واشنگٹن : امریکی میں تعینات نئے پاکستانی سفیر اعزاز چو ہدری خاصے متحرک ہیں، انہوں نے امریکی فارن افئیر کمیٹی کے چیئرمین ایڈ رائس اور سینیٹر مک کین سے اہم ملاقاتیں کیں۔
امریکا میں تعینات نئے پاکستان کے سفیر اعزازچوہدری نے فارن افئیرکمیٹی کے چئیرمین ایڈرائس اور سینٹرمک کین سے ملاقاتیں کیں ، ملاقات میں پاک امریکا تعلقات، علاقائی اور بین الاقوامی امور پر بات چیت کی۔
کانگریس مین ایڈ رائس پاکستان کیخلاف بیانات دینے کے حوالے سے مشہور ہیں اور بھارتی لابی کے قریب شمار کیے جاتے ہیں، پاکستانی سفارتخانے کے ترجمان نے ملاقات کے حوالے سے کوئی تبصرہ کرنے سے گریز کیا، ایڈرائس سے ملاقات میں اعزاز چوہدری نے دہشتگردی کے خلاف پاکستان کی کوششوں اور اقدامات سے آگاہ کیا جبکہ دوطرفہ تعلقات پر بھی تفصیلی تبادلہ خیال کیا گیا۔
ذرائع کے مطابق ایڈرائس اور سینٹرجان مکین سے ملاقاتوں میں پاکستانی سفیر کا کہنا تھا کہ بھارت سے تمام امور پر بات چیت کے لئے تیار ہیں، افغانستان سے تعلقات اوراقتصادی صورتحال میں بہتری پر بھی تبادلہ خیال کیا گیا۔
مزید پڑھیں : نئےپاکستانی سفیراعزازچوہدری امریکہ پہنچ گئے
یاد رہے کہ گذشتہ ماہ سیکرٹری خارجہ اعزاز احمد چوہدری کو امریکا میں پاکستانی سفیر تعینات کیا گیا تھا، ہ اس سے قبل جلیل عباس جیلانی امریکہ میں پاکستان کے سفیر کے طور پر خدمات انجام دے رہےتھے۔
