ARYNews.tv | Urdu – Har Lamha Bakhabar

Tag: Ehsan Mani

  • احسان مانی کی معذرت، وزیراعظم نے چیئرمین پی سی بی کیلئے دونام تجویز کردیے

    احسان مانی کی معذرت، وزیراعظم نے چیئرمین پی سی بی کیلئے دونام تجویز کردیے

    لاہور: چئیرمین پی سی بی احسان مانی نے عہدے میں توسیع لینے سے معذرت کر لی ہے، ان کا کہنا ہے کہ اس عہدے پر مزید کام نہیں کرسکتا۔

    اس حوالےسے احسان مانی کا کہنا ہے کہ وزیراعظم عمران خان کو اپنے فیصلے سے آگاہ کردیا ہے اور کہا ہے کہ کسی اور کو چیئرمین پی سی بی تعینات کردیں۔

    ذرائع کے مطابق پاکستان کرکٹ بورڈ نے احسان مانی کے فیصلے سے متعلق تصدیق کردی ہے۔ بورڈ کے نئے چیئرمین کی تقرری کا فیصلہ وزیر اعظم عمران خان کریں گے۔

    پی سی بی ذرائع کا کہنا ہے کہ عمران خان چیئرمین کیلئے دو نام تجویز کیے ہیں، وزیراعظم کے بھیجے گئے ناموں پر بورڈ آف گورنرز حتمی فیصلہ کرے گا۔

    وزیراعظم نے رمیز راجہ اور اسد علی خان کو پی سی بی بورڈ آف گورنرز کیلئے نامزد کردیا ہے، بورڈ آف گورنرز چند دن میں الیکشن کے ذریعے نئے چیئرمین پی سی بی کا انتخاب کرے گا۔

    ذرائع کا مزید کہنا ہے کہ رمیز راجہ الیکشن میں نئے چیئرمین پی سی بی کے لیےمضبوط امیدوار ہوں گے۔

  • ٹی 20 ورلڈ کپ: پی سی بی کا بھارت سے اہم مطالبہ

    ٹی 20 ورلڈ کپ: پی سی بی کا بھارت سے اہم مطالبہ

    لاہور: پاکستان کرکٹ بورڈ نے بھارت سے سیکیورٹی کی تحریری یقین دہانی کا مطالبہ کر دیا ہے۔

    تفصیلات کے مطابق چئیرمین پی سی بی احسان مانی نے آج میڈیا سےگفتگو کرتے ہوئے کہا کہ بھارت کرکٹر، آفیشل، اور شائقین کے ویزوں اور سیکیورٹی کی یقین دہانی کرائے۔

    احسان مانی کا کہنا تھا یقین دہانی نہ کرائی گئی تو ہم ورلڈ کپ وینیو تبدیلی کا مطالبہ کریں گے، ہم نے آئی سی سی سے بھارت سے تحریری گارنٹی لے کر دینے کا کہا ہے۔

    چیئرمین کرکٹ بورڈ نے کہا بھارت نے آئی سی سی کو اس سلسلے میں دسمبر میں بتانا تھا، لیکن تاحال نہیں بتایا گیا، اگر گارنٹی نہ ملی تو یو اے ای میں ٹی 20 ورلڈ کپ کا کہیں گے۔

    پی سی بی چیئرمین نے کہا ستمبر میں میری مدت مکمل ہو رہی ہے، اگر کام جاری رکھنے کا کہا گیا تو دیکھوں گا، وسیم خان اہم کام کر رہے ہیں، میں چاہتا ہوں کہ انھیں 3 سال کی توسیع ملے۔

    پی ایس ایل ترانے سے متعلق انھوں نے بتایا کہ یہ سب کی مشاورت سے تیار کیا گیا ہے، بہت کم لوگ ہیں جنھیں پی ایس یل ترانہ پسند نہیں آیا۔

  • ’’بھارت سے باہمی سیریز پر اب کوئی بات نہیں کریں گے‘‘

    ’’بھارت سے باہمی سیریز پر اب کوئی بات نہیں کریں گے‘‘

    لاہور: چیئرمین پاکستان کرکٹ بورڈ (پی سی بی) احسان مانی کا کہنا ہے کہ بھارت سے باہمی سیریز پر اب کوئی بات نہیں کریں گے، اب معاملہ بھارت کے ہاتھ میں ہے۔

    اے آر وائی نیوز کی رپورٹ کے مطابق چیئرمین پی سی بی احسان مانی نے میڈیا سے گفتگو کرتے ہوئے کہا کہ جب تک سیاسی صورت حال ٹھیک نہیں ہوگی تب تک بھارت سے باہمی سیریز نہیں ہوسکتی۔

    انہوں نے کہا کہ بھارت سے باہمی سیریز پر متعدد مرتبہ بات کرچکے ہیں اب مزید کوئی بات نہیں کریں گے، بھارتی بورڈ کو سیریز کے لیے حکومت سے اجازت لینا ہوتی ہے، ہمارے یہاں ایسا نہیں ہے۔

    احسان مانی نے کہا کہ آئی سی سی قوانین کے مطابق حکومت بورڈ کے معاملات میں مداخلت نہیں کرسکتی اس لیے اب آئی سی سی کو بات کرنی چاہئے۔

    انہوں نے کہا کہ بھارت کے ساتھ ٹی 20 لیگ شروع کرنے کا کوئی ارادہ نہیں، صدربھارتی بورڈ ساروگنگولی سے پاکستانی کرکٹرز کے انڈین پریمیئر لیگ (آئی پی ایل) میں جانےکی درخواست نہیں کروں گا۔

    واضح رہے کہ پاکستان اور بھارت کے درمیان کشیدگی کے باعث 2012 کے بعد سے باہمی سیریز نہیں کھیلی گئی ہے جبکہ دونوں ٹیمیں آئی سی سی ایونٹس میں مدمقابل آچکی ہیں۔

    خیال رہے کہ پاکستان نے 2017 میں سرفراز احمد کی قیادت میں بھارت کو آئی سی سی چیمپئنز ٹرافی کے فائنل میں شکست دی تھی۔

  • پوری کوشش ہے آئندہ سیزن پشاور میں بھی میچ کھیلے جائیں، احسان مانی

    پوری کوشش ہے آئندہ سیزن پشاور میں بھی میچ کھیلے جائیں، احسان مانی

    کراچی: چیئرمین پی سی بی احسان مانی نے کہا ہے کہ آج ہم اپنا وعدہ پورا کرنے جارہے ہیں، شائقین بھرپور انداز میں پی ایس ایل کو سپورٹ کررہے ہیں، پوری کوشش ہے آئندہ سیزن پشاور میں بھی میچ کھیلے جائیں۔

    تفصیلات کے مطابق چیئرمین پی سی بی احسان مانی نے میڈیا سے گفتگو کرتے ہوئے کہا کہ پی ایس ایل کی کامیابی مداحوں سے ہے، شائقین نے پی ایس ایل کو کامیاب بنایا، ہمارا مقصد پی سی بی کو پروفیشنل بنانا ہے۔

    انہوں نے کہا کہ یہ سال پاکستان کرکٹ کے لیے انتہائی خوش آئند ہے، کھلاڑیوں نے ہوم گراؤنڈ پر 10 سال میں ٹیسٹ کرکٹ نہیں کھیلی، اس سال ملک میں ٹیسٹ کرکٹ بحال ہوئی۔

    احسان مانی کا کہنا ہے کہ پوری دنیا میں پی ایس ایل کا جنون ہے، مدد کرنے پر اسکواش لیجنڈ جہانگیر خان کے بھی شکر گزار ہیں، افتتاحی تقریب دیکھنے کے لیے ہزاروں شائقین کراچی آئیں گے۔

    مزید پڑھیں: پاکستان سپر لیگ 5 کی ٹرافی کی رونمائی

    چیئرمین پی سی بی نے کہا کہ پی ایس ایل سے کراچی کے لوگوں کو فائدہ ہوگا، پاکستان میں اتنا بڑا ایونٹ کبھی نہیں ہوا، 2 ہزار سے زائد لوگ پی ایس ایل کی افتتاحی تقریب دیکھنے کراچی آئے ہیں۔

    انہوں نے کہا کہ فرنچائزر کے تعاون کے بغیر پاکستان میں پی ایس ایل کا مکمل انعقاد ممکن نہیں تھا، کوشش ہے پاکستان کے مثبت تشخص کو پوری دنیا میں دکھائیں، فرنچائز مالکان کا بھی لیگ کامیاب بنانے پر شکریہ ادا کرتا ہوں۔

    احسان مانی نے کہا کہ پی ایس ایل کی کامیابی ٹیم ورک کا نتیجہ ہے، پی ایس ایل پاکستانی پراڈکٹ ہے، میچز کے شیڈول میں کوئی غلطی ہوئی ہے تو سیکھنے کا موقع ملے گا۔

  • خیبر پختون خوا کا کرکٹ بورڈ اگلے 2 یا 3 ماہ میں بن جائے گا: احسان مانی

    خیبر پختون خوا کا کرکٹ بورڈ اگلے 2 یا 3 ماہ میں بن جائے گا: احسان مانی

    پشاور: چیئرمین پاکستان کرکٹ بورڈ نے کہا ہے کہ لاہور سے بیٹھ کر خیبر پختون خوا میں کرکٹ نہیں چلائی جا سکتی، کے پی کا کرکٹ بورڈ اگلے 2 یا 3 ماہ میں بن جائے گا۔

    اے آر وائی نیوز کے مطابق چیئرمین پی سی بی احسان مانی نے میڈیا سے گفتگو کرتے ہوئے کہا ہے کہ پشاور کے اسٹیڈیم پر جس رفتار سے کام ہو رہا ہے اسے دیکھ کر خوشی ہوئی، خواہش ہے کہ پشاور کا اسٹیڈیم اگلے سال پی ایس ایل کے لیے تیار ہو جائے۔

    انھوں نے کہا کہ تمام صوبوں کا اپنا الگ ایک سسٹم ہونا چاہیے، اسٹیڈیم بنانا پی سی بی کا کام نہیں، کے پی حکومت کا شکر گزار ہوں کہ انھوں نے اسٹیڈیم بنایا، کراچی، بلوچستان، کے پی میں این سی اے بنا رہے ہیں، کے پی حکومت کی تعریف میں میرے پاس الفاظ نہیں، انھوں نے بڑا قدم اٹھایا ہے، کے پی میں بچوں کو ہم نے مواقع فراہم کرنے ہیں۔

    چیئرمین پی سی بی نے کہا کہ ہماری کوشش ہوگی کہ پی ایس ایل پشاور میں بھی ہو، کے پی میں جو بھی نئے کھلاڑی سامنے آئیں گے ان کی ٹریننگ یہیں ہوگی، خواہش ہے کہ پاکستان کے ہر حصے میں میچز ہوں، پہلے لاہور پھر کراچی میں میچز ہوئے، اب دیگر شہروں میں ہو رہے ہیں۔

    احسان مانی کا کہنا تھا کہ میرٹ بیس سسٹم لانا ہماری خواہش ہے، گراس روٹ، کلب کرکٹ سے ہی کرکٹ کو فروغ ملے گا۔ گزشتہ روز کے میچ پر تبصرہ کرتے ہوئے چیئرمین نے کہا کہ کرکٹ میں ہار جیت ہوتی ہے، بھارتی انڈر 19 ٹیم نے زیادہ اچھا کھیلا، باؤلنگ اور بیٹنگ دونوں ہم سے اچھی تھی۔

  • ہماری اجازت کے بغیر کوئی کھلاڑی باہر نہیں کھیل سکے گا، احسان مانی

    ہماری اجازت کے بغیر کوئی کھلاڑی باہر نہیں کھیل سکے گا، احسان مانی

    لاہور: چیئرمین پی سی بی احسان مانی نے کہا ہے کہ ہمارے کھلاڑی ساری دنیا میں لیگ کھیلتے ہیں، ہماری اجازت کے بغیر کوئی کھلاڑی باہر نہیں کھیل سکے گا۔

    تفصیلات کے مطابق چیئرمین پی سی بی احسان مانی نے لاہور میں میڈیا سے گفتگو کرتے ہوئے کہا کہ ہر صوبے میں سٹی ایسوسی ایشن بنانے جارہے ہیں، بورڈ نے آج آئین کی منظوری دے دی ہے۔

    چیئرمین پی سی بی نے کہا کہ یہ بڑا قدم ہے کہ 2009 کے بعد ٹیسٹ کرکٹ ملک میں واپس آئی ہے، پی ایس ایل شروع ہورہا ہے وعدہ تھا کہ سارے میچز پاکستان میں ہوں گے، پی ایس ایل تمام 34 میچز پاکستان میں ہوں گے۔

    مزید پڑھیں: ایشیا کپ کی میزبانی کا فیصلہ، چیئرمین پی سی بی کو اختیار مل گیا

    احسان مانی نے کہا کہ پشاور کے میچز کے لیے ہمیں اسٹیڈیم چاہئے، پی سی بی چاہتا ہے کہ پشاور میں انٹرنیشنل میچز ہوں، اسٹیڈیم تیار ہوگیا تو آئندہ سال پشاور میں میچز ہوں گے۔

    انہوں نے کہا کہ ایشیا کپ پاکستان کا نہیں ایشین کرکٹ کونسل کا ہے، بھارت سے کھیلنے کا فیصلہ پاکستان نہیں پوری کونسل کرے گی۔

    ایک سوال کے جواب میں احسان مانی نے کہا کہ مصباح پروفیشنل آدمی ہیں جبکہ میرٹ پی سی بی کی شروع سے سوچ رہی ہے، سٹی ایسوسی ایشن سب ریکارڈ رکھے گا۔

  • پاک بنگلہ دیش کرکٹ کے روشن امکانات، احسان مانی ڈھاکہ کا دورہ کریں گے

    پاک بنگلہ دیش کرکٹ کے روشن امکانات، احسان مانی ڈھاکہ کا دورہ کریں گے

    لاہور : پاکستان کرکٹ بورڈ کے چیئرمین احسان مانی جلد بنگلہ دیش کے دورہ کریں گے جس دوران دورہ پاکستان کے حوالے سے بھی مثبت پیش رفت کا قوی امکان ہے۔

    تفصیلات کے مطابق پاکستان اور بنگلہ دیش کے درمیان کرکٹ محاذ پر جمی برف پگھلنے کا امکان پیدا ہو گیا ہے، اس حوالے سے ذرائع کا کہنا ہے کہ احسان مانی بطور چیئرمین پی سی بی نہیں بلکہ آئی سی سی کمرشل اور فنانس ہیڈ کے طور پر بنگلہ دیش جارہے ہیں اور ان کے ہمراہ کرکٹ کی عالمی گورننگ باڈی کے چیف ایگزیکٹیو مانو ساہنی بھی ہوں گے۔

    اگرچہ یہ دورہ مکمل طور پر آئی سی سی معاملات پر ہوگا مگر سائیڈ لائن میں احسانی مانی کی بی سی بی حکام سے ملاقاتوں میں کرکٹ محاذ پر جمی برف بھی پگھل سکتی ہے۔

    رپورٹس کے مطابق بی سی بی نے آئی سی سی حکام کو بنگلہ دیش پریمیر لیگ (بی پی ایل) کے 17 جنوری کو شیڈول فائنل میچ دیکھنے کیلئے مدعو کیا تھا تاہم ابھی یہ بات یقین سے نہیں کہی جاسکتی کہ ساہنی اور مانی پر مشتمل دو رکنی ٹیم میچ دیکھنے جائے گی یا ان کی کسی اور دن آمد طے ہے۔

    واضح رہے کہ پاکستان اور بنگلہ دیش کی جانب سے رواں ماہ شیڈول دورہ پاکستان کے حوالے سے اپنے موقف پر سختی سے جم جانے کی وجہ سے سیریز خدشات کی زد میں ہے۔

  • بنگلہ دیش سیریز کے لیے نہیں آئی تو آئی سی سی کے پاس جائیں گے، احسان مانی

    بنگلہ دیش سیریز کے لیے نہیں آئی تو آئی سی سی کے پاس جائیں گے، احسان مانی

    کراچی: چیئرمین پاکستان کرکٹ بورڈ احسان مانی نے کہا ہے کہ بنگلہ دیش سیریز کے لیے نہیں آئی تو آئی سی سی کے پاس جاسکتے ہیں۔

    تفصیلات کے مطابق چیئرمین پی سی بی احسان مانی نے میڈیا سے گفتگو کرتے ہوئے کہا کہ سری لنکا کے خلاف ٹیسٹ سیریز انٹرنیشنل کرکٹ کی بحالی کا ٹرننگ پوائنٹ ہے۔

    احسان مانی نے کہا کہ پاکستان بھارت سے زیادہ محفوظ ملک ہے، انشا اللہ دیگر ٹیمیں بھی پاکستان میں آکر کرکٹ کھیلیں گی۔

    ایک سوال کے جواب میں احسان مانی نے کہا کہ سرفراز احمد کراچی نہیں پاکستان کے کپتان تھے، انہوں نے آسٹریلیا سیریز سے خود دستبردار ہونے کا فیصلہ کیا وہ پرفارمنس دکھا کر ٹیم میں واپس آسکتے ہیں۔

    چیئرمین پی سی بی نے کہا کہ سرفراز کو ہٹائے جانے پر کراچی اور لاہور کا تاثر دینا درست نہیں ہے، میں پہلا چیئرمین تھا جس نے سرفراز کو لاہور اپنے آفس میں بلایا۔

    مزید پڑھیں: پاکستان محفوظ ملک ہے، سیکیورٹی بھی بہت اچھی ہے: کپتان سری لنکن ٹیم

    صحافی کی جانب سے عمر کے سوال پر احسان مانی نے کہا کہ میرے ساتھ آئیں پہاڑ پر چڑھ کر دکھاتا ہوں۔

    واضح رہے کہ ملک میں دس سال بعد ٹیسٹ کرکٹ کے دروازے کھل گئے ہیں سری لنکا کی ٹیم ٹیسٹ سیریز کے لیے پاکستان آئی اور اب بنگلہ دیش کو ٹیسٹ سیریز کھیلنے پاکستان آنا ہے لیکن وہ بہانے تلاش کررہے ہیں۔

    ہیڈ کوچ مصباح الحق کا کہنا تھا کہ بنگلہ دیش ٹی ٹوینٹی سیریز کے لیے پاکستان آسکتی ہے تو ٹیسٹ سیریز کھیلنے میں کیا مسئلہ ہے، بنگلہ دیش بورڈ بہانہ بنا کر سیریز سے انکاری ہے۔

  • احسان مانی کا راولپنڈی اسٹیڈیم کا دورہ، گراؤنڈ پر 6 ماہ میں 7 سو ملین خرچ

    احسان مانی کا راولپنڈی اسٹیڈیم کا دورہ، گراؤنڈ پر 6 ماہ میں 7 سو ملین خرچ

    اسلام آباد: چیئرمین پی سی بی احسان مانی نے راولپنڈی کرکٹ اسٹیڈیم کا دورہ کر کے انتظامات کا جائزہ لیا، چیئرمین نے بتایا کہ راولپنڈی اسٹیڈیم میں 6 ماہ میں 6 سو سے 7 سو ملین روپے خرچ ہوئے ہیں۔

    تفصیلات کے مطابق پاکستان کرکٹ بورڈ کے چیئرمین نے راولپنڈی کرکٹ اسٹیڈیم کے انتظامات کا جائزہ لینے کے بعد میڈیا سے گفتگو کرتے ہوئے کہا کہ پاکستان محفوظ ہے، اگر کسی کو اعتراض ہے تو وہ ہمیں آگاہ کرے، بنگلا دیش سے بات چل رہی ہے، اگلے ماہ ایم سی سی آ رہی ہے۔

    احسان مانی کا کہنا تھا ہم یہ کہنے کے لیے کیوں کسی کے پاس جائیں کہ پاکستان ایک محفوظ ملک ہے، کسی کو اس حوالے سے اعتراض ہے تو وہ آکر بات کرے، بنگلا دیش کے ساتھ ٹیسٹ میچ بھی راولپنڈی ہی میں ہوں گے، اس سلسلے میں بنگلا دیش کی سیکورٹی ٹیم یہاں آئی تھی۔ بھارتی کرکٹ بورڈ کے سیکریٹری پاکستان کے ساتھ کرکٹ کے فروغ کے لیے کام کریں۔

    یہ بھی پڑھیں:  سری لنکن ٹیم پریکٹس کے لیے اسٹیڈیم پہنچ گئی، احسان مانی بنگلا دیشی ٹیم کے دورے کے لیے پرامید

    چیئرمین پی سی بی نے ایک سوال کے جواب میں کہا کہ وزیر اعظم کا کام ملک کو چلانا ہے وہ کسی ٹیم کو کیوں دعوت دیں گے۔ خیال رہے احسان مانی نے دو دن قبل بنگلہ دیشی ٹیم کے دورے سے متعلق بات کرتے ہوئے کہا تھا کہ وزیر اعظم عمران خان نے بنگلا دیشی وزیر اعظم کو فون کیا تھا، وزیر خارجہ شاہ محمود قریشی بھی بنگلا دیشی وزیر خارجہ سے مل چکے ہیں۔

    احسان مانی نے کہا کہ ہمارے پاس 7 سلیکٹرز ہیں اور سب کے سب کرکٹر رہ چکے ہیں، جب تک ملک میں فرسٹ کلاس کرکٹ نہیں ہوگی اچھا کھیل پیش نہیں کر سکتے، ہمیں کرکٹ کو بین الاقوامی معیار پر لانا ہوگا، آئی سی سی کے جنوری کے اجلاس میں شرکت کروں گا، کبھی آئی سی سی میں اتنے لوگ شامل نہیں ہوئے جتنے اب ہیں۔

    واضح رہے کہ پاکستان اور سری لنکا کے درمیان پہلے ٹیسٹ میچ کا آج دوسرا دن ہے، تاہم راولپنڈی اسٹیڈیم میں بارش کے باعث میچ تاخیر کا شکار ہو چکا ہے۔

  • سری لنکن ٹیم کی آمد سے دنیا کو پیغام جائے گا پاکستان محفوظ ملک ہے: احسان مانی

    سری لنکن ٹیم کی آمد سے دنیا کو پیغام جائے گا پاکستان محفوظ ملک ہے: احسان مانی

    لاہور: پاکستان کرکٹ بورڈ کے چیئرمین احسان مانی کا کہنا ہے کہ 13 سال بعد سری لنکن ٹیم کی پاکستان آمد سے عالمی کرکٹ کے راستے کھلیں گے، ٹیم کی آمد سے دنیا کو پیغام جائے گا کہ پاکستان محفوظ ملک ہے۔

    تفصیلات کے مطابق چیئرمین پاکستان کرکٹ بورڈ احسان مانی کا کہنا ہے کہ سری لنکن ٹیم کی پاکستان آمد خوش آئند ہے، 13 سال بعد سری لنکن ٹیم کی پاکستان آمد سے عالمی کرکٹ کے راستے کھلیں گے۔

    احسان مانی کا کہنا تھا کہ سری لنکن ٹیم کی آمد سے دنیا کو پیغام جائے گا پاکستان محفوظ ملک ہے، پاکستان سری لنکا کرکٹ سیریز شیڈول کے مطابق ہو رہی ہے۔ ثابت ہوگیا پاکستان اور سری لنکن بورڈز میں کتنے گہرے تعلقات ہیں۔

    انہوں نے کہا کہ امن و امان کا کریڈٹ قانون نافذ کرنے والے اداروں کو جاتا ہے، کرکٹ کی واپسی میں پاک فوج، رینجرز اور پولیس کا اہم کردار ہے۔ پاکستان میں کرکٹ کی واپسی میں پی ایس ایل کا بڑا کردار ہے۔ پاکستان نے ہمیشہ ہی سری لنکا کو سپورٹ کیا ہے۔

    احسان مانی کا کہنا تھا کہ سری لنکن ٹیم پر لاہور میں حملہ ہوا تھا اس کے باوجود وہ پاکستان آرہی ہے، پی سی بی اور سری لنکن بورڈ کے روابط بہت پرانے ہیں۔ سری لنکن ٹیم کو ٹیسٹ کیپ دلانے میں پاکستان کا اہم کردار تھا۔ کولمبو واقعے کے 10 روز بعد بھی ہماری انڈر 19 ٹیم سری لنکا گئی تھی۔

    انہوں نے مزید کہا کہ پہلے دن کہا تھا کہ کرکٹ کے لیے بھارت کے پیچھے نہیں بھاگوں گا، اگر بھارت کو ہم سے کرکٹ کھیلنی ہے تو کھیلے۔ سی ای او کرکٹ انگلینڈ بورڈ ڈائریکٹر کے ساتھ آرہے ہیں۔ ہم آج ایک قدم اٹھائیں تو 2 سے 3 سال میں منزل تک پہنچیں گے۔