا جس کے نتیجے میں 13 افراد ہلاک ہوگئے۔

    تفصیلات کے مطابق میکسیکو کی ریاست اوہاکا میں آنے والے زلزلے سے نقصانات کا فضائی جائزہ لینے والا فوجی ہیلی کاپٹرلینڈنگ کے دوران حادثے کا شکار ہوگیا جس کے باعث 13 افراد جان کی بازی ہارگئے۔

    ہیلی کاپٹرمیں میکسیکو کے وزیرداخلہ الفونسو ناوریٹ پریڈا اور اوہاکا کے گورنر الہانڈرو مرٹ بھی سوار تھے تاہم وہ حادثے میں محفوظ رہے۔

    حکام کے مطابق ہیلی کاپٹر لینڈنگ کے دوران بےقابو ہوگیا اور نیچے موجود دو گاڑیوں پر جاگرا۔

    ریاست اوہاکا کے پراسیکیوٹر کے مطابق حادثے میں ہلاک ہونے والے افراد گاڑیوں کے اندر موجود تھے۔

    اوہاکا ریاست کے حکام کے مطابق زلزلے سے چند عمارتوں کو جزوی نقصان پہنچا اور ایک لاکھ لوگوں کو بجلی کی فراہمئ متاثر ہوئی۔


    میکسیکو میں 7.5 شدت کا زلزلہ‘ عمارتیں لرزاٹھیں


    خیال رہے کہ گزشتہ روزمیکسیکو میں 7.5 شدت کے ہولناک زلزلے سے عمارتیں لرزاٹھیں، تاہم کسی بھی قسم کے جانی نقصان کی اطلاع نہیں ملی تھی۔

    یاد رہے کہ گزشتہ سال ستمبر میں جنوبی امریکہ کے ملک میکسیکو میں آنے والے 7.1 شدت کے زلزلے کے نتیجے میں 226 افراد ہلاک ہوگئے تھے۔


    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہچانے کےلیے سوشل میڈیا پرشیئر کریں۔

  • ملک کے مختلف حصوں میں زلزلے کے شدید جھٹکے

    ملک کے مختلف حصوں میں زلزلے کے شدید جھٹکے

    اسلام آباد: صوبہ پنجاب، بلوچستان، گلگت بلتستان اور خیبر پختونخواہ کے مختلف علاقوں میں زلزلے کے شدید جھٹکے محسوس کیے گئے۔ بلوچستان کے علاقے بیلہ میں زلزلے کے باعث متعدد مکانات کی چھتیں گر گئیں۔

    تفصیلات کے مطابق زلزلے کے جھٹکے سب سے پہلے صبح 10 بجے بلوچستان کے سرحدی ضلعے لسبیلہ کے علاقے بیلہ میں محسوس کیے گئے۔ زلزلے کے باعث متعدد مکانات کی چھتیں گر گئیں۔

    پولیس کا کہنا ہے کہ زلزلے کے جھٹکوں کے باعث متعدد مکانات کی چھتیں گر گئی ہیں۔ زلزلے کی شدت 4.7 جبکہ مرکز لسبیلہ کا علاقہ بیلہ بتایا جارہا ہے۔

    اسپتال ذرائع کے مطابق زلزلے کے باعث حادثات میں ڈیڑھ ماہ کی بچی جاں بحق جبکہ 9 افراد زخمی بھی ہوگئے ہیں۔

    زلزلے کے بعد سول اسپتال بیلہ میں ایمر جنسی نافذ کردی گئی ہے۔

    دوسری جانب تھوڑی ہی دیر بعد ملک کے دیگر شہروں میں بھی زلزلے کے مزید جھٹکے محسوس کیے گئے۔

    وفاقی دارالحکومت اسلام آباد، پشاور، ایبٹ آباد، مانسہرہ، گلگت، سوات، لوئر اور اپر دیر، چترال، ہنزہ، اسکردو، لاہور، چلاس، بھلوال، پنڈ دادن خان میں بھی زلزلے کے شدید جھٹکے محسوس کیے گئے ہیں۔

    علاوہ ازیں مری، پسرور، کالا باغ، چنیوٹ، میانوالی، جھنگ، بٹگرام، بنوں، شانگلہ، تاندلیا نوالہ، قائد آباد، ڈیرہ اسمٰعیل خان، چارسدہ اور اوکاڑہ میں بھی زلزلے کے جھٹکے محسوس کیے گئے۔

    زلزلے کے بعد لوگ اپنے گھروں اور دفاتر سے باہر نکل آئے۔

    زلزلہ پیما مرکز کے مطابق زلزلے کی شدت 6.1 ریکارڈ کی گئی جبکہ زلزلے کا مرکز کوہ ہندوکش اور گہرائی 169 کلو میٹر تھی۔ زلزلے کے بعد ملک بھر کے متاثرہ علاقوں کے اسپتالوں میں ایمرجنسی نافذ کردی گئی ہے۔


    افغانستان میں تباہی

    پاکستان کے علاوہ بھارت کے شہر نئی دہلی، مقبوضہ کشمیر کے علاقے سرینگر اور افغان دارالحکومت کابل اور افغانستان کے دیگر شہروں میں بھی زلزلے کے جھٹکے محسوس کیے گئے۔

    افغان میڈیا کے مطابق زلزلے کے باعث افغان علاقے بدخشاں کے کچھ علاقوں میں شدید تباہی پیش آئی ہے۔ زلزلے کے بعد امدادی کارکنان اور ریسکیو ٹیمیں پہنچنا شروع ہوگئی ہیں۔

    یاد رہے کہ ماہرین کے مطابق جب بھی سپر مون ہوتا ہے تو زمین پر چاند کی کشش بے پناہ بڑھ جاتی ہے جس کے سبب اس قسم کے واقعات پیش آنے کا امکان ہمیشہ موجود رہتا ہے۔

    ماضی میں بھی سپر مون کے موقع پر ایسے کئی واقعات پیش آچکے ہیں اور آج رات سپر بلیو بلڈ مون ہے جس کے سبب ماہرین نے اس قسم کے حادثات کی پیشن گوئی کر رکھی ہے۔


    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔