Tag: eid holidays

  • سعودی عرب: رمضان کے اوقاتِ کار اور عید الفطرکی تعطیلات کا اعلان

    سعودی عرب: رمضان کے اوقاتِ کار اور عید الفطرکی تعطیلات کا اعلان

    سعودی عرب میں سعودی سینٹرل بینک نے بینکنگ سیکٹر میں رمضان المبارک کے ایام میں اوقاتِ کار اور عید الفطرکی تعطیلات کا اعلان کیا ہے۔

    سعودی خبر رساں ادارے کی رپورٹ کے مطابق رمضان المبارک میں مملکت کے تمام بینکوں میں کام کا آغاز صبح دس بجے جبکہ اختتام سہ پہر 4 بجے ہوگا۔

    رپورٹس کے مطابق سینٹرل بینک کی جانب سے عیدالفطر کی تعطیلات کے حوالے سے کہا گیا کہ ’یکم شوال بروز اتوار 30 مارچ سے عیدالفطر کی تعطیلات کا آغاز ہو گا اور چار شوال بمطابق بدھ 2 اپریل تک جاری رہیں گی۔‘

    رپورٹس کے مطابق عیدالاضحی کی تعطیلات کا آغاز جمعرات 9 ذوالحجہ 1446 بمطابق 5 جون 2025 سے ہوگا اور 10 جون 2025 تک جاری رہیں گی۔

    سینٹرل بینک کے مطابق مکہ مکرمہ اور مدینہ منورہ کے علاوہ سرحدی علاقوں میں عازمین حج اورعمرہ زائرین کی سہولت کے لیے مخصوص برانچیں دوران تعطیلات حسب معمول کام کرتی رہیں گی تاکہ عازمین وعمرہ زائرین کو مشکلات پیش نہ آئیں۔

    اس سے قبل سعودی عرب میں وزارت صحت نے رمضان المبارک کے دوران عمرہ ادا کرنے کے خواہشمند زائرین کے لئے گردن توڑ بخار ویکسین لگوانے کی سخت تاکید کی ہے۔

    رپورٹ کے مطابق وزارت صحت کا کہنا تھا کہ ’یہ اقدام صحت عامہ کے تحفظ کو یقینی بنانے اور متعدی بیماریوں کے پھیلاؤ کو محدود کرنے کی کوششوں کے تحت کیا جا رہا ہے‘۔

    وزارت صحت کے مطابق عمرہ کے لیے روانگی سے کم از کم دس دن پہلے گردن توڑ بخار ویکسین ضروری لگوائیں تاکہ مطلوبہ مدافعت حاصل کی جا سکے۔

    وزارت صحت کی جانب سے یہ بھی وضاحت کی گئی کہ وہ افراد جو گزشتہ پانچ سالوں کے دوران یہ ویکسین لے چکے ہیں انہیں دوبارہ ویکسین لگوانے کی ضرورت نہیں کیونکہ اس کی تاثیرکی مدت برقرار ہے۔

    گردن توڑ بخار سانس کے ذریعے خارج ہونے والے ذرات، جیسے کھانسی یا چھینک کے ذریعے پھیلتی ہے جس کے پیش نظر ضروری احتیاطی تدابیر ضرور اپنائیں۔

  • عید تعطیلات کراچی والوں کے لیے ڈراؤنا خواب، ٹریفک حادثات میں 70 شہری جاں بحق

    عید تعطیلات کراچی والوں کے لیے ڈراؤنا خواب، ٹریفک حادثات میں 70 شہری جاں بحق

    کراچی: عید تعطیلات کراچی والوں کے لیے ڈراؤنا خواب بن گئیں، 5 دن میں 70 سے زائد شہری روڈ ایکسیڈنٹ میں جاں بحق ہو گئے۔

    اے آر وائی نیوز کے مطابق عید کی تعطیلات کے دوران شہر کراچی میں مجموعی طور پر 4 ہزار 168 شہری ٹریفک حادثات کا شکار ہوئے۔

    دو بڑے سرکاری اسپتالوں کے ریکارڈ کے مطابق 5 دن میں 1 ہزار سے زائد شہریوں کی ہڈیاں ٹوٹیں، 3218 ایکسیڈنٹ کیسز سول ٹراما سینٹر میں رپورٹ ہوئے جب کہ 950 کیسز جناح اسپتال میں رپورٹ ہوئے۔

    ذرائع نے بتایا کہ ٹریفک حادثات کی بڑی وجہ اوور اسپیڈنگ اور شہر کی سڑکوں پر ٹریفک کانسٹیبلز کی عدم موجودگی تھی۔

    ڈپٹی ڈائریکٹر جناح اسپتال ڈاکٹر نوشین رؤف نے بتایا کہ جناح اسپتال میں روڈ ایکسیڈنٹ میں جان سے جانے والے 60 کے قریب کیسز رپورٹ ہوئے، دوسری طرف ٹریفک حادثات میں موت کے 10 کیسز سول ٹراما سینٹر میں رپورٹ ہوئے۔

    ڈاکٹر نوشین رؤف کے مطابق روڈ ایکسیڈنٹ میں زیادہ تر اموات موقع پر ہی ہوئیں، اور زیادہ تر اموات سر پر چوٹ لگنے کی وجہ سے ہوئیں۔

    انھوں نے یہ بھی بتایا کہ روڈ ایکسیڈنٹ کا زیادہ تر شکار ہونے والوں کی عمر 16 سے 30 سال کے درمیان تھی۔

  • کویت میں عید الفطر کی تعطیلات کا اعلان

    کویت میں عید الفطر کی تعطیلات کا اعلان

    کویت سٹی: کویت میں عید الفطر کی تعطیلات کا اعلان کردیا گیا، 21 سے 25 اپریل کے دوران مملکت بھر میں عید کی تعطیلات ہوں گی۔

    کویت کی کابینہ نے سوموار کے روز اعلان کیا ہے کہ رواں برس ملک بھر کے سرکاری و نجی اداروں کے لیے عید الفطر کی تعطیلات 21 اپریل جمعہ سے 25 اپریل منگل تک ہوں گی۔

    کابینہ کا کہنا ہے کہ تمام ادارے 26 اپریل بدھ کے روز سے معمول کے مطابق کھل جائیں گے۔

    علاوہ ازیں خصوصی نوعیت کی ایجنسیاں یا ادارے جو اپنے فرائض عید کے دوران بھی انجام دیں گے وہ ڈیوٹی کے حساب سے اپنی تعطیلات ترتیب دیں گے۔

  • سعودی عرب میں عید کی تعطیلات کا اعلان

    سعودی عرب میں عید کی تعطیلات کا اعلان

    ریاض: سعودی عرب میں عید الفطر اور عید الاضحیٰ کی تعطیلات کا اعلان کردیا گیا، عید الفطر کی تعطیلات 17 اپریل سے ہوں گی۔

    اردو نیوز کے مطابق سعودی سینٹرل بینک (ساما) نے رمضان، عید الفطر اور عید الاضحی کی تعطیلات کے دوران بینک، ان کی شاخوں اور ترسیل زر کے مراکز کے اوقات کار جاری کیے ہیں۔

    ساما کا کہنا ہے کہ رمضان کے دوران صبح 10 بجے سے سہ پہر 4 بجے تک ہوں گے، بینکوں کی تمام شاخوں کے اوقات کار یہی ہوں گے۔

    ترسیل زر کے مراکز صبح ساڑھے 9 سے شام ساڑھے 5 بجے تک کھلے رہیں گے۔

    ساما نے عیدالفطر کی تعطیلات کے حوالے سے بتایا کہ پیر 17 اپریل 2023 یعنی 26 رمضان کی ڈیوٹی کے بعد بینکوں میں تعطیلات کا آغاز ہوگا۔

    منگل 25 اپریل یعنی 5 شوال سے سے بینک دوبارہ کھلیں گے۔

    عید الاضحیٰ کی تعطیلات جمعرات 22 جون 2023 یعنی 4 ذوالحج کو ڈیوٹی ختم ہونے پر شروع ہوں گی، اس کے بعد اتوار 2 جولائی یعنی 14 ذوالحج سے بینک دوبارہ کھلیں گے۔

  • کویت: عید الاضحیٰ اور نئے سال کی طویل تعطیلات کا امکان

    کویت: عید الاضحیٰ اور نئے سال کی طویل تعطیلات کا امکان

    کویت سٹی: کویت میں رواں برس عید الاضحیٰ اور نئے سال کی تعطیلات ملا کر 9 دن کی تعطیلات کا امکان ہے۔

    مقامی میڈیا رپورٹ کے مطابق کویتی ماہر فلکیات عادل یوسف المرزوق نے توقع ظاہر کی کہ اس سال ذی الحج کا مہینہ 30 دن مکمل کرے گا جس کی وجہ سے عید الاضحیٰ کی تعطیلات طویل ہوں گی اور اگر وزرا کی کونسل کی طرف سے منظوری دی گئی تو یہ 9 دن تک پہنچ سکتی ہیں۔

    اس لحاظ سے نئے اسلامی سال کی تعطیلات 3 دن کی ہوں گی۔ انہوں نے کہا کہ یہ بیان اس طرف اشارہ نہیں کرتا کہ عید الاضحیٰ کی بابرکت ساعتوں میں چھٹی کا قوی امکان ہے جو طویل اور 9 دن تک پہنچ سکتی ہیں اس لیے لوگ پرامید ہیں کہ مندرجہ ذیل وجوہات کی بنا پر وزرا کی کونسل عید الاضحیٰ کے لیے طویل تعطیلات کی منظوری دے گی۔

    جمعہ 8 جولائی 2022 یوم عرفات (ریاست میں سرکاری تعطیل)
    ہفتہ 9 جولائی 2022 عید الاضحیٰ (ملک میں سرکاری تعطیل)
    اتوار 10 جولائی 2022 عید الاضحیٰ کا دوسرا دن (ملک میں سرکاری تعطیل)
    پیر 11 جولائی 2022 عید الاضحیٰ کا تیسرا دن (ملک میں سرکاری تعطیل)
    منگل 12 جولائی 2022 کو عرفات کی تعطیل جمعہ کی بجائے منگل کو دی جائے گی
    بدھ 13 جولائی 2022، خیال کیا جاتا ہے کہ اس دن سرکاری چھٹی (آرام کا دن) دی جائے گی
    جمعرات 14 جولائی 2022، اس دن بھی سرکاری چھٹی (آرام کا دن) دی جائے گی
    جمعہ 15 جولائی 2022 جو پہلے ہی ریاست میں چھٹی کا دن ہوتا ہے
    ہفتہ 16 جولائی 2022 جو ملک میں سرکاری آرام کا دن ہے

    اس امکان کی بنا پر ان طویل تعطیلات کے دوران سفر کا امکان بہت زیادہ ہو جائے گا۔

    دوسری جانب نئے اسلامی سال کے آغاز سے متعلق عادل یوسف کا کہنا تھا کہ جولائی کے آخر میں بالخصوص 28 جولائی 2022 بروز جمعرات کی شام 8 بج کر 55 منٹ پر ماہ محرم کے چاند کی پیدائش غروب آفتاب کے بعد تقریباً 2 گھنٹے اور 12 منٹ بعد ہوگی اور اس صورت میں چاند نظر آنے کا امکان نہیں ہے۔

    اس دن فقہی قاعدہ کے اطلاق میں کہا گیا ہے کہ غروب آفتاب کے بعد کوئی آغاز نہیں ہے تاہم اس صورت میں اس سال ذی الحجہ کا مہینہ دو وجوہات کی بنا پر 30 دن مکمل کرے گا۔

    پہلی وجہ محرم کے چاند کی پیدائش جمعرات 29 ذی الحجہ 1443 کو غروب آفتاب کے بعد ہے، جبکہ دوسری وجہ یہ ہے کہ ذی الحج کے مہینے کی مدت 30 دن ہے لہٰذا 29 جولائی 2022 بروز جمعہ ذی الحج 1443 ہجری کے مہینے کا 30 واں دن ہوگا۔

    نئے ہجری سال کی چھٹی کل 3 دن کی ہوگی جو حسب ذیل ہے۔

    جمعہ 29 جولائی 2022، 30 ذوالحج 1443 ہفتے کا دن
    ہفتہ 30 جولائی 2022 ہجری سال 1444 کا پہلا دن
    اتوار 31 جولائی 2022 ہجری نئے سال کی چھٹی ہفتے کے بجائے اتوار کو دی جائے گی۔

    عادل یوسف کا کہنا ہے کہ نئے ہجری سال کی تعطیل کے بعد 2 ماہ اور 10 دن تعطیلات کے بغیر 70 دن کا وقفہ ہے اس کے بعد 9 اکتوبر 2022 کو نبی کریم صلی اللہ علیہ وسلم کے یوم ولادت کی تعطیل ہے۔

  • سعودی عرب: عید الفطر کی تعطیلات کا اعلان

    سعودی عرب: عید الفطر کی تعطیلات کا اعلان

    سعودی عرب میں پرائیوٹ سیکٹر کے لیے عید الفطر کی تعطیلات کا اعلان کردیا گیا، 4 دن کی تعطیلات یکم مئی سے شروع ہوں گی۔

    سعودی ویب سائٹ کے مطابق سعودی وزارت افرادی قوت و سماجی بہبود نے پرائیوٹ سیکٹر اور بغیر منافع والے سیکٹر کے ملازمین کے لیے عید الفطر کی تعطیلات کے حوالے سے بیان جاری کیا ہے۔

    وزارت افرادی قوت و سماجی بہبود نے ٹویٹر پر بیان میں کہا کہ پرائیوٹ سیکٹر میں عید الفطر کی تعطیلات 29 رمضان سنیچر 30 اپریل 2022 کی ڈیوٹی مکمل کرنے پر شروع ہوں گی، تعطیلات 4 دن کی ہوں گی۔

    تمام آجروں کو قانون محنت کے لائحہ عمل کی دفعہ 24 کی شق دو کے مطابق اس کی پابندی کرنا ہوگی۔

    قانون محنت کے لائحہ عمل کی دفعہ 24 کی دوسری شق میں کہا گیا ہے کہ اگر تہوار یا کسی قومی پروگرام کی چھٹیاں ہفتہ وارچھٹی کے ساتھ ٹکرا رہی ہوں تو ایسی صورت میں ملازم کو عید کی چھٹیاں شروع ہونے سے قبل یا آخر میں اس کے بدلے چھٹی دینا ہوگی۔

    سالانہ چھٹی میں توسیع تہوار کی چھٹیوں کے حساب سے ہوگی جہاں تک بیماری کی چھٹی کا تعلق ہے تو ملازم کو عید کی چھٹیوں کے محنتانے کا استحقاق حاصل ہوگا، اس حوالے سے بیماری کی چھٹیوں کے محنتانے کا اعتبار نہیں ہوگا۔

  • عید الفطر: تعلیمی اداروں میں  تعطیلات کا اعلان کردیا گیا

    عید الفطر: تعلیمی اداروں میں تعطیلات کا اعلان کردیا گیا

    ریاض : خادم حرمین شریفین شاہ سلمان بن عبد العزیز نے یونیورسٹیوں اور اسکولوں میں عید کی تعطیلات کا شاہی فرمان جاری کیا ہے۔

    سرکاری خبر رساں ادارے ایس پی اے کے مطابق شاہی فرمان میں کہا گیا ہے کہ تمام اسکولوں اور یونیورسٹیوں میں جمعرات 21 اپریل 2022 کو آخری دن ہوگا۔

    شاہی فرمان کے مطابق تمام طلبہ کے لیے عید الفطر کی چھٹیوں کے آغاز میں ترمیم کی گئی ہے۔ اب عید کی تعطیلات جمعہ 22 اپریل 2022 سے ہوں گی۔

    واضح رہے کہ اس سے قبل طے کیا گیا تھا کہ اسکولوں اور یونیورسٹیوں میں عید الفطر کی تعطیلات 26 اپریل سے شروع ہوں گی۔

  • اہم خبر ،  عید الاضحیٰ‌ کی تعطیلات میں  اضافہ کردیا گیا

    اہم خبر ، عید الاضحیٰ‌ کی تعطیلات میں اضافہ کردیا گیا

    کوئٹہ: بلوچستان حکومت کی جانب سے عید الاضحیٰ‌ کی تعطیلات میں ایک دن کا اضافہ کردیا گیا، اب عید کی تعطیلات 20سے23جولائی تک ہوں گی۔

    تفصیلات کے مطابق بلوچستا ن حکومت نے عید کی تعطیلات میں اضافہ کردیا اور اس حوالے سے نوٹیفکیشن بھی جاری کردیا ، جس میں کہا ہے کہ جمعےکوبھی عیدکی چھٹی ہوگی، عید کی تعطیلات 20سے23جولائی تک کردی گئی ہے۔

    یاد رہے کہ وفاقی حکومت کی جانب سے عیدالاضحیٰ پر 3 چھٹیوں کا اعلان کیا گیا تھا ،21،20 اور 22جولائی کو عید کی تعطیلات ہوں گی۔

    بعد ازاں وفاقی وزیر اطلاعات فواد چوہدری نے میڈیا بریفنگ دیتے ہوئے کہا کہ این سی اوسی خواہش تھی عید کی 5 دن کی چھٹیاں ہوں تاہم وفاقی کابینہ نے عید کی 3دن کی چھٹیاں منظورکی ہیں۔

    خیال رہے پاکستان میں عید الاضحیٰ 21 جولائی بروز بدھ کو منائی جائے گی۔

  • عید کی تعطیلات ، وزیراعلیٰ پنجاب کا  ایس اوپیز پر سختی سے عملدرآمد کرانے کا حکم

    عید کی تعطیلات ، وزیراعلیٰ پنجاب کا ایس اوپیز پر سختی سے عملدرآمد کرانے کا حکم

    لاہور : وزیراعلیٰ پنجاب عثمان بزدار نے عید تعطیلات پر ایس اوپیز پر سختی سےعملدرآمد کرانے کا حکم دیتے ہوئے کہا ایس اوپیز پر عملدرآمد سے کورونا سے بچاؤممکن ہے۔

    تفصیلات کے مطابق وزیراعلیٰ پنجاب عثمان بزدار نے کورونا صورتحال کے حوالے سے اپنے بیان میں کہا ہے کہ کوروناپھیلاؤ روکنےکیلئےعوام کاتعاون اہمیت کاحامل ہے ، عوام ایس او پیز کی مسلسل پابندی کریں، سماجی فاصلے برقرار رکھنے میں ہی عافیت ہے۔

    عثمان بزدار کا کہنا تھا کہ عید تعطیلات پرایس اوپیزکی خلاف ورزی برداشت نہیں کی جائے گی ، احتیاط کا دامن تھام کر کورونا کے ساتھ جینا سیکھنا ہوگا۔

    وزیراعلیٰ پنجاب نے ایس اوپیزپرسختی سےعملدرآمدکرانےکاحکم دیتے ہوئے کہا احتیاط کرنے ہی میں سلامتی اور تحفظ ہے، انتظامی اقدامات کے ذریعے ایس او پیز یقینی بنائےجائیں گے، سب ذمہ دار شہری ہونے کا ثبوت دیں۔

    ان کا کہنا تھا کہ اقدامات اور گائیڈ لائنز پر ہر صورت عملدرآمد کرائیں، حکومت کےاقدامات پر عملدرآمد میں کوتاہی کی گنجائش نہیں، ایس اوپیز پر عملدرآمد سے کوروناسےبچاؤممکن ہے، جتنی احتیاط کرینگےاتناہی شہری محفوظ رہیں گے۔

    خیال رہے پاکستان میں کوروبا صورتحال میں بہتری آنے لگی ، عید کے دوسرے دن کورونا سے 48 اموات ہوئی ہیں جبکہ 2517 نئے کیسز رپورٹ ہوئے، اس دوران کورونا کے ٹیسٹ مثبت آنے کی شرح 8.19 فیصد رہی۔

  • عیدالفطر کی تعطیلات : این سی او سی نے نئی ہدایات جاری کردیں

    عیدالفطر کی تعطیلات : این سی او سی نے نئی ہدایات جاری کردیں

    اسلام آباد : نیشنل کمانڈ اینڈ آپریشن سینٹر (این سی او سی) نے عیدالفطر کی تعطیلات کے لئے ہدایت نامہ جاری کر دیا ہے جس کے تحت عیدالفطر پر ناردرن ایریاز میں قانون نافذ کرنے والے اداروں کو خصوصی احکامات دیئے گئے ہیں۔

    عیدالفطر پر ناردرن ایریاز میں قانون نافذ کرنے والے اداروں کی استعداد کار بڑھانے کا فیصلہ کیا گیا ہے، نیشنل کمانڈ اینڈ آپریشن سینٹر (این سی او سی) نے عید الفطر کے حوالے سے این ایچ اے اور ایف ڈبلیو او کو خصوصی ہدایات جاری کردی ہیں۔

    این سی او سی نے ہدایات دی ہیں کہ ایف ڈبلیو او اور این ایچ اے ٹول پلازوں پر عوام کی آگاہی کیلئے بینرز آویزاں کریں، صوبوں نے عید تعطیلات پر عوامی نقل و حرکت محدود کرنے کیلئے احکامات دیئے ہیں، ان پر سختی سے عمل درآمد کیا جائے۔

    این سی اوسی کے مطابق تمام صوبوں نے سیاحتی مقامات اور ہوٹلوں کی بندش کے احکامات دیئے، سیاحتی مقامات پر قانون نافذ کرنے والے اداروں کو خصوصی ذمہ داری سونپی گئی ہیں، قانون نافذ کرنے والے ادارے سیاحتی مقامات کے انٹری پوائنٹس پر رش نہ ہونے دیں۔