میٹھی عید تو میٹھے پکوانوں کے بغیر ادھوری ہے تاہم عید الاضحیٰ پر بھی مزے مزے کی ڈشز تناول کرنے کے بعد میٹھے کے بغیر ادھورا پن سا محسوس ہوتا ہے۔
اس عید پر روایتی میٹھوں کے ساتھ کچھ منفرد میٹھے پکوان بھی تیار کریں جو مہمانوں کو آپ کا گرویدہ بنا دیں گے۔
رس ملائی
اجزا
دودھ: 1 لیٹر
الائچی پاؤڈر: 1 چائے کا چمچ
گھی: 1 چائے کا چمچ
بیکنگ پاؤڈر: 1 چائے کا چمچ
میدہ: 1 چائے کا چمچ
خشک دودھ: آدھا کلو
چینی: آدھا کلو
انڈہ: 1 عدد
ترکیب
رس ملائی بنانے کے لیے سب سے پہلے پین میں دودھ اور چینی ڈال کر ہلکی آنچ پر پکنے کے لیے رکھ دیں۔
اب ایک پیالے میں سوکھا دودھ، الائچی پاؤڈر، گھی اور انڈہ پھینٹ کر ڈال دیں۔ ساتھ ہی بیکنگ پاؤڈر بھی شامل کردیں۔
اب اس میں تھوڑا تھوڑا کر کے گرم دودھ ڈالتے جائیں اور گوندھ لیں۔
اب ہاتھ پر گھی لگا کر بالز بنالیں اور دودھ میں ڈالتے جائیں۔
اس کے بعد 15 منٹ ڈھک کر رکھ دیں۔
آخر میں کیوڑا شامل کر دیں اور ڈش میں نکال کر ٹھنڈا کر کے سرو کریں۔
کیلے کی کھیر
اجزا
کیلے: 4 یا 5 عدد
دودھ: نصف لیٹر
بالائی: 1 پاؤ
چینی: آدھ کلو
بادام کی گری: آدھی چھٹانک
کیوڑا: 1 بڑا چمچ
پستہ: آدھا چھٹانک
ترکیب
کیلے چھیل کر موٹے موٹے قتلے کرلیں۔
پتیلے میں دودھ ڈال کر چولہے پر چڑھا دیں اور دھیمی آنچ پر پکنے دیں۔
جوش آجائے تو پھینٹی ہوئی بالائی اور الائچی کے دانے ڈال دیں۔
اب چینی شامل کرلیں اور چمچ چلاتے رہیں۔
شیرہ گاڑھا ہوجائے اور دودھ اور بالائی یکجان ہوجائیں تو کیلوں کے قتلے ڈال دیں۔
چند منٹ تک پکنے دیں، اب کیوڑا ڈالیں اور دم پر رکھا رہنے دیں۔
دودھ پک کر تقریباً آدھا لیٹر رہے اور یہ بھی خیال رہے کہ کیلا بالکل دودھ میں گھل نہ جائے۔
کسی کھلے برتن میں نکالیں، چاندی کا ورق لگائیں اور پستہ بادام چھڑکیں۔
مزیدار کیلے کی کھیر تیار ہے۔
آئسکریم فالودہ
اجزا
اسپگیٹی: 25 گرام
دودھ: 1 پاؤ
لال شربت، جام شیریں یا روح افزا
تخم بالنگا: 2 کھانے کے چمچ، ایک چائے کے کپ میں پانی کے ساتھ بھگو دیں
شکر: حسب ذائقہ
آئسکریم: ٹوٹی فروٹی یا پھر قلفہ آئسکریم
بادام، پستے حسب ذائقہ
اسٹرابیری جیلی: 450 ملی گرام پانی میں تھوڑی شکر ملا کر ابال لیں اور پھر اس میں جیلی گھول کر تیار کریں۔
ترکیب
نوڈلز کو ابلتے ہوئے پانی میں ڈال کر ابال لیں۔
ابلنے کے بعد انہیں ٹھنڈے پانی میں ڈال کر پھر نتھار لیں۔
ایک گلاس میں دودھ میں روح افزا اچھی طرح گھول لیں۔
پھر اس میں تخم بالنگا ڈال لیں۔
اسی طرح نوڈلز اور پھر بادام، پستے، آئسکریم اور سب سے آخر میں جیلی کے ٹکڑے ڈال دیں۔
مزیدار آئسکریم فالودہ تیار ہے۔
رینبو جیلی ٹرائفل
اجزا
اورنج جیلی: 1 پیکٹ
بنانا جیلی: 1 پیکٹ
پائن ایپل جیلی: 1 پیکٹ
اسٹرابیری جیلی: 1 پیکٹ
چینی: 1 کپ
لیموں کا رس: 3 عدد
فریش کریم: 2 پیکٹ
اخروٹ: 2 کپ، باریک کٹے ہوئے
ترکیب
سب سے پہلے ڈیڑھ کپ پانی لے کر ساری جیلی الگ الگ جمالیں۔
جمنے سے ذرا پہلے ایک پیالے میں پہلے پائن ایپل جیلی کی تہہ لگائیں۔
اب اس کے اوپر پائن ایپل کے سلائسز، پھر لیموں کا رس، تھوڑی سی چینی اور اخروٹ پھر بنانا جیلی کی تہہ لگائیں۔
اب اس کے اوپر کیلے کے قتلے کاٹ کر ڈال دیں۔
اس کے اوپر چینی، اخروٹ اور لیموں کا رس ڈالیں۔
اس ہی طرح باقی جیلیز اور فروٹ کی تہہ لگاتے جائیں۔
سب سے اوپر فریش کریم چینی کے ساتھ پھینٹ کر ڈال دیں۔
اب اخروٹ اور تھوڑے سے بچے ہوئے پھل ڈال کر فریج میں ٹھنڈا ہونے کے لیے رکھ دیں۔
مزیدار رینبو جیلی ٹرائفل تیار ہے۔
اسٹرابیری چیز کیک آئس کریم
اجزا
کریم چیز: 8 اونس
سوئٹنڈ کنڈینسڈ ملک: 14 اونس
کریم: ایک چوتھائی کپ
لیموں کا کدو کش چھلکا: 2 کھانے کے چمچ
اسٹرابیریز: 1 سے ڈیڑھ کپ
موٹے کٹے بسکٹ: 3 عدد
ترکیب
ایک بلینڈر میں کریم چیز، سوئٹنڈ کنڈینسڈ ملک، کریم اور لیموں کا کدو کش چھلکا شامل کر کے اچھی طرح بلینڈ کرلیں۔
اب اسے ایئر ٹائٹ ڈبے میں ڈال کر تقریباً 4 گھنٹے کے لیے فریز کر دیں۔
اسٹرابیریز کو بلینڈر میں اچھی طرح پیس کر پیوری بنالیں۔
فریز کیے ہوئے کریم چیز والے آمیزے کو مکسر کی مدد سے اچھی طرح پھینٹ لیں۔
پھر اسٹرابیری کی پیوری، کٹے بسکٹ والے آمیزے میں اچھی طرح ملائیں۔
اب آئس کریم کو واپس ایئر ٹائٹ ڈبے میں ڈال کر 8 گھنٹے کے لیے فریزر میں رکھ دیں۔
سرونگ سے 15 منٹ پہلے آئس کریم فریزر سے نکال کر روم ٹمپریچر میں نرم کرلیں۔
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔
