ARYNews.tv | Urdu – Har Lamha Bakhabar

Tag: election 2018

  • انتخابات کو بین الاقوامی سطح سے سبوتاژ کرنے کی خبرمیں صداقت نہیں: داخلہ کمیٹی برائے سینیٹ

    انتخابات کو بین الاقوامی سطح سے سبوتاژ کرنے کی خبرمیں صداقت نہیں: داخلہ کمیٹی برائے سینیٹ

    اسلام آباد: داخلہ کمیٹی برائے سینیٹ نے کہا ہے کہ انتخابات کوبین الاقوامی سطح سے سبوتاژ کرنے کی خبرمیں صداقت نہیں.

    تفصیلات کے مطابق سینیٹ کی داخلہ کمیٹی کا اجلاس 28 مئی کو پارلیمنٹ ہاؤس میں ہوا، جس میں‌ سیکریٹری الیکشن کمیشن نےعام انتخابات کے انتظامات پربریفنگ دی.

    [bs-quote quote=”عام انتخابات وقت پرہوں گے، بابریعقوب نے صرف بلوچستان میں دہشت گردی کے خدشے کا اظہارکیا تھا” style=”style-2″ align=”left”][/bs-quote]

    کمیٹی کے ترجمان کے مطابق سیکریٹری نے عام انتخابات سے متعلق کسی خوف یا خدشے کا اظہارنہیں کیا، سیکریٹری الیکشن کمیشن کا الیکشن التوا پر بیان حقائق کے برخلاف ہے، انتخابات میں رکاوٹ کی خبرمیں صداقت نہیں.

    یاد رہے کہ کل سیکریٹری الیکشن کمیشن بابر یعقوب کی جانب سے ایک بیان سامنے آیا تھا، جس میں‌ انھوں نے اندیشہ ظاہر کیا تھا کہ عالمی سطح پر پاکستان میں انتخابات کو سبوتاژ کرنے کی کوشش کی جائے گی۔

    البتہ اب سینیٹ کی داخلہ کمیٹی نے وضاحت جاری کی ہے کہ اس خبر میں‌ صداقت نہیں. سیکریٹری الیکشن کمیشن نے اس عزم کا اظہار کیا ہے کہ عام انتخابات وقت پرہوں گے، بابریعقوب نے صرف بلوچستان میں دہشت گردی کے خدشے کا اظہارکیا تھا.

    ترجمان کے مطابق اجلاس میں بلوچستان میں دوران الیکشن دہشت گردی کے ممکنہ حملوں پر اراکین نے اظہار تشویش کیا، سیکریٹری الیکشن کمیشن نے پولنگ ڈے پرسیکورٹی پر کمیٹی کوبریفنگ دی، سیکرٹری الیکشن کمیشن نے انتخابات 25 جولائی کو ہونے کی یقین دہانی کرائی.

    مزید پڑھیں: سیکریٹری الیکشن کمیشن نے عالمی قوتوں کی طرف سے انتخابات میں رکاوٹ کا خدشہ ظاہر کردیا

    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • انتخابات 2018: کاغذات نامزدگی کی جانچ پڑتال ایف آئی اے کی نگرانی میں ہوگی

    انتخابات 2018: کاغذات نامزدگی کی جانچ پڑتال ایف آئی اے کی نگرانی میں ہوگی

    اسلام آباد: الیکشن کمیشن آئندہ دو روز میں انتخابی شیڈول جاری کرے گا. شیڈول جاری ہونے کے چھ دن میں کاغذات نامزدگی جمع کرائے جائیں گے.

    تفصیلات کے مطابق الیکشن کمیشن دو روز میں شیڈول جاری کرے گا، کاغذات نامزدگی جمع ہونے کے بعد جانچ پڑتال اگلے آٹھ دن میں کی جائے گی.

    ذرائع الیکشن کمیشن کے مطابق اس بار کاغذات نامزدگی کی کڑی جانچ کا فیصلہ کیا گیا ہے، جانچ پڑتال میں پہلی بار ایف آئی اے کو شامل کیا گیا ہے.

    الیکشن کمیشن نے اسٹیٹ بینک، نیب، نادرا، ایف بی آر تک سائی حاصل کرلی ہے، ریٹرننگ افسران براہ راست کاغذات نامزدگی کی ان اداروں سے جانچ کرا سکیں گے.

    جانچ پڑتال کے بعد آئندہ سات دنوں میں اپیلیں نمٹائی جائیں گی، سیاسی جماعتوں کو انتخابی مہم کی لئے 28 دن دیے گئے ہیں، اس سے قبل سیاسی جماعتوں کو انتخابی مہم کے لئے 21 دن میسر تھے.

    اس بار عام انتخابات کے لئے 21 کروڑ سے زائد بیلٹ پیپر چھاپے جائیں گے، ملک بھر میں مجموعی طورپر 874 جنرل نشستوں پر انتخابات ہوں گے.

    رواں برس قومی اسمبلی کی 272 جنرل نشستوں پرانتخابات ہوں گے، پنجاب میں 297 جنرل نشستوں، سندھ میں 130 جنرل نشستوں، خیبرپختونخواہ میں 124 اور بلوچستان میں 51 جنرل نشستوں پرانتخابات منعقد ہوں گے.

    عام انتخابات 25 جولائی کو ہوں‌ گے، صدر ممنون حسین نے منظوری دے دی

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • عام انتخابات میں 10 کروڑ سے زائد افراد حق رائے دہی استعمال کریں‌ گے: الیکشن کمیشن

    عام انتخابات میں 10 کروڑ سے زائد افراد حق رائے دہی استعمال کریں‌ گے: الیکشن کمیشن

    اسلام آباد: الیکشن کمیشن نے انتخابی فہرستوں کو حتمی شکل دے دی، جن کے مطابق آئندہ انتخابات میں 10 کروڑ سے زائد افراد حق رائے دہی استعمال کریں گے۔

    تفصیلات کے مطابق الیکشن کمیشن نے ووٹرزکی تفصیلات جاری کردیں، ملک میں ووٹرز کی کل تعداد 10 کروڑ 59 لاکھ 55 ہزار407 ہے.

    ملک میں خواتین ووٹرزکی تعداد 4 کروڑ 67 لاکھ 31 ہزار145 ہے، جب کہ 5 کروڑ 92 لاکھ 24 ہزار262 مرد ووٹرز اپنا حق رائے دہی استعمال کریں‌ گے.

    الیکشن کمیشن کے اعداد وشمار کے مطابق پنجاب میں کل ووٹرزکی تعداد 6 کروڑ6 لاکھ 72 ہزار 868 ہے، پنجاب میں 2 کروڑ 69 لاکھ 92 ہزار876 خواتین اور 3 کروڑ 36 لاکھ 79 ہزار 992 مرد الیکشن میں‌ ووٹ ڈالیں گے.

    سندھ میں 2 کروڑ 23 لاکھ 91 ہزار 244 شہری ووٹ ڈالیں‌ گے، جن میں‌ مرد ووٹرز کی تعداد ایک کروڑ 24 لاکھ 36 ہزار844، جب کہ خواتین ووٹرزکی تعداد 99 لاکھ 54 ہزار400 ہے.

    خیبرپختونخواہ میں ووٹرزکی کل تعداد 1 کروڑ 53 لاکھ 16 ہزار299 ہے، مرد ووٹرز کی تعداد 87 لاکھ 5 ہزار831 اور خواتین ووٹرز کی تعداد 66 لاکھ 10 ہزار 468 ہے۔

    بلوچستان میں ووٹرزکی تعداد 42 لاکھ 99 ہزار 494 ہے، بلوچستان میں 24 لاکھ 86 ہزار 230 مرد اور 18 لاکھ 13 ہزار 464 خواتین اپنا حق رائے دہی استعمال کریں گے۔

    عام انتخابات میں فاٹا کے 25 لاکھ 10 ہزار 154 اور وفاقی علاقے میں 7 لاکھ 5 ہزار 348 ووٹرز الیکشن کے روز ووٹ ڈالیں گے۔

    الیکشن کمیشن کی صدر کو عام انتخابات کی تاریخ مقرر کرنے کی سمری ارسال

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • ملک کی تاریخ میں پہلی بار واٹر مارک بیلٹ پیپرزاستعمال کرنے کا فیصلہ

    ملک کی تاریخ میں پہلی بار واٹر مارک بیلٹ پیپرزاستعمال کرنے کا فیصلہ

    اسلام آباد : ملک کی تاریخ میں پہلی بار واٹر مارک بیلٹ پیپرز استعمال کرنے کا فیصلہ کیا گیا ہے، واٹر مارک کااسپیشل کاغذفرانس سےمنگوایا جائے گا۔

    تفصیلات کے مطابق آئندہ عام انتخابات کی تیاریاں حتمی مراحل میں داخل ہوگئی ہے، الیکشن کمیشن آف پاکستان نے  دھاندلی کی روک تھام  کی لئے ملک کی تاریخ میں پہلی بارواٹر مارک بیلٹ پیپرز استعمال کرنے کا فیصلہ کیا گیا ہے۔

    الیکشن کمیشن ذرائع کا کہنا ہے کہ واٹر مارک کااسپیشل کاغذفرانس سےمنگوایا جائے گا اور جون کے آخر میں واٹر مارک پیپرز فراہم کردیا جائے گا۔

    ذرائع کے مطابق انتخابات کیلئے 20کروڑ سے زائدبیلٹ پیپرز چھاپنے کا فیصلہ کیا گیا ہے، پرنٹنگ کارپوریشن، پوسٹل پرنٹنگ پریس کو ایڈوانس ادائیگی کردی گئی، یلٹ پیپرز کی خریداری کیلئے 61 کروڑ 73 لاکھ روپے پرنٹنگ پریس کو جاری کیے گئے ہیں۔

    ذرائع کا کہنا ہے کہ بیلٹ پیپرز کی چھپائی پرایک ارب 20کروڑاخراجات آئیں گے، جس میں سے پرنٹنگ پریس کارپوریشن کو 15 اور پوسٹل پرننٹگ کو 11 کروڑ روپے جاری کیے جائیں گے۔

    مزید پڑھیں : رجسٹرڈ ووٹرز کی تعداد 10 کروڑ سے تجاوز کرچکی ہے، الیکشن کمیشن

    یاد رہے اس ےسے قبل  الیکشن کمیشن آف پاکستان کا کہنا تھا کہ 73 لاکھ نئے ووٹرز کے اندراج کے بعد ملک بھر میں رجسٹرڈ وٹرز کی تعداد 10 کروڑ سے تجاوز کرچکی ہے، ، جن میں مرد ووٹرز کی تعداد 5 کروڑ 84 لاکھ 63 ہزار 228 جبکہ خواتین کی تعداد 4 کروڑ 58 لاکھ 353 تک ہے۔

    عوام کو سہولت فراہم کرنے کے لیے ای سی پی نے ملک بھر میں 15 ہزارکےقریب ڈسپلےسینٹرز قائم کیے ہیں جبکہ اس ضمن میں شہریوں کو ہدایت کی گئی ہے کہ وہ اپنے ووٹ کی 8300 سے بھی بذریعہ ایس ایم ایس سے بھی تصدیق کرسکتےہیں۔

    واضح رہے کہ جمہوری تسلسل کو برقرار رکھتے ہوئے ملک بھر میں عام انتخابات رواں سال منعقد کیے جائیں گے، اس سے قبل نگراں حکومت کا قیام عمل میں لایا جائے گا جس کے لیے حکومتی اور اپوزیشن کی جماعتوں نے مشاورت شروع کردی ہے۔

     

     

  • 29 اپریل کو مینار پاکستان پرعظیم الشان جلسہ ہوگا، جلد خسرو بختیار سے ملوں‌ گا: شاہ محمود قریشی

    29 اپریل کو مینار پاکستان پرعظیم الشان جلسہ ہوگا، جلد خسرو بختیار سے ملوں‌ گا: شاہ محمود قریشی

    اسلام آباد: پی ٹی آئی کے سینئر رہنما شاہ محمود قریشی نے کہا ہے کہ وہ 15 اپریل کو بلخ شیر مزاری اور خسروبختیار سے ملاقات کریں‌ گے.

    تفصیلات کے مطابق انھوں نے میڈیا سے بات کرتے ہوئے کہا کہ وہ جلد جنوبی پنجاب صوبہ کے عہدے داروں‌ سے مل کر انھیں‌ مشترکہ جدوجہد کرنے کے فیصلے سے آگاہ کریں گے.

    [bs-quote quote=”مینار پاکستان پر ہونے والا جلسہ پی ٹی آئی کی الیکشن مہم کا اغاز ہوگیا، جہاں‌ ہم اپنے مستقبل کالائحہ عمل بتائیں گے” style=”style-2″ align=”left” author_name=”شاہ محمود قریشی”][/bs-quote]

    شاہ محمودقریشی نے کہا کہ 45 دن کی مہمان حکومت 12 ماہ کا بجٹ نہیں دے سکتی، موجودہ حکومت نے بجٹ پیش کیا تواس کی مخالفت کریں گے، موجودہ حکومت اپنے 5 بجٹ پیش کرچکی ہے، چھٹے بجٹ کا کوئی جواز نہیں.

    ان کا کہنا تھا کہ ہم حکومت کے لئے مشکلات پیدا نہیں کرنا چاہتے، البتہ علی جہانگیر صدیقی کو واشنگٹن میں پاکستانی سفیر مقرر کرنا ایک غلط فیصلہ تھا، جس کی ہم مخالفت کریں‌ گے.

    شاہ محمودقریشی نے کہا کہ علی جہانگیر صدیقی کی تعیناتی کو تحریک انصاف مسترد کرتی ہے، انھیں‌ سفارت کاری کا تجربہ نہیں، نیب میں بھی کیسزچل رہے ہیں.

    انھوں نے کہا کہ 29 اپریل کو مینار پاکستان پرعظیم الشان جلسہ کرنے جارہے ہیں، جس میں عوام کا جم غفیر ہوگا، وہ جلسہ ہماری الیکشن مہم کا اغاز ہوگیا، جہاں‌ ہم اپنے مستقبل کالائحہ عمل بتائیں گے.

    شاہ محمودقریشی کا کہنا تھا کہ پہلی بارطاقتورکوعدالتی کٹہرے میں کھڑا کر کے احتساب لیا جا رہا ہے، تحریک انصاف احتساب کےعمل کوآگے بڑھانے کے لئے شانہ بشانہ ہے، آج وزیراعظم سےاپوزیشن لیڈرکی ایک گھنٹہ طویل ملاقات ہوئی، وزیراعظم نے واضح طور پر کہا فی الحال نگراں وزیر اعظم کے لیے ذہن میں کوئی نام نہیں.

    ن لیگ کا بحران شدت اختیار کرگیا، جنوبی پنجاب سے تعلق رکھنے والے آٹھ ارکان مستعفی

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

  • سینیٹ میں ایم کیو ایم کی نمائندگی کو سازش کے تحت کم کیا گیا‘ فاروق ستار

    سینیٹ میں ایم کیو ایم کی نمائندگی کو سازش کے تحت کم کیا گیا‘ فاروق ستار

    لاہور: ایم کیوایم پاکستان کے سربراہ ڈاکٹرفاروق ستارنے کہا ہےکہ موجودہ حکومت کی مدت پوری ہونے میں ایک ماہ رہ گیا ہے، 2018 کے الیکشن میں پنجاب سے بھرپور حصّہ لیں گے۔

    تفصیلات کے مطابق متحدہ قومی موومنٹ پاکستان کے سربراہ فاروق ستار پنجاب کے ایک روزہ تنظیمی دورے پر ہیں، فاروق ستار نے لاہور ایئرپورٹ پرمیڈیا سے گفتگو کرتے ہوئے کہا کہ متحدہ قومی موومنٹ کے اندر جو کچھ ہورہا ہے بہت افسوسناک ہے‘ سینیٹ میں ایم کیو ایم کی نمائندگی کو سازش کے تحت کم کیا گیا۔

    سربراہ ایم کیو ایم کا کہنا تھا کہ جلد ایسا فارمولا طے کرلیں گے جس سے آپس میں اتحاد قائم رکھ سکیں، میری کوشش ہے کہ پارٹی میں مزید دھڑےبندی نہ ہو۔

    فاروق ستار نے کہا کہ ایم کیو ایم کے کارکنان کی اچھی بات یہ ہے کہ لیڈرشپ میں دھڑے بندی کے باوجود آپس میں تقسیم نہیں ہورہے، متحدہ دھڑوں کے لیے تجویز ہے کہ کارکنوں میں پھیلنے والی گمراہی کو ختم کیا جائے۔ ان کا  کہنا تھا کہ موجودہ حکومت کی مدت پوری ہونے میں ایک ماہ رہ گیا ہے، اب پتنگ کٹ بھی جائے تو کوئی فائدہ نہیں ہوگا، انتخابات 2018 میں پنجاب میں بھرپور حصّہ لیں گے اور اپنے کارکنان میں سے امیدوارکھڑے کریں گے۔

    ان کا کہنا تھا کہ دوسری سیاسی جماعتوں کے لیے ایم کیو ایم کا ووٹ بینک اہمیت رکھتا ہے، اور ہم عوامی سیاست کے حامی ہیں اسی لیے انتخابی اتحاد کے لیے متعدد جماعتوں نے رابطہ کیا ہے۔

    فاروق ستار نے کہا کہ پاکستان میں مردم شماری کا مسئلہ بہت اہم ہے، سینیٹ میں ایم کیو ایم کی نمائندگی کو ایک سازش کے تحت کم گیا ہے، ہمیں عدالتی فیصلے کا انتظار ہے جو 11 اپریل کو آنا ہے۔

    سربراہ ایم کیو ایم پاکستان نے بتایا کہ وہ آج فیصل آباد کے دورے پر بھی جایئں گے جہاں وہ ورکز کنویشن میں خطاب کے دوران تنظیمی امور اور نئے عہدے داروں کے ناموں کا اعلان کریں گے۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

  • گالیوں پر تحمل کا مظاہرہ کرنے والے ججوں پر آفرین ہے، چودھری شجاعت حسین

    گالیوں پر تحمل کا مظاہرہ کرنے والے ججوں پر آفرین ہے، چودھری شجاعت حسین

    سرائے عالمگیر : مسلم لیگ ق کے صدر چودھری شجاعت حسین نے کہا ہے کہ گالی گلوچ پر بھی تحمل کا مظاہرہ کرنے والے ججوں پر آفرین ہے، فاضل جج چاہیں تو توہین عدالت کے مجرموں کو جیل بھیج سکتے ہیں،مجھے عام انتخابات ہوتے نظر نہیں آرہے۔

    ان خیالات کا اظہار انہوں نے تحصیل سرائے عالمگیر راجہ محمد اسلام ذمہ واریا کے کمیونٹی سینٹر کا افتتاح کرنے کے بعد میڈیا سے گفتگو کرتے ہوئے کیا۔

    چوھدری شجاعت حسین کا کہنا تھا کہ میں نے اپنی 45 سالہ سیاسی زندگی میں فوجی دور بھی دیکھے اور سویلین بھی، اپوزیشن میں رہا اور حکومت میں بھی لیکن ایسا گندا دور نہیں دیکھا جس میں جمہوریت کے نام پر جمہوریت کی مٹی پلید کی جا رہی ہو۔

    عدلیہ کو گالیاں نکالی جا رہی ہیں لیکن آفرین ہے ان ججوں پر جو ابھی تک صبر کا مظاہرہ کر رہے ہیں، انہوں نے کہا کہ فاضل جج چاہیں تو سوٹ پہن کرآنے والے توہین عدالت کے مجرموں کو6،6ماہ کیلئے مچھ جیل بھیج سکتے ہیں تاکہ وہاں سوٹوں میں اگلا موسم انجوائے کریں۔

    چوھدری شجاعت حسین کا کہنا تھا کہ اگر کسی کو کرپشن میں سزا ہوئی تو اس کے حق میں کسی نے بھی ہڑتالیں اور ہنگامے نہیں کیے۔

    ایک سوال کے جواب میں چوھدری شجاعت حسین کا کہنا تھا کہ مجھے2018 میں الیکشن ہوتے نظر تو نہیں آ رہے ہیں کیونکہ حلقہ بندیوں میں کافی گڑبڑ ہوئی ہے اگرالیکشن ہوئے بھی تو کسی سیاسی جماعت کے ساتھ اتحاد ہو یا نہ ہو ہم پوری قوم کے ساتھ لڑیں گے۔

     رہنماق لیگ نے مزید کہا کہ ہم کوئی اور بات کرنے کے بجائے پہلے پاکستان کی بات کرتے ہیں کیونکہ پاکستان ہے تو ہم سب ہیں، سینیٹ الیکشن میں ہارس ٹریڈنگ پر افسوس ہے، ملک انتشارکا متحمل نہیں ہوسکتا، تحمل اور رواداری میں ہی کامیابی ہے۔

    خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

  • روس کے صدارتی الیکشن، پیوٹن کا پلڑا چوتھی بار پھر بھاری

    روس کے صدارتی الیکشن، پیوٹن کا پلڑا چوتھی بار پھر بھاری

    ماسکو: روس میں نئے صدر کے انتخاب کے لیے پولنگ کا عمل اختتام پذیرہوگیا، صدر ولادی میر پیوٹن کے چوتھی بار ملک کے سربراہ منتخب ہونے کے قوی امکانات ہیں۔

    تفصیلات کے مطابق روس میں صدارتی انتخاب کے لیے صبح 8 بجے شروع ہونے والی پولنگ کا سلسلہ اختتام ہوگیا ہے، کچھ دیر بعد روس کے نئے صدر کا اعلان کیا جائے گا، صدر ولادی میر پیوٹن کے چوتھی بار ملک کے سربراہ منتخب ہونے کے قوی امکانات ہیں۔

    صدارتی انتخاب کے لئے ووٹنگ کا عمل صبح 8 بجے شروع ہوا تھا جو رات 8 بجے تک جاری رہا، روس کے صدارتی انتخابات میں صدر پیوٹن کے انتخاب میں 7 امیدواروں نے الیکشن لڑا ۔

    صدارتی انتخاب میں روس کی ایک ارب سے زائد افراد نے اپنا حقِ رائے دہی استعمال کیا، ووٹنگ کے دوران ووٹر ٹرن آؤٹ 70 فیصد تک رہنے کی توقع تھی جبکہ صدر پیوٹن نے دعویٰ کیا ہے کہ وہ ایک مرتبہ پھر روس کی عظیم سلطنت کے سربراہ منتخب ہوجائیں گے، کیوں کہ عوام مجھے ہی ’صدر کے فرائض انجام دینے کا حق دیں گے‘۔

    صدر ولادی میر پیوٹن کے مقابلے میں روس کے ارب پتی کمیونسٹ پاول گرودین، سابق ٹی وی انکر کسنیا شُبچک اور وٹیرین قوم پرست ولادی زیرینفسکی شامل ہیں۔

    یاد رہے کہ روس کے اہم اپوزیشن لیڈر الیکسی نوالنی کو دھوکہ دہی کے الزام کے باعث الیکشن میں حصّہ نہیں لینے دیا گیا، الیکسی نے عوام نے درخواست کی تھی کہ وہ اس الیکشن کا بائیکاٹ کردیں اور انہوں نے مبینہ طور پرپولنگ اسٹیشنز پر ہزاروں افراد بھی بھیجے تھے تاکہ الیکشن کے دوران انتشار پھیلایا جاسکے۔

    واضح رہے کہ 65 سالہ ولادی میر پیوٹن 1999 سے وزیر اعظم اور صدر کی حثیثت سے روس کی سربراہی کررہے ہیں۔

    پندرہ سو سے زائد عالمی مبصرین اور ہزاروں مقامی مبصرین صدارتی انتخاب کے لئے ووٹنگ کو بہت قریب سے دیکھ رہے ہیں جب کہ حکومت کی جانب سے صدارتی انتخاب کو شفاف بنانے کے لئے دعویٰ بھی کیا گیا ہے۔

    خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

  • ایم کیو ایم پاکستان کا صادق سنجرانی کو ووٹ دینے کا اعلان

    ایم کیو ایم پاکستان کا صادق سنجرانی کو ووٹ دینے کا اعلان

    چیئرمین سینیٹ کے الیکشن سے چند گھنٹے پہلے نمبرز گیم دلچسپ ہوگیا ہے، ایم کیو ایم نے پیپلز پارٹی کے حمایت یافتہ امید وار کو ووٹ دینے کا فیصلہ کیا ہے ۔

    تفصیلات کے مطابق چیئرمین سینیٹ اور ڈپٹی چیئرمین سینیٹ کے الیکشن سے قبل ووٹوں کا نمبرز گیم دلچسپ ہوچکا ہے، ایوان بالا(سینیٹ) کی کل 104 میں سے پاکستان مسلم لیگ ن اپنے تینتیس سینیٹرز کے ساتھ ایوان بالا میں پہلے نمبرپرموجود ہے جبکہ پیپلز پارٹی کے پاس اپنے 20 سینیٹرز ہیں۔

    با اثرذرائع کا کہنا ہے کہ اتحادیوں کے چودہ سینیٹرز، مسلم لیگ فنکشنل ایک اور فاٹا کا ایک آزاد سینیٹر بھی مسلم لیگ ن کی ٹیم میں شامل ہوگئے ہیں۔ جس کے بعد سینیٹ میں نمبرز گیم کے چارٹ پر مسلم لیگ  ن اور حامیوں نے 49 ووٹ پکے کرلیے ہیں۔ جبکہ عوامی نیشنل پارٹی نے بھی مسلم لیگ کی حمایت کا اعلان کردیا ہے۔

    دوسری طرف پاکستان پیپلز پارٹی نے تحریک انصاف اور بلوچستان کے آزاد سینیٹرز سے اتحاد بنالیا ہے،سینیٹ میں پیپلز پارٹی کے بیس، تحریک انصاف کے 13اور بلوچستان کے چھ اور فاٹا کے 08 آزاد سینیٹر اپوزیشن ٹیم کا حصّہ بن گئے ہیں‘ اور ابھی ابھی ایم کیو ایم نے بھی اپوزیشن اتحاد کے چیئرمین سینیٹ کو ووٹ دینے کا فیصلہ کیا ہے جس کے بعد اپوزیشن اتحاد میں شامل جماعتوں کے سینیٹرز کی تعداد53 ہوگئی ہے۔

    ایم کیو ایم کی جانب سے اعلان  کیا گیا ہے کہ چیئرمین سینیٹ کے لیےبلوچستان سے تعلق رکھنے والے صادق سنجرانی کو ووٹ دیں گے تاہم  پیپلز پارٹی سے تعلق رکھنے والے سلیم مانڈوی والا کو ووٹ نہیں دیا جائے گا۔

    پولنگ کے دوران چیئرمین و ڈپٹی چیئرمین کا انتخاب خفیہ رائے شماری سے کیا جائے گا۔ منتخب چیئرمین سینیٹ، ڈپٹی چیئرمین سے حلف لیں گے۔ خیال رہے کہ سینیٹ کے چیئرمین اور ڈپٹی چیئرمین کا انتخاب آج ہوگا۔ سینیٹ کے اجلاس میں آج نو منتخب سینیٹرز نے حلف اٹھالیا ہے۔

    صدرِ مملکت  نے سینیٹر یعقوب خان ناصر کو بطور پریذائیڈنگ افسر نامزد کیا تھا جس کے بعد انہوں نے نو منتخب ارکان سے حلف لیا۔ تقریب حلف برداری کے بعد سینیٹ اجلاس شام 4 بجے تک ملتوی کردیا گیا۔

    سینیٹ کا اجلاس شام 4 بجے دوبارہ ہوگا۔ دوپہر 12 بجے چیئرمین اور ڈپٹی چیئرمین کے لیے کاغذات نامزدگی جمع کروائے جائیں گے۔ دوپہر 2 بجے جانچ پڑتال کے بعد حتمی امیدواروں کا اعلان کیا جائے گا۔

    پریذائیڈنگ افسر نو منتخب چیئرمین اور ڈپٹی چیئرمین کے ناموں کا اعلان کریں گے۔ چیئرمین سینیٹ کا انتخاب جیتنے کے لیے امیدوار کو 53 ووٹ لینا لازمی ہوگا۔ ایوان میں پولنگ بوتھ قائم کر کے سینیٹ ارکان امیدوار کا انتخاب کریں گے۔

    خبر کے بارے میں اپنی رائے کا اظہار کمنٹس میں کریں‘ مذکورہ معلومات  کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں

  • آئندہ انتخابات میں کسی ایک پارٹی کو واضح اکثریت ملنا مشکل ہے:مرادعلی شاہ

    آئندہ انتخابات میں کسی ایک پارٹی کو واضح اکثریت ملنا مشکل ہے:مرادعلی شاہ

    سیہون: وزیر اعلیٰ سندھ مراد علی شاہ نے کہا ہے کہ وفاق میں اگلی حکومت تمام جماعتیں مل کر بنائیں گی ‘ آئندہ انتخابات میں کسی ایک پارٹی کو واضح اکثریت ملنا مشکل ہے۔

    تفصیلات کے مطابق وزیر اعلیٰ سندھ نے ان خیالات کا اظہار سیہون شریف میں میڈیا سے گفتگو کرتے ہوئے کیا، مراد علی شاہ کا کہنا تھا کہ چئیرمین سینیٹ کا فیصلہ پارٹی قیادت کرے گی، کسی بھی پارٹی کو یہ حق حاصل نہیں کہ وہ کسی اور پارٹی کے امیدوار کو نامزد کرے۔

    ان کا کہنا تھا کہ 2018 الیکشن کا سال ہے اور پیپلزپارٹی انتخابات کے لیے تیار ہے، خیبر پختونخوا میں پاکستان پیپلز پارٹی کی جڑیں مضبوط ہوتی جارہی ہیں۔

    حلقہ بندیوں کے معاملے پرمرادعلی شاہ کا کہنا تھا کہ پاکستان پیپلز پارٹی عوامی حق میں ہونے والے فیصلے کی حمایت کرے گی، سندھ کے عوام تحریک انصاف کو کبھی تسلیم نہیں کریں گے۔

    سید مراد علی شاہ کا کہنا تھا کہ واٹر کمیشن کو بنے ہوئے ایک سال ہوا ہے، صوبہ سندھ میں آبی قلت کو ختم کرنے کےلیے مستقل منصوبے بنا رہے ہیں جبکہ منچھر جیل کے فلٹر پلانٹ کو جلد فعال کیا جائے گا۔

    وزیر اعلیٰ سندھ کا مزید کہنا تھا کہ سندھ حکومت نے ارسا کو پہلے ہی سندھ میں پیدا ہونے والی آبی قلت کے حوالے سے پانی کو ذخیرہ کرنے کی تجویز دی تھی مگر ارسا نے ہماری تجویزات پر عمل نہیں کیا۔

    آئندہ انتخابات کےحوالے سے وزیراعلیٰ سندھ کا کہنا تھا کہ ’’ آئندہ انتخابات میں کسی ایک پارٹی کو واضح اکثریت ملنا مشکل دکھائی دے رہا ہے‘ انتخابی صورتحال کے پیشِ نظر کہہ سکتا ہوں کہ  وفاقی سطح پر حکومت سازی کے لیے تمام جماعتوں کو مل کر اتحاد بنانا ضروری ہوگا۔

    خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں