ابو ظہبی: متحدہ عرب امارات میں حج اور عید الاضحیٰ کی تعطیلات کا اعلان کردیا گیا، امارات میں 9 ذی الحج سے تعطیلات کا آغاز ہوگا۔
اردو نیوز کے مطابق متحدہ عرب امارات میں سرکاری افرادی قوت کے وفاقی ادارے نے ملک میں رواں سال عید الاضحیٰ اور وقوف عرفہ کی تعطیلات سے متعلق ہدایات جاری کردیں۔
وفاقی ادارے کا کہنا ہے کہ وقوف عرفہ اورعید الاضحیٰ کی تعطیلات 9 ذی الحج سے شروع ہوں گی اور 12 ذی الحج تک جاری رہیں گی۔
تعطیلات سے متعلق یہ بیان سرکاری اور نجی اداروں کے لیے منظور شدہ تعطیلات کے ایجنڈے پر مبنی ہے۔
وفاقی ادارے نے ملک کی قیادت، حکومت، عوام اور مقیم غیر ملکیوں، عربوں اور امت مسلمہ کو عید الاضحیٰ اور وقوف عرفہ کی مبارکباد بھی دی ہے۔
