پشاور: الیکشن کمیشن نے خیبر پختونخواہ میں بلدیاتی انتخابات کے التواء کے لئے سپریم کورٹ رابطہ کر نے کا فیصلہ کیا ہے۔
قائم مقام چیف الیکشن کمشنر انور ظہیر جمالی کی صدارت میں الیکشن کمیشن ا جلاس الیکشن کمیشن میں ہوا۔ اجلاس میں خیبر پختونخواہ میں بلدیاتی انتخابات کی تیاریوں کا جائزہ لیا گیا، الیکشن کمیشن کے مطابق بائیو میٹرک سسٹم کے تحت خیبر پختونخواہ میں بلدیاتی انتخابات ستمبر دو ہزار پندرہ سے قبل ممکن نہیں، جبکہ بائیو میٹرک سسٹم کے بغیر بھی صو بے میں بلدیاتی انتخابات اپریل تک ہی ممکن ہو سکیں گے۔
الیکشن کمیشن نے وزیر اعلی سندھ قائم علی شاہ کے حلقہ انتخاب پی ایس انتیس خیرپور کے تیرہ ہزار تین سو ارسٹھ ووٹ جعلی قرار دے دیے۔
نادرا نے پی ایس انتیس خیر پور سے متعلق نادار کی تصدیقی رپورٹ جاری کردی، نادرا رپورٹ کے مندرجات اے آروائی نیوز نے حاصل کرلیے، نادرا کی تصدیقی رپورٹ کے مطابق پی ایس انتیس کے کل چھیاسی ہزار چورانوے ووٹ تصدیق کے لیے بھیجے گئے ، جن میں سے صرف سولہ ہزار چھہ سو سینتالیس ووٹ درست قرار پائے گئے۔
رپورٹ میں کہا گیا ہے تیرہ ہزار تین سو ارسٹھ ووٹ فنگر پرنٹ میچ نہ ہونے پر جعلی قرار دیے گئے،جبکہ چھپن ہزار اناسی ووٹوں کی تصدیق ہی نہ ہوسکی،رپورٹ میں کہا گیا ہے کہ ووٹوں کی تصدیق نہ ہونے کی وجہ غیر معیاری سیاہی کا استعمال ہے۔
اسلام آباد: خیبرپختونخوا حکومت نے الیکشن کمیشن سے صوبے میں بلدیاتی انتخابات کا شیڈول جاری کرنے کا مطالبہ کا دیا ہے۔
خیبرپختونخوا کے سینیئر وزیر عنایت اللہ خآن نے خیبرپختونخوا اسمبلی میں بیان دیتے ہوئے کہا کہ صوبائی حکومت بلدیاتی انتخابات کے لئے تیار ہے اور الیکشن کمیشن کو آگاہ بھی کردیا ہے کیونکہ انتخابات کروانا حکومت کا نہیں الیکشن کمیشن کا کام ہے۔
ان کا کہنا تھا کہ صوبائی حکومت نے بائیومیٹرک سسٹم کے تحت انتخآبات کروانے کی درحواست کی ہے جس کے لئے الیکشن کمیشن کو فنڈز دینے کے لئےبھی تیار ہیں عنایت اللہ خان کا کہنا تھا کہ الیکشن کمیشن نے صوبائی حکومت کی حلقی بندیوں کو بھی قبول کرلیا ہے۔
اسلام آباد: الیکشن کمیشن نے پنجاب اورسندھ میں حلقہ بندیوں سمیت بلدیاتی انتخابات کی تیاریاں شروع کردیں ہیں۔
الیکشن کمیشن نے سیکریٹری بلدیات پنجاب کو اپنے مراسلے میں آگاہ کیا ہے کہ نئے قانون کے مطابق بلدیاتی حلقہ بندیاں الیکشن کمیشن آف پاکستان کی ذمہ داری ہے لہذا حلقہ بندیوں کیلئے یونین کونسل ، وارڈ اور نقشوں کی تفیصلات فرا ہم کی جائیں۔
الیکشن کمیشن نے سیکریٹری بلدیات کو اپنے خط میں ہدایت کی کہ صوبائی الیکشن کمیشن کو یہ تفصیلات جلد ازجلد فراہم کی جائیں تاکہ حلقہ بندیوں کا عمل شروع ہو سکے، ذرائع کے مطابق سندھ اور پنجاب میں حلقہ بندیوں کیلئے چھ ماہ کا وقت درکارہےاور بلدیاتی انتخابات جولائی دوہزار پندرہ سے قبل ممکن نہیں، خیبرپختوانخوا میں بلدیاتی انتخابات آئندہ سال مارچ میں پرانی حلقہ بندیوں پر کرائے جانے کا امکان ہے۔
اسلام آباد: الیکشن کمیشن آف پا کستان نے اپنی رپورٹ میں کہا ہے کہ دوہزار تیرہ کے عام انتخا بات میں ملک بھر میں کم از کم بیس حلقوں میں بھر پور یا جزوی دہاندلی کی گئی ۔
الیکشن کمیشن آف پاکستان نے اپنی رپورٹ میں کہاہے کہ ملک کے بیس حلقوں میں دو ہزار تیرہ کے عام انتخا بات میں منظم یا جزوی دھاندلی ثابت ہوگئی، تسلیم شدہ دھا ندلی زدہ حلقوں میں قومی اسمبلی کے سات، اور صوبائی اسمبلیوں کے تیرہ حلقے شامل ہیں الیکش کمیشن نے بیس میں سے پانچ میں دوبارہ پولنگ اورایک حلقے میں دوبارہ گنتی کا حکم دیا ہے، دھا ندلی کرنے پر جن امیدواروں کو نا اہل قرار دیا گیا ہے ان میں مسلم لیگ نواز کے دیوان عاشق حسین ،پیپلز پا رٹی کے عبدالستار راجپڑ اور آزاد امیدوار چو ہدری یوسف جو بعد ن لیگ کا حصہ بنے شامل ہیں۔
یہ رپورٹ ایسے موقع پر سامنے آئی ہے جب پی ٹی آئی دھا ندلی کیخلاف اسلا م آباد میں دھرنا اور پو رے ملک میں احتجا جی جلسے کر رہی ہے، اب الیکشن منعقد کرانے کے ذمہ دار ادارے کی جانب سے جا ری جا ری رپورٹ پی ٹی آئی کی دہا ندلی کیخلاف تحریک کوجلا بخشنے میں ایندھن کاکم کرے گی وہیں اس بات کا بھی قوی امکان ہے کہ حکمران اسے بھی مٹی پاو تےروٹی کھاو کے آزمودہ نسخے پر عمل کر یں گےاور نئی قانونی مو شگا فیوں کا سہا را لیتے ہو ئے معاملہ التوا میں ڈا لنے اپنی سی بھر پور کو شش کریں گے۔
اسلام آباد: الیکشن کمیشن اور نادرا نے ہرحلقے میں ووٹوں کی تصدیق ممکن قرار دے دی، الیکشن کمیشن کو با اختیار بنا نے کے لئے سمری تیار کر لی گئ، منظوری کے بعد الیکشن کمیشن آزادانہ حلقہ بندیاں کر سکے گا۔
انتخابی اصلاحاتی کمیٹی کا اجلاس ہوا جس میں کئی باتوں پر اتفاق کیا گیا، انتخابی اصلاحاتی کمیٹی کے اجلاس میں نادرا حکام بولے نادرا کے لیے انگھوٹوں کے نشان کی تصدیق کوئی مسئلہ ہی نہیں، کسی بھی حلقے کے ووٹ کی تصدیق ممکن ہے ۔
سیکریٹری الیکشن کمیشن اشتیاق احمد نے کہا کہ سیاہی کوئی بھی استعمال ہو ووٹوں کی تصدیق ممکن ہے، ساتھ ہی انہوں نے شکوہ بھی کیا کہ ساڑھے سات لاکھ ریٹرننگ افسران کے خلاف شکایت پر الیکشن کمیشن کوئی کارروائی نہیں کر سکتا کیونکہ پارلیمنٹ نے قانون سازی ہی نہیں کی، ان کا کہنا تھا کہ آر اوز الیکشن کمیشن کے کنٹرول میں نہیں دیے گئے ۔
سیکریٹری الیکشن کمیشن نے بتایا کہ پرنٹنگ کارپویشن حکام نے تردید کی ہے کہ اردو بازار سے بیلٹ پیپرچھپوائے گئےالبتہ نمبرنگ کیلئے اڑتالیس لوگ بلائے گئے تھے۔ انہوں نے بتایا کہ ایک ایک بیلٹ پیپر کا حساب موجود ہے سیکرٹری الیکشن کمیشن نے بتایا کہ سیاسی جماعتوں کے مطالبے پرعدلیہ سے رٹیرننگ افسران لیئے گئے اور ان پر الیکشن کمیشن کے کنٹرول نہیں ۔ انہوں نے بتایا کہ مقناطیسی یا عام سیاسی کا کوئی مسلہ نہیں نادرا نے کبھی نہیں کہا کہ انگوٹھوں کے نشان کی تصدیق ممکن نہیں نادرا نظام قابل فہم انگوٹھوں کی تصدیق ہر وقت کر سکتا ہے۔
اسلام آباد: الیکشن کمیشن نے آئندہ عام انتخابات میں عدلیہ سے ریٹرننگ افسران نہ لینے کا فیصلہ کیا۔
الیکشن کمیشن آف پاکستان کا اجلاس قائم مقام چیف الیکشن کمشنر کی صدارت میں ہوا، جس میں فیصلہ کیا گیا کہ آئندہ عام انتخابات بائیو میٹرک سسٹم متعارف کرانے کیلئے قانون سازی ضروری ہے ساتھ ساتھ یہ فیصلہ بھی کیا گیا کہ عام انتخابات میں ریٹرنگ افسران عدلیہ کے بجائے بیو رو کریسی سے لئے جائیں گے ۔
عدلیہ کے بجا ئے بیورو کریسی سے ریٹرنگ افسران لئے جا نے کا فیصلہ گذشتہ عام انتخا بات میں آر اوز پر شدید تنقید کے بعد کیا گیا ہے، جبکہ ماضی میں بھی بیو روکریسی عام انتخا بات میں کلیدی کردار ادا کرتی رہی ہے اور ان پر بھی دھا ندلی کے الزاما ت عائد کیئے جاتے رہے ۔
اسلام آباد: ترجمان نادر ا نے کہا ہے کہ الیکشن ٹربیونل کے ا حکامات کے تابع ہے، انگوٹھوں کے نشانات کی تصدیق کا پوراعمل نیک نیتی سے بغیر کسی کی خوشنودی یا خوف کے جاری ہے۔
ترجمان نادرا کا کہنا ہے کہ تحریک انصاف نادرا کو غیر ضروری دباوٴ میں لانے اور عدا لتی معاملات پر اثر اندازہونے سے اجتناب کرے۔نادرا انگوٹھوں کی تصدیق پر مبنی انتیس حلقوں کی رپورٹ متعلقہ الیکشن ٹر بیو نلز میں جمع کراچکا ہے، نادرا نے الیکشن ٹربیونلز کے جج کی موجودگی میں انگوٹھوں کی تصدیق پر مبنی رپورٹ کا نہ صرف دفاع کیا بلکہ درخواست گزار نے بھی اس پر تسلی کا اظہار کیا۔
ترجمان نے کہا ہے کہ نادرا کی جانب سے جمع کرائی گئی رپورٹ حتمی فیصلہ نہیں ہے بلکہ صرف حقائق کی نشاندہی ہے، اس رپورٹ میں کسی امیدوار کو نہ تو ذمہ دار ٹہرایا گیا ہے اور نہ کسی کو بری الذمہ قرار دیا گیا ہے، حتمی فیصلہ کرنا الیکشن ٹربیونل کے دائرہ اختیار میں ہی ہے، الیکشن ٹربیونل قانون کے تحت نادرا کی رپورٹ یا کسی اور شہادت یا ثبوت کو مدنظررکھ کے کوئی نتیجہ اخذ کرے، نادرا ایک بین الاقوامی شہرت کا حامل ادارہ ہے جس نے ہر میدان میں اپنی شفافیت برقرار رکھی ہے۔
اسلام آباد: الیکشن کمیشن نے دو ہزار تیرہ کے انتخابات میں انتخابی دھاندلیوں کے حوالے سے حقائق نامہ تیار کر نے کا فیصلہ کر لیا۔
سیکریٹری الیکشن کمیشن نے دو ہزار تیرہ کے انتخابی دھا ندلیوں کے تمام الزامات مسترد کر دیئے، سیکریٹری الیکشن کمیشن اشتیاق احمد خان کا کہنا تھا کہ الیکشن کمیشن کےاجلاس میں حقائق نامہ تیار کیا جائیگاجبکہ جائزہ رپورٹ میں تفصیلات جاری کیاجاچکاہے،اس حوالے سے سیکریٹری الیکشن کمیشن کا کہنا تھا کہ حقائق نامہ پارلیمانی کمیٹی کےسپرد کردینگے۔
انہوں نے بتایا کہ انتیس ستمبر کو حقائق نامہ جاری کر دیا جائے گا، الیکشن کمیشن کے اجلاس میں پرنٹنگ پریس ،نادرا ،پی سی ایس آئی آر کے حکام بھی طلب کر لیئے گئے جبکہ کمیشن نے اجلاس میں مقناطیسی سیاہی پر رپورٹ بھی طلب کر لی، سیکریٹری الیکشن کمیشن کے مطابق عام انتخابات میں مقنا طیسی سیاہی کی فراہمی اوراسکے استعمال کے حوالے سے تفصیلات اکھٹی کی جا رہی ہیں۔
اسلام آباد: الیکشن کمیشن نے انتخابی اصلاحات پرعمل درآمد شروع کردیا ہے، آئندہ انتخابات میں الیکٹرانک ووٹنگ مشینوں اوربائیو میٹرک سسٹم کے استعمال کاجائزہ لینے کے لئے کمیشن نے تیس ستمبر کو بھی اہم اجلاس طلب کرلیا۔
الیکشن کمیشن کا کہنا ہے کہ اس اجلاس میں الیکٹرانک مصنوعات تیار کرنے والی کمپنیاں الیکشن کمیشن اور متعلقہ اداروں اور محکموں کو بریفنگ دیں گی، الیکشن کمیشن نے گیار کمپنیوں کو بریفنگ کے لئے طلب کیا ہے،الیکشن کمیشن کے مطابق انتخابات کےدیگر سٹیک ہولڈرز اداروں بشمول نادرا، ایف بی آر، اسٹیٹ بینک، پی سی ایس آئی آر اوردیگر اداروں سے بھی مدد حاصل کرنے کے لئے بریفنگ لی جائے گی الیکشن کمیشن ان اداروں سے رابطہ میں ہے۔