کراچی : تحریک انصاف نے کراچی میں الیکشن آفس کے اطراف رینجرز تعینات کرنے کی درخواست دیدی ہے۔اے آرائی نیوز نے درخواست کی کاپی حاصل کرلی ۔
تفصیلات کے مطابق تحریک انصاف نے حلقہ این اے دوسو چھیالیس کی الیکشن مہم کے دوران کسی بھی ممکنہ تصادم کے پیش نظر الیکشن آفس کے اطراف رینجرز تعینات کرنے کی درخواست دیدی ہے۔
درخواست کی کاپی اے آر وائی نیوز نے حاصل کرلی۔ جس میں پی ٹی آئی نے کہا ہے کہ مخالفین الیکشن کیمپ پر دوبار ہ دھاوا بول سکتے ہیں لہذا انہیں سیکیورٹی فراہم کی جائے۔
درخواست میں الیکش کمیشن سے استدعا کی گئی ہے کہ پولنگ کے دن الیکشن آفس کے اندر اور باہر فوج اور رینجرز کوبھی تعینات کیا جائے۔
ادھر کرایم آباد میں پی ٹی آئی کے الیکشن آفس میں عمران اسماعیل کی آمد سے پہلے بم ڈسپوزل اسکواڈ نے پی ٹی آئی کے کیمپ آفس کی سرچنگ کی۔