Tag: election 2024

پاکستان مسلم لیگ ن کے قائد اور سابق وزیراعظم نے پارٹی انتخابی مہم میں 22 جنوری سے حصہ لینے کا فیصلہ کیا ہے۔

اے آر وائی نیوز کو ذرائع سے ملنے والی اطلاعات کے مطابق پاکستان مسلم ن کے قائد نواز شریف 22 جنوری سے پارٹی کی انتخابی مہم میں حصہ لیں گے اور پہلا انتخابی جلسہ مانسہرہ میں ہوگا جہاں وہ خطاب کریں گے۔

پارٹی ذرائع کا کہنا ہے کہ ن لیگ کی چیف آرگنائزر مریم نواز بھی مانسہرہ جلسے میں نواز شریف کے ہمراہ ہوں گی۔

ذرائع نے بتایا کہ اس جلسے کی کامیابی کے لیے ن لیگی رہنما کیپٹن (ریٹائرڈ) صفدر اور سردار یوسف کو ٹاسک دے دیا گیا ہے۔

واضح رہے کہ نواز شریف دو حلقوں لاہور اور مانسہرہ سے قومی اسمبلی کا انتخاب لڑ رہے ہیں اور ان کے کاغذات نامزدگی منظور ہو چکے ہیں۔

پاکستان پیپلز پارٹی کے چیئرمین بلاول بھٹو زرداری نے کہا ہے کہ سینیٹ کیا اقوام متحدہ سے بھی قرارداد پاس کرا لیں، الیکشن 8 فروری کو ہی ہوں گے۔

اے آر وائی نیوز کے مطابق سپریم کورٹ میں سابق وزیراعظم ذوالفقار علی بھٹو کی سزائے موت کے خلاف صدارتی ریفرنس کی سماعت کے بعد عدالت عظمیٰ کے باہر میڈیا سے گفتگو کرتے ہوئے بلاول بھٹو نے کہا کہ چیف جسٹس نے بھی کہا ہے 8 فروری کی تاریخ پتھر پر لکیر ہے۔ 4،3 سینیٹرز اٹھ کر کہہ دیں کہ الیکشن نہیں ہوں گے تو سینیٹ کی قرارداد میں زیادہ وزن ہے یا چیف جسٹس کی بات میں۔ اب کوئی بہانہ نہیں چلے گا۔ سینیٹ کیا اقوام متحدہ سے بھی قرارداد پاس کرا لیں، تب بھی الیکشن 8 فروری کو ہی ہوں گے۔

پی پی چیئرمین نے کہا کہ جو آج ہو رہا ہے، ماضی میں اس سے بھی برا ہوتا رہا ہے۔ جتنے فارم اس الیکشن میں مسترد ہوئے اس کا موازنہ 88 کے الیکشن سے کر لیں برابر ہی ہیں۔ ہم پاکستان کی سیاست، حکومت اور معاشرے میں بہت بہتری لانا چاہتے ہیں۔ ہمیں سب کے ساتھ مل کر کام کرنا پڑے گا، اسٹیک ہولڈرز کو اپنی غلطیاں ماننی چاہئیں۔

ان کا کہنا تھا کہ اس وقت میں تمام سیاسی جماعتوں سے مقابلہ کر رہا ہوں، ہم نے ن لیگ کو ان کی اپنی نشست پر شکست دی ہے۔ پی ٹی آئی کو شکست دے کر ملتان اور کراچی کا ضمنی الیکشن جیتا۔ ہم نے ہمیشہ تیر پر الیکشن لڑا اور آج تک لڑ رہے ہیں جب کہ بلے کا نشان تو پہلے کبھی تھا ہی نہیں۔ الیکشن کمیشن کی جانب سےزبردستی بلا دلوایا گیا۔

بلاول بھٹو نے مزید کہا کہ آج تک پی ٹی آئی کا مقصد یہی ہے میں کھیلوں گا تو کسی اور کو نہیں کھیلنے دوں گا۔ بانی پی ٹی آئی نے جو سیاست میں شروع کی اب وہ خود بھگت رہے ہیں۔ وہ کہتے تھے سب چوروں کو چوک پر پھانسی دے دو، 200 بندوں کو مروا دیں تو نظام ٹھیک ہو جائے گا، بانی پی ٹی آئی کو اپنے موقف میں تبدیلی لانا ہو گی اور انہیں توبہ کرنا ہوگی۔ انہوں نے اگر گناہ کیا تو ہے جیل میں ہونا چاہیے ورنہ نہیں۔

انہوں نے کہا کہ پی پی نے کراچی اور حیدرآباد سے حال ہی میں بلدیاتی الیکشن جیتے ہیں۔ پیپلز پارٹی نے اپنا منشور دے دیا ہے امید ہے ہم حکومت بنا سکیں گے۔ کے ایم سی حکومت سمیت صوبائی اور وفاقی حکومت بھی ساتھ ہو گی، امید ہے کراچی کےعوام اس بار پیپلز پارٹی کو ضرور موقع دیں گے۔

بلاول بھٹو نے کہا کہ جس طریقے سے قائدعوام کا فیصلہ کروایا گیا وہی طریقہ بار بار چلتا آ رہا ہے۔ یہ موقع ہے کہ ہم تاریخ کو درست کریں ایسے تمام دروازوں کو ہمیشہ کیلیے بند کیا جائے۔ امید ہے چیف جسٹس قاضی فائزعیسیٰ سمیت دیگر ججز ضرور انصاف کے مطابق فیصلہ دیں گے۔

8 فروری کو شیڈول عام انتخابات کے لیے پاکستان پیپلز پارٹی نے بلوچستان سے قومی اسمبلی کی 16 اور 51 صوبائی نشستوں پر امیدواروں کا اعلان کر دیا ہے۔

بلاول ہاوس کے میڈیا سیل کے جاری کردہ اعلامیے کے مطابق پیپلز پارٹی نے بلوچستان سے قومی اسمبلی کے لیے 12 جب کہ صوبائی اسمبلی کے لیے 42 امیدواروں کو پارٹی ٹکٹ جاری کر دیے گئے ہیں۔

بلوچستان سے قومی اسمبلی کے حلقہ این اے 251 سے عبدالباقی مردانزئی، این اے 252 سے اسرار ترین، این اے 254 سے غلام فرید رئیسانی پیپلز پارٹی کے امیدوار ہوں گے۔

این سے 256 سے میر عبدالرحمان زہری، این اے 257 سے عبدالوہاب بزنجو، این اے 259 سے حاجی ملک شاہ گورگیج، این اے 261 سے نواب ثنا اللہ زہری اور این اے 262 سے حاجی رمضان اچکزئی الیکشن میں حصہ لیں گے۔

اس کے علاوہ این اے 263 سے روزی خان کاکڑ، این اے 264 سے نوابزادہ جمال رئیسانی، این اے 256 پر خان محمد ترین اور این اے 266 سے نذر محمد کاکڑ پیپلز پارٹی کے ٹکٹ پر الیکشن لڑیں گے۔

بلوچستان اسمبلی کی نشست پی بی 1 سے سردار عبدالرحیم، پی بی 4 سے سردار محمد حنیف موسیٰ خیل، پی بی 5 سے شمس الدین حرمزئی، پی بی 8 سے سردار سرفراز ڈومکی، پی بی 9 سے میر نصیب اللہ، پی بی 10 سے سرفراز بگٹی، پی بی 11 سے نوابزادہ سیف اللہ مگسی اور پی بی 12 پر حاجی مولا دادا پی پی کے امیدوار ہوں گے۔

پی بی 13 پر میرصادق عمرانی، پی بی 14 پر سردار غلام رسول عمرانی، پی بی 16 پر میر چنگیز جمالی، پی بی  17 سے سردار فیصل جمالی، پی بی 18 سے نواب ثنا اللہ زہری، پی بی 19 سے آغا شکیل درانی، پی بی 21 سے علی حسن زہری، پی بی 22 سے محمد حسن جاموٹ اور پی بی 23 سے عبدالقدوس بزنجو پی پی ٹکٹ پر الیکشن میں حصہ لیں گے۔

پی بی 32 پر میر ظہور بلیدی، پی بی 27 سے میرعبدالرؤف رند، پی بی 28 سے میر اصغررند، پی بی 29 سے میر کفایت اللہ،  پی بی 30 سے آغا شاہ حسین، پی بی 32 سے عارف محمد حسنی، پی بی 35 پر نوابزادہ نعمت اللہ اور پی بی 37 پر سردار نور احمد بنگلزئی تیر کے نشان سے الیکشن لڑیں گے۔

پی بی 38 پرعبدالشکور کاکڑ، پی بی 39 سے محمد شریف خلجی، پی بی 41 سے نور الدین کاکڑ، پی بی 44 سے عبید گورگیج، پی بی 45 سے علی مدد جتک، پی بی 47 سے عبدالحکیم کاکڑ، پی بی 49 سے سید جمال عبدالناصر اور پی بی 51 سے اکبر خان اچکزئی پی پی کے امیدوار ہوں گے۔