ARYNews.tv | Urdu – Har Lamha Bakhabar

Tag: education

  • ایرانی وزیر تعلیم عہدے سے مستعفی ہوگئے

    ایرانی وزیر تعلیم عہدے سے مستعفی ہوگئے

    تہران : ایرانی صدر حسن روحانی وفاقی وزیر تعلیم کی کارکردگی پر اظہار ناراضگی کرتے ہوئے انہیں عہدے سے برطرف کردیا۔

    تفصیلات کے مطابق ایرانی حکومت نے وزیر تعلیم وتربیت محمد بطحائی کو ان کے عہدے سے سبکدوش کر دیا ہے۔ منصب سے ہٹائے جانے کی وجہ وزیر موصوف کی پیش آئند انتخاب لڑنے کی نیت بتائی جاتی ہے۔

    ایران ذرائع استعفیٰ لئے جانے کی ایک دوسری وجہ بیان کرتے ہوئے بتاتے ہیں کہ حسن روحانی وزیر تعلیم کی کارکردگی سے خوش نہیں تھے، جس کی وجہ سے ان سے عہدہ واپس لیا گیا ہے۔

    ایرانی نشریاتی ادارے کے مطابق وزیر تعلیم نے حکومت کی طرف سے اساتذہ کے معاملات سے متعلق پہلو تہی، ترقیوں اور مالی مشکلات کی وجہ سے استعفیٰ دیا۔

    حکومت کے باخبر ذرائع کا بیان نقل کرتے ہوئے بتایا کہ وزیر تعلیم محمد بطحائی کے استعفیٰ کی وجوہات ذاتی نوعیت کی ہیں۔

    ادھر سرکاری خبر رساں ایجنسی نے صدر روحانی کے ترجمان کے دفتر کے حوالے سے بتایا کہ صدر مملکت نے بطحائی کا استعفیٰ منظور کر لیا ہے، استعفیٰ کی منظوری پیش آئند پارلیمانی انتخاب لڑنے میں دلچسپی رکھنے والے افراد کے ناموں کی رجسٹریشن سے قبل سامنے آئی ہے۔

  • جہانگیر ترین کا لودھراں کی ذہین بچی کے تعلیمی اخراجات اٹھانے کا اعلان

    جہانگیر ترین کا لودھراں کی ذہین بچی کے تعلیمی اخراجات اٹھانے کا اعلان

    لودھراں : پاکستان تحریک انصاف کے سینئر رہنما جہانگیر خان ترین نے ضلع بھر میں پہلی پوزیشن لینے والی غریب بچی کے تمام تعلیمی اخراجات اٹھانے کا اعلان کردیا۔

    تفصیلات کے مطابق پاکستان تحریک انصاف کے سینئر رہنما جہانگیر خان ترین نے تعلیم دوستی کا ثبوت دے دیتے ہوئے غریب بچی کے تعلیمی اخراجات پورے کرنے کا اعلان کرنے کے احسن اقدام اٹھایا ہے۔

    جہانگیر ترین کا کہنا ہے کہ اقراء کی حوصلہ افزائی کےلیے تعلیمی اخراجات اٹھانے کی ذمہ داری لیتا ہوں، اقراء اور اس کے خاندان سے ہر ممکن تعاون کروں گا۔

    سینئر رہنما تحریک انصاف کا کہنا تھا کہ مشکل گھریلو حالات کے باوجود اقراء نے ہمت نہیں ہاری، اقراء نے پانچویں جماعت کے امتحان میں ضلع میں پہلی پوزیشن حاصل کی تھی۔

    ذرائع کا کہنا ہے کہ ذہین طالبہ اقراء ن ے امتحانات میں 500 میں سے 486 نمبر حاصل کیے تھے۔

    مزید پڑھیں : صرف ایک شخص ہے جسے لیڈر مانتا ، وہ عمران خان ہیں ، جہانگیر ترین

    یاد رہے وزیر خارجہ شاہ محمود قریشی نے گورنر پنجاب چوہدری سرور سے ملاقات کے بعد مشترکہ پریس کانفرنس کرتے ہوئے کہا تھا جہانگیر ترین کا معترف ہوں، البتہ حکومتی اجلاس میں ان کی شرکت سے چیف جسٹس کے فیصلےکی تضحیک ہوتی ہے، اپوزیشن کوبولنےکا موقع ملتا ہے۔

    ان کا کہنا تھا کہ نااہل نوازشریف کے لئے علیحدہ اور جہانگیرترین کے لئے علیحدہ قانون نہیں ہوسکتا۔

    پاکستان تحریک انصاف کے رہنما جہانگیرترین نے سماجی رابطے کی ویب سائٹ ٹوئٹر پر اپنے پپغام میں کہا صرف ایک شخص ہے جسے لیڈر مانتا اور اس کے سامنے جوابدہ ہوں، وہ لیڈرعمران خان ہیں، ہراتارچڑھاؤ میں ان کے ساتھ رہا اوراپنی آخری سانس تک رہوں گا، دوسرےاپنی عجیب وجوہات کی وجہ سے کیا کہتے ہیں مجھے فرق نہیں پڑتا۔

  • تمام نجی اسکولوں کا معائنہ کیا جائے تو 90فیصد رجسٹریشن سے محروم ہوجائیں گے: وزیرتعلیم سندھ

    تمام نجی اسکولوں کا معائنہ کیا جائے تو 90فیصد رجسٹریشن سے محروم ہوجائیں گے: وزیرتعلیم سندھ

    کراچی: وزیر تعلیم سندھ سردار شاہ کا کہنا ہے کہ فیسوں میں اضافے کا معاملہ صاحب اختیار کی وجہ سے اٹھایا گیا، تمام نجی اسکولوں کا معائنہ کیا جائے تو 90فیصد رجسٹریشن سے محروم ہوجائیں گے۔

    ان خیالات کا اظہار انہوں نے میڈیا سے گفتگو کرتے ہوئے کیا، وزیرتعلیم سندھ کا کہنا تھا کہ محکمہ تعلیم سندھ نے ایکشن پلان تیار کرلیا، تعلیمی ایکشن پلان کابینہ میں پیش کیا جائے گا، ایکشن پلان کی منظوری سندھ اسمبلی سے بھی لی جائے گی۔

    انہوں نے کہا کہ نجی اسکول 10فیصد فری شپ کے قانون پر عمل نہیں کرتے، سپریم کورٹ اور ہائیکورٹ نے اس معاملے پر توجہ نہیں دی، فری شپ کا قانون موجود ہے اس پر عمل درآمد کرائیں گے۔

    سردار شاہ کا کہنا تھا کہ غریب بچوں کے لیے کوئی آواز نہیں اٹھاتا، صاحب حیثیت لوگوں نے فیسوں میں اضافے کی بات کی تو توجہ دی گئی۔

    ان کا کہنا تھا کہ نجی اسکولوں کو تعلیمی ایکٹ پر عمل درآمد کرنا ہوگا، جو نجی اسکول تعلیمی ایکٹ پر عمل نہیں کرے گا اس کے خلاف کارروائی ہوگی، میں اپنے بچوں کو سرکاری اسکول میں داخل کراچکا ہوں۔

    نجی اسکولوں نے فیسوں میں کمی کے لیٹرجاری کرنا شروع کردیے

    خیال رہے کہ گذشتہ ماہ ایف آئی اے کی جانب سے فرانزک آڈٹ شروع ہونے پر اسکول مالکان نے فیس میں بیس فیصد کمی پر رضامندی ظاہر کی تھی۔

    واضح رہے کہ آل پاکستان پرائیویٹ اسکولز فیڈریشن نے فیس 20 فیصد کم کرنے اور موسم گرما کی پچاس فیصد فیس واپس کرنے سے متعلق سپریم کورٹ کا فیصلہ قبول کرنے کا اعلان کیا تھا۔

  • کرپشن اور تعلیم کی کمی پاکستان کے دوسنگین مسائل ہیں: شاہد آفریدی

    کرپشن اور تعلیم کی کمی پاکستان کے دوسنگین مسائل ہیں: شاہد آفریدی

    لندن: قومی کرکٹ ٹیم کے سابق کپتان شاہد آفریدی نے کرپشن اور تعلیم کی کمی کو پاکستان کے دو سنگین مسائل قرار دے دیا۔

    تفصیلات کے مطابق لندن میں ایک تقریب سے خطاب کرتے ہوئے اسٹار کرکٹر شاہد آفریدی کا کہنا تھا کہ اللہ کرے عمران خان کرپشن کے خاتمے میں کامیابی حاصل کریں۔

    انہوں نے کہا کہ تعیلم کی کمی اور کرپشن ملک کے لیے سنگین مسائل ہیں۔

    آفریدی کا کہنا تھا کہ جہاں جہاں وائی فائی پہنچ گئی، وہاں تعلیم پہنچائی جانی چاہیے، پڑھا لکھا پاکستان ترقی کی ضمانت ہے۔

    خیال رہے کہ شاہد آفریدی فاؤنڈیشن ملک میں تعلیم کے فروغ کے لیے کوشاں ہے۔

    شاہد آفریدی فاؤنڈیشن ملک میں تعلیم کے فروغ کے لیے کوشاں، 2 اسکولوں کا انتظام سنبھال لیا

    واضح رہے کہ گذشتہ ماہ سندھ کے علاقے ریڑھی اور وانگی گوٹھ میں دو اسکولوں کا انتظام سنبھالا ہے، شاہد آفریدی اور گرین کریسنٹ ٹرسٹ کے درمیان معاہدے کے تحت ریڑھی گوٹھ میں ایس اے ایف اسکول کا افتتاح کیا گیا۔

    افتتاحی تقریب سے خطاب کرتے ہوئے شاہد آفریدی نے کہا تھا کہ مشکل حالات کا سامنا کرنے والے بچے اب تعلیم حاصل کریں گے، پاکستان میں تعلیم کو فروغ دینا چاہتے ہیں، ملک بھر میں 3 اسکول کھل چکے ہیں اب چوتھا وادی تیرہ میں ہوگا، منشیات کے عادی لوگوں کو سیدھے راستے پر لانا ہمارا مقصد ہے۔

  • وزیر اعلیٰ پختونخواہ کا اپنے بچوں کو سرکاری اسکول میں داخل کروانے کا اعلان

    وزیر اعلیٰ پختونخواہ کا اپنے بچوں کو سرکاری اسکول میں داخل کروانے کا اعلان

    پشاور: وزیر اعلیٰ خیبر پختونخواہ محمود خان نے صوبے میں بچوں کے اسکولوں میں داخلے کے لیے مہم شروع کردی۔ ان کا کہنا ہے کہ میرے اپنے بچے بھی جلد سرکاری اسکولوں میں داخل ہوں گے۔

    تفصیلات کے مطابق وزیر اعلیٰ خیبر پختونخواہ محمود خان کی جانب سے شروع کی جانے والی مہم کے دوران 8 لاکھ بچوں کے اسکولز میں داخلے کا ہدف رکھا گیا ہے۔

    وزیر اعلیٰ کے مشیر ضیا بنگش کا کہنا ہے کہ تعلیم سے متعلق وزیر اعظم عمران خان کے وژن پر کام جاری رکھیں گے۔ تعلیم کے شعبے میں پچھلے دور میں پختونخواہ دیگر صوبوں سے آگے رہا۔

    انہوں نے کہا کہ اساتذہ کے مسائل حل کرنے کے لیے بھی کام کریں گے۔ کوشش ہے مہم کے دوران زیادہ سے زیادہ بچوں کے داخلے ہوں۔

    اس حوالے سے ہونے والی تقریب سے خطاب کرتے ہوئے وزیر اعلیٰ خیبر پختونخوا محمود خان نے کہا کہ 5 سال کی محنت ہے کہ عوام نے دوبارہ منتخب کیا، اب ذمے داری زیادہ ہے کہ عوام کی توقعات پر پورا اتریں گے۔

    انہوں نے کہا کہ آئندہ بجٹ میں تعلیم کے بجٹ میں اضافہ کریں گے، گورنر ہاؤس کھولنے سے متعلق گورنر ہی بتاسکتے ہیں۔

    انہوں نے مزید کہا کہ احتساب کمیشن ملازمین کو کسی اور محکمے میں ایڈجسٹ کریں گے۔ میرے اپنے بچے بھی جلد سرکاری اسکولوں میں داخل ہوں گے۔

  • سعودی عرب: بچوں کو تعلیم سے روکنے والے والدین کو وارننگ جاری

    سعودی عرب: بچوں کو تعلیم سے روکنے والے والدین کو وارننگ جاری

    ریاض : سعودی عرب کے جنرل پراسیکیوشن نے وارننگ جاری کی ہے کہ بچوں کو تعلیم کے حصول سے روکنے یا تعلیم کے لیے مناسب ماحول فراہم نہ کرنے والے والدین کے خلاف چائلڈ پروٹیکشن ایکٹ کے تحت کارروائی کی جائے گی۔

    تفصیلات کے مطابق سعودی عرب کے حکام کی جانب سے ریاست میں بسنے والے تمام شہریوں کو متبنہ کیا گیا ہے کہ وہ اپنے بچوں کو تعلیم کے حصول کےلیے ہر ممکن معاونت فراہم کریں اگر بچوں کو علم حاصل کرنے سے روکا گیا تو والدین سزا کے مرتکب قرار پائیں گے۔

    سعودی عرب کے جنرل پراسیکیوشن کی جانب سے کہا گیا ہے کہ جو والدین اپنے بچوں کی تعلیمی راہ میں حائل ہوں گے انہیں علم حاصل کرنے سے روکنے پر چائلڈ پروٹیکشن ایکٹ کی شق نمبر 4 کے تحت سزائیں دی جائیں گی۔

    غیر ملکی خبر رساں ادارے کے مطابق جنرل پراسیکیوشن نے سماجی رابطے کی ویب سایٹ ٹویٹر پر جاری بیان میں کہا ہے کہ تمام والدین کی قانوناً یہ ذمہ داری ہے کہ وہ اپنے بچوں کو تعلیم کے زیور سے آراستہ کرنے کے لیے بہتر ماحول اور حالات پیدا کریں۔

    سعودی جنرل پراسیکیوشن نے کا کہنا تھا کہ اپنے بچوں کی تعلیم منقطع کرنا ان کو تکلیف دینے کے مترادف ہے جو عدم توجہی کی صورت میں ہوتا ہے، جو ریاستی قوانین کی خلاف ورزی شمار کیا جائے گا۔

    سعودی عرب کے وزارت تعلیم نے کہا ہے کہ پرائمری اسکولوں میں زیر تعلیم بچوں کی 30 فیصد سے زائد چھٹیوں کی صورت میں بھی والدین سے باز پرش کی جائے گی اور ان کے خلاف قانونی کارروائی بھی عمل میں لائی جائے گی۔

  • مہمند: مقامی انتظامیہ کا بچوں اور خواتین کے لیے پارکس کا تحفہ

    مہمند: مقامی انتظامیہ کا بچوں اور خواتین کے لیے پارکس کا تحفہ

    پشاور: قبائلی علاقے مہمند ایجنسی کے ڈپٹی کمشنر کی ہدایت پر مقامی انتظامیہ نے بچوں اور خواتین کی تفریح کے لیے خستہ حال کمیونٹی پارکوں کو دوبارہ بحال کردیا۔

    تفصیلات کے مطابق ڈپٹی کمشنر مہمند ایجنسی واصف سعید کی ہدایت پر مقامی انتظامیہ نے علاقے کے خستہ حال پارک کو بحال کر کے بچوں اور خواتین کے لیے کھول دیا۔ مذکورہ پارک کی مرمت اور بحالی پر آنے والے اخراجات مقامی انتظامیہ اپنی مدد آپ کے تحت خود ادا کیے۔

    اعلامیے  کے مطابق خواتین اور بچوں کے لئے اس طرح کے پارکوں کی تعمیر اور اُن کی بحالی کے لیے اقدامات کیے جائیں گے جس کے لیے  ڈپٹی کمشنر کی ہدایت پر  باقاعدہ منصوبہ بندی کی گئی۔

    اعلامیے کے مطابق مکینوں کو خصوصی سہولیات فراہم کرنے کے لیے وسائل کی تخصیص، زمین کی خریداری اور وقت کا تعین ایک اہم ضرورت ہے اس لئے یہ فیصلہ کیا گیا کہ ضلع بھر میں موجود تعلیمی ادارں میں کھیل کود کے میدان دوبارہ تعمیر کیے جائیں تاکہ طلباء کی زیادی سے زیادہ تعداد مستفید ہو۔

    مقامی حکومت کا ماننا ہے کہ تعلیمی اداروں میں کھیلوں کے میدان قائم ہونے سے مقامی بچے دن کے وقت کھیل سکیں گے جبکہ دوپہر کے بعد خواتین اسے بطور کمیونٹی پارک استعمال کریں گے۔

    اس ضمن میں سرگرمی کے لئے فنڈز کا اہتمام اپنی مدد آپ کے تحت کیا گیا جس میں مقامی لوگوں نے اپنے طور پر رضا کارانہ تعاون پیش کیا۔

    ڈپٹی کمشنر کی جانب سے جاری اعلامیے کے مطابق پہلے مرحلے میں قلیل وسائل کے باعث 10 تعلیمی اداروں میں کھیل کود کے میدان قائم کیے گئے جس سے 21ہزار سے زائد طالبات لطف اندوز ہوں گے۔

    علاوہ ازیں منتخب اسکولوں سے 5 کلومیٹر کے فاصلے پر کُل 114 تعلیمی اداروں میں 14703 طلباء زیرِ تعلیم ہیں، ضلع مہمند کی تمام تحصیلوں میں قائم کیے جانے والے کمیونٹی پارکس سے مقامی بچے اور خواتین لطف اندوز ہوسکیں گے۔

  • جلال آباد میں محکمہ تعلیم کے دفتر پر حملہ، 10 افراد ہلاک

    جلال آباد میں محکمہ تعلیم کے دفتر پر حملہ، 10 افراد ہلاک

    کابل : افغانستان کے شہر ننگرہار میں شعبہ تعلیم کی عمارت پر نامعلوم مسلح ملزمان نے حملہ کرکے شہریوں کو یرغمال بنالیا ہے، جبکہ 10 افراد دہشت گردوں کی فائرنگ سے جاں بحق ہوگئے ہیں۔

    تفصیلات کے مطابق افغانستان کے صوبے جلال آباد کے مشرقی شہر ننگرہار میں واقع شعبہ تعلیم پر آج صبح نامعلوم مسلح ملزمان حملہ کرکے عمارت میں موجود افراد کو یرغمال بنالیا تھا، جن میں 10 افراد دہشت گردوں کی فائرنگ سے جاں بحق ہوگئے ہیں۔

    غیر ملکی خبر رساں ادارے کا کہنا تھا کہ افغان حکام نے شعبہ تعلیم پر حملے کی تصدیق کرتے ہوئے بتایا ہے کہ سیکیورٹی فورسز کی جانب سے عمارت کو گھیرے میں لے کر دہشت گردوں کے خلاف آپریشن کا آغاز کردیا گیا ہے۔

    افغانستان کے صوبے جلال آباد کے گورنر عطااللہ کوغیانی کے ترجمان کا کہنا تھا سیکیورٹی فورسز اور نامعلوم مسلح ملزمان کے درمیان فائرنگ تبادلہ جاری ہے۔

    عطااللہ کوغیانی کے ترجمان کا کہنا ہے کہ شعبہ تعلیم کی دہشت گردوں صبح ساڑھے 9 بجے عمارت میں داخل ہوئے فائرنگ شروع کردی، تاہم اب تک عمارت موجود حملہ آوروں کی تعداد کا اندازہ نہیں ہوسکا ہے، جبکہ عمارت کے اندر موجود 50 افراد کو یرغمال بنایا گیا تھا۔

    غیر ملکی خبر رساں ادارے کے مطابق ننگرہار کے شعبہ تعلیم کے ڈائریکٹر کے ترجمان آصف شنواری نے بتایا کہ دہشت گردوں کی فائرنگ عمارت میں موجود ایک سیکیورٹی گارڈ جاں بحق ہوگیا ہے، جبکہ سیکیورٹی فورسز نے علاقے کو بھی گھیرے میں لے لیا ہے۔

    خیال رہے کہ افغانستان کے صونے جلال آباد میں ایک ہفتے کے دوران دہشت گردوں کا یہ تیسرا بڑا حملہ ہے، یکم جولائی کو افغانستان کی سکھ برادری کے ایک گروپ پر حملہ کرکے قتل کیا گیا تھا، جبکہ منگل کے روز دہشت گردوں کے حملے میں 12 افراد لقمہ اجل بنے تھے۔

    افغان میڈیا کا کہنا تھا کہ تاحال شعبہ تعلیم کی عمارت میں حملے کی ذمہ کسی نے قبول نہیں کی ہے، تاہم گذشتہ دنوں ہونے والے تمام دہشت گردانہ حملوں کی ذمہ داری دہشت گرد تنظیم داعش نے قبول کی تھی۔

    خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں

  • کراچی سمیت سندھ بھر میں انٹر کے امتحانات، میڈیا کوریج پر پابندی

    کراچی سمیت سندھ بھر میں انٹر کے امتحانات، میڈیا کوریج پر پابندی

    کراچی: انٹر بورڈ کے تحت کراچی سمیت سندھ بھر میں انٹرمیڈیٹ کے امتحانات آج سے شروع ہوں گے تاہم میڈیا کو امتحانات کی کوریج پر پابندی ہوگی۔

    تفصیلات کے مطابق سندھ بھر میں انٹر کے پرچے آج 24 اپریل سے شروع ہوں گے جو 5 مئی تک جاری رہیں گے تاہم اس دوران میڈیا کو کسی بھی قسم کی امتحانات سے متعلق کوریج پر پابندی ہوگی۔

    بورڈ انتظامیہ کی جانب سے بدانتظامی چھپانے کی جتن ہے یا معاملہ کچھ اور ہے، چیئرمین انٹر بورڈ کراچی نے امتحانات کی میڈیا کوریج پر پابندی لگادی، جس کے باعث امتحانی مراکز میں بوٹی مافیا سرگرم ہوں یا کچھ اور لیکن میڈیا کو کوریج کی اجازت نہیں ہوگی۔

    خیال رہے کہ حیدرآباد میں بڑی تعداد میں طلبا کو ایڈمٹ کارڈ اب تک جاری نہیں کیے جاسکے جس کے باعث طالب علموں کو شدید مشکلات کا سامنا ہے اور والدین بھی پریشان ہیں۔

    انٹر کے امتحانات میں نقل: پورے مافیا کے ملوث ہونے کا انکشاف

    واضح رہے کہ اس سال امتحانی مراکز کی کل تعداد 75 ہے جن میں ضلع میرپورخاص میں 26، ضلع سانگھڑ میں 23، عمرکوٹ میں 16 اور تھرپارکر میں 10 امتحانی مراکز قائم کئے گئے ہیں۔

    یاد رہے کہ چاروں اضلاع کے حساس امتحانی مراکز کی تعداد 13 ہے جن کے لئے تمام متعلقہ اداروں کو اسپیشل سیکیورٹی دینے اور دفعہ 144کے نفاذ کے لئے خطوط ارسال کر دیے گئے ہیں۔

    نقل کروانے کے الزام میں گرفتار ملزم خود کو رینجرز اہلکار کہتا ہے، ایس ایس پی

    دوسری جانب تمام طلبہ وطالبات کو مطلع کر دیا گیا ہے کہ امتحانی مراکز پر موبائل فون، نوٹ بکس اور گائیڈیں وغیرہ لانے پر مکمل پابندی ہوگی نقل کے دوران رنگے ہاتھوں پکڑے جانے پر سخت کارروائی کی جائے گی۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • پاکستان کی تاریخ میں پہلی بار خواجہ سراؤں کے لیے اسکول قائم

    پاکستان کی تاریخ میں پہلی بار خواجہ سراؤں کے لیے اسکول قائم

    لاہور: پنجاب کے شہر فیصل آباد میں پاکستان کی تاریخ میں پہلی بار خواجہ سراؤں کو مفت تعلیم فراہم کرنے کے لیے اسکول قائم کر دیا گیا۔

    تفصیلات کے مطابق فیصل آباد کے علاقے ڈھنڈی والا میں خواجہ سراؤں کے لیے اسکول قائم کیا گیا ہے جہاں ابتدائی طور پر چالیس خواجہ سراؤں نے داخلہ لیا، جنہیں مفت تعلیم کے ساتھ ساتھ دو ہزار روپے وظیفہ بھی فراہم کیا جائے گا۔

    پروجیکٹ کی ڈائریکٹر سعدیہ نورین نے کہا ہے کہ تعلیم کی اہمیت اور خواجہ سراؤں کو معاشرے میں مقام دینے کے لیے اسکولنگ سلسلے کا آغاز کیا ہے، اسکول میں زیر تعلیم خواجہ سراؤں کو دو سال میں میٹرک کروایا جائے گا، ادارے میں چالیس خواجہ سراؤں نے داخلہ لیا ہے جنہیں ماہانہ دو ہزار روپے وظیفہ بھی ملے گا۔

    پاکستان میں پہلی بار خواجہ سرا نیوزکاسٹر متعارف

    انہوں نے کہا کہ خواجہ سراؤں کو ٹیوٹا سے فنی کورس کروائے جائیں گے اور ایف اے پاس دو خواجہ سراؤں کو مختلف اداروں میں ملازمت دلائی گئی، جہاں وہ بہتر روزگار کے ساتھ ساتھ عزت کی زندگی گزار سکیں گے۔

    پاکستان میں پہلی بار خواجہ سراؤں کے لیے ڈرائیونگ لائسنس کا اجرا

    سعدیہ نورین کا مزید کہنا تھا کہ فیصل آباد کے علاقے ڈھنڈی والا میں جو اسکول قائم کیا گیا ہے اس کا نام ’خواجہ سرا پیلس نان فارمل ہائی اسکول‘ ہے جس کی افتتاحی تقریب جلد منعقد کی جائے گی جبکہ دوسری جانب انجمن تاجران سٹی کی جانب سے خواجہ سراؤن کے لیے ہوسٹل تعمیر کروایا جائے گا۔

    خیال رہے کہ انجمن تاجران سٹی کی جانب سے اسکول میں اچھی کارکردگی دکھانے والے خواجہ سراؤں میں انعامات بھی تقسیم کیے جائیں گے۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیاپر شیئر کریں۔