ماہ رمضان میں سحری اور افطاری میں خواتین طرح طرح کے پکوان تیار کرتی ہیں تاکہ اہل خانہ کو صحت بخش اور مزے دار کھانے پیش کیے جائیں۔
اس حوالے سے نت نئی ڈشیں تیار کی جاتی ہیں اسی سلسلے میں آج ہم آپ کیلئے ایک مزیدار اور جلدی تیار ہونے والی ایک چیز لے کر آئے ہیں۔ آج افطاری میں بنائیے ذائقہ دار’چکن ڈونٹ‘جس کی آسان ترکیب ملاحظہ کیجئے۔
اجزاء :
اس کو بنانے کیلئے جن اجزاء کی ضرورت ہے ان میں آدھا کلو مرغی کا گوشت ایک پیاز، 2 عدد لہسن کے جوئے، ایک چھوٹا چمچ ادرک کا پیسٹ، لال مرچ پاؤڈر اور زیرہ پاؤڈر، نمک حسب ذائقہ، ایک عدد آلو (میش کیا ہوا)، 2 چھوٹے چمچ بیسن، 2 انڈے، بریڈ کرمبز، تلنے کیلئے کوکنگ آئل شامل ہے۔
بنانے کا طریقہ :
ایک پیالے میں چکن کے ٹکڑے، باریک کٹی ہوئی پیاز، لہسن کے جوئے، ادرک کا پیسٹ، لال مرچ پاؤڈر، زیرہ پاؤڈر، آلو، بیسن اور نمک شامل کرکے اچھی طرح ملا لیں۔
چکن کے آمیزے سے ڈونٹس تیار کرلیں، انہیں پھینٹے ہوئے انڈوں میں ڈبو کر بریڈ کرمبز میں لپیٹ لیں پھر تیل گرم کرکے سنہری براؤن ہونے تک تل لیں، گرما گرم چکن ڈونٹس سوس کے ساتھ دسترخوان پر سجائیں۔
