Tag: eid ul azha

اسلام آباد: عمران خان نے کہا ہے کہ دھرنےمیں عید الاضحیٰ مناکرپورےپاکستان کوایک پیغام دیاہے کہ جب تک  اپنا مقصد حاصل نہیں کرلیتےہماری جدوجہدجاری رہے گی۔ دھرنا جاری رہے گا اورمزید بڑھتا رہے گا۔

تفصیلات کے مطابق تحریک انصاف کے چیئرمین عمران خان نے اسلام آباد میں ڈی چوک پر دھرنے  کے شرکاءسے خطاب کرتے ہوئے کہاہے کہ دھرناجاری رہےگااورمزیدبڑھتا رہے گا۔

میڈیانےہماراپیغام ملک بھرمیں پھیلایا جس پراس کا شکریہ اداکرتے ہیں۔عمران خان نے سیلاب متاثرین اور آئی ڈی پیز کو عید کی مبارکباد پیش کرتے ہوئے کہا کہ انشااللہ آئی ڈی پیز جلد اپنےعلاقوں کوواپس جائیں گے۔

ان کا کہنا تھا کہ آئی ڈی پیز کیلئے بیس کروڑ روپے جمع کیے ہیں۔سیلاب متاثرین کی بھی بھرپورمدد کی جارہی ہے۔ عمران خان نے مزید کہا کہ آئی ڈی پیز نے دہشت گردی کیخلاف اپنا گھر بار چھوڑا۔ ان کی قربانی رائیگاں نہیں جائے گی۔

پی ٹی آئی کے سربراہ نے کہا کہ پوری قوم کی نگاہیں ہم پر لگی ہیں،نیا پاکستان جب تک نہیں بن سکتا جب تک لوگ اپنا حق حاصل کرنے کیلئے آواز حق بلند نہیں کرینگے،۔

عمران خان کا کہنا تھا کہ آپ کا کپتان نہ کسی کے آگے جھکا ہے نہ کبھی جھکے گا، ان کا کہنا تھا کہ غربت کے خاتمے کیلئے چھوٹے سرمایہ داروں اور کسانوں کی حوصلہ افزائی کرنا ہوگی،انہوں نے کہا کہ ہم کسانوں اور چھوٹے سرمایہ کاروں کیلئے نئی پالیسی مرتب کریں گے۔