ARYNews.tv | Urdu – Har Lamha Bakhabar

Tag: election 2018

  • عام انتخابات 2018: تحریک انصاف نے امیدواروں کی حتمی فہرستیں جاری کر دیں

    عام انتخابات 2018: تحریک انصاف نے امیدواروں کی حتمی فہرستیں جاری کر دیں

    اسلام آباد: پاکستان تحریک انصاف نے 2018 کے عام انتخابات کے لیے اپنے امیدواروں کی حتمی فہرستیں جاری کردیں، فہرستوں میں معمولی تبدیلیاں کی گئی ہیں۔

    تفصیلات کے مطابق پی ٹی آئی نے معمولی تبدیلیاں کرنے کے بعد اپنے امیدواروں کی حتمی فہرستیں جاری کردیں، چیئرمین عمران خان نے منظوری دے دی، ذرائع کا کہنا ہے کہ فہرستیں حتمی ہیں، مزید کوئی تبدیلی نہیں ہوگی۔

    پی ٹی آئی نے نظرثانی کے بعد کئی امیدوار تبدیل کردیے، بنی گالہ میں احمد حسین کا احتجاج رنگ لے آیا، ٹکٹ جاری کر دیا گیا، ملتان کے این اے 154 سے سکندر بوسن سے ٹکٹ واپس لے لیا گیا۔

    ترجمان پی ٹی آئی نے کہا ہے کہ قومی اسمبلی کے لیے 244 امیدواروں کو ٹکٹ دیے گئے ہیں، پنجاب اسمبلی کے لیے277، سندھ اسمبلی کے لیے 97، کے پی اسمبلی کے لیے97، بلوچستان اسمبلی کے لیے 40، کراچی سے قومی اسمبلی کے لیے 21 امیدواروں کو ٹکٹ جاری کیے گئے۔

    ترجمان کے مطابق عمران خان قومی اسمبلی کے 5 حلقوں سے میدان میں اتریں گے، جن میں این اے 35 بنوں، این اے 53 اسلام آباد، این اے 95 میانوالی، این اے 131 لاہور اور این اے 243 کراچی شامل ہیں۔

    پرویز خٹک این اے 25 نوشہرہ، اسد عمر این اے 54 اسلام آباد سے جب کہ شاہ محمود قریشی این اے 155 ملتان، این اے 220 عمر کوٹ اور این اے 221 تھر پارکر سے انتخاب لڑیں گے۔

    ترجمان کے مطابق پی ٹی آئی نے قومی اسمبلی کے لیے 14 خواتین کوٹکٹ جاری کیے، این اے 13 مانسہرہ سے عنبرین سواتی، غلام بی بی بھروانہ  این اے 115 جھنگ سے، این اے 90 سرگودھا سے نادیہ عزیز، فردوس عاشق اعوان  این اے 72 سیالکوٹ، زر تاج گل  این اے 191 ڈیرہ غازی خان، قراۃ العین  این اے 201 لاڑکانہ سے اور این اے 200 سے حلیمہ بھٹو الیکشن لڑیں گی۔

    عام انتخابات 2018: پیپلزپارٹی نے لاہور سے امیدواروں کی حتمی فہرست تیار کرلی

    فواد چوہدری این اے 67 جہلم سے، ابرار الحق این اے 78 نارووال سے، ندیم افضل چن این اے 88 سرگودھا سے،غلام سرور خان این اے 59 اور این اے 63 راولپنڈی سے، نذر گوندل این اے 86 منڈی بہاؤالدین سے، شہر یار آفریدی این اے 32 کوہاٹ سے، علی امین گنڈاپور این اے 38 ڈیرہ اسماعیل خان سے، طاہرصادق این اے 55 اور این اے 56 اٹک سے، عبد المجید خان نیازی این اے187 لیہ سے، جب کہ علی محمد خان این 22 مردان سے الیکشن لڑیں گے۔

    ترجمان کے مطابق پی ٹی آئی نے این اے 64 اور 65 سے امیدوار کھڑا نہیں کیا، ان حلقوں میں ق لیگ سے ایڈجسٹمنٹ کے فیصلے کے مطابق شیخ رشید کی حمایت کی جائے گی۔

    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • ایم کیو ایم پاکستان ایک ہی ہے، جس کا نشان پتنگ ہے: فاروق ستار

    ایم کیو ایم پاکستان ایک ہی ہے، جس کا نشان پتنگ ہے: فاروق ستار

    کراچی: ایم کیو ایم پاکستان کے سینئر رہنما فاروق ستار نے کہا ہے کہ ایم کیوا یم پاکستان ایک ہی ہے، جس کا نشان پتنگ ہے.

    ان خیالات کا اظہار انھوں نے میڈیا سے بات چیت کرتے ہوئے کیا. ان کا کہنا تھا کہ 15 جون کو بہادر آباد واپسی کا سفر اختیار کیا، 2018 کا الیکشن ہماری آزمائش ہے.

    [bs-quote quote=”مخالفین سازشیں کریں گے، کارکنوں کو بڑے پن کا مظاہرہ کرتے ہوئے ملاپ کو کامیاب بنانا ہوگا” style=”style-2″ align=”left” author_name=”فاروق ستار”][/bs-quote]

    فاروق ستار نے کہا کہ وسیع ترمفاد کے لئے بہادرآباد گیا، جس پرساتھیوں نے استقبال کیا، ہمارے مستقل ملاپ میں بہت سی رکاوٹیں ہیں اور آئیں گی، رکاوٹوں کو عبور کرنا ہے.

    انھوں نے کہا کہ رکاوٹیں بھی آئیں گی اورسازشیں بھی ہوں گی، مخالف سمجھ رہے تھے کہ ایم کیوایم کا ووٹ بینک ہمیں مل گیا، مخالفین سازشیں کریں گے، کارکنوں کو بڑے پن کا مظاہرہ کرتے ہوئے ملاپ کو کامیاب بنانا ہوگا.

    انھوں نے کہا کہ رابطہ کمیٹی جسے ٹکٹ دینا چاہے دے، میرا اس معاملے سے کوئی واسطہ نہیں، انتخابی مہم چلانا چاہتا ہوں، الیکشن نہیں لڑنا چاہتا.

    فاروق ستار کا کہنا تھا کہ اس الیکشن میں رخصت چاہتا ہوں، کوٹا ہے، یہ تاثرنہیں آنا چاہیے، عامر خان اور میں الیکشن مہم چلانا چاہتے ہیں، سب کو ایک کرنا چاہتے ہیں، پرانی نشستیں واپس لے کر دکھائیں گے.

    عامر لیاقت اور پی ٹی آئی کے لیے دعا گو ہوں، فاروق ستار

    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • تیسری بیوی اوربیٹی ظاہرنہ کرنے پرنثارکھوڑو کے کاغذات نامزدگی مسترد

    تیسری بیوی اوربیٹی ظاہرنہ کرنے پرنثارکھوڑو کے کاغذات نامزدگی مسترد

    سکھر : پیپلز پارٹی سندھ کے صدر اور سابق صوبائی وزیر نثار کھوڑو کے کاغذات نامزدگی فارم مسترد کردیئے گئے، عدالت نے اثاثے اور بیوی بچوں کی مکمل معلومات نہ ظاہر کرنے پر فیصلہ سنا دیا، نثار کھوڑو فیصلے کیخلاف اپیل کریں گے۔

    تفصیلات کے مطابق اپیلٹ ٹریبونل نے پی ایس11سکھر میں پیپلز پارٹی کے امیدوار نثارکھوڑو کے صوبائی اسمبلی کی نشست کے لیے جمع کرائے گئے نامزدگی فارم مسترد کردیئے۔

    نثار کھوڑو کےخلاف جی ڈی اے کے رہنما معظم عباسی نے اعتراضات داخل کیے تھے، درخواست گزار کا نثارکھوڑو پر الزام عائد کرتے ہوئے مؤقف تھا کہ نامزدگی فارم میں نثارکھوڑو نے تیسری بیگم،بیٹی کانہیں بتایا اور نہ نثارکھوڑو نےنامزدگی فارم میں اپنی166ایکٹر زمین ظاہرنہیں کی۔

    معظم عباسی کے مطابق نثار کھوڑو نے کاغذات نامزدگی میں دو بیگمات اورچار بچے ظاہرکیے جو غلط معلومات ہیں، دوسری جانب نثارکھوڑو کا کہنا ہے کہ ٹریبونل کے فیصلے کے خلاف اپیل دائر کروں گا، کاغذات نامزدگی میں کوئی چیزنہیں چھپائی گئی۔

    یاد رہے کہ اس سے قبل اپیلٹ ٹربیونل نے این اے57مری سے سابق وزیر اعظم شاھد خاقان عباسی، پی ایس 27خیرپور سے پیپلز پارٹی کے رہنما منظور وسان اور این اے67جہلم سے پاکستان تحریک انصاف کے رہنما فواد چوہدری کے کاغذات نامزدگی مسترد کرتے ہوئے انہیں انتخابات کیلئے نااہل قرار دیا ہے۔

    خبر کے بارے میں اپنی رائے کا اظہار کمنٹس میں کریں‘مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔ 

  • ہمارا مقابلہ کٹھ پتلی عمران خان سے نہیں، وہ اس بھول میں بھی نہ رہے، مریم نواز

    ہمارا مقابلہ کٹھ پتلی عمران خان سے نہیں، وہ اس بھول میں بھی نہ رہے، مریم نواز

    لندن : نواز شریف کی صاحبزادی مریم نواز نے کہا ہے کہ ہمارا مقابلہ عمران خان سے نہیں، وہ اس بھول میں بھی نہ رہے کیونکہ وہ ایک کٹھ پتلی ہے، پارٹی قیادت جہاں کہے گی اسی حلقے سے الیکشن لڑوں گی۔

    یہ بات انہوں نے لندن میں میڈیا سے گفتگو کرتے ہوئے کہی، مریم نواز جو ان دنوں اپنی والدہ کی عیادت کے سلسلے میں لندن میں مقیم ہیں، اس حوالے سے وقفے کے بعد سیاسی بیان دیتے ہوئے انہوں نے کہا کہ ن لیگ کسی سیاستدان کی عدالتی نااہلی کے حق میں نہیں ہے۔

    انہوں نے کپتان کو اپنی تنقید کا نشانہ بناتے ہوئے کہا کہ ہمارا مقابلہ عمران خان سے نہیں، وہ اس بھول میں نہ رہے، جن لوگوں سے ہمارا مقابلہ ہے وہ عمران خان سوچ بھی نہیں سکتے کیونکہ چیئرمین پی ٹی آئی کا اپنا دماغ نہیں وہ ایک کٹھ پتلی ہے۔

    دوسری جانب ن لیگ نے مریم نواز کا حلقہ پھر تبدیل کردیا، انہیں این اے ایک سو پچیس کی جگہ این اے ایک سو ستائیس سے ٹکٹ جاری کیا گیا ہے۔

    ذرائع کا کہنا ہے کہ اب این اے125سے پرویز ملک کو ٹکٹ دیئے جانے کا امکان ہے، مریم نواز کا حلقہ تبدیل کرنے کی وجہ شکست سے بچنا ہے کیونکہ عوامی سروے میں یاسمین راشد کے مقابلے میں مریم نواز کی پوزیشن کمزور تھی۔

    اس حوالے سے سوال کا جواب دیتے ہوئے مریم نواز کا وضاحت دیتے ہوئے کہنا تھا کہ میرا حلقہ تبدیل نہیں ہوا بلکہ میرے حلقے کا اعلان ہی آج ہوا ہے، پارٹی قیادت جہاں سے کہے گی وہاں سے الیکشن لڑوں گی، والدہ کی طبیعت بہتر ہوتے ہی ہم پاکستان واپس جائیں گے۔

    مزید پڑھیں: نواز شریف اورمریم نواز کو 4 دن کے لیےحاضری سے استثنیٰ مل گیا

    یاد رہے کہ والدہ کی تشویشناک حالت کی وجہ سے مریم نواز سیاسی بیانات سے گریز کر رہی تھیں تاہم آج پہلی بار انہوں نے میڈیا سے گفتگو کرتے ہوئے سیاسی بیان دیا۔

    خبر کے بارے میں اپنی رائے کا اظہار کمنٹس میں کریں‘مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔ 

  • الیکشن2018: این اے 232ٹھٹہ میں پیپلزپارٹی، پی ٹی آئی اور ایم ایم اے مد مقابل

    الیکشن2018: این اے 232ٹھٹہ میں پیپلزپارٹی، پی ٹی آئی اور ایم ایم اے مد مقابل

    کراچی : سندھ کا تاریخی شہر ٹھٹہ کراچی سے 110کلومیٹر کے فاصلے پر قائم ہے یہ شہر ایک زمانے میں علم و فن شاعری، لوک داستانوں اور تجارت کا بڑا مرکز تھا لیکن مختلف ادوار میں یہاں آنے حکمرانوں نے اس تاریخی شاہکار کو بھی اپنی روائتی بے حسی کا شکار بنا ڈالا۔

    ٹھٹہ رقبے کے لحاظ سے تھرپارکر کے بعد سندھ کا دوسرا بڑا ضلع بن گیا ہے، اس وقت ضلع ٹھٹہ کا رقبہ17ہزار355 مربع کلومیٹر ہے۔ضلع ٹھٹہ میں کئی جھیلیں واقع ہیں جہاں سے ملحقہ شہروں خصوصاً کراچی کی میٹھے پانی کی ضروریات پوری کی جاتی ہیں، ان جھیلوں میں کینجھر اور ہالیجی قومی سطح پر معروف حیثیت رکھتی ہیں۔

    ماضی میں جس ٹھٹہ کا مقابلہ ترقی یافتہ شہروں سے کیا جاتا تھا، آج وہ ٹھٹہ وقت کے ظالم قدموں کے نیچے روند دیا گیا، اور دکھ کا ایک سوالیہ نشان بن کر رہ گیا۔

    کروڑوں روپے کے بجٹ کے باوجود شہر کے قدیمی قبرستان مکلی کی تباہی اس کا مقدر بن چکی ہے، اس کے علاوہ دو کروڑ روپے کی لاگت سے تعمیر کیا گیا اسپورٹس کمپلیکس بند پڑا ہے، شہر میں سیوریج کا نظام سرے سے موجود ہی نہیں۔

    پورے شہر کی غلاظت اور گندگی نہروں میں ڈالی جارہی ہے جس کی وجہ سے شہری گندہ پانی پینے پر مجبور ہیں، پانچ کروڑ روپے کی لاگت سے بننے والی پانی کی ٹنکی تعمیر کے بعد ہی ناکارہ قرار دے دی گئی۔

    ٹھٹہ میں بھی الیکشن 2018کے موقع پر کافی گہما گہمی نظر آرہی ہے، این اے232ٹھٹہ سے ملک کی اہم جماعتوں نے اپنے امیدوار کھڑے کیے ہیں جن میں پیپلزپارٹی، پی ٹی آئی اور ایم ایم اے شامل ہیں، اس حلقے میں پی پی پی امیدوار شمس النساء میمن، پی ٹی آئی کے رئیس ارسلان بروہی اور ایم ایم اے کے جاوید شاہ مدمقابل ہیں۔

    اس حوالے سے اے آر وائی نیوز کے نمائندے کامل عارف نے ٹھٹہ کے مکینوں سے ملاقات کی اور ان کے مسائل معلوم کیے، ملاقات کے دوران اہم انکشافات سامنے آئے۔

    خبر کے بارے میں اپنی رائے کا اظہار کمنٹس میں کریں‘مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔ 

  • پیپلزپارٹی نے وسطی پنجاب کے امیدواروں کی فہرست جاری کردی

    پیپلزپارٹی نے وسطی پنجاب کے امیدواروں کی فہرست جاری کردی

    اسلام آباد : پیپلزپارٹی نے وسطی پنجاب کے امیدواروں کے ناموں کا اعلان کردیا، این اے58راجہ پرویز اشرف، این اے70 سے قمر زمان کائرہ، این اے114مخدوم فیصل صالح حیات انتخابات میں حصہ لیں گے۔

    تفصیلات کے مطابق پیپلزپارٹی نے وسطی پنجاب کے امیدواروں کی فہرست جاری کردی ہے، آصف زرداری اور بلاول بھٹو کی منظوری سے جاری ہونے والی فہرست میں حلقہ نمبر این اے52سے محمد فضل کھوکھر،این اے53سے سبطن الحسن بخاری، این اے54سے راجہ عمران اشرف، این اے55سے سردار ذوالفقارحیات، این اے56سے سردار سلیم حیدر، این اے58سے راجہ پرویز اشرف کو نامزد کیا گیا ہے۔

    اس کے علاوہ حلقہ نمبر این اے59سے کامران اسلم چوہدری، این اے60سے مختارعباس، این اے61سے حاجی گلزار اعوان، این اے62سے سمیرا گل، این اے64سے جبار احمد، این اے65سے ملک ہاشم خان، این اے66سے تسنیم ناصرگجر، این اے67سے فیاض اسلم، این اے68سے چوہدری اظہر اقبال، این اے69سے مسز وزیرالنساء اور این اے70 سے قمرزمان کائرہ پیپلزپارٹی کے امیدوار ہوں گے۔

    فہرست کے مطابق حلقہ نمبر این اے71سے چوہدری احسان، این اے72سے ملک طاہراختر، این اے73سے ضرار محمود ملک، این اے74سے مسزنرگس فیض ملک، این اے75سے ڈاکٹرظہیرالحسن، این اے76سے یاسر مشتاق باجوہ، این اے77سے محمد نواز،این اے79سے چوہدری اعجازاحمد کو ٹکٹ جاری کیے گئے ہیں۔

    حلقہ نمبر این اے80سے راؤ اکرام علی خان، این اے81سے محمد انس امجد چوہدری، این ے 82 سے محمداسحاق،این اے84سے چوہدری ذوالفقارعلی، این اے85سے آصف بشیر بھاگٹ، این اے86سے فخر عمرحیات لالیکا، این اے88سے اظہارالحسن، این اے89سے محمد اسلم کو امیدوار نامزد کیا گیا ہے۔

    حلقہ نمبر این اے90سے تسنیم احمد قریشی، این اے91سے طارق محمود گجر، این اے93سے آغانسیم عباس، این اے94سے صفدرعلی، این اے95سے محمد خالد خان، این اے96سے خالد اعوان، این اے99سے مخدوم اسد حیات، این اے100سے عنایت علی شاہ، این اے101سے طارق باجوہ امیدوار نامزد کیے گئے ہیں۔

    حلقہ نمبر این اے102سے رائے محمد شاہ جہان کھرل، این اے103سے شہادت خان بلوچ، این اے104سے رانافاروق سعید خان، این اے106سے چوہدری سعیداقبال، این اے107سے ملک سردار محمد، این اے108سے ملک اصغرعلی قیصر، این اے109سے حاجی محمد افضال، این اے111سے حاجی محمد اسحاق،این اے114سے مخدوم فیصل صالح حیات کو ٹکٹ جاری کیا گیا ہے۔

    حلقہ نمبر این اے118سے رائے شاہجہان بھٹی، این اے122سے جاوید بھٹی، این اے124سے چوہدری ظہیر، این اے125سے حافظ زبیرکاردار، این اے126سے اورنگزیب برکی، این اے127سے عدنان گورسی، این اے128سے سید ظفر علی شاہ، این اے129سے افتخارشاہدایڈووکیٹ، این اے130سے عدیل غلام محی الدین،این اے131سے عاصم محمود بھٹی، این اے132سے ثمینہ خالد گھرکی کو امیدوار نامزد کیا گیا ہے۔

    حلقہ نمبر این اے133سے چوہدری محمد اسلم گل، این اے134سے سہیل اعوان، این اے135سے امجد علی جٹ، این اے136سے راناجمیل احمد، این اے141سے رائے مجتبیٰ کھرل، این اے142سے نواب طارق
    این اے144سے شہزاد نول، این اے146سے میاں شوکت علی باجوہ، این اے148سے مہرغلام فرید اور این اے149سے علی جاوید پیپلزپارٹی کے امیدوار قرار پائے ہیں۔
    واضح رہے کہ بلاول ہاؤس لاہور کی جانب سے تمام پارٹی ا میدواروں کو ہدایات جاری کی گئی ہیں کہ وہ دفتر آکر اپنا ٹکٹ وصول کرلیں۔

    خبر کے بارے میں اپنی رائے کا اظہار کمنٹس میں کریں‘مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔ 

  • مستقبل میں خلائی مخلوق بہت کچھ کرنے والی ہے: کاغذات مسترد ہونے پر منظور وسان کی پیش گوئی

    مستقبل میں خلائی مخلوق بہت کچھ کرنے والی ہے: کاغذات مسترد ہونے پر منظور وسان کی پیش گوئی

    سکھر: پیپلزپارٹی کے سینئر رہنما منظور وسان نے پیش گوئی کی ہے کہ مستقبل میں خلائی مخلوق بہت کچھ کرنے والی ہے۔

    یہ پیش گوئی انھوں نے کاغذات نام زدگی مسترد ہونے کے بعد کی. انھوں نے کہا کہ جو خلائی مخلوق کے ساتھ ہوگا، اسے مہلت ملے گی، ضد کرنے والا باہر ہوجائے گا۔

    [bs-quote quote=”جی ڈی اے بنی ہی اس لئے ہے کہ خلائی مخلوق ان کی مدد کرے، جی ڈی اے کی پہلی ترجیح الیکشن ملتوی کروانا ہے” style=”style-2″ align=”left” author_name=”منظور وسان”][/bs-quote]

    منظوروسان نے یہ انکشاف بھی کیا کہ جی ڈی اے (گرینڈ ڈیموکریٹک الائنس) بنی ہی اس لئے ہے کہ خلائی مخلوق ان کی مدد کرے۔

    انھوں نے الزام لگایا کہ جی ڈی اے کی پہلی ترجیح الیکشن ملتوی کروانا ہے، جی ڈی اے کی خواہش پر افسران بھی تعینات ہورہے ہیں۔

    منظوروسان کا کہنا تھا کہ مستقبل میں بارگینگ کی جائے گی، پہلے ہی کہہ چکا ہوں کہ امیدواروں کے فارمز مسترد کیے جائیں گے۔

    پیپلزپارٹی کے سینئر رہنما نے کہ میں نے سوچا تھا کہ بہت سے لوگ متاثر ہوں گے، معلوم نہیں تھا کہ خودہی اس سے متاثرہوجاؤں گا۔

    یاد رہے کہ آج پی ایس 27 خیرپور سے پیپلز پارٹی کے رہنما منظور وسان کے کاغذات نامزدگی اپیلٹ ٹربیونل نے مسترد کر دیے تھے۔

    ایم کیو ایم کا کراچی میں وجود ختم ہوچکا ہے، منظور وسان

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • الیکشن بروقت ہوگا اورشفاف ہوگا: وزیر قانون و اطلاعات

    الیکشن بروقت ہوگا اورشفاف ہوگا: وزیر قانون و اطلاعات

    اسلام آباد: وزیر قانون واطلاعات بیرسٹرعلی ظفر کا کہنا ہے کہ الیکشن بروقت ہوگا اورایسا شفاف ہوگا، جو پہلے نہیں ہوا.

    ان خیالات کا اظہار انھوں نے ایک تقریب سے خطاب کرتے ہوئے کیا. ان کا کہنا تھا کہ ہمارا مینڈیٹ صاف اور واضح ہے، الیکشن بروقت ہوگا.

    انھوں نے کہا کہ الیکشن میں تاخیرنہیں ہوگی، سیاسی جماعتیں انتخابی مہم پرتوجہ دیں، ہرسیاسی جماعت کی انتخابی مہم سے الیکشن کاماحول بنتا ہے.

    بیرسٹرعلی ظفر کے مطابق سرکاری ٹی وی پر ہرسیاسی جماعت کو برابر وقت دیا جارہا ہے، کسی کے ساتھ ناانصافی نہیں ہوگی.

    ان کا کہنا تھا کہ افواج پاکستان دہشت گردی کےخلاف جنگ میں مصروف ہے، سویلین سائیڈ  پر تعلیم دہشت گردی کامقابلہ کرسکتی ہے

    بیرسٹر علی ظفر نے کہا کہ ہنرمندبچوں کو دیکھ کرخوشی ہوئی، تعلیمی محکموں کو اسٹریم لائن کی ضرورت ہے، ہائرایجوکیشن وفاقی حکومت کے پاس ہوگی، امید ہے کہ پارلیمنٹ اس معاملے پر قانون سازی کرے گی.

    ان کا کہنا تھا کہ فاٹا ضم ہو چکا ہے، فاٹا کے پی کا حصہ ہے، فاٹا کے عوام پر کے پی اور وفاق کا قانون لاگو ہو چکا ہے، آئینی شق کے مطابق فاٹا کے صوبائی انتخابات ایک سال بعد ہوں گے.

    بیرسٹرعلی ظفر نے کہا کہ نظام کے لاگو ہونے میں وقت لگتا ہے، فاٹا میں بھی جلد انتخاب ہونے چاہیے، البتہ فاٹا کے صوبائی الیکشن 25 جولائی کوممکن نہیں.

    عدالت کمیشن بناسکتی ہے، کوئی افسوس نہ کرے، بیرسٹرعلی ظفر

    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • اپیلٹ ٹربیونل نے عابد شیر علی کے بھائی کو الیکشن لڑنے سے روک دیا

    اپیلٹ ٹربیونل نے عابد شیر علی کے بھائی کو الیکشن لڑنے سے روک دیا

    لاہور : اپیلٹ ٹربیونل نے عابد شیرعلی کے بھائی عمران شیرعلی کے خلاف اپیل منظور کرتے ہوئے انہیں الیکشن لڑنے سے روک دیا گیا۔

    تفصیلات کے مطابق لاہور ہائیکورٹ کی اپیلٹ ٹربیونل کے جج جسٹس علی اکبر قریشی نے عابد شیرعلی کے بھائی عمران شیرعلی کے کاغذات نامزدگی کی منظوری کے خلاف درخواست پر سماعت کی۔

    اپیلٹ ٹربیونل نے عمران شیرعلی کے خلاف اپیل منظورکرتے ہوئے کاغذات کی منظوری کالعدم قرار دے دی اور انہیں الیکشن لڑنے سے روک دیا گیا۔

    خیال رہے کہ عمران شیر  علی نے پی پی 117 فیصل آباد سے کاغذات جمع کرائے تھے اور  ریٹرننگ افسر نے کاغذات منظور کیے تھے۔

    کاغذات کی منظوری کیخلاف اپیل میں مؤقف اختیار کیا گیا تھا کہ عمران شیر علی سوئی گیس بل کے ڈیفالٹر ہیں، ڈگری بھی جاری ہوئی جبکہ انھوں نے اثاثے بھی چھپائے ہیں۔

    خیال رہے کہ ملک بھر میں ریٹرننگ افسران کے اعتراضات کے خلاف اپیلوں پر فیصلوں کا آج آخری دن ہے، امیدواروں کی نظر ثانی شدہ فہرست 28 جون کو جاری ہوگی۔

    امیدوار 29 جون کو کاغذات نامزدگی واپس لے سکیں گے، 29جون کو ہی امیدواروں کی حتمی فہرست جاری کی جائے گی جبکہ 30 جون کو امیدواروں کو انتخابی نشانات جاری کیے جائیں گے۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

  • الیکشن 2018 میں ملکی تاریخ کے مہنگے ترین بیلٹ پیپرز کا استعمال ہوگا

    الیکشن 2018 میں ملکی تاریخ کے مہنگے ترین بیلٹ پیپرز کا استعمال ہوگا

    اسلام آباد: الیکشن کمیشن کا کہنا ہے کہ انتخابات 2018 میں واٹر مارکڈ بیلٹ پیپرز کا استعمال ہوگا، جو ملکی تاریخ کے مہنگے ترین بیلٹ پیپرز ہوں گے،21 کروڑ بیلٹ پیپرز کی چھپائی پر دو ارب روپے سے زائد خرچہ آئے گا۔

    تفصیلات کے مطابق الیکشن کمیشن نے متعلقہ حلقوں کے لئے بیلٹ پیپرز کی تعداد مانگ لی، ڈی آر اوز، آر اوز کو ووٹرز کی تعداد تیس جون تک جمع کرانے کی ہدایت کردی گئی۔

    ذرائع الیکشن کمیشن کا کہنا ہے کہ بیلٹ پیپرز راؤنڈ فگر میں چھاپے جائیں گے، پولنگ اسٹیشن پر بارہ سو ایک ووٹر ہونے کی صورت میں تیرہ سو بیلٹ پیپرز چھاپے جائیں گے۔

    الیکشن کمیشن کے مطابق انتخابات میں شفافیت برقرار رکھنے کے لیے واٹر مارکڈ بیلٹ پیپرز کا استعمال ہوگا، جو ملکی تاریخ کے مہنگے ترین بیلٹ پیپرز ہوں گے۔

    ذرائع کا کہنا ہے یکم جولائی سے تینوں پرنٹنگ پریس اسلام آباد، لاہور اور کراچی میں فوج کی نگرانی میں بیلٹ پیپرز کی چھپائی کا آغاز کیا جائے گا، اکیس کروڑ بیلٹ پیپرز کی چھپائی پر دو ارب روپے سے زائد خرچہ آئے گا۔

    بیلٹ پیپرز کی چھپائی سے متعلق چیف الیکشن کمشنرکی زیر صدارت اجلاس بھی ہوا،  جس میں چیف الیکشن کمشنر نے پرنٹنگ پریس سربراہان کو بیلٹ پیپرز کی چھپائی بروقت مکمل کرنے کی ہدایت کی۔

    یاد رہے کہ عام انتخابات 2018  کا انعقاد 25 جولائی کو کیا جائے گا، جس کی کی تیاریاں عروج  پر ہیں۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔