Tag: economic survey 2014-15

اسلام آباد: وفاقی وزیر خزانہ اسحاق ڈار نے اقتصادی سروے  2014 -2015 پیش کرتے ہوئے پاکستان ٹیلی کام سیکٹر سے متعلق مندرجہ ذیل معلومات پیش کیں ۔

جولائی سے دسمبر 2014  مدت کے دوران ٹیلی کام کمپنیز نے 299 ارب کی آمدنی حاصل کی۔

آبادی کی ٹیلی ڈینسٹی میں 75.2 فیصد بہتری آئی ہے۔

تھری جی اور فور جی کی نیلامی سے 1،790 ڈالر کی سرمایہ کاری ہوئی ہے ۔

جولائی سے دسمبر 2014 کے دوران ٹیلی کام سیکٹر نے قومی خزانے میں 73.22 ارب کا حصہ ڈالا ہے۔

مارچ 2015 کے اختتام تک سیلولر موبائل صارفین کی تعداد 13 کروڑ 49 لاکھ تک پہنچ گئی ہے۔

اسلام آباد : وفاقی وزیرخزانہ اسحاق ڈار نےاعتراف کیا ہے کہ حکومت معاشی ترقی کا5.1فیصد ہدف حاصل نہ کر سکی، اسحاق ڈار نے کہا کہ روپے کی قدر میں اضافے سے مہنگائی میں کمی آئی ہے۔

یہ بات انہوں نے اسلام آباد میں اقتصادی سروے رپورٹ پیش کرتے ہوئے کہی، تفصیلات کے مطابق اقتصادی شرح نمو کا ہدف 5.1 فیصد تھا، جو محض 4.24 فیصد رہی جبکہ زرعی شعبے کی ترقی کا ہدف بھی حاصل نہ کیا جا سکا۔

زویر خزانہ نے کہا کہ عالمی منڈی میں تمام اشیاء کی قیمتوں میں کمی آئی ہے، اور پاکستان میں مہنگائی کم ہوکر سنگل عدد  تک آگئی ہے.

وزیر خزانہ نے نئے مالی سال کے لئے جی ڈی پی کا ہدف سات فیصد رکھنے کا اعلان کیا ہے، انہوں نے کہا کہ بے نظیر انکم سپورٹ میں کمی نہیں کی جائے گی۔

، ان کا کہنا تھا کہ بیس ماہ میں بیس ارب اٹھارہ کروڑ ڈالر کی اشیاء برآمد کی گئیں، پہلے دس ماہ کے دوران بیرونی سرمایہ کاری میں دس فیصد کمی آئی۔

وزیر خزانہ نے بتایا کہ اس وقت اسٹیٹ بینک کے پاس گیارہ ارب 65 کروڑ ڈالر کے اثاثے ریزرو ہیں، ان کا کہنا تھا کہ موجودہ دور حکومت میں دو سال کے دوران اسٹاک ایکسچینج میں 70 فیصد اضافہ ہوا۔

انہوں نے کہا کہ ملک معاشی طور پر جون 2013 کی نسبت بہتری کی جانب گامزن ہے، فی کس آمدنی 1384 سے بڑھ کر 1514 ڈالر تک ہوگئی ہے۔

ان کا کہنا تھا کہ آپریشن ضرب عضب کے بعد معاشی صورتحال میں بیتری آئی ہے۔ اقتصادی جائزے کے مطابق صنعتی شعبے میں ترقی کی شرح 6اعشاریہ8 فی صد کی بجائے 3اعشاریہ6 فی صد ریکارڈ کی گئی۔

مینوفیکچرنگ کے شعبے میں ترقی کی شرح 6اعشاریہ9 فی صد کی بجائے 3اعشاریہ2فی صد رہی۔ بڑی صنعتوں کی شرح افزائش 7 فی صد ہدف کے مقابلے میں2اعشاریہ4فی صد رہی۔

بجلی کی پیداوار اور گیس کی تقسیم کی شرح ترقی 1اعشاریہ9فی صد رہی جبکہ ہدف5اعشاریہ5فی صد تھا۔قومی بچت اور سرمایہ کاری واحد شعبہ ہے جس میں شرح نمو جی ڈی پی کا 14اعشاریہ5 فی صد رہی۔

وزیر خزانہ اسحاق ڈار نے کہا کہ درآمدات کی شرح میں تین فیصد اور برآمدات کی شرح میں 1.6 فیصد کمی ہوئی، بڑی صنعتوں کی ترقی کی شرح 3.28 فیصد رہی، جبکہ تعمیرات  کے شعبے میں ترقی کی شرح سات فیصد رہی۔