ARYNews.tv | Urdu – Har Lamha Bakhabar

Tag: election 2018

  • شریف خاندان اللہ کی پکڑ میں ہے، ان کو اعمال کی سزا ملی، چوہدری پرویز الٰہی

    شریف خاندان اللہ کی پکڑ میں ہے، ان کو اعمال کی سزا ملی، چوہدری پرویز الٰہی

    گجرات : مسلم لیگ ق کے رہنما چوہدری پرویز الٰہی نے کہا ہے کہ نواز شریف اور ان کے خاندان کو جو سزا ملی اس میں کسی کا کوئی کمال نہیں یہ اللہ کی پکڑ میں ہیں۔

    ان خیالات کا اظہار انہوں نے گجرات میں انتخابی مہم کے سلسلے میں ہونے والے جلسہ عام سے خطاب کرتے ہوئے کیا، چوہدری پرویز الٰہی نے کہا کہ ہمیں یقین تھا کہ ختم نبوت صلی اللہ علیہ وسلم کے قانون میں تبدیلی کرنے والے اور سانحہ ماڈل ٹاؤن کے ذمہ داران اللہ کی پکڑ سے بچ نہیں پائیں گے۔

    چوہدری پرویز الٰہی کا مزید کہنا تھا کہ نواز شریف کو اس کے اعمال کی سزا ملی ہے، 2013 میں نواز شریف نے لندن میں قادیانیوں سے ختم نبوت کے قانون میں تبدیلی کا وعدہ کیا تھا۔

    جلسہ عام سے خطاب کرتے ہوئے ق لیگ کے رہنما نے کہا کہ انہیں یقین تھا کہ ختم نبوت کے قانون میں تبدیلی کرنے والے اور سانحہ ماڈل ٹاؤن میں نا حق خون کرنے والے اللہ کی پکڑ میں آئیں گے،ان کا کہنا تھا کہ آج شریف فیملی کا تکبر اور فرعونیت زمین بوس ہو گئی، یہ آئندہ کے حکمرانوں کے لیے وارننگ ہے۔

    یاد رہے کہ احتساب عدالت کے جج محمد بشیر نے سابق وزیراعظم نواز شریف ان کے صاحبزادوں حسن اور حسین نواز، ان کی صاحبزادی مریم نواز اور داماد کیپٹن (ر) صفدر کے خلاف ایون فیلڈ ریفرنس کا فیصلہ سناتے ہوئے نواز شریف کو دس سال قید اورجرمانے کی سزا سنادی ہے جبکہ مریم نواز کو سات سال قید مع جرمانہ جبکہ کیپٹن صفدر کو ایک سال قید کی سزا سنادی گئی ہے۔ فیصلے کے مطابق مریم نواز اور کیپٹن (ر) صفدر دس سال تک سیاست کیلئے نااہل ہوچکے ہیں۔

    خبر کے بارے میں اپنی رائے کا اظہار کمنٹس میں کریں‘مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔ 

  • نوازشریف کیخلاف فیصلہ انتخابات پر اثرانداز نہیں ہونا چاہئے، سراج الحق

    نوازشریف کیخلاف فیصلہ انتخابات پر اثرانداز نہیں ہونا چاہئے، سراج الحق

    مردان : امیر جماعت اسلامی سینیٹر سراج الحق نے کہا ہے کہ ایون فیلڈ ریفرنس کیس کا فیصلہ انتخابات پر اثر انداز نہیں ہونا چاہئے، پاناما لیکس کے دیگر افراد کیخلاف کارروائی کی رفتار بہت سست ہے۔

    ان خیالات کا اظہار انہوں نے مردان میں میڈیا سے گفتگو کرتے ہوئے  ایون فیلڈ ریفرنس کے حالیہ فیصلے پر اپنے ردعمل میں کیا۔

    سینیٹر سراج الحق نے کہا کہ ایک فرد کیخلاف فیصلے سے عام انتخابات کی تاریخ آگے نہیں ہونی چاہئے، ہم نے پاناما لیکس کے436افراد کے نام عدالت کو پیش کئے تھے، ان افراد کے خلاف عدالتی کارروائی چیونٹی کی رفتار سے بھی کم ہے۔

    مزید پڑھیں: امیر جماعت اسلامی سراج الحق 29 لاکھ کے اثاثوں کے مالک

    ایک سوال کے جواب میں امیر جماعت اسلامی کا کہنا تھا کہ قومی دولت لوٹنے والا کوئی ایک فرد بھی احتساب سے نہیں بچنا چاہئے، قرضے معاف کرانے والوں سمیت دبئی، لندن اور امریکا میں جائیدادیں بنانے والوں کو بھی پکڑا جائے۔

    خبر کے بارے میں اپنی رائے کا اظہار کمنٹس میں کریں‘مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

  • جیپ کی سواری کرو اور اسے اوور لوڈ بھی کردو، چوہدری نثار کی عوام سے اپیل

    جیپ کی سواری کرو اور اسے اوور لوڈ بھی کردو، چوہدری نثار کی عوام سے اپیل

    راولپنڈی : چوہدری نثار نے کہا ہے کہ میں روایتی سیاستدان نہیں ہوں، عزت عہدوں سے نہیں کردار سے ملتی ہے، جیپ کی سواری بھی کرو، جیپ کو اوور لوڈ بھی کردو۔

    یہ بات انہوں نے چک جلال دین راولپنڈی میں ایک بہت بڑے جلسہ عام سے خطاب کرتے ہوئے کیا، انہوں نے کہا کہ چک جلال الدین کے لوگوں کو طرح طرح کے خواب دکھائے گئے لیکن میں نے عملی کام کیے۔

    میرے پاس جب بھی اقتدار آتا ہے تو میں سب سے پہلے پیسہ عوام پر ہی خرچ کرتا ہوں، عوام اور میرا رشتہ سچائی اور دیانتداری کا ہے، یہاں میرے پہلے جلسے میں90فیصد غریب لوگ تھے، یہ علاقہ غیرت مندوں کا علاقہ ہے۔

    چوہدری نثار نے مزید کہا کہ مجھے پارٹی کا ٹکٹ چاہئے ہوتا تو چھپ کر بھی درخواست دے سکتا تھا، زندگی بھر کبھی پارٹی ٹکٹ کیلئے درخواست نہیں دی، میں وہ شخص ہوں جو تھوک کر چاٹتا نہیں ہے۔

    ان کا کہنا تھا کہ عمران خان نے دعوت دی کہ ہمارے پاس آجائیں جتنے ٹکٹ چاہئیں دیں گے لیکن میں نے فیصلہ کیا اس بار کسی جماعت کا نہیں بلکہ مخلوق خدا کا ٹکٹ لینا ہے،25جولائی کو پاکستان دیکھے گا کسی جماعت کا ٹکٹ بھاری ہے یا عوام کا،25جولائی کوچک جلال الدین کے فیصلے کا بےتابی سے انتظار کروں گا۔

    مزید پڑھیں: چوہدری نثار کی باتیں تکلیف دیتی ہیں، نواز شریف

    چوہدری نثار نے کہا کہ جیپ کی سواری بھی کرو ،جیپ کو اوور لوڈ بھی کردو، اللہ سے دعا ہے مجھے طاقت دے میں کہ آپ کی امیدوں پر پورا اترسکوں، میں روایتی سیاستدان نہیں ہوں، عزت عہدوں سے نہیں کردار سے ملتی ہے، انہوں نے عوام سے اپیل کی کہ 25جولائی کو ووٹ دے کر جیپ کو کامیاب کرائیں۔

    خبر کے بارے میں اپنی رائے کا اظہار کمنٹس میں کریں‘مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

  • کراچی شہر میں الیکشن کے روز32 ہزار 849 اہلکار تعینات ہوں گے

    کراچی شہر میں الیکشن کے روز32 ہزار 849 اہلکار تعینات ہوں گے

    کراچی: شہرقائد میں الیکشن کے روز 32 ہزار 849 اہلکار تعینات ہوں گے جب کہ 1181 پولنگ اسٹیشنز انتہائی حساس اور 2670 کو حساس قرار دیا گیا ہے۔

    تفصیلات کے مطابق کراچی میں عام انتخابات کے سیکیورٹی پلان کو حتمی شکل دے دی گئی ہے، الیکشن کمیشن کا کہنا ہے کہ 32 ہزار 849 اہلکار الیکشن کے روز تعینات ہوں گے جب کہ 10 ہزار قومی رضاکار یا سیکیورٹی گارڈز کی خدمات لی جاسکتی ہیں۔

    الیکشن کمیشن کے مطابق سیکیورٹی پلان میں ضلع شرقی میں 112 پولنگ بلڈنگز اور 254پولنگ اسٹیشنز انتہائی حساس قرار جب کہ 117 پولنگ بلڈنگز اور 220 پولنگ اسٹیشنز حساس قرار دیے گئے ہیں۔

    ضلع ملیر میں 18 پولنگ بلڈنگز اور 24 پولنگ اسٹیشنز انتہائی حساس قرار جب کہ 105 پولنگ بلڈنگز اور 138 پولنگ اسٹیشنز کو حساس قرار دیا گیا ہے۔

    ضلع کورنگی میں 138 پولنگ بلڈنگز اور 262 پولنگ اسٹیشنز انتہائی حساس قرار جب کہ ضلع کورنگی کی 206 پولنگ بلڈنگز اور 363 پولنگ اسٹیشنز حساس قرار دیئے گئے۔

    ضلع وسطی میں 63 پولنگ بلڈنگز اور 223 پولنگ اسٹیشنز انتہائی حساس قرار جب کہ ضلع وسطی کی 278 پولنگ بلڈنگز اور 747 پولنگ اسٹیشنز کو حساس قرار دیا گیا۔

    ضلع غربی میں 123 پولنگ بلڈنگز اور 215 پولنگ اسٹیشنز انتہائی حساس قرار جب کہ ضلع غربی کی 440 پولنگ بلڈنگز اور745 پولنگ اسٹیشنز حساس قرار دیئے گئے ہیں۔

    ضلع جنوبی کی تمام پولنگ بلڈنگز اور پولنگ اسٹیشنز انتہائی حساس اور حساس قرار دیئے گئے ہیں۔

    ضلع سٹی میں 84 پولنگ بلڈنگز اور 138 پولنگ اسٹیشنز کو انتہائی حساس قرار جب کہ 236 پولنگ بلڈنگز اور 363 پولنگ اسٹیشنز کو حساس قرار دیا گیا ہے۔

    سیکیورٹی پلان بی کے مطابق شہر میں 633 پولنگ بلڈنگز اور 991 پولنگ بوتھ نارمل قرار دیئے گئے ہیں۔

    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • ایم کیو ایم کے ساتھ مردم شماری اور حلقہ بندیوں پر پری پول ریگنگ ہوئی ہے: فیصل سبزواری

    ایم کیو ایم کے ساتھ مردم شماری اور حلقہ بندیوں پر پری پول ریگنگ ہوئی ہے: فیصل سبزواری

    کراچی: ایم کیو ایم پاکستان کے مرکزی رہنما فیصل سبزواری نے کہا ہے کہ کراچی کے لئے الگ اور ملک کے لئے الگ قانون ہے۔

    [bs-quote quote=”نگراں حکومت کوپیپلز پارٹی پارٹ ٹو نہیں بنانا چاہیے” style=”style-2″ align=”left” author_name=”فیصل سبزواری”][/bs-quote]

    انھوں نے میڈیا سے بات کرتے ہوئے کہا کہ الیکشن سے قبل کراچی میں ہمارے بینرز اور پوسٹرز ہٹائے جا رہے ہیں۔

    فیصل سبزواری نے کہا کہ ہمارے امیدوار جاوید حنیف کو نیب نے گرفتارکر لیا، حالاں کہ نیب کا کہنا ہے کہ الیکشن تک کسی کوگرفتارنہیں کیا جائے گا، چیئرمین نیب صاحب حکم دیں کہ جاوید حنیف کورہا کیا جائے۔

    انھوں نے کہا کہ نگراں حکومت کوپیپلز پارٹی پارٹ ٹو نہیں بنانا چاہیے، مردم شماری، حلقہ بندیوں پر ہمارے ساتھ پری پول ریگنگ ہوچکی۔

    فیصل سبزواری نے کہا کہ کچھ جماعتیں ایم کیو ایم کومری ہوئی گائے سمجھ رہی ہے، پیپلزپارٹی نےڈیڑھ ہزار ارب ہڑپ کیے اس کے مقدمات ختم کردیے، قانون کا فرق واضح ہے۔

    یاد رہے کہ کچھ روز قبل ایم کیو ایم کے مرکزی رہنما خواجہ اظہار الحسن نے دعویٰ کیا تھا کہ کچھ لوگ ایم کیوایم میں دراڑ ڈالنے کا سوچ رہے ہیں، آج بھی ہمارے خلاف پروپیگنڈے کیے جا رہے ہیں، اس سلسلے کو روکا جائے، ہم نے سب سے زیادہ قربانی دی۔

    آنکھوں پر پٹیاں باندھ کر ایم کیو ایم الیکشن میں اتر رہی ہے، خواجہ اظہار

    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • ہمارا مقابلہ” مجھے کیوں نکالا، یوٹرن اور کٹھ پتلی اتحاد” سے ہے، بلاول بھٹو

    ہمارا مقابلہ” مجھے کیوں نکالا، یوٹرن اور کٹھ پتلی اتحاد” سے ہے، بلاول بھٹو

    مورو : پیپلز پارٹی کے چیئرمین بلاول بھٹو زرداری نے کہا ہے کہ الیکشن میں ہمارا مقابلہ” مجھے کیوں نکالا، یوٹرن اور کٹھ پتلی اتحاد” سے ہے، جیت کے بعد کسانوں کو بلاسود قرضے دیں گے۔

    ان خیالات کا اظہار انہوں نے مورو میں انتخابی جلسے سے خطاب کرتے ہوئے کیا، بلاول بھٹو نے کہا کہ پیپلزپارٹی واحد جماعت ہے جس کے پاس مکمل منشور ہے جو کسانوں اور مزدوروں کیلئے کام کرتی ہے۔

    اقتدار میں آنے کے بعد غریب خواتین کو بلاسود قرضے دیئےجائیں گے، پاکستان میں تمام کسانوں کو رجسٹرڈ کیاجائے گا، اس کے علاوہ کسانوں کو بھی بلاسود قرضے اور ان کی فصلوں کی انشورنس ہوگی۔

    بلاول بھٹو کا مزید کہنا تھا کہ پیپلزپارٹی کے سامنے ایک کٹھ پتلی اتحاد کھڑا کیا گیا ہے، اس الیکشن میں ہمارا مقابلہ” مجھے کیوں نکالا، یوٹرن اور کٹھ پتلی اتحاد” سے ہے، اس کٹھ پتلی اتحاد کو عوام اپنی ووٹ کی پرچی سے مسترد کردیں گے۔

    مزید پڑھیں: سندھ میں تاریخی ترقیاتی کام مراد علی شاہ اور قائم علی شاہ کے دور میں ہوئے: بلاول بھٹو

    امید ہے ہمیشہ کی طرح آپ ہمارا ساتھ دیں گے، بی بی شہید کا وعدہ نبھانے اور ملک بچانے کیلئےآپ کا ساتھ ضروری ہے، عوام25جولائی کو تیر پر ٹھپہ لگائیں گے۔

    خبر کے بارے میں اپنی رائے کا اظہار کمنٹس میں کریں‘مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔ 

  • ٹکٹوں کی واپسی سے ن لیگ کا زوال شروع ہوگیا ہے: شاہ محمود قریشی

    ٹکٹوں کی واپسی سے ن لیگ کا زوال شروع ہوگیا ہے: شاہ محمود قریشی

    لاہور: پاکستان تحریک انصاف کے نائب چیئرمین شاہ محمود قریشی نے کہا ہے کہ اللہ کے فضل وکرم سے بلے کی ہواچل پڑی ہے.

    شاہ محمود قریشی نے میڈیا سے گفتگو کرتے ہوئے کہا کہ شہبازشریف کا بیانیہ نواز شریف کے بیانیے کا متضاد ہے.

    ان کا کہنا تھا کہ لوگ مختلف وجوہات پرن لیگ سے علیحدگی اختیارکر رہے ہیں، ٹکٹوں کی واپسی سے ن لیگ کا زوال شروع ہوگیا ہے، پیپلزپارٹی کا پنجاب میں زوال اوج پرہے.

    ان کا کہنا تھا کہ دو پرانی جماعتوں کے زوال سے نئے پاکستان کا اشارہ مل گیا، مسلم لیگ ن نظریاتی طورپردو حصوں میں تقسیم ہوچکی ہے.

    انھوں نے کہا کہ پی ٹی آئی کے کارکنو، یہ ذاتی نہیں نظریاتی لڑائی ہے، عمران خان کی جدوجہدپایہ تکمیل کو پہنچنے والی ہے، سب کو یہی کہوں‌ گا کہ غصہ تھوک کرعمران خان کا ساتھ دیں.

    واضح رہے کہ گذشتہ دنوں انھوں نے ایک بیان میں کہا تھا کہ مسلم لیگ ن واضح طور پر دو حصوں میں تقسیم ہوچکی، امیدواران سمجھ چکے کہ شیر کا نشان زحمت ہے اس لیے وہ آزاد حیثیت سے الیکشن لڑ رہے ہیں۔

    شیر کا نشان زحمت بن گیا، مسلم لیگ ن کے امیدواران ٹکٹ واپس کررہے ہیں، شاہ محمود

    خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • الیکشن2018، کئی نومولود سیاستدانوں کیلئے ایک چیلنج

    الیکشن2018، کئی نومولود سیاستدانوں کیلئے ایک چیلنج

    کراچی : عام انتخابات 2018 کئی معروف اور تجربہ کارسیاستدانوں کے درمیان بعض نومولود سیاستدانوں کیلئے پہلا امتحان ثابت ہوگا، جو ان کے سیاسی مستقبل کا تعین بھی کرے گا۔

    تفصیلات کے مطابق الیکشن 2018 کئی نومولود سیاستدانوں کیلئے ایک بڑا چیلنج بن گیا ہے اورعام انتخابات کسی امتحان سے کم نہیں، نوازشریف کی صاحبزادی مریم نوازپہلی بار الیکشن لڑیں گی۔

    مریم نواز نے اپنے والد سابق وزیراعظم نوازشریف کی نااہلی کے بعد میدان سیاست میں قدم رکھا، انھوں نے مریم نوازنے اپنے منفرد انداز میں سیاست کا آغاز کیا، وہ لاہورکے این اے 127 سے الیکشن لڑیں گی۔

    والدہ اور پارٹی چیئرپرسن بینظیربھٹو کی شہادت کے بعد نوجوان بلاول بھٹو زرداری کو خارزار سیاست میں آنا پڑا، بلاول بھٹو اپنی زندگی کا پہلا انتخاب لڑیں گے۔

    بلاول بھٹو این اے 200 لاڑکانہ،این اے 246 کراچی سے الیکشن لڑیں گے۔

    مفتی محمود کے پوتے اور مولانافضل الرحمٰن کے صاحبزادے اسد محمود بھی سیاست کا حصہ بن گئے اور این اے 37 ٹانک ڈی آئی خان سے میدان میں اترے ہیں۔

    تحریک انصاف کے شاہ محمودقریشی کے صاحبزادے زین حسین قریشی اور حافظ سعید کے بیٹے طلحہ سعید بھی سیاستدانوں کی فہرست میں شامل ہوگئے ہیں۔

    زین حسین قریشی این اے ایک سو57 ملتان اور طلحہ سعید این اے91 سرگودھا سے انتخابی اکھاڑے میں اتریں گے۔

    خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • الیکشن2018 :‌ انتخابی مہم کیلئے سیاست دانوں نے ہیلی کاپٹرزاورجہاز بک کرالئے

    الیکشن2018 :‌ انتخابی مہم کیلئے سیاست دانوں نے ہیلی کاپٹرزاورجہاز بک کرالئے

    کراچی : الیکشن2018کے سلسلے میں سیاسی جماعتوں کے سینئر رہنماؤں نے اپنا وقت بچانے اور محفوظ سفر کے لیے مہنگے داموں پر ہیلی کاپٹروں اور چارٹر طیاروں کی بکنگ کرالی۔

    تفصیلات کے مطابق الیکشن2018کے سلسلے میں تمام جماعتوں کے امیدواروں کی ملک بھر میں انتخابی مہم جاری ہے، مختلف سیاسی رہنماؤں نے وقت بچانے اور جلسہ گاہ تک بروقت پہنچنے کے لیے نجی طیاروں اور ہیلی کاپٹرز کی بکنگ کرالی ہے۔

    اس حوالے سے ذرائع کا کہنا ہے کہ ملک کی دو چارٹر کمپنیوں نے انتخابی مہم کے لئے دو ہیلی کاپٹر قلیل لیز پر بیرون ملک سے حاصل کر لیے ہیں، چارٹر کمپنی نے ہیلی کاپٹر اے ڈبلیو139اور ایم آئی17ہیلی کاپٹر حاصل کیے ہیں۔

    الیکشن کے لئے مجموعی طور پر5 ہیلی کاپٹرز اور دو ایگزیکٹو طیارے دستیاب ہوں گے، کراچی ائیر پورٹ کے پارکنگ میں کم گنجائش والے  کئی طیارے پہنچادیئے گئے ہیں۔

    ذرائع کا کہنا ہے کہ جن سیاسی جماعتوں نے ہیلی کاپٹر اور طیاروں کو چارٹر کیا ہے ان میں مسلم لیگ نون، تحریک انصاف، پیپلز پارٹی، اے این پی شامل ہیں۔ ان سیاسی جماعتوں نے اپنی انتخابی مہم ہیلی کاپٹر اور طیاروں کی دستیابی کی روشنی میں مرتب کی ہے۔

    ایک گھنٹے کا فضائی سفر میدانی علاقوں کے چھ گھنٹے اور پہاڑی علاقوں کے8سے دس گھنٹے سفر کے مساوی ہے اور ایک گھنٹے کے فضائی سفر کا خرچہ5سے سات ہزار ڈالر تک آئے گا۔

    ذرائع کے مطابق نجی چارٹر کمپنی سفر کے دوران مسافروں کو ناشتہ، ظہرانہ اور عشائیہ بھی فراہم کرے گی۔ فضائی سفر کے دوران مسافروں کے آرام کا بھر پور انتظام کیا جائے گا۔

    خبر کے بارے میں اپنی رائے کا اظہار کمنٹس میں کریں‘مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔ 

  • میری کسی سے ڈیل ہوتی، تو اسماعیل ڈاہری گرفتارنہ ہوتے: آصف زرداری

    میری کسی سے ڈیل ہوتی، تو اسماعیل ڈاہری گرفتارنہ ہوتے: آصف زرداری

    کراچی: پاکستان پیپلزپارٹی کے شریک چیئرمین آصف علی زرداری نے کہا ہے کہ انتخابات میں تاخیرکی آئین میں گنجائش نہیں.

    سابق صدر کا کہنا تھا کہ سیاسی جماعتوں کو ہر صورت الیکشن کمیشن کو مضبوط بنانا ہوگا، یہی جمہوریت کی ضرورت ہے.

    [bs-quote quote=” جس جماعت کو بھی حکومت بنانی ہوگی، اسے ہر صورت پیپلزپارٹی سے بات کرنی ہوگی” style=”style-2″ align=”left” author_name=”آصف علی زرداری”][/bs-quote]

    آصف زرداری نے کہا کہ خان صاحب تو کہہ چکے ہیں کہ وہ میرے ساتھ نہیں بیٹھنا چاہتے، عمران خان کی مجھ پرتنقید ان کا حق ہے. البتہ خان صاحب نے سارے دروازے خود بند کر دیے.

    ایک سوال کے جواب میں انھوں نے کہا کہ میں ارتقا پریقین رکھتا ہوں، انقلاب پرنہیں، میرا وزیر اعظم کا امیدوار بلاول بھٹو زرداری ہے.

    انھوں نے منظور وٹو سے متعلق کہا کہ کو کسی نے ان سے کہا ہے کہ یہ آپ کا آخری الیکشن ہے، آزاد لڑیں، ویسے بھی منظوروٹوپیپلزپارٹی سےفارغ ہوگئے ہیں اور اس وقت ہرجگہ آزاد امیدوارکھڑے ہو رہے ہیں.

    انھوں نے دعویٰ کیا کہ جس جماعت کو بھی حکومت بنانی ہوگی، اسے ہر صورت پیپلزپارٹی سے بات کرنی ہوگی.

    آصف علی زرداری نے کہا کہ اسماعیل ڈاہری کی گرفتاری کسی کی ادا ہے، ہرادا ایک پیغام ہوتا ہے، اسماعیل ڈاہری میرا کارکن ہے، جس کو میرے گھر کے قریب سے گرفتارکیا گیا، میری کسی سے ڈیل ہوتی تو اسماعیل ڈاہری گرفتارنہ ہوتے۔

    ایک سوال کے جواب میں انھوں نے کہا کہ ن لیگ اورپی ٹی آئی بنی نہیں تھیں، یہ بنائی گئی تھیں، نوازشریف سے لاہورمیں کوئی ملاقات نہیں ہوئی،  جب سےروٹھے ہیں، تب سے نوازشریف سےنہیں ملے۔

    ہم عوام کی طاقت اور مخالفین چور دروازے سے اقتدار میں آتے ہیں، آصف زرداری

    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔