Tag: EID

فیض اللہ کی افغان جیل سے رہائی، صحافی تنظیموں کا خیرمقدم

کراچی: اے آروائی نیوز کےرپورٹر فیض اللہ کی افغان جیل سےرہائی کا صحافی تنظیموں نے بھی خیرمقدم کیا ہے اور اسے صحافتی تنظیموں کی جانب سے یکجہتی کی ایک اچھی مثال قرار دیا۔

اے آر وائی نیوز سے گفتگو کرتے ہوئے پی ایف یو جے دستورکے صدر ادریس بختیار کا کہنا تھا کہ فیض اللہ کی رہائی کے لیے صحافتی تنظیموں نے کافی جدوجہد کی، ادریس بختیار کراچی پریس کلب کے صدر امتیاز خان فاران نے اسے صحافی برادری کی جانب سے یکجہتی کی شاندار مثال قرار دیا۔

امتیاز خان فاران کے یو جے کے صدرجی ایم جمالی نے فیض اللہ کی رہائی کو تمام صحافی برادری کے لیے خوشی کی خبر قرار دی، جی ایم جمالی فیض اللہ کو اس سال اپریل میں افغان سیکیورٹی حکام نے گرفتار کیا تھا جس کے بعد مختلف حلقوں کیجانب سے انکی رہائی کی کوششیں جاری تھیں۔

ستمبر 28, 2014
عید کی تعطیلات:ملکی خزانے کو چالیس ارب روپے کا نقصان

عوام نے عید کی لمبی تعطیلات کا خوب مزہ اٹھایا ہے ۔ لیکن عید کی ان طویل تعطیلات کے نتیجے میں ملکی معیشت اربوں روپے کا نقصان پہنچا ہے ۔چاردن عید کی تعطیلات اور پھر دو دن کی ہفتہ وار تعطیل کے سبب صرف ٹیکس وصولی کی مد میں ملکی خزانے کو چالیس ارب روپے کا نقصان ہوا ۔برآمدات کی مد میں بھی ملکی معیشت کو پینتس ارب روپے سے زائد کا جھٹکا لگا ہے

ملک کا ایک روز کا برآمدی حجم سات کروڑ ڈالر سے زائد بنتا ہے۔ یوں پانچ تعطیلات کے باعث ملک کو برآمدات کی مد میں پینتس ارب روپے سے زائد کا نقصان برداشت کرنا پڑا ہے۔پاکستان کی جی ڈی پی میں صنعتی شعبے کا حصہ بیس فیصد سے زائد ہے۔پیداواری سرگرمیاں ایک ہفتے تک معطل رہنے سے پاکستان معاشی شرح نمو پر بھی منفی اثرات مرتب ہوئے ہیں۔

عید کی تعطیلات کے بعد ملک بھر میں کاروباری و تجارتی سرگرمیاں آج سے دوبارہ شروع ہوگئی ہیں مگر حکومت وقت کو یہ سوچنا چاہیئے کہ معاشی مسائل میں جکڑا یہ ملک کیا ایسی آسانیوں کا متحمل ہے؟

اگست 4, 2014
سانحہ سی ویو:وزیراعلیٰ سندھ نےتین رکنی تحقیقاتی کمیشن قائم کردیا

کراچی:وزیراعلیٰ سندھ نے سی ویو سانحےکی تحقیقات کےلیےتحقیقاتی کمیشن قائم کردیا ہے۔

سینئرممبربورڈ آف ریونیوکمیشن کےسربراہ ہوں گےجبکہ اس کےارکان میں سیکریٹری داخلہ اورسیکریٹری ایڈمنسٹریشن شامل ہیں۔

کمیشن پانچ روزمیں اپنی رپورٹ وزیراعلیٰ سندھ کو پیش کرےگا،کمیشن واقعے کے ذمےدران کاتعین اورایسے واقعات کی روک تھام کی سفارشات مرتب کرےگا،چیف سیکریٹری سندھ نےکمیشن کے قیام کا نوٹی فکیشن جاری کردیا۔

اگست 2, 2014
کراچی:سمندر میں6افراد ڈوب کر جاں بحق

کراچی:سمندرمیں نہاتےہوئےذراسی لاپروائی بن جاتی ہے موت کی وجہ،سی ویو پرچھ افراد سمندرمیں ڈوب گئے، تین لڑکوں سمیت پانچ افراد کو زندہ نکال لیا گیا۔

عید کو بھرپورطریقے سےمنانےکے لئے،ساحل سمندر پرجانے والوں کی ذرا سی بے احتیاطی بنگئی موت کا سبب ساحلی مقامات پر دفعہ ایک سو چوالیس کےباوجود شہری کررہے ہیں قانون کی خلاف ورزی اورجارہے ہیں گہرے سمندرمیں ریسکیو کے عملے نے سی ویو کے ساحل سے چھ افراد کی لاشیں نکل لی ہیں۔

جاں بحق افراد میں سے ایک کی شناخت اظہرکے نام سے ہوئی ،ریسکیو ٹیم نے سمندر سے دونیم بے ہوش شہری اورتین کم عمر بچوں کو ڈوبنےسےبچا لیا۔

جن کو فوری طبی امداد کےلئےپولیس موبائل میں جناح اسپتال منتقل کردیا گیا،ایس پی کلفٹن کاکہنا ہےسمندرکے خطرناک مقامات پرلال جھنڈے لگائےگئے ہیں لیکن شہری اس سے تجاوزکررہےہیں جس کےباعث حادثات رونما ہورہےہیں۔

جولائی 30, 2014
فیض اللہ کےاہل خانہ عید پر بھی انتظار کرتے رہے

کراچی :افغانستاں میں قید اے آر وائی نیوز کے رپورٹرفیض اللہ کےاہل خانہ نے سوگواری میں عید گزاری، انٹرنیشنل فیڈریشن آف جرنلسٹ نے فیض اللہ کی جیل سے جلد رہائی کامطالبہ کیا،عیدآگئی لیکن فیض اللہ اپنے گھر واپس نہ آسکے۔

اے آر وائی نیوز کا رپورٹرجان جوکھوں میں ڈال کر رپورٹنگ کرنا جس کا شیوہ تھا ، اہم اسائنمنٹ پر قبائلی علاقہ جات گیا تو غلطی سے سرحد پار کرگیا ، افغان حکام نے گرفتار کیا اور مقدمہ چلا کر چار سال کیلئے جیل بھیج دیا ۔ پہلے تو فیض اللہ کو رہا کرانے کیلئے سفارتی ذرائع استعمال کئے گئے پھر بات مظاہروں تک پہنچ گئی،

دفترخارجہ دلاسے دیتا رہا، اور وزیر اطلاعات نے صحافیوں کے مظاہرے میں اعلان کیا فیض اللہ عید اپنے گھرپر گزاریں گے لیکن ہوا کچھ بھی نہیں، سیاسی رہنمائوں نے بیانات بھی دئیے ، طلحہ محمو د نے بھی رپورٹ طلب کی لیکن فیض اللہ آج بھی افغانستان کی جیل میں اپنے گھروالوں سے دور عید گزار رہا ہے ، اور کراچی میں موجود ا س کے گھر والے عید کے دن بھی نم آنکھوں کے ساتھ اس کی راہ دیکھ رہے ہیں، فیض اللہ عید آگئی لیکن تم نہ آئے۔ چلے آئو چلے آؤ ۔کہ آنکھیں جاگتے جاگتے جلنے لگی ہیں

جولائی 30, 2014
عیدالفطرکےموقع پرملک بھرمیں سیکیورٹی کےسخت انتظامات

اسلام آباد: ملک بھرمیں چاندرات اورعیدالفطرکےموقع پرشاپنگ سینٹرز اور نمازعید کے بڑے اجتماعات میں پولیس اور رینجرز کی اضافی نفری تعینات ہو گی۔ موبائل فون سروس بند نہیں ہو گی۔ عیدالفطرکےموقع پرملک بھرمیں امن و امان کی صورتحال کے پیش نظر تمام بڑےشہروں میں سیکیورٹی کے سخت انتظامات کیےگئےہیں

تمام شہروں میں پولیس کی چھٹیاں منسوخ کردی گئیں ہیں۔کراچی،لاہور،پشاور،کوئٹہ اوراسلام آبادسمیت تمام بڑےشہروں کی مساجد اورامام بارگاہوں میں عید کےاجتماعات کی سیکیورٹی پر خاص انتظامات کیےگئےہیں۔ مساجد،امام بارگاہوں اوربڑےبڑےعید اجتماعات میں پولیس اور قانون نافذ کرنے والے اہلکاروں کی اضافی نفری تعینات کی جائے گی۔

کلوزسرکٹ کیمروں کےذریعےحساس مقامات کی نگرانی بھی کی جائیگی جبکہ چاندرات کوشاپنگ سینٹرز،پلازوں اور مارکیٹوں میں اضافی فورس تعینات کی جارہی ہے جبکہ عید پر موبائل سروس بند نہ کر نے کا فیصلہ کیاگیاہے۔ وزارت داخلہ نے موبائل فون بندکرنیکی تجویزکومستردکردیا۔لاہورمیں وزیراعلیٰ محمد شہباز شریف کی زیرصدارت صوبےمیں امن و امان کی صورتحال کاجائزہ لینے سے متعلق اعلیٰ سطح کا اجلاس ہوا۔

وزیراعلی نےچاندرات اور عید الفطرکےموقع پرصوبہ بھر میں فول پروف سکیورٹی انتظامات کی ہدایت کی۔ وزیراعلی نےکہاکہ سکیورٹی پلان پرمکمل عملدرآمد یقینی بنایا جائےجبکہ پولیس حکام سکیورٹی انتظامات کاجائزہ لینےکیلئےخود فیلڈمیں موجودرہیں۔

جولائی 28, 2014
عید کی تعطیلات میں سی این جی اسٹیشن کھلے رہیں گے

اسلام آباد:حکو مت کو عوام کو ریلیف دینے کا خیا ل آہی گیا، اعلان کیا گیا کہ عید کی تعطیلات میں سی این جی اور بجلی بلا تعطل عوام کو میسر رہے گی گو یا عید کے موقع پر لوڈ شیڈنگ سے عارضی نجات ملے گا ,سوئی سدرن گیس کمپنی اور سوئی نادرن گیس پائپ لائن نےعید کی تعطیلات کے دوراں ملک بھر میں سی این جی اسٹیشن کھولے رکھنے کا فیصلہ کیا ہے ۔

ملک بھر میں پیر کی صبح سے ہفتے کی صبح تک سی این جی سیکٹر کو بلا تعطل گیس کی فراہمی جاری رہے گی ۔ دوسری جانب کے الیکٹرک اور این ٹی ڈی سی نے عیدپر کراچی سیمت ملک بھر میں عید کی تعطیلات میں بجلی کی لوڈشیڈنگ نہ کرنے کا اعلان کیا ہے ۔

کے الیکٹرک ترجمان نے کہا ہے کہ آٹھائیس جولائی سے چار اگست تک ادارے کی جانب سے لوڈشیڈنگ نہیں کی جائے گی، البتہ کسی بھی قسم کی فنی خرابی کی وجہ سے بجلی کی بندش کا سامنا ہوسکتا ہے ۔ تاہم آپریشنل ٹیمیں چوبیس گھنٹے کام کریں گی۔

جولائی 28, 2014
پیٹرول اورڈیزل کی قیمتوں میں اضافے کی سمری مسترد

اسلام آباد :حکومت کی جانب سے عید پر عوام کو ایک اور تحفہ۔ وزیر اعظم کی ہدایات پر پیٹرول اور ڈیزل کی قیمتو ں میں اضافے کو مسترد جبکہ مٹی کے تیل اور لائٹ ڈیزل کی قیمت میں کمی کا فیصلہ کیا گیا ہے،وزارت پیٹرولیم کے مطابق وزیر خزانہ کی وزیراعظم سے ملاقات کے بعد یہ فیصلہ کیا گیا ۔

وزیر اعظم کی ہدایت پرپیٹرول اور ڈیزل کی مصنوعات کی قیمتیں برقراررکھنےاور مٹی کے تیل اور لائٹ ڈیزل کی قیمت میں کمی کا فیصلہ کیا گیا ہے ۔ اس فیصلے کے باعث حکومت کو ایک ارب چھتیس کروڑ روپےکی سبسڈی برداشت کرناپڑےگی۔ اگست کے مہینے میں پیٹرول کی قیمت ایک سو سات روپےستانوئے پیسے، ایچ او بی سی ایک سو چونتیس روپے تریسٹھ پیسے جب کہ ڈیزل کی قیمت ایک سو نو روپے چونتیس پیسے لیٹر پر برقرار رہےگی۔

وزارت پیٹرولیم کے مطابق مٹی کے تیل کی فی لیٹر قیمت میں اکتیس پیسے اور لائٹ ڈیزل کی قیمت میں اکاسی پیسے کمی کی گئی ہے ۔ اوگرا نے پیٹر ول ڈیزل اور ایچ او بی سی کی قیمتوں میں اضافے جبکہ مٹی کے تیل اور لائٹ ڈیزل کی قیمت میں کمی کی سمری ارسال کی تھی۔

جولائی 28, 2014
بنوں:عمران خان عید منانے آئی ڈی پیز کے کیمپ پہنچ گئے

بنوں : پاکستان تحریک انصاف کے سربراہ عمران خان شمالی وزیرستان کے متاثرین کے ساتھ عید منانے کے لیے بنوں میں متاثرین کے کیمپ پر پہنچ گئے,عمران خان متاثرین کےکیمپ پہنچےتوتحریک انصاف کے کارکنوں اور متاثرین نےان کا شاندار استقبال کیا۔

اس موقع پر متاثرین سے خطاب کرتےہوئےتحریک انصاف کےسربراہ کاکہناتھاکہ مشکل کی اس گھڑی میں سارا پاکستان آپ کے ساتھ ہے۔ تحریک انصاف کےقائدنےسندھ اورپنجاب حکومت کی جانب سےآئی ڈی پیزکےداخلےپرپابندی کی سخت مذمت کرتےہوئےکہاکہ پابندی آئین پاکستان کے منافی ہے۔

عمران خان نےمتاثرین شمالی وزیرستان کو یقین دلایاکہ پاکستان تحریک انصاف اور خیبر پختونخواہ حکومت کی متاثرین کی دیکھ بھال میں کوئی کوتاہی نہیں کریگی۔ اس موقع پرعمران خان نے آئی ڈی پیز میں عیدکے تحائف پیش کئےاور ان کےساتھ کھانابھی کھایا۔

جولائی 28, 2014
کراچی میں رینجرز ٹارگٹ کلرز کےنشانےپر

کراچی: ٹارگٹ کلرزنےکراچی میں اب رینجرز کو ہدف بنالیا،ڈبل سواری پرپابندی کے باوجودموٹرسائیکل سواروں نےدورینجرز اہلکاروں کوشہید کردیا۔

کراچی میں پولیس کےبعد رینجرز بھی ٹارگٹ کلرزکے نشانےپرآگئی،چوبیس گھنٹےمیں تین رینجرز اہلکاروں کوشہید کردیاگیا،لانڈھی اسپتال چورنگی پررینجرزکی چوکی کےقریب موٹرسائیکل سوارملزمان نے رینجرزاہلکاروں پرگولیاں برسادیں جس کے نتیجے میں دواہلکارثنااللہ اورسیف الرحمان شدید زخمی ہوگئےجنہیں اسپتال منتقل کیاگیالیکن وہ زخموں کی تاب نہ لاتے ہوئے چل بسے۔

فائرنگ کی زدمیں نوسالہ بچی عائشہ جاں بحق اورایک راہگیرزخمی ہوگیا،ڈی آئی جی ایسٹ منیر شیخ کےمطابق حملہ آوروں نے گارڈ کی وردیاں پہن رکھی تھیں اورملزمان رینجرز اہلکاروں کا سرکاری اسلحہ بھی ساتھ لے گئے۔

رات گئےفرنٹیئرکالونی میں فائرنگ سے زخمی رینجرز اہلکاراسپتال میں چل بسا،وزیراعظم نے رینجرزکےجوانوں پرفائرنگ کی مذمت کی ہے اورکہاہےکراچی کےامن کیلئےرینجرزعظیم قربانی دےرہی ہےحملہ بزدلانہ اقدام ہے۔

ہفتہ کےروزگلشن اقبال میں فائرنگ سےجاں بحق اہل سنت ولجماعت کے کارکنان مولانا ہارون،مولانا احتشام اورقاری حفیظ کی نماز جنازہ اداکردی گئی جس میں لوگوں کی بڑی تعداد نے شرکت کی،کراچی میں بڑھتی ہوئی بدامنی کے پیش نظرحکومت سندھ یکم اگست کی رات بارہ بجےتک ڈبل سواری پربھی پابندی عائد کردی ہے۔

جولائی 28, 2014