ڈھاکہ: پاکستان کرکٹ ٹیم کو ایک اور جھٹکا، فاسٹ بولر احسان عادل انجری کے باعث دورہ بنگلہ دیش سے باہر ہوگئے جبکہ عمر گل کو ان کی جگہ ٹیم میں شامل کرلیا گیا۔
دورہ بنگلہ دیش کے لئے نئی سلیکشن کمیٹی کے انتخاب پر سوالیہ نشان لگ گیا،منتخب اسکواڈ سے ایک ایک کرکے کھلاڑیوں کی چھٹی ہورہی ہے۔
لاہور میں تربیتی کیمپ بھی لگا لیکن سلیکٹرز نے کھلاڑیوں کی فٹنس جانتے ہوئے بھی نظر انداز کردی، نئی وکٹ احسان عادل کی گری وجہ احسان عادل کی فٹنس ہے۔
ذرائع کے مطابق احسان عادل آدھے فٹ بنگلہ دیش گئے تھے اور اب پنڈلی کی انجری کے باعث وہ واپس آجایئں گے انکی جگہ عمر گل کو ملے گی۔
فٹنس مسائل کی ابتدا صہیب مقصود سے ہوئی تھی، پھر سہیل خان اور یاسر شاہ بھی دورہ بنگلہ دیش سے باہر ہوگئے۔