Tag: ECP

الیکشن کمیشن نے این اے دوسو چھیالیس میں ووٹرزکی بایو میٹرک تصدیق سے معذرت کر لی،سیکریٹری الیکشن کمیشن کا کہنا ہے کہ عمران اسماعیل نےگھوسٹ پولنگ سٹیشنزکی شکایت کی ہے جس کی تحقیقات کی جائے گی۔

اسلام آباد میں پریس کانفرنس کے دوران سیکریٹری الیکشن کمیشن بابر یعقوب کا کہنا تھا کہ ضمنی انتخابات میں بایومیٹرک تصدیق کی تجویز رینجرز نے دی تھی ، لیکن وقت کی کمی اور تکنیکی مسائل کے باعث اس پر عمل ممکن نہیں۔

انہوں نے بتایا کہ الیکشن کے دن رینجرز اہلکار سیکورٹی مقاصد کیلئے پولنگ اسٹیشن کے اندر ہوں گے اور موبائل فون صرف پریزائڈنگ افسر ساتھ لے جاسکیں گے۔

سیکریٹری الیکشن کمیشن نے بتایا کہ رینجرز اور فوج کی نگرانی میں بیلٹ پیپرز کی چھپائی جاری ہے۔

سیکریٹری الیکشن کمیشن کے مطابق این اے دو سو چھیالیس میں ڈھائی ہزار انتخابی عملہ ، سات ہزارتین سو پولیس اہلکارتعینات یےجائیں گے،رینجرزکوفرسٹ کلاس مجسٹریٹ کےاختیارات دیئےگئےہیں،جبکہ نو ایس پیز الیکشن ڈیوٹی دیں گے۔

کراچی: شہر قائد میں ہونیو الے این اے 246 کے الیکشن کے دوران کیمرے اور بائیومیٹرک سسٹم لگانے کی تجویز ،ڈی جی رینجرز نے الیکشن کمیشن کو خط لکھا ہے ۔

کراچی کے حلقے این دو سو چھیالیس میں ضمنی انتخاب جہاں سیاسی جماعتوں کے لیے امتحان بنا ہوا ہے وہیں قانون نافذ کرنے والے ادارے بھی اپنی حکمت عملی طے کر رہے ہیں۔

اطلاعات کے مطابق رینجرز حکام نے الیکشن کمیشن کو خط لکھا ہے جس میں این اے دوسو چھیالیس میں انتخاب بائیو میٹرک سسٹم کے تحت کرانے کا کہا گیا ہے۔

ذرائع کے مطابق الیکشن کمیشن کو ڈی جی رینجرز کا خط موصول ہوا ہے جس میں کہا گیا ہے کہ الیکشن کے دوران تمام پولنگ اسٹیشنز اور قریب کی حساس عمارتوں پر سی سی ٹی وی کیمرے نصب کیے جائیں جبکہ الیکشن سینٹرز پر بائیو میٹرک سسٹم لگائے جائیں تاکہ الیکشن میں دھاندلی نہ ہوسکے۔