ARYNews.tv | Urdu – Har Lamha Bakhabar

Tag: EID

  • سیکریٹری جنرل رابطہ عالم اسلامی عید الفطر پاکستان میں منائیں گے

    سیکریٹری جنرل رابطہ عالم اسلامی عید الفطر پاکستان میں منائیں گے

    اسلام آباد: سعودی عرب میں قائم بین الاقوامی اسلامی تنظیم ’مسلم ورلڈ لیگ‘ (رابطہ عالم اسلامی) کے سیکریٹری جنرل آج پاکستان پہنچ رہے ہیں۔

    سفارتی ذرائع کے مطابق سیکریٹری جنرل رابطہ عالم اسلامی ڈاکٹر محمد بن عبدالکریم العیسیٰ پاکستان کے 9 روزہ دورے پر آج اسلام آباد پہنچ رہے ہیں، اور عید الفطر پاکستان میں منائیں گے۔

    سیکریٹری جنرل رابطہ عالم اسلامی عید الفطر کی نماز فیصل مسجد میں ادا کریں گے، نماز عید ان کی امامت میں ادا کی جائے گی، عید کے روز ڈاکٹر محمد بن عبد الکریم العیسیٰ یتیم بچوں سے ملاقات اور سیرت النبیﷺ میوزیم کا سنگ بنیاد رکھیں گے۔

    ڈاکٹر عیسیٰ کو 2022 کے حج کے موقع پر خطبہ دینے کا اعزاز حاصل ہے، وہ صدر مملکت اور وزیر اعظم سے ملاقاتیں کریں گے، چیف جسٹس پاکستان اور وزیر مذہبی امور سے بھی ملاقاتیں ہوں گی۔

  • عید پر چلائی جانے والی اسپیشل ٹرینوں کی تفصیلات

    عید پر چلائی جانے والی اسپیشل ٹرینوں کی تفصیلات

    کراچی: ریلوے حکام نے عید الفطر پر 4 اسپیشل ٹرین چلانے کا فیصلہ کیا ہے۔

    تفصیلات کے مطابق کراچی، لاہور، پشاور اور کوئٹہ کے مسافروں کے لیے عید پر چار اسپیشل ٹرینیں چلائی جائیں گی۔

    ریلوے حکام کی جانب سے جاری نوٹیفیکشن کے مطابق کراچی سے مسافروں کے لیے 2 اسپیشل ٹرین چلائی جائیں گی، 17 بوگیوں پر مشتمل پہلی عید اسپیشل ٹرین کراچی سے پشاور جائے گی۔

    اکانومی کلاس پر مشتمل پہلی عید اسپیشل ٹرین 7 اپریل کو کراچی کینٹ اسٹیشن سے پشاور کے لیے شام کو روانہ ہوگی، جب کہ 18 بوگیوں پر مشتمل دوسری عید اسپیشل ٹرین کراچی سے لاہور جائے گی۔ اس ٹرین میں 2 بزنس کلاس اور 2 لوئر اے سی کلاس ہوں گی۔

    چار میں دو اسپیشل ٹرینیں لاہور اور کوئٹہ سے بھی چلائی جائیں گی۔

  • وادئ کمراٹ، مالم جبہ، کالام، گلیات، کاغان ناران ویلی میں سیاحوں کا رش

    وادئ کمراٹ، مالم جبہ، کالام، گلیات، کاغان ناران ویلی میں سیاحوں کا رش

    پشاور/مانسہرہ: عیدالاضحیٰ کے تین دنوں میں صوبہ خیبر پختون خوا کے مشہور سیاحتی مقامات وادئ کمراٹ، مالم جبہ، کالام، گلیات، کاغان ناران ویلی میں سیاحوں کا رش لگا رہا۔

    تفصیلات کے مطابق خیبر پختون خوا کلچر اینڈ ٹورازم اتھارٹی نے سیاحوں سے متعلق رپورٹ جاری کر دی ہے، عید کے 3 دنوں میں لاکھوں سیاحوں نے مختلف تفریحی مقامات کی سیر کی۔

    رپورٹ کے مطابق صرف عیدالاضحیٰ کے تیسرے دن، یکم جولائی کو مختلف مقامات پر ایک لاکھ 7 ہزار سے زائد سیاحوں نے رخ کیا، وادئ کمراٹ میں 24 ہزار 852 سیاح سیر و تفریح کے لیے گئے، مالم جبہ 9 ہزار 753، گلیات میں 22 ہزار 715 سیاح آئے، کالام اور گرم چشمہ میں 4 ہزار339 سیاح سیر و تفریح کے لیے گئے، 46 ہزار سے زائد سیاحوں نے ناران کاغان کا رخ کیا، اور 56 غیر ملکی سیاحوں نے بھی مختلف سیاحتی مقامات کا دورہ کیا۔

    ترجمان گلیات ڈیولپمنٹ اتھارٹی کے مطابق عید کے 3 دنوں میں 2 لاکھ سے زائد سیاحوں نے گلیات کا سفر کیا، اس دوران 53 ہزار گاڑیاں گلیات میں داخل ہوئیں، اور اسٹاف عید کے دوران بھی 24 گھنٹے ڈیوٹی پر مامور رہا۔

    ڈپٹی کمشنر نے کاغان ناران ویلی میں بھی سیاحوں کی آمد کے اعداد و شمار جاری کر دیے، ڈپٹی کمشنر راؤ بلال شاہد کے مطابق عید کے 3 دنوں میں 91 ہزار سیاحوں نے کاغان ناران کا رخ کیا، 22500 گاڑیاں، 7710 موٹر سائیکلیں کاغان نارن میں داخل ہوئیں۔

    ڈی سی کے مطابق سیاحوں کی رہنمائی کے لیے پولیس، ضلعی انتظامیہ، اور کے ڈی اے کی اضافی نفری تعینات کی گئی، چلاس انتظامیہ سے مشاورت کے بعد بابوسر ٹاپ روڈ کو 24 گھنٹے کھولا گیا، رواں برس عید کے موقع پر ریکارڈ سیاحوں نے کاغان ناران کا رخ کیا۔

  • افواج پاکستان کی جانب سے قوم کو عید مبارک

    افواج پاکستان کی جانب سے قوم کو عید مبارک

    افواج پاکستان کی جانب سے قوم کو عید الاضحیٰ کی مبارک باد دی گئی ہے۔

    تفصیلات کے مطابق افواج پاکستان، چیئرمین جوائنٹ چیفس آف اسٹاف کمیٹی اور تمام سروسز چیفس کی طرف سے پاکستانی عوام کو عید مبارک کا پیغام جاری ہوا ہے۔

    آئی ایس پی آر کے مطابق عید الاضحیٰ ہمیں امن، اتحاد، یگانگت اور نوع انسانی کے لے بے لوث قربانی کا درس دیتی ہے۔

    آج کا دن شہدا پاکستان کی وطن عزیز کے لیے دی جانے والی لازوال قربانیوں کو یاد رکھنے اور ان شہدا کو خراج عقیدت پیش کرنے کا ہے، یہ شہدا وطن ہمیشہ ہمارے دلوں میں زندہ رہیں گے۔

  • قربانی ایک رسم نہیں بلکہ عالمگیر جذبہ ہے، وزیر اعظم

    قربانی ایک رسم نہیں بلکہ عالمگیر جذبہ ہے، وزیر اعظم

    اسلام آباد: وزیر اعظم پاکستان میاں شہباز شریف نے عید کے پُر مسرت موقع پر پاکستانی قوم اور عالم اسلام کو مبارک باد پیش کرتے ہوئے اپنے پیغام میں کہا ہے کہ قربانی ایک رسم نہیں بلکہ عالمگیر جذبہ ہے۔

    تفصیلات کے مطابق وزیر اعظم شہباز شریف نے عید الاضحیٰ کے موقع پر ٹوئٹ میں لکھا ہے: ’’عید کے پُر مسرت موقع پر پاکستانی قوم اور عالم اسلام کو مبارک باد پیش کرتا ہوں، اللہ پوری ملت اسلامیہ کی عبادات اور قربانیاں اپنی بارگاہ میں قبول فرمائے۔‘‘

    وزیر اعظم نے لکھا ’’حضرت ابراہیمؑ نے اللہ کی بارگاہ میں قربانی کی لازوال مثال پیش کی تھی، یہ عمل اللہ کو اتنا پسند آیا کہ اسے اُمتِ محمدیؐ کے لیے بطور عبادت لازم قرار دے دیا، یاد رکھیں! قربانی ایک رسم نہیں بلکہ ایک عالمگیر جذبہ ہے۔‘‘

    شہباز شریف کا کہنا تھا کہ قربانی کا مقصد اعلیٰ مقاصد کے حصول کے لیے اپنی متاع حیات کو اللہ کے راستے میں قربان کرنا ہے، کوئی قوم اس وقت تک ترقی نہیں کر سکتی جب تک اس میں ایثار اور قربانی کا جذبہ موجود نہ ہو۔

    انھوں نے لکھا: ’’اہلیان پاکستان اور پوری دنیا کے تمام مسلمانوں کو دل کی گہرائیوں سے مبارک باد پیش کرتا ہوں، اللہ پاکستان پر اپنی رحمتیں نازل کرے اور ہم سب کے اعمال صالحہ کو اپنی بارگاہ میں قبول فرمائے۔‘‘

  • کراچی: ساحل سمندر پہ دفعہ 144 لگانے کا فیصلہ

    کراچی: ساحل سمندر پہ دفعہ 144 لگانے کا فیصلہ

    کراچی: صوبہ سندھ کے دارالحکومت کراچی میں عید کے موقع پر سمندر کے مقامات پر پولیس کی نفری تعینات کرنے کا فیصلہ کیا گیا ہے، ایس ایس پی ساؤتھ اسد رضا کا کہنا ہے کہ لوگ فیملی کے ساتھ ساحل پر آسکتے ہیں، پانی میں جانے کی اجازت کسی کو نہیں ہوگی۔

    تفصیلات کے مطابق ایس ایس پی ساؤتھ اسد رضا کا کہنا ہے کہ سمندر میں جانے پر دفعہ 144 لگانے کا فیصلہ کیا ہے، سمندر کے مقامات پر پولیس کی نفری تعینات کی جائے گی۔

    ایس ایس پی ساؤتھ کا کہنا ہے کہ لوگ فیملی کے ساتھ ساحل پر آسکتے ہیں، پانی میں جانے کی اجازت کسی کو نہیں ہوگی۔

    انہوں نے کہا کہ عید کے روز ساؤتھ میں ریس یا ون ویلنگ کرنے والا جیل جائے گا، ون ویلنگ کرنے والوں کے خلاف مقدمہ درج کیا جائے گا۔

    ایس ایس پی کا مزید کہنا تھا کہ ون ویلنگ کرنے والوں کی ریس جان لیوا حادثے کا سبب بنتی ہے، قانون ہاتھ میں لے کر شہریوں کو پریشان کرنے کی اجازت کسی کو نہیں۔

  • سعودی عرب: تعطیلات کے دوران ٹریفک حادثات میں اضافہ

    سعودی عرب: تعطیلات کے دوران ٹریفک حادثات میں اضافہ

    ریاض: سعودی محکمہ ٹریفک نے عید الفطر کی تعطیلات سے قبل آگاہی مہم کا آغاز کردیا ہے، حکام کے مطابق تعطیلات کے دوران ٹریفک حادثات میں اضافہ ہوجاتا ہے۔

    اردو نیوز کے مطابق سعودی محکمہ ٹریفک کا کہنا ہے کہ سال کے دیگر دنوں کے مقابلے میں تعطیلات کے دوران ٹریفک حادثات میں 15 فیصد اضافہ ہو جاتا ہے۔

    محکمہ ٹریفک نے عید الفطر کی تعطیلات سے قبل آگاہی مہم کا آغاز بھی کردیا ہے۔

    محکمہ ٹریفک کا کہنا ہے کہ شہری اور مقیم غیر ملکی چاہے وہ ڈرائیور ہوں یا گاڑی میں بیٹھنے والے افراد حفاظتی بیلٹ کی پابندی کریں، مقررہ رفتار سے زیادہ گاڑی نہ چلائیں جبکہ ڈرائیونگ کے دوران موبائل کا استعمال نہ کیا جائے۔

    محکمہ ٹریفک کے مطابق گاڑی میں بچوں کی سلامتی کی خاطر خصوصی سیٹس استعمال کی جائیں، شاہراہوں پر سفر سے قبل گاڑیوں کے ٹائروں کا مطلوبہ معیاری یقینی بنائیں اور شدید تھکاوٹ یا نیند آنے کی صورت میں گاڑی نہ چلائیں۔

  • سعودی عرب: عید الفطر کی تعطیلات میں کون سے سرکاری دفتر کھلے ہوں گے؟

    سعودی عرب: عید الفطر کی تعطیلات میں کون سے سرکاری دفتر کھلے ہوں گے؟

    ریاض: سعودی حکام نے شہریوں کے لیے ہدایات جاری کی ہیں کہ مملکت میں عید الفطرکی تعطیلات کے دوران جوازات کے کون سے دفاتر کھلے رہیں گے۔

    اردو نیوز کے مطابق سعودی محکمہ پاسپورٹ نے عید الفطر کے دوران مملکت کے 13 ریجنوں اور ان کی اہم کمشنریوں میں اپنے دفاتر کے اوقات کار جاری کردیے۔

    محکمہ پاسپورٹ کا کہنا ہے کہ ریاض شہر کے الرمال محلے میں محکمہ پاسپورٹ کا دفتر ہفتے کے تمام دن کھلا رہے گا، اوقات کار رات 9 بجے سے ایک بجے تک ہوں گے۔

    الخرج کمشنری کے روشن مال میں دفتر اتوار سے جمعرات تک رات 9 سے 1 بجے تک رمضان کے آخری دن تک کھلا رہے گا۔

    محکمہ پاسپورٹ کا کہنا ہے کہ جدہ میں الصیرفی مال اور التحلیہ مال کے دفاتر اتوار سے جمعرات تک رات 10 بجے سے 1 بجے تک رمضان کے آخری دن تک کھلے رہیں گے۔

    محکمہ پاسپورٹ کا کہنا ہے کہ مملکت کے دیگر ریجنوں اور کمشنریوں میں ہمارے دفاتر رمضان المبارک کے دوران اتوار سے جمعرات تک صبح 10 بجے سے سہ پہر 3 بجے تک اور عید ایام میں اتوار سے جمعرات تک صبح 8 سے سہ پہر ڈھائی بجے تک کھلے رہیں گے۔

  • شہریوں کو عید پر نئے نوٹ نہیں ملیں گے

    شہریوں کو عید پر نئے نوٹ نہیں ملیں گے

    کراچی: شہریوں کے لیے رواں برس بری خبر ہے کہ عید الفطر پر انھیں نئے نوٹ نہیں ملیں گے۔

    تفصیلات کے مطابق اسٹیٹ بینک آف پاکستان نے کہا ہے کہ نئے کرنسی نوٹ جاری نہیں کیے جائیں گے، ایس ایم ایس سروس اور بینکوں سے بھی عوام کو نئے نوٹ جاری نہیں ہوں گے۔

    یاد رہے کہ کووِڈ 19 کی وبا کے بعد سے اسٹیٹ بینک آف پاکستان نے نئے نوٹوں کا اجرا روک دیا ہے۔

  • عرب امارات میں تنخواہوں سے متعلق اہم اعلان

    عرب امارات میں تنخواہوں سے متعلق اہم اعلان

    ابو ظہبی: متحدہ عرب امارات میں تمام سرکاری ملازمین کو عید سے قبل 17 اپریل کو تنخواہیں ادا کرنے کا اعلان کردیا گیا ہے۔

    اردو نیوز کے مطابق متحدہ عرب امارات کے تمام سرکاری اداروں کے ملازمین کو عید الفطر کے باعث 17 اپریل کو تنخواہ ادا کی جائے گی۔

    امارات کے نائب صدر شیخ محمد بن راشد آل مکتوم نے کہا ہے کہ وفاقی حکومت کے تمام ملازمین کی تنخواہیں سوموار 17 اپریل 2023 کو جاری کی جائیں گی۔

    امارات کے نائب صدر نے یہ ہدایت عید الفطر کی تعطیلات قریب آنے پر دی ہیں تاکہ تمام سرکاری ملازمین اپنے اہل و عیال کے لیے عید پر خریداری اور عید کی ذمہ داریاں احسن طریقے سے انجام دے سکیں۔