Tag: election 2013

پاکستان عوامی تحریک کا پارلیمنٹ کے سامنے پڑاو ڈالنے کا اعلان

اسلام آباد: پاکستان عوامی تحریک مطالبات کی منظوری کیلئے آج پارلیمنٹ کے سا منے دھرنا دیگی ۔ضلعی انتظامیہ نے ڈی چوک جانے والوں کیخلاف کارروائی کاعندیہ دیا ہے۔

اسلام آباد میں دھرنے کا ایک سال مکمل، پاکستان عوامی تحریک نے ساتھی شہدا کی یاد میں علامتی دھرنے کا اعلان کردیا عوامی تحریک نے پارلیمنٹ کے سامنے پڑاو ڈالنے کا اعلان کیا تو انتظامیہ نے دو ٹوک موقف اپناتے ہوئے دھرنے کی اجازت دینے سے انکار کردیا ۔

ضلعی انتظامیہ کے مطابق ڈی چوک میں کسی بھی قسم کے دھرنے کی اجازت نہیں دے سکتے تاہم پارلیمنٹ کے سامنے پریڈ گراونڈ پر احتجاج یا دھرنے کی اجازت دی جاسکتی ہے۔

پاکستان عوامی تحریک کا کہنا ہے کہ انہوں نے ضلعی انتظامیہ کو باقاعدہ درخواست دے رکھی ہے اور اسلام آباد میں پی اے ٹی کی ریلی اور دھرنے کو کوئی نہیں روک سکتا، دھرنا ہر صورت دیا جائَے گا جس میں عوامی تحریک کے تمام مرکزی قائدین شرکت کریں گے۔

اگست 30, 2015
عدالتی کمیشن نے عام انتخابات میں منظم دھاندلی کو مسترد کردیا

اسلام آباد : عدالتی کمیشن نے سال دو ہزار تیرہ کے عام انتخابات میں منظم دھاندلی کے ثبوت مسترد کر دئیے۔ درخواست گزار سوالات کا تسلی بخش جواب دینے میں ناکام رہے، جوڈیشل کمیشن کی حتمی رائے رپورٹ جاری ہونے پر سامنے آئے گی ۔

تفصیلات کے مطابق عدالتی کمیشن نے دو ہزار تیرہ کے عام انتخابات میں منظم دھاندلی کو مسترد کردیا ہے، عدالتی کمیشن نے اپنی رپورٹ میں قرار دیا ہےکہ دو ہزار تیرہ کےعام انتخابات میں منظم دھاندلی کے ثبوت نہیں ملے۔

درخواست گزار عدالتی کمیشن کےسوالات کا تسلی بخش جواب دینے میں ناکام رہے۔ ذرائع کے مطابق فارم پندرہ کےحوالے سے پورے ملک میں شکایات اور بد انتظامی کے معاملات سامنے آئے ہیں۔

زائدبیلٹ پیپرز ہر انتخاب کے موقع پر چھاپے جاتے ہیں جس کا مقصد بیلٹ بکس کو راؤنڈ فگر میں لانا ہوتا ہے۔ اسے دھاندلی سےمنسوب نہیں کیاجاسکتا۔

عدالتی کمیشن کی رپورٹ با ضابطہ طور پر جاری نہیں ہوئی ۔کمیشن کی حتمی رائے رپورٹ کے جاری ہونے کے بعد ہی سامنے آ سکےگی۔

علاوہ ازیں پاکستان تحریک انصاف کی جانب سے 2013 کے عام انتخابات میں مبینہ دھاندلی کی تحقیقات کرنے والے جوڈیشل کمیشن نے اپنی رپورٹ وزیراعظم نواز شریف کوبھجوا دی ہے۔ سیکریٹری قانون جسٹس رضا خان نےبدھ کو رپورٹ موصول ہونےاور وزیراعظم کوبجھوانے کی تصدیق کردی۔

واضح رہے کہ پی ٹی آئی نے عام انتخابات میں منظم دھاندلی، انتخابات کے شفاف نہ ہونے اورعوام کامینڈیٹ چرانے کے الزامات عائد کئے تھے۔

چیف جسٹس ناصر المک کی سربراہی میں قائم ہونے والے جوڈیشل کمیشن نے 16 اپریل کواپنی کارروائی کاآغازکیا تھا۔

جولائی 23, 2015
الیکشن 2013 : دھاندلی میں الیکشن کمیشن بھی ملوث تھا، عمران خان

اسلام آباد : پاکستان تحریک انصاف کے چیئر مین عمران خان نے کہا ہے کہ ہم نےپینتیس پنکچروں کی بات کی تھی یہاں تو پورا ٹائر ہی پنکچر نکلا۔ ڈھائی کروڑ ووٹ کہاں گئے؟بیس ہزار فارم پندرہ لاپتہ ہیں۔

ان خیالات کا اظہار انہوں نے اسلام آباد میں پریس کانفرنس سے خطاب کرتے ہوئے کیا،ان کا کہنا تھا کہ چھپن ہزار پولنگ اسٹیشنز میں سے بیس ہزار کےفارم پندرہ غائب ہیں، ڈھائی کروڑ ووٹ کہاں گئےٰ؟

عمران خان کا کہنا تھا کہ 2013ء کے عام انتخابات میں ہونے والی دھاندلی میں الیکشن کمیشن بھی ملوث تھا۔ الیکشن کمیشن نے چار مرتبہ اپنا بیان بدلا۔

فارم پندرہ کے بغیر فارم 14 نہیں بن سکتا۔ مسلم لیگ (ن) فارم پندرہ کے حوالے سے افواہیں پھیلا رہی ہے۔ عمران خان نے کہا کہ اس سے پہلے کسی الیکشن میں دھاندلی کی تحقیقات نہیں ہوئیں۔

تحریک انصاف کے سربراہ کا کہنا تھا کہ فارم پندرہ سےمتعلق ن لیگ نے غیر ذمہ دارانہ مہم چلائی ، پینتیس پنکچروں کا ذکر کرتے ہوئے عمران خان نے کہا کہ فارم پندرہ کے انکشاف کے بعد الیکشن کا پورا ٹائر پنکچر ہوگیاہے۔

انہوں نے کہا کہ وہ نون لیگ کے مطالبے پر ایک ایک ووٹ گننے کو تیار ہیں، عمران خان نےکہا کہ خواجہ سعدرفیق کےحلقےمیں بیس ہزارآٹھ سو اضافی بیلٹ پیپرزبھیجےگئے،جبکہ حمزہ شہباز کےحلقےمیں باون ہزاراضافی بیلٹ پیپرزاضافی ڈالےگئے۔

انہوں نے سوال کیا کہ نواز شریف کی تقریر کے بعد آر ایم ایس سسٹم بند ہوا اس کی تحقیقات کیوں نہیں ہوئیں؟

جون 13, 2015
جوڈیشل کمیشن، انتخابی تھیلوں سے فارم15نکالنے کی تجویز پر فیصلہ محفوظ

اسلام آباد : دھاندلی کی تحقیقات کیلئےقائم جوڈیشل کمیشن نے تحریکِ انصاف کی جانب سے انتخابی حلقوں کے تھیلوں سے فارم پندرہ نکالنے کی تجویز پر فیصلہ محفوظ کرلیا۔

کمیشن کا ان کیمرہ اجلاس چیف جسٹس ناصر الملک کی سربراہی میں ہوا، اجلاس میں الیکشن کمیشن کا تیکنیکی عملہ اورسیاسی جماعتوں کے وکلاء بھی شریک تھے۔

اجلاس میں تحریکِ انصاف کی جانب سے گزشتہ روز فارم پندرہ انتخابی تھیلوں میں سے نکالنے کی تجویز پر غور کیا گیا، کمیشن کے بند کمرے کے اجلاس میں قومی اسمبلی کے تمام حلقوں کے تھیلے کھولنے یا نہ کھولنےکےمعاملے سے متعلق تفصیلی غور و خوض کے بعد فیصلہ محفوظ کر لیا گیا ہے۔

گزشتہ روز پی ٹی آئی نےانکوائری کمیشن سے قومی اسمبلی کے تمام حلقے کھولنےکا مطالبہ کیا تھا، جوڈیشل کمیشن میں پی ٹی آئی کے وکیل عبدالحفیظ پیرزادہ نےکمیشن کے نمائندوں کی موجودگی میں ووٹوں کے تھیلے کھولنے کا مطالبہ کیا۔

جس پر کمیشن نے ماہرین کا بند کمرے میں اجلاس بدھ کو طلب کیا گیا تھا۔

تحریک انصاف کے رہنما شاہ محمود قریشی کا کہنا تھا کہ جوڈیشل کمیشن فارم پندرہ کے حوالے سے فیصلہ بدھ کو کرے گا، تہمینہ دولتانہ اور دیگر ن لیگی رہنماؤں کا کہنا تھا کہ پی ٹی آئی کچھ بھی کرلے اپنا الزام ثابت نہیں کرسکتی، کمیشن میں جمعرات کو سابق سیکریٹری الیکشن کمیشن اشتیاق احمد پر جرح ہوگی۔

مئی 27, 2015
اسلام آباد :جوڈیشل کمیشن میں دھاندلی کے ثبوت جمع کرانے کا وقت ختم

اسلام آباد: دوہزار تیرہ کے انتخابات میں دھاندلی کے ثبوت جوڈیشل کمیشن میں جمع کرانے کیلئے ڈیڈ لائن ختم ہوگئی ۔ تین سیاسی جماعتوں نے ثبوت جوڈیشل کمیشن میں جمع کرادیئے۔

جوڈیشل کمیشن میں سیاسی جماعتوں کی جانب سے ثبوت اور درخواستیں جمع کرانے کی ڈیڈلائن ختم ہوگئی، اے این پی کی بشریٰ گوہر اور پی ٹی آئی کے اسحاق خاکوانی نےجوڈیشل کمیشن میں دھاندلی کے ثبوت جمع کرادیے ہیں۔

جوڈیشل کمیشن نے تحریکِ انصاف کی درخواست پر ن لیگ کونوٹس جاری کیا تھا، جس پر ن لیگ کے شاہد حامد نے جوڈیشل کمیشن میں اپنا جواب جمع کرایا، مسلم لیگ ن کا جواب بائیس صفات پر مشتمل ہے۔

جواب میں کہا گیا ہے کہ الیکشن آئین کے مطابق کرائے گئے۔

ن لیگ کے سینیٹر رفیق رجوانہ کا کہنا تھا کہ تحریک انصاف کے پاس کوئی ثبوت نہیں، واویلا کرنے کے بجائے پی ٹی آئی ثبوت لیکر آئے، ق لیگ نےبھی دھاندلی کے ثبوت جمع کرادیئے۔

جس میں پچیس گواہان طلب کرنے کیلئے فہرست بھی شامل ہے، اہم گواہان کی فہرست میں سابق الیکشن کمشنر فخرالدین جی ابراھیم ، رجسٹرار سپریم کورٹ ،رجسٹرار لاہور ہائیکورٹ شامل ہیں۔

اپریل 25, 2015
الیکشن 2013 کو غیر قانونی قرار دیا جائے، پاکستان عوامی تحریک

لاہور : پاکستان عوامی تحریک نے جوڈیشل کمیشن کو خط لکھا دیا۔ الیکشن دو ہزار تیرہ کو غیرقانونی قرار دینے کی استدعا کی گئی ہے۔

خط پاکستان عوامی تحریک کے مرکزی صدر ڈاکٹر رحیق عباسی نے ارسال کیا ہے۔ خط میں کہا گیا ہے کہ دو ہزار تین کے عام انتخابات کرانے والا الیکشن کمیشن غیر آئینی تھا۔

اس لئے جب الیکشن کمیشن ہی غیر آئینی تھا تو حکومت کیسے آئینی ہوسکتی ہے۔ خط میں کہا گیا ہے کہ الیکشن کمیشن آرٹیکل دو سو تیرہ سپریم کورٹ کے آٹھ جون دو ہزار بارہ کے فیصلے کے خلاف بن۔

خط میں استدعا کی گئی ہے کہ انکوائری کمیشن دو ہزار تیرہ کے انتخابات کو غیر قانونی قرار دے۔

واضح رہے کہ پاکستان کی کم و بیش تمام سیاسی جما عتیں جو ڈیشل کمیشن میں ہم آواز ہیں کہ دو ہزار تیرہ کے انتخا با ت دھا ندلی زدہ تھے۔

پی ٹی آئی کے دھرنے اور احتجاج کے نتیجے میں بننے والاجو ڈیشل کمیشن جس میں پی ٹی آئی کے ساتھ ساتھ پیپلز پا رٹی، جے یو آئی ف۔ مسلم لیگ ق،اے این پی،جماعت اسلا می بھی فریق بننے کی درخواست دے چکی ہیں اور صدا لگا رہی ہیں کہ دو ہزار تیرہ میں ہو نیو الے الیکشنز دھا ندلی زدہ تھے۔

جوڈیشل کمیشن کا فیصلہ کیا آتا ہے؟ لیکن پا کستان کی سیا ست اور اقتدار کی غلام گردشوں میں ہو نیوالی سرگو شیا ں خبر دے رہی ہیں کہ پا کستان کا سیاسی منظر نامہ خراماں خراما ں اور بے آواز طریقے سے بحران کی جانب گا مزن ہے۔

اپریل 15, 2015
انتخابات 2013 کے تحقیقاتی کمیشن کا آزاد اُمیدواروں کی شکایات لینے سےانکار

اسلام آباد: انتخابات دوہزار تیرہ کے تحقیقاتی کمیشن نے آزاد اُمیدواروں کی شکایات سننے سے انکار کردیا ہے۔

انتخابات دوہزارتیرہ کی تحقیقات کے لئے بنائے گئے کمیشن نے آزاداُمیدواروں کی شکایات لینے سے انکارکر دیا ہے، سیکرٹری کمیشن کے مطابق فی الحال صرف سیاسی جماعتوں کی شکایات لی جارہی ہیں۔

سیکرٹری کمیشن کا کہنا ہے کہ اوپن کورٹ میں سماعت کے بعد کوئی فیصلہ ہوا تو انفرادی درخواستیں بھی وصول کی جائیں گی۔ اور آزادا اُمیدواروں کی شکایات بھی سُنی جائیں گی۔

اپریل 15, 2015
این اے122میں ووٹوں کی تصدیق، عمران کی درخواست منظور

لاہور: الیکشن ٹریبونل نے تحریک انصافِ کے چیئرمین عمران خان کی این اے ایک سو بائیس میں نادرا کے ذریعے ووٹوں کی دوبارہ تصدیق کیلئے دائر درخواست منظور کرلی ہے۔

الیکشن ٹریبونل نے نادرا سے تصدیق کیلئے عمران خان کو پانچ لاکھ روپے فیس جمع کرانے کی ہدایت کی ہے جبکہ اس حلقے سے کامیاب اسپیکر قومی اسمبلی سردار ایاز صادق کے وکیل نے کہا کہ الیکشن ٹربیونل کے عبوری فیصلے کو چیلنج نہیں کرسکتے، اسلئے درخواست دائر نہیں کرینگے۔

انکا کہنا تھا کہ حتمی فیصلے کیخلاف اسے چیلنج کیا جائیگا۔

ٹریبونل نے حلقہ این اے ایک سو بائیس میں مبینہ دھاندلی کیس کی سماعت گیارہ مارچ تک ملتوی کردی۔

الیکشن ٹریبونل کی جانب سے عمران خان کی درخواست منظور ہونے کے بعد مسلم لیگ ن کے کارکنوں نے عمران خان کیخلاف نعرے بازی کی، الیکشن ٹریبونل نے پی پی ایک سو سینتالیس میں بھی نادرا سے ووٹوں کی تصدیق کا حکم دیدیا۔

پی پی ایک سو سینتالیس میں پی ٹی آئی کے شعیب صدیقی نے ووٹوں کی تصدیق کی درخواست دائرکر رکھی ہے، جہاں سے ن لیگ کے محسن لطیف کامیاب ہوئے تھے۔

واضح رہے کہ حلقہ این اے 122 لاہور سے 2013 کے عام انتخابات میں قومی اسمبلی کے سپیکرسردار ایاز صادق پاکستان تحریکِ انصاف کے چئیرمین عمران خان کے مدمقابل تھے اور کامیاب قرار پائے تھے۔

مارچ 4, 2015
سپریم کورٹ: الیکشن2013کالعدم کرنیکی درخواستیں مسترد

اسلام آباد: سپریم کورٹ آف پاکستان نے الیکشن دو ہزار تیرہ کو کالعدم قرار دیئے جانے سےمتعلق درخواستیں مستردکردیں۔ چیف جسٹس ناصرالملک کی سر براہی میں تین رکنی بینچ نےوکلا کےدلائل سُنے۔

جس کے بعد اعلیٰ عدالت نے درخواستوں کو ناقابل سماعت قرار دیتے ہوئے مسترد کردیا۔۔چیف جسٹس نے ریمارکس میں کہا کہ درخواست گزاروں کی جانب سے لگائے گئے الزامات کے ثبوت فراہم کرنا نا ممکن ہیں۔.

عدالت کو ایسے مقدمات کی سماعت کا اختیار حاصل نہیں۔ واضح رہے کہ مذکورہ درخواستیں پاکستان تحریک انصاف کی جانب سے سپریم کورٹ میں دائر کی گیئں تھیں۔

اکتوبر 29, 2014