ARYNews.tv | Urdu – Har Lamha Bakhabar

Tag: Ehsaas program

  • وزیر اعظم کا احساس پروگرام کو مزید فعال اور مؤثر بنانے کا فیصلہ

    وزیر اعظم کا احساس پروگرام کو مزید فعال اور مؤثر بنانے کا فیصلہ

    اسلام آباد: وزیر اعظم عمران خان نے احساس پروگرام کو مزید فعال اور مؤثر بنانے کا فیصلہ کیا ہے، اس سلسلے میں اجلاس طلب کرلیا گیا جس میں اہم فیصلے متوقع ہیں۔

    تفصیلات کے مطابق وزیر اعظم عمران خان نے احساس پروگرام کو مزید فعال اور مؤثر بنانے کا فیصلہ کرتے ہوئے اہم اجلاس طلب کرلیا، اجلاس میں وزیر اعظم کی معاون خصوی برائے انسداد غربت ڈاکٹر ثانیہ نشتر احساس کے مختلف منصوبوں پر بریفنگ دیں گی۔

    اجلاس میں احساس راشن اور اسکالر شپ پروگرام سمیت دیگر منصوبوں پر بریفنگ دی جائے گی۔

    اجلاس میں وفاقی وزرا فواد چوہدری، اسد عمر، خسرو بختیار، معاون خصوصی شہباز گل اور دیگر متعلقہ حکام شریک ہوں گے۔

    وزیر اعظم کی زیر صدارت اجلاس کچھ دیر بعد وزیر اعظم ہاؤس میں ہوگا جس میں اہم فیصلے متوقع ہیں۔

    اجلاس میں غریبوں کو ریلیف کی فراہمی کے منصوبوں کو آگے بڑھانے کی حکمت عملی طے ہوگی جبکہ متوسط طبقے کی مدد کے پروگرامز اور عام شہریوں کے ریلیف کی منصوبہ بندی ہوگی۔

  • نیا سال کا آغاز ، وزیراعظم کا غریب عوام کیلئے نیا پروگرام شروع کرنے کا اعلان

    نیا سال کا آغاز ، وزیراعظم کا غریب عوام کیلئے نیا پروگرام شروع کرنے کا اعلان

    اسلام آباد : وزیراعظم عمران خان نے احساس پروگرام کے اندرنیا پروگرام "کوئی پاکستانی بھوکا نہ سوئے” شروع کرنے کا اعلان کرتے ہوئے کہا 2021ترقی کا سال ہے، پاکستان درست سمت میں جارہا ہے۔

    تفصیلات کے مطابق وزیراعظم عمران خان نے پاکستان میں متعارف ہونیوالی گاڑیوں کی افتتاحی تقریب سے خطاب کرتے ہوئے کہا کہ
    پاکستان کو انڈسٹریلائز ہونا ہے تو بہترین اتحادی چین ہے، چینی سفیر میئر رہ چکے ہیں یہ تعمیر و ترقی کو سمجھتے ہیں اور چین کی ڈیولپمنٹ موومنٹ پاکستان کیلئے بہت متاثرکن ہے۔

    چین کی ترقی کے حوالے سے وزیراعظم کا کہنا تھا کہ چین نے 35سال میں تیز ترین ترقی کی ، چین نے 70کروڑ لوگوں کو 35سال میں غربت سے نکالا، لوگوں کو جب نیچے سے اوپر اٹھاتےہیں تب اصل ترقی ہوتی ہے، ہماری حکومت کی کوشش ہے کہ لوگوں کو غربت سے نکالیں۔

    عمران خان نے کہا کہ صنعتی ترقی کیلئے چین سے شراکت داری ضروری ہے، دنیا میں سب سے زیادہ تیزی سے ترقی کرنیوالاملک چین ہے ، پچھلے50سال میں ہماری ایکسپورٹ بڑھانے کی کوشش ہی نہیں کی گئی ، آئی ایم ایف کے پاس اس لئےجاناپڑاکیونکہ درآمدات زیادہ اور برآمدات بہت کم تھیں۔

    ان کا کہنا تھا کہ ہم نے اسپیشل اکنامک زونز بنائے ہیں ، ہماری کوشش ہے کہ اکنامک زونز میں چینی سرمایہ کاری آئے، سرمایہ کاری کیلئے چینی کمپنیوں کیساتھ جوائنٹ وینچرز کریں گے۔

    وزیراعظم نے مزید کہا کہ پاکستان زرعی ملک ہے مگر بدقسمتی سے پیداوار پر توجہ نہیں دی گئی، سی پیک کا اگلا حصہ آرہا ہے اس میں زراعت بھی شامل ہے، برآمدات میں اضافے کےلئے چین سے مدد حاصل کریں گے .

    معیشت سے متعلق عمران خان کا کہنا تھا کہ حکومت کوپہلا سال معیشت کو استحکام دینے میں لگا، حکومت کے دوسرے سال میں بدقسمتی سے کورونا سے سامنا ہوگیا، کورونا صورتحال سے نمٹنے پرڈبلیو ایچ او بھی پاکستان کی مثال دیتاہے۔

    کورونا سے نمٹنے کی حکمت عملی کے حوالے سے انھوں نے کہا کہ پاکستان میں حکومت کی کوروناصورتحال پرحکمت عملی کامیابی رہی، اب ہم ہر قسم کے چیلنج کاسامنا کرنے کو تیار ہیں، 2021ترقی کاسال ہے،پاکستان درست سمت میں جارہا ہے۔

    وزیراعظم کا کہنا تھا کہ احساس پروگرام کے اندرنیاپروگرام شروع کررہاہوں، وہ پروگرام ہے”کوئی پاکستانی بھوکا نہ سوئے”، اس پروگرام میں قوم،این جی اوز کوشامل کریں گے۔

    عمران خان نے مزید کہا کہ بزنس فرینڈ لی پالیسی بنا کر صنعتوں کو ترقی دیں گے ، ہر گھرانے کی ہیلتھ انشورنس ہوگی، غریب اپنا علاج کراسکیں گے۔

  • وزیر اعظم کا احساس پروگرام موجودہ حکومت کا سب سے بڑا پروگرام بن گیا

    وزیر اعظم کا احساس پروگرام موجودہ حکومت کا سب سے بڑا پروگرام بن گیا

    اسلام آباد: وزیر اعظم کا احساس پروگرام موجودہ حکومت کا سب سے بڑا پروگرام بن گیا، وفاقی وزیر مواصلات مراد سعید کا کہنا ہے کہ پناہ گاہوں سے لاکھوں لوگ مستفید ہوئے۔

    تفصیلات کے مطابق وفاقی وزیر مواصلات مراد سعید کا کہنا ہے کہ وزیر اعظم عمران خان کے احساس کی وجہ سے آج تقریباً 200 پناہ گاہیں ہیں، کتنے حکمران آئے اپنے لیے عالیشان 5، 5 کیمپ آفسز بنائے، سڑک پر پڑے شہریوں کی طرف کسی نے توجہ نہیں دی۔

    مراد سعید کا کہنا تھا کہ عمران خان نے بے گھر افراد کو ریاست کا مہمان بنایا، ہر بڑے شہر میں موجود پناہ گاہوں سے محنت کش مستفید ہو رہے ہیں۔ علاج اور نوکری کے لیے آئے شہری بھی مستفید ہو رہے ہیں۔

    انہوں نے کہا کہ اسلام آباد کی پناہ گاہوں میں اب تک 11 لاکھ 72 ہزار 654 شہریوں کو سہولت ملی، پختونخواہ میں پناہ گاہوں سے 3 لاکھ 51 ہزار 518 شہری مستفید ہوئے۔ پنجاب کی پناہ گاہوں سے 12 لاکھ 10 ہزار 734 لوگوں کو سہولت ملی۔

    مراد سعید کا کہنا تھا کہ ریاست نے محنت کشوں کو مہمان بنایا، محنت کشوں کو عزت سے کھانا بھی دیا جاتا ہے۔ رحم، انصاف اور احساس، فلاحی ریاست کی بنیاد اور عمران خان کا عزم ہے۔

    انہوں نے مزید کہا کہ ماضی کے حکمران اور موجودہ وزیر اعظم میں یہی فرق ہے، ماضی کے حکمران اپنے لیے محلات بناتے رہے، عمران خان کمزور طبقے کو اوپر اٹھا رہے ہیں۔

  • حاملہ خواتین و بچوں کو غذائی قلت سے بچانے کے لیے اہم اقدام

    حاملہ خواتین و بچوں کو غذائی قلت سے بچانے کے لیے اہم اقدام

    اسلام آباد: وزیر اعظم عمران خان کی معاون خصوصی ثانیہ نشتر کا کہنا ہے کہ حاملہ، دودھ پلانے والی خواتین اور ان کے کمزور بچوں کو غذائی قلت سے بچانے کے لیے احساس نشوونما پروگرام جلد شروع کیا جا رہا ہے۔

    وزیر اعظم عمران خان کی معاون خصوصی برائے انسداد غربت ثانیہ نشتر نے سماجی رابطے کی ویب سائٹ ٹویٹر پر ٹویٹ کرتے ہوئے کہا کہ اسٹنٹنگ کی روک تھام پر مبنی احساس نشوونما پروگرام جلد شروع کیا جا رہا ہے، پروگرام کے تحت قبائلی ضلع خیبر کے نشونما مرکز کی تیاریاں تکمیل کے آخری مراحل میں ہیں۔

    ثانیہ نشتر کا کہنا تھا کہ احساس نشوونما پروگرام میں صارف خواتین کو نشونما کیش وظائف بھی دیے جائیں گے، اس سلسلے میں تمام نشونما مراکز پر اے ٹی ایم مشینیں خاص طور پر نصب کی جا رہی ہیں تاکہ احساس صارف خواتین کو بائیو میٹرک تصدیق کے ذریعے ادائیگیوں میں سہولت ہو۔

    انہوں نے کہا کہ احساس نشونما پروگرام کے ذریعے حاملہ اور دودھ پلانے والی خواتین اور ان کے کمزور بچوں کو اسٹنٹنگ کے مرض سے بچاؤ کے لیے صحت بخش اضافی غذا کے پیکٹ فراہم کیے جائیں گے۔

    ثانیہ نشتر کا کہنا تھا کہ شفافیت کے پیش نظر نشونما مراکز پر صحت بخش غذا کے پیکٹوں کے اسٹاک کی ترسیل و تقسیم کا باقاعدہ ریکارڈ رکھا جائے گا۔

    انہوں نے مزید کہا کہ احساس نشونما پروگرام سے مستفید ہونے والی خواتین کی آگاہی کے لیے ان کی اور ان کے بچوں کی خوراک اور صحت و صفائی کے حوالے سے خصوصی معلوماتی چارٹ اور پوسٹر بھی مرتب کیے گئے ہیں۔

  • احساس پروگرام ، ‌‌غریب عوام کیلیے بڑی خبر

    احساس پروگرام ، ‌‌غریب عوام کیلیے بڑی خبر

    اسلام آباد : وزیراعظم کی معاون خصوصی ڈاکٹرثانیہ نشتر کا کہنا ہے کہ احساس پروگرام کے تحت دوسری کیٹگری میں کام شروع ہوچکا ہے اور تیسری کیٹگری پر کام جلد شروع کردیا جائے گا۔

    تفصیلات کے مطابق وزیراعظم کی معاون خصوصی ڈاکٹرثانیہ نشتر نے کہا کہ احساس پروگرام کےتحت پہلی کیٹگری میں 80 فیصدکام مکمل کرلیا گیا ہے اور دوسری کیٹگری میں کام شروع ہوچکا ہے جبکہ تیسری کیٹگری پر کام جلد شروع ہوجائے گا۔

    ڈاکٹرثانیہ نشتر کا کہنا تھا کہ احساس پروگرام کےتحت ملک بھر کےمستحقین میں رقوم کی تقسیم جاری ہے، گزشتہ چودہ روزکےدوران 50 لاکھ 75 ہزارخاندانوں میں ایمرجنسی کیش تقسیم کیا گیا اور 80 لاکھ سے زائد لوگ اس وجہ سے مسترد ہوئے کیونکہ ایک خاندان سے چار سے چھ لوگوں نے رابطہ کیا تھا جبکہ 12ہزارسرکاری ملازمین کومسترد کیا گیا۔

    یاد رہے وزیراعظم عمران خان نے احساس راشن پورٹل کا باقاعدہ اجراکیا تھا، احساس راشن پورٹل مستحقین تک پہنچنے،راشن تقسیم میں کردار ادا کرے گا۔

    معاون خصوصی ڈاکٹر ثانیہ نشتر نے احساس راشن پورٹل سے متعلق وزیراعظم عمران خان کوبریفنگ کے دوران بتایا تھا کہ راشن پورٹل مخیر حضرات، فلاحی اداروں اور غیرسرکاری تنظیموں کو مستحق افراد تک پہنچنے میں معاون ثابت ہوگا۔

    ثانیہ نشتر کا کہنا تھا راشن پورٹل احساس پالیسی فریم ورک کے اصولوں کو مدنظر رکھ کر تشکیل دیا گیا یے، پورٹل کے تحت یقینی بنایا جا سکے گا نظام یا مستفید افراد کی معلومات کا غلط استعمال نہ ہو۔

    خیال رہے وزیراعظم نے لاک ڈاؤن کے دوران مستحق افراد کو بارہ ہزار روپے فی خاندان دینے کااعلان کرتے ہوئے کہا تھا کہ مستحقین میں ایک سو چوالیس ارب روپے کی رقم تقسیم کی جائے گی۔

    عمران خان کی حکومت کے احساس ایمرجنسی کیش پروگرام کو عالمی میڈیا میں بھی پذیرائی ملی تھی اور امریکی نشریاتی ادارے نے اس حوالے سے رپورٹ بھی شائع کی تھی۔

  • احساس پروگرام میں کرپشن ہوئی تو سخت ایکشن ہوگا، عثمان ڈار

    احساس پروگرام میں کرپشن ہوئی تو سخت ایکشن ہوگا، عثمان ڈار

    اسلام آباد : وزیراعظم کےمعاون خصوصی عثمان ڈار کا کہنا ہے کہ بے روزگارمزدوروں کووزیراعظم تنہانہیں چھوڑیں گے،وزیراعظم چاہتےہیں ،احساس پروگرام کے تحت ہرحقدارکوحق ملے، احساس پروگرام میں کرپشن ہوئی تو سخت ایکشن ہوگا۔

    تفصیلات کے مطابق وزیراعظم کےمعاون خصوصی عثمان ڈار نے اے آر وائی نیوز کے پروگرام باخبر سویرا میں گفتگو کرتے ہوئے کہا تمام حقداروں تک امدادپہنچائی جارہی ہے، پروگرام کوشفاف رکھنےکیلئےہرممکن کوشش کی ہے۔

    عثمان ڈارکاکہنا تھا کہ بے روزگار مزدوروں کوپیغام دیناچاہتاہوں کہ اس مشکل وقت میں وزیراعظم کسی کوتنہانہیں چھوڑیں گے،وزیراعظم چاہتے ہیں کہ احساس پروگرام کے تحت براہ راست غریبوں تک پیسہ پہنچے، اس پروگرام میں خوردبرد ہوئی تو سخت ایکشن ہوگا۔

    معاون خصوصی نے کہا کہ ساڑھے8لاکھ نوجوان ٹائیگرفورس کاحصہ بن چکےہیں، تمام طبقوں کےنوجوانوں کی بڑی تعداداس فورس کاحصہ بن چکی ہے، ٹائیگر فورس کی جلدذمہ داریاں فراہم کردیں گے۔

    گذشتہ روز عثمان ڈار کا کہنا تھا کہ ٹائیگرفورس میں تمام سیاسی جماعتوں کےلوگ ہیں، فورس میں12ہزارکےقریب ہیلتھ ورکرز اور 2 ہزارکےقریب ایم بی بی ایس ڈاکٹرزرجسٹرڈہوئے۔

    انھوں نے کہا تھا کہ زبردست پذیرائی ملنےپروزیراعظم نےرجسٹریشن کی تاریخ میں توسیع کردی ٹائیگرفورس کی رجسٹریشن کاوقت15اپریل تک بڑھا دیا گیا ہے، نیشنل کوآرڈی نیشن کمیٹی میں مکمل ہم آہنگی ہےزبردست کام کیاجارہاہے۔

    ،عثمان ڈار کا کہنا تھا کہ احساس پروگرام سب پاکستانیوں کاہے، بھوک کسی کودیکھ کرنہیں آتی کہ یہ ن لیگ کاہےیاپی ٹی آئی، سندھ میں پی پی کی حکومت ہےآنرشپ لےاورغریبوں کی مددکرے، رقم کی تقسیم سےمتعلق موبائل وائلٹ کےآپشن پرغورکیاجارہاہے، ہم بھی کسی سطح پرمجمع نہیں چاہتے،سندھ حکومت کی تجویزپرغورکریں گے، ہنگامی بنیادوں پرلوگوں میں رقم تقسیم کررہےہیں۔

    انھوں نے مزید کہا تھا فرانزک رپورٹ آنےدیں جوذمہ دارہونگےان کیخلاف کارروائی ہوگی، پہلےچینی آٹامافیاکی باتیں ہوتی تھیں اب کنسٹرکشن مافیاکی بات ہورہی ہے، ہر چیز کو سیاست سے نہیں جوڑناچاہیے، کاروباری لوگوں کوبدنام نہ کیاجائے۔

  • ‘احساس پروگرام میں پیغام بھیجنے پرموبائل بیلنس سے کٹوتی نہ کی جائے’ حکومت سے اپیل

    ‘احساس پروگرام میں پیغام بھیجنے پرموبائل بیلنس سے کٹوتی نہ کی جائے’ حکومت سے اپیل

    کراچی: وزیراطلاعات سندھ سید ناصر حسین شاہ نے وفاقی حکومت سے اپیل کی احساس پروگرام میں پیغام بھیجنے پرموبائل بیلنس سے کٹوتی نہ کی جائے اور پیغامات مفت کردے۔

    تفصیلات کے مطابق وزیراطلاعات سندھ سید ناصر حسین شاہ نے وفاقی حکومت سے اپیل کی ہے کہ احساس پروگرام میں پیغامات پر موبائل کمپنیاں کٹوتی کررہی ہیں، احساس پروگرام میں پیغام بھیجنے پرموبائل بیلنس سے کٹوتی نہ کی جائے،ناصرحسین شاہ

    ناصر حسین شاہ کا کہنا تھا کہ پیغام بھیجنے کے اخراجات بھی وفاقی حکومت کو برداشت کرنےچاہییں، وفاقی حکومت احساس پروگرام پر پیغامات مفت کردے، پیغامات مفت کرنے سے عوام کو مزید سہولت میسر ہوگی۔

    یاد رہے کورونا وائرس کے باعث ملک بھر میں جاری لاک ڈاون کے پیش نظر وزیراعظم عمران خان کی ہدایت پر احساس ایمرجنسی کیش پروگرام شروع کیا گیا۔

    اس پروگرام کے مستحقین میں دیہاڑی دار افراد اور مزدور سر فہرست ہیں جو کہ حفاظتی اقدامات کے باعث گھروں میں محصور ہو کر رہ گئے ہیں۔

    ثانیہ نشتر کا کہنا تھا کہ مستحق افراد کی نشاندہی کا آغازا یس ا یم ا یس مہم کے ذریعے کیا گیا ہے، شہری 8171 پرایس ایم ایس بھیج کر پروگرام میں شامل ہونے کے لیے اپنی اہلیت کو جانچ سکیں۔

    احساس ایمرجنسی کیش پروگرام کا کل بجٹ 144 ارب روپے ہے، جس سے ایک کروڑ بیس لاکھ خاندان مستفید ہو‌ں گے اور ہر خاندان کو 12000 روپے کا وظیفہ دیا جائے گا۔

  • احساس پروگرام کا مقصد تعلیم، خوراک اور صحت کی سہولت فراہم کرنا ہے: وزیر اعظم

    احساس پروگرام کا مقصد تعلیم، خوراک اور صحت کی سہولت فراہم کرنا ہے: وزیر اعظم

    اسلام آباد: وزیر اعظم عمران خان کا کہنا ہے کہ احساس پروگرام کا مقصد غربت کا خاتمہ، تعلیم، خوراک اور صحت کی سہولت فراہم کرنا ہے، سروے سے یوٹیلیٹی اسٹورز اور دیگر فلاحی اداروں کو مدد ملے گی۔

    تفصیلات کے مطابق وزیر اعظم عمران خان کی زیر صدارت اجلاس منعقد ہوا جس میں معاون خصوصی ثانیہ نشتر، چیئرمین نادرا اور بی آئی ایس پی کے حکام شریک ہوئے۔

    اجلاس میں وزیر اعظم کو نیشنل سوشیو اکنامک رجسٹری پروگرام پر بریفنگ دی گئی۔ معاون خصوصی ثانیہ نشتر نے بریفنگ میں بتایا کہ بی آئی ایس پی نے 2011 میں پہلا سروے کیا تھا، بریفنگ کا مقصد ضرورت مند لوگوں کی نشاندہی تھا۔

    بریفنگ میں بتایا گیا کہ نادرا کی مدد سے نیا سروے 2020 میں مکمل ہوجائے گا۔ مختلف این جی اوز کے تعاون سے ڈیٹا اکٹھا کر رہے ہیں۔ ڈیٹا اکٹھے کر کے اس کی تصدیق بھی کروائی جائے گی۔

    ثانیہ نشتر نے بتایا کہ مرکزی کنٹرول روم بھی بنا دیا گیا ہے، پارلیمنٹرینز اپنے حلقوں کا جائزہ کنٹرول روم سے لے سکیں گے۔

    انہوں نے کہا کہ احساس پروگرام سے استفادے کے لیے سیلف رجسٹریشن ڈرائیو شروع کی جائے گی۔

    وزیر اعظم عمران خان کا کہنا تھا کہ احساس پروگرام موجودہ حکومت کا فلیگ شپ پروگرام ہے۔ پروگرام کا مقصد غربت کا خاتمہ، تعلیم، خوراک اور صحت کی سہولت فراہم کرنا ہے۔

    انہوں نے کہا کہ مقامی انتظامیہ اور حکومتوں سے مل کر پوری آبادی کا سروے کیا جائے۔ سروے ایک قومی سطح کی سرگرمی ہے۔ سروے سے یوٹیلیٹی اسٹورز اور دیگر فلاحی اداروں کو مدد ملے گی۔

  • احساس پروگرام : عمران خان ملک سے غربت کے خاتمے کیلئے سنجیدہ ہیں، عمران اسماعیل

    احساس پروگرام : عمران خان ملک سے غربت کے خاتمے کیلئے سنجیدہ ہیں، عمران اسماعیل

    کراچی : گورنرسندھ عمران اسماعیل نے کہا ہے کہ احساس پروگرام ریاست مدینہ کی جانب پہلا قدم ہے، وزیر اعظم عمران خان کو فکر لاحق رہتی ہے کہ ملک سے غربت کا خاتمہ ہو۔

    ان خیالات کا اظہار انہوں نے کراچی میں میڈیا سے گفتگو کرتے ہوئے کیا، انہوں نے کہا کہ وزیر اعظم عمران خان کی خواہش تھی کہ احساس پروگرام سندھ سے شروع ہو۔

    یہ پروگرام مکمل طور پر شفاف بنایا گیا ہے، بلاتفریق سب کو احساس پروگرام میں شامل کیا جائے گا، صحت کارڈ پر ساڑھے7لاکھ روپے تک کی امداد مل سکے گی۔

    گورنر سندھ کا مزید کہنا تھا کہ احساس پروگرام ریاست مدینہ کی جانب پہلا قدم ہے، وزیراعظم کو فکر لاحق رہتی ہے کہ ملک سے غربت کا خاتمہ جلد ہو، احساس پروگرام شروع کرنے پروزیراعظم کا شکریہ ادا کرتے ہیں، صحت احساس پروگرام کے حوالے سے سندھ حکومت کو بھی اعتمادمیں لیا گیا ہے۔

    ایک سوال کے جواب میں عمران اسماعیل نے کہا کہ کراچی میں جلد5بڑے منصوبوں کا سنگ بنیاد رکھا جائے گا، شہر قائد میں کوئی ایک اتھارٹی نہیں یہ کئی حصوں میں بٹا ہوا ہے، کراچی میں سب سے پہلے ایک اتھارٹی بنانی ہوگی۔

    مسائل کے حل کیلئے شہری اور سندھ حکومت کو مل کر بیٹھنا ہوگا، کراچی کے مسائل کے حل کیلئے تمام اسٹیک ہولڈرزکو مل کر کام کرنا ہوگا، دنیا بھرمیں بلدیاتی نمائندے بااختیار ہوتے ہیں، سیاسی اختلافات اپنی جگہ لیکن کراچی کیلئےسب کو کام کرنا ہوگا۔