ARYNews.tv | Urdu – Har Lamha Bakhabar

Tag: edhi foundation

  • کرونا کی بگڑتی صورت حال: ایدھی فاؤنڈیشن کی بھارت کو مدد کی پیشکش

    کرونا کی بگڑتی صورت حال: ایدھی فاؤنڈیشن کی بھارت کو مدد کی پیشکش

    کراچی: بھارت میں کرونا کے ریکارڈ کیسز سامنے آنے کے بعد ایدھی فاؤنڈیشن نے بھارت کو مدد کی پیشکش کردی ہے۔

    تفصیلات کے مطابق بھارت میں کرونا وائرس کے بڑھتے کیسز، اسپتالوں میں سہولیات کے فقدان اور آکسیجن کی کمی جسیے مشکل وقت میں خیرسگالی کے جذبے کے تحت ایدھی فاؤنڈیشن نے بھارت کو امداد کی پیشکش کی ہے۔

    ایدھی فاؤنڈیشن کی جانب سے بھارتی وزیراعظم نریندر مودی کو خط لکھا گیا ہے، خط میں فیصل ایدھی نے کہا کہ بھارت میں کرونا کے بڑھتے کیسز اور اموات پر دکھ ہے، ہم کرونا وائرس کے ان حالات میں آپ کی مدد کیلئے تیار ہیں اور انسانیت کے ناطے بھارتی عوام کی مدد کرنا چاہتے ہیں۔

    فیصل ایدھی نے اپنے خط میں بھارتی وزیر اعظم کو کرونا وائرس کے مریضوں کے لئے 50 ایمبولینسز فراہم کرنے کی بھی پیش کش کی ہے۔

    واضح رہے کہ بھارت اس وقت کرونا وبا کے باعث بدترین صورتحال سے دوچار ہے، روزانہ کی بنیاد پر لاکھوں کی تعداد میں کرونا کے نئے مریض سامنے آرہے ہیں، کئی ریاستوں میں اسپتالوں میں کورونا متاثرین کے لیے جگہ نہیں جب کہ کئی اسپتالوں میں آکسیجن کی کمی سے مریض جان کی بازی ہار رہے ہیں۔

    بھارت میں گزشتہ 24 گھنٹوں کے دوران کرونا وائرس کے 332730 نئے کیسز رپورٹ ہوئے جبکہ عالمی وبا کے باعث 2263 افراد لقمہ اجل بن گئے ہیں۔

  • پرویز خٹک کا صوبے کے 3اضلاع میں ایدھی فاؤنڈیشن کو مفت سرکاری اراضی دینے کا اعلان

    پرویز خٹک کا صوبے کے 3اضلاع میں ایدھی فاؤنڈیشن کو مفت سرکاری اراضی دینے کا اعلان

    کراچی : وزیر اعلیٰ خیبرپختونخوا پرویز خٹک نے عبدالستار ایدھی کو خراج عقیدت پیش کرنے کیلئے صوبے کے تین اضلاع میں ایدھی فاؤنڈیشن کو مفت سرکاری اراضی دینے کا اعلان کردیا۔

    کراچی میں وزیراعلیٰ خیبرپختونخوا پرویزخٹک نے عبدالستار ایدھی کی قبر پرحاضری دی، قبر پر پھول چڑھائے اور فاتحہ خوانی کی، میڈیا سے گفتگو میں پرویز خٹک نے خراج عقیدت پیش کرنے کیلئے خیبر پختونخوا کےتین اضلاع میں ایدھی فاونڈیشن کومفت سرکاری اراضی دینے کا اعلان کیا۔

    ایدھی فاﺅنڈیشن کو صوابی، سوات اور کوہاٹ میں مفت اراضی دی جائیگی، جہاں ایدھی فاﺅنڈیشن سینٹر بنائے جائینگے۔

    قبر پرفاتحہ خوانی کے بعد عبدالستار ایدھی مرحوم کی رہائشگاہ پہنچے اور فیصل ایدھی سے تعزیت کا اظہار کیا، انکا کہنا تھا کہ عبدالستار ایدھی بہت بڑے ہیرو تھے، وزیر اعلیٰ کے پی کے نے ایدھی سینٹر کے لئے دس لاکھ روپے کا اعلان بھی کیا۔

  • عدالت نے عبداللہ کے باپ کو مہینے میں دوبار ملنے کی اجازت دے دی

    عدالت نے عبداللہ کے باپ کو مہینے میں دوبار ملنے کی اجازت دے دی

    کراچی : ایدھی فاؤنڈیشن کو ملنے والے بچے عبداللہ کوعدالت لایا گیا۔ عدالت نے باپ ہونے کے دعویدار کو مہینے میں دوبارعبداللہ سےملنے کی اجازت دے دی۔

    عبداللہ کی ماں کے قتل میں پولیس بیس دن بعد بھی رپورٹ پیش نہ کرسکی۔ عبداللہ کا والد ہونے کا دعویدار اقبال چوہدری عدالت میں پیش ہوا۔ عدالت نے اجازت دی کہ وہ مہینےمیں دو بارعبداللہ سےمل سکتا ہے۔

    دوسری جانب حلیمہ قتل کیس کےملزم رضوان اورسونیا بھی عدالت میں پیش ہوئے، اس موقع پر ملزم رضوان اپنی بیٹی سے مل کر روپڑا۔

    عدالت میں آج بھی تفتیشی افسر نے رپورٹ پیش نہیں کی، عدالت نے ایس ایس پی انویسٹی گیشن کو طلب کرلیا، ایدھی سینٹر سے شروع ہونے والی کہانی عدالت میں پہنچ گئی ہے۔

    ننھا عبداللہ اب بھی ایدھی فاؤنڈیشن کے پاس ہے۔ جرم کی کہانی میں دوننھے فرشتے رل کررہ گئے،چھ سال کی جنت گل کےماں باپ قتل کےالزام میں قیدہیں، دوسال کے عبداللہ کی ماں قتل ہوگئی،باپ کو وہ پہنچانتا تک نہیں۔

    عدالت میں رضوان اپنی بیٹی جنت کو دیکھ کربے تاب ہوگیا، لیکن چھ سال کی بچی باپ کے پیارپرپریشان نظرآئی،ملزم پیارکرتا رہا،بیٹی کے ننھےننھےپیردباتارہا۔ بچی ہچکچاتی رہی، شورشرابے اوررش میں اتنا گھبرائی کہ باپ سےہاتھ چھڑاکرماں سےلپٹ گئی۔

    اس المناک کہانی کا ایک اورکردارعبداللہ بھی عدالت میں سب کوپریشان پریشان دیکھ رہا تھا،اس کی ماں حلیمہ قتل ہوگئی۔ باپ کو وہ پہنچاتا تک نہیں،اتنےسارے لوگ دیکھے توڈر کےمارے روپڑا۔

    جنت گل کا باپ رضوان اورماں سونیا عبداللہ کی ماں کےقتل کےالزام میں گرفتار ہیں، عبداللہ نےماں کو کھودیا،باپ اجنبی ہے ۔ جرم کی کہانی میں دوننھے فرشتےرل کر رہ گئے۔

     

  • ایدھی فاؤنڈیشن کا نریندرمودی کی امداد قبول کرنے سے انکار

    ایدھی فاؤنڈیشن کا نریندرمودی کی امداد قبول کرنے سے انکار

    کراچی: ایدھی فاؤنڈیشن نے بھارتی وزیراعظم نریندرمودی کی جانب سے گیتا کی بحافظت بھارت واپسی کے موقع پراعلان کردہ امدادی رقم قبول کرنے سے انکارکردیا۔

    ایدھی فاوٗنڈیشن کے روح رواں ڈاکٹرعبدالستارایدھی کے فرزند فیصل ایدھی کا کہنا ہے کہ ان کی فلاحی تنظیم کی پالیسی کے مطابق کسی بھی حکومت سے امداد لینے پرپابندی ہے اور ایدھی جلد ہی میڈیا پر اس حوالے سے اپنا موقف جاری کرے گی۔


    واضح رہے کہ ہندوستانی وزیراعظم نریندرا مودی نے 12 سال قبل ہندوستان سے ٹرین کے ذریعے غلطی سے پاکستان میں داخل ہونے والی سماعت اور قوت گویائی سے محروم ہندوستانی لڑکی گیتا کی واپسی پر ایدھی فاؤنڈیشن کے لیے ایک کروڑ روپے کا اعلان کیا تھا.

    بھارت کے سابق وزیراور کانگریس رہنما ششی تھرور نے اپنے ٹویٹر پیغام میں بلقیس ایدھی کو حقیقی زندگی کا بجرنگی بھائی
    جان قراردیا ہے۔

  • پی آئی اے کی بے حسی،نومولود بچیوں کو جہاز سے باہر نکال دیا

    پی آئی اے کی بے حسی،نومولود بچیوں کو جہاز سے باہر نکال دیا

    لاہور : پی آئی اے کے عملے نے ایدھی فاﺅنڈیشن کی دو نومولود بچیوں کو ایدھی رضا کار سمیت جہاز سے باہر نکال دیا

    تفصیلات کے مطابق پروازوں میں گھنٹوں کی تاخیر اور وی آئی پی پروٹوکول پر بین الااقوامی اصولوں پر سودا کرنے والی پی آئی اےکو دوشیر خوار بچیوں کے معاملے پر قواعدوضوابط یاد آگئے۔

    لاہور سے کراچی ایدھی سینٹر منتقل کئے جانے والی دونومولود بچیوں اور ایدھی رضا کار کو پائلٹ اور عملے نے جہاز سے یہ کہہ کر باہر نکال دیا کہ دو بچیوں کے ساتھ دو سنبھالنے والے ہونے چاہیئں۔

    حالانکہ بچوں کے پاس ٹکٹس اور بورڈنگ کارڈز بھی موجود تھے اس کے باوجود رضا کار کو بچیوں سمیت دھکے دے کر باہر نکال دیا گیا۔

    ایدھی حکام کا کہنا ہے کہ اس سے پہلے بھی لاوارث بچوں کو جہاز کے ذریعے کراچی منتقل کیا جاتا رہا ہے مگر ایسا واقعہ کبھی نہیں ہوا۔ بچیاں ایدھی جھولے سے ملیں تھیں۔

  • ایان علی کیخلاف فردجرم کیلئے قانونی دستاویزات مکمل

    ایان علی کیخلاف فردجرم کیلئے قانونی دستاویزات مکمل

    لاہور: کرنسی اسمگلنگ کیس میں کسٹم حکام نے ماڈل ایان علی کیخلاف فردجرم کیلئے قانونی دستاویزات مکمل کرلیں۔

    ایان علی کیخلاف کرنسی اسمگلنگ کیس میں فرد جرم اب تک عائد نہیں ہو سکی ہے، امکان ہے کہ قانونی دستاویزات مکمل ہونے کے بعد کل ایان علی پر فردجرم عائدکیے جانے کی کارروائی ہو سکتی ہے۔

     زرائع کا کہنا ہے کہ کسٹم انٹیلی جنس حکام نے ماڈل ایان علی کیخلاف منی لانڈرنگ کے مقدمے کے اندراج کیلئے ٹھوس شواہداکھٹے کرلیے ہیں۔

    ادہر لاہور ہائیکورٹ راولپنڈی بنچ نے ماڈل ایان علی کرنسی اسمگلنگ کیس میں شریک ملزم اویس کے خلاف ٹرائل کورٹ میں کارروائی روکنے کی استدعا مسترد کردی۔

     عدالت نے سنگل بنچ کے فیصلے کے خلاف اپیل کی سماعت اگلے سننے کی تاریخ دے دی۔

  • ایان علی نے ایدھی فاؤنڈیشن اسلام آباد کا دورہ کیا

    ایان علی نے ایدھی فاؤنڈیشن اسلام آباد کا دورہ کیا

    اسلام آباد : ماڈل گرل ایان علی نے گزشتہ رو ز ایدھی فاؤنڈیشن اسلام آباد کا دورہ کیا۔

    تفصیلات کے مطابق ڈالراسمگلنگ کیس میں ضمانت پر رہائی کے بعد مشہور ماڈل گرل ایان علی نے ایدھی فاؤنڈیشن اسلام آباد کا دورہ کیا اور وہاں رہائش پذیر یتیم بچوں سے ملاقات کی۔

    ایان علی کے فیس بک اسٹیٹس کے مطابق انہوں نے یتیم بچوں میں تحائف تقسیم کئے اور پورا دن ن بچوں کے ساتھ گزارہ۔

    ان کا کہنا تھا کہ مجھے ان بچوں سے مل کر بے حد خوشی محسوس ہوئی اور خاص طور پر ان بچوں کی میرے لئے نیک تمنائیں اور دعائیں میرےلئے خوشی اور اطمینان کا باعث ہیں۔

    اس موقع پر انہوں نے کہا کہ اللہ تعالیٰ ان بچوں کو اپنے مستقبل میں کامیابیاں نصیب فرمائے۔

    واضح رہے کہ سپر ماڈل گرل ایان علی  14 جولائی 2015 کو ڈالر اسمگلنگ کیس میں ضمانت پر ہیں، انہیں اس سال مارچ کے مہینے میں بے نظیر ائیر پورٹ سے اسلام آباد سے پانچ لاکھ ڈالر اسمگل کرنے کے الزام میں گرفتار کیا گیا تھا۔

    ذرائع کے مطابق ایک خفیہ ایجنسی نے وزارت داخلہ کو ایک خط لکھا ہے جس میں کہا گیا ہے کہ ڈالر اسمگلنگ کیس میں ملوّث ایان علی کے کیس کی تفتیش دہشت گردی ایکٹ کے تحت کی جائے کیوں کہ اسمگل کی جانے والی رقم مبینہ طور پر پاکستان میں دہشت گردی کے لئے استعمال کی جانا تھی۔

  • عبدالستار ایدھی نے بھیک مشن کا آغاز کردیا

    عبدالستار ایدھی نے بھیک مشن کا آغاز کردیا

    کراچی: ایدھی فاونڈیشن کا مالی بحران کا شدت اختیار کرگیا ہے اور معروف سماجی رہنما عبدالستار ایدھی نے بھیک مشن کا آغاز کردیا ہے۔

    ذرائع کے مطابق عالمی اور قومی سانحات، غریب اور بے سہارا لوگوں کی کفالت اور انسانی حقوق کے تحفظ کیلئے کام کرنے والا پاکستان کا فلاحی ادارہ مالی بحران کا شکار ہوگیا ہے، ایسے میں فلاحی کاموں کو جاری رکھنے کیلئے عبدالستار ایدھی خود میدان عمل میں اترے اور بھیک مہم کا آغاز کردیا ہے۔

    انسانی حقوق کے عالمی دن پر اپنے پیغام میں بھی عبدالستار ایدھی کا کہنا تھا معاشرے میں انسانی حقوق کے تحفظ کیلئے بھی غربت کا خاتمہ ضروری ہے۔ ایدھی فاونڈیشن کے بھیک مشن کیلئے نکالی جانے والی ریلی کا آغاز میٹھادر سے ہوا جو نمائش چورنگی پر ایدھی بھیک مشن کیمپ تک پہنچی۔